مشاهدة النسخة كاملة : من تختارين يحضر معاج؟؟؟
عروس قديمه
19/12/2002, 03:44 AM
السلام عليكوووووووووو...
:)
حابه اعمل استفتاء..واعتقد انه موضوع مشوق ومهم...
انتي يوم ولادتج...من تختارين يحضر معاج الولاده....
وليش؟؟
هل تفضلين حضور الزوج؟؟وليش؟؟:)
scorpios_soul
19/12/2002, 06:34 AM
اختي عروس قديمة.............أحييك موضوع متجدد:)
أنا أظن ان أغلب البنات تفضل أن الأم تكون معها بسبب الدعم المعنوي
اللذي تقدمه الأم................بعدين الأم أكيد صاحبة خبرة في الموضوع
أما الزوج فأنا سمعت كثير ان بعض الأزواج اما بتصيبه حاله من النفور
من زوجته......و بعضهم يقرر عدم الخلفة مجددا كي لا يضع زوجته بمثل
هذا الألم(a)..........و البعض........لا يتحمل الوضع و يسارع بالخروج:mad:
و قديما......عند مش متأكدة أي من الشعوب كانو بغصبو الزوج ان يحضر
عملية الولادة........كي يشعر بما تعاني زوجته...و البعض الاخر كان
يضرب بحجة انه يقاسم زوجته الالم...........:s
وعادة الزوج ما بكون مستعد لمثل هذا الموقف على عكس الأمهات
اللاتي يكن مستعدات لبذل الغالي و الرخيص من أجل فلذات أكبادهن;)
عطر الحب
19/12/2002, 02:16 PM
اولا ربنا يقومك بالسلامه ان شاء الله......
و ثانيا...
المساله تعتمد على مدى قربك انت و الزوج او انت و الام حيث ان هناك ازواجا علاقتهم فاتره الى حد كبير او ينقصها الجانب المعنوي ......
و هناك العكس ايضا و في حاله التقارب الروحي بين الزوج و الزوجه فانا انصح بتواجده معها لان هذه اللحظه تعمق العلاقه الى حد كبير و تشعره هو بالاخص عن مدى صعوبه ما تتكبده و تتحمله من اجله و من اجل حياتهما و في هذه الحاله تتطور العلاقه الزوجيه و تقوى جدا و يصبحوا اكثر ترابطا و تفاهما ,,كما ان هذه اللحظه تسرع بشعوره بالابوه .........
و على فكره انا لمست هذا الامر من اقاربي و بالفعل العلاقه بينهم اصبحت رائعه بعد تلك اللحظه.......
اما بالنسبه للام فبالطبع لا اختلاف فيها و لكن اتصور ان وجود الزوج سيكون له احساس اخر .....
و في النهايه ربنا يقومك بالسلامه و يرزقك بزريه صالحه
fatma
19/12/2002, 03:47 PM
طبعا الام ولا تخلين زوووجج يكوووون معاج ترى الزوج ينفر من المراه كثير :s
عطر الحب
19/12/2002, 06:19 PM
ينفر؟؟؟؟؟؟؟؟؟؟؟؟؟؟
بصراحه منطق غريب
DARK ANGEL
19/12/2002, 06:51 PM
هلا بالغاليه ......
أولا الله يسهل عليج.....
وبالنسبه لي جربت الوالده
لكن ولله الحمد كانت وااايد
تعبانه لأنها ما تحملت تشوفني
أتألم( فديت ماما والله ) :)
علشان كذا راح آخذ ريلي .....
وبعدين ليش الرياييل ينفرون؟؟؟؟
والله شيء عجيب.....
ينفر ولا ما ينفر.....
بدخله وياي....
وخلهم يعانون شوي من اللي الحرمة تعانيه....
ريحانة
19/12/2002, 07:45 PM
السلام عليكم ورحمة الله وبركاته وبعد
مع ان الأمر لسى بدري عليه لكني أتمنى وجود الاثنين معا الله يخليهم لي : أمي وزوجي
أمي عشان تقرأ علي وتدعي لي أما زوجي عشان يرفع معنوياتي وعلى فكرة أمي دايما تنصح أخواتي وزوجات أخواني بدعاء هام تردده عند الولادة وهو اللهم يا خالق النفس من النفس نجِّها أو خلصها والولادة تصبح سهلة جدا بفضل الله بس بالنسبة لمن تعتقد بذلك أما التي لا تعتقد بأهمية الدعاء وليس لديها يقين بالإجابة فلن يفيدها الدعاء.
والسلام عليكم ورحمة الله وبركاته
ريحانة
fatma
19/12/2002, 09:56 PM
يااخواتي العزيزات انا قصدي من هذا الكلام انه مايشوف جسمها وهو في هذا الوضع عشان مايفكر في هذا الشي ويجز زوجته اما اذا كان معاها من جهة الراس فهذا افضل يعني يهديها ويشد من ازرها ويقر عليها ايات الله وجووووود الام مفرووووووووض منه لا محاله ;)ومايعوضه وجووود اين كاااااااان وسلاااااااامتكم :)
رومانسيه
19/12/2002, 10:05 PM
دائما منوره قسم القضايا الاجتماعيه بمواضيعج الحلوه...
تدرين وجود الام و الزوج في يوم الولاده واي مهم..
بس وجود الام اهم..و انا ما نصح بوجود الزوج..طبعا مب عن نجربه شخصيا لانه تو
الناس عليا..بس من السوالف اللي اسمعها..
وايد ريايل طلقوا حريمهم او هجروهم عقب الولاده...بعض الازواج ينفرون من منظر
المراه و هو تولد..
بس بعد يعتمد على طبيعه الزوج نفسه و مدى تقارب الزوجين..
بصراحه انا اتمنى يوم اولد يكون زوجي معاي..بس ما اعتقد اني باطبق هالشي..
اخاف...تلوع جبده و ينفر مني...
ام نوره
20/12/2002, 05:40 AM
غاليتي عروس قديمة
أنا و حسب ما سمعت والله أعلم إنه يفضل أن تكون الأم ... وليس الزوج ... مرة سمعت شيخ بالتلفزيون بس والله ماني ذاكرة من كان بالضبط لأنه من زمان ... وحده قالتله إنها بالغربة وعلى وشك ولادة و مافي معاها إلا زوجها فإذا يصير و لا لأ ... فقال لها يفضل أن تكون الأم ... وإن لم تكن موجودة إحدى النساء المقربات من العائلة و إن لم يوجدن فالزوج ولكن لا يحبذ لأنه يمكن يأثر على علاقته مع مرته.
وأتمنى لو وحدة من البنات تقدر تتأكد لنا من شيخ ثاني عشان نكون متأكدين 100%.
والله يقومج بالسلامة يا رب :)
عروس قديمه
20/12/2002, 02:44 PM
مشكورين عالردود
....
انا ما اتكلم عن نفسي..انا كنت حابه اخذ رايكم بصفه عامه وبتجاربكم..اللي بصراحه فادتني وااايد...
...
بس من يقنع زوجي؟؟؟في راسي الف سيف وسيف الا يحضر معاي والولاده...ومن الحين يقولي يا ويلج لو ماحضرت؟؟؟بازعل واايد..
لكن انتوا تعرفون كيد الحريم...اللي في راسي بسويه ..
تدرون..
يقولون ان الافضل ان الزوج يكون موجود يخفف عن الزوجه...وجوده يخفف عنها وايد..
لكن وقت الولاده يطلع برا...وريله فوق راسه...
هتان الندى
21/12/2002, 04:33 PM
:ياحبي لك ياعروس قديمه
D:D:D:D:D:D:D:D:D:D
تبين الصراحه ميته من الضحك على اسلوبك الحلو
شوفي تقول امي الولاده مررررررررره تخوف
ياويلك ياويلك ياويلك بس ماتقدرين تهربين منها الي
اي مكان ولا تقدرين تتخلصين منها ياويلك
يربطونك باالاسلاك وغيره ماتقدرين تهربين من اللي جاك
ياويلك لاامك ولا زوجك بينفعونك مايقدرون يسوون لك اي
شي ابد ابد ابد تكونين تحت رحمة ربي بس وتوكلي
وحده تخصص تخويف الحوامل:p
ومساكم ورد
المنتهى
22/12/2002, 01:35 AM
مرحباا هتان الندى حبيبتي شو هل اسلووووووووووووووووووووب يا ماااااااااااااااااااااااا ااااااااااااااااااااامي مرعبه انا لو مكان اي وحده حامل بالمنتدى وتشوف اللي كتبتيه ازوع البيبي و اخلي حد يرفس بطني بس عسب يظهر بلا هل رعب كله يانهار اسود ولهوش ليل كل هذا يصير فالولاده
ياويلك ياويلك ياويلك بس ماتقدرين تهربين منها الي
اي مكان ولا تقدرين تتخلصين منها ياويلك
يربطونك باالاسلاك وغيره ماتقدرين تهربين من اللي جاك
ياويلك لاامك ولا زوجك بينفعونك مايقدرون يسوون لك اي
يبه عروس قديمه خلي البيبي في بطنج ولاتفكرين تظهرينه ولقرب الشهر التاسع لاتسمعين كلام احد وتروحين تتمشين خلي البيبي في بطنج بلا هل رعب كله
ام العنود
22/12/2002, 10:54 PM
انا اقول الا م يمكن احسن لا نها مرت في التجربه والزوج احس ماراح يفيد شي ولا؟
همسه ملاك
17/04/2005, 01:54 AM
الله يهون عليك حبيبتي ان اشوف الافضل تكون الام
ان امي ماحظرت لي ولا مره كان زوجي بس كان يقهرني لا يهش ولاينش يعني لو مايجي احسن
PrINcEss
17/04/2005, 02:03 AM
اذا كان الزوج يتقزز من شكل زوجته وهي تولد
اجل الطبيب له نفس يتزوج ولا يتعقد
اذا كان على قولتكم مايصلح يدخل الزوج لانه بيقرف فمن باب اولى الطبيب بيستقيل
انا اشوف انه عادي دخلوا ازواجكم وانتوا تولدون وبلا دلع ازواج
يازين الزوج ونا متعافيه ومافيني شي يموت فيني وينجن عليه من حبه لي يلحس رجليني (اعذروني عالتعبير )
والحين يوم جا وقت الشده يتخلى عني انا ماقول شرط انه يدخل بس برضه لايعمل حاله قرفان ويعني اني ماتحمل هالمناظر
عاد من زينهم همه من فين طلعوا ؟؟؟؟؟؟؟؟؟
PrINcEss
17/04/2005, 02:03 AM
اذا كان الزوج يتقزز من شكل زوجته وهي تولد
اجل الطبيب له نفس يتزوج ولا يتعقد
اذا كان على قولتكم مايصلح يدخل الزوج لانه بيقرف فمن باب اولى الطبيب بيستقيل
انا اشوف انه عادي دخلوا ازواجكم وانتوا تولدون وبلا دلع ازواج
يازين الزوج ونا متعافيه ومافيني شي يموت فيني وينجن عليه من حبه لي يلحس رجليني (اعذروني عالتعبير )
والحين يوم جا وقت الشده يتخلى عني انا ماقول شرط انه يدخل بس برضه لايعمل حاله قرفان ويعني اني ماتحمل هالمناظر
عاد من زينهم همه من فين طلعوا ؟؟؟؟؟؟؟؟؟
alhalwa6_6
17/04/2005, 08:31 AM
السلام عليكم
شحالكم انشالله بخير
بصراحة انا عن نفسي ابي الاثنين معاي زوجي وامي الله يخليهم وانا فالولاده الاوليه كنت مرتاحة لوجود الاثنين معاي
لان امي بدعواتها وخبرتها حتى خواتي الكبار واما زوجي احس بالراحة لوجوده وخاصة لما يمسك ايدي
ولا يبوسني على راسي ياااااااااااااااااااااااا اااااااااااي بس طبعا مو حزت الولاده لما يعني قبل لا ادخل
وبعد م اخلص
وانا استغرب من نفور الرجال ولا عدم تحملهم ولا انهم يضايجون من هالشي حتى اتحصلينهم ما اييون
المستشفى الا بعد ما تخلص الولاده بالمره ليش بالعكس انا اعتقد ان هالنوعيه من الرياييل
انانيين او غير مقدرين للمعانات الي تعانيه الزوجه ........... والقهر ان همهم انهم ايييبون عيال وبس والباجي على الحرمه والله
لو تجلب الموازين ولو يخلون كل ريال يجرب الحمل والولاده وااااااااايد زين بتحصلينهم كلهم عبيد لزوجاتهم هههههههههه
ههههههههههههههههههههههه ما اتخيل هههههههههههه لان بيعرف ( شكلي قمت اخرف )
يالله سامحوني ان طولت بس ما خبرتكم وبعيد الشر عنكم انه باول حمل كملت 9 شهور بس الجنين ما عاش والحمدالله
الله عوظني وانا الحين حامل بالشهر الرابه ادعودلي اربي بالسلالالالالالالالامه يااااااااااااااااارب
لان المره الاوليه كنت بموت من الحزن
ياللله بخليكم الحين
مع السلامه
أنين الجراح
17/04/2005, 08:48 AM
لو خلت الدنيا من البشر وصارت صحراء قاحله واختفت كل الكائنات من الوجود وبقي زوجي مابيه ايكون معاي عند الولاده لأن شوفته بتعسر الولاده عندي وبتسرع بوفاتي 0000000(w)
عيون بوظبي
17/04/2005, 08:51 AM
alhalwa6_6 :smile:
الله يقومج بالسلامة ان شالله هالمرة انتي و جنينج يارب ... بس ممكن اعرف شو سبب موت الجنين ؟؟ :sad: لاني وايد افكر في هالشي واخاف منه .. اذا ما عندج مانع ....
اما عن الموضوع الأصلي ... انا افضل ريلي يكون وياي .. لأن امي ما اتطيع اتدش عند حد يربي ... :D2 لأنها يوم كانت تربي ما تحب حد يكون عندها اونها تستحي ومن كثر ما تستحي ولادتها تتعسر :pain: فعشان جي ما اتطيع اتدش عند اختي يوم كانت تربي عشان ما تستحي ...
وانا اكيد نفس الشي ما بتدش ... وقت الولادة بتطلع ...
بس ريلي احلى انه يكون وياي :shy:
جمـــانة
17/04/2005, 12:42 PM
انا ما كان لي حظ لا امي ولا زوجي.. لاني رقدت بالمستشفى قبل الولادة بيوم عشان يعطوني طلق صناعي..ولما اتصلوا البيت عقب ما عطوني الطلق الصناعي قالوا بعد عليها وقت لما تولد 4 او 6 ساعات..سكر التلفون زوجي وطلع عشان يجيني المستشفى. بس مسافة الطريق اقل من نص ساعة ما وصل زوجي الا يقولون له مبروك.. جالك ولد!! :D2
الحمل الجاي ان شاء الله .. مابي احد بعد.. لاني بعد ما جربت روحي شفت اني اقول حجي ما ينقال هههههههههههههههههههه
سندويشة
17/04/2005, 01:00 PM
السلام عليكم ورحمة الله وبركاته
أما أنا فأمي و زوجي الله يطول بعمرهم و يخليهم لي حضرو معاي أول ولاده
أمي ياحليلها كانت مرعوبه بشكل و خايفه و تصيح فديتها و الله. :D2
أما زوجي بالعكس كان متحمس و يشجعني و كان يشوف كل شي يصير تحت بالتفصيل من الأول للآخر و كان قمه في الهدوء و التفهم و كأنه صابين عليه ماي بارد :eek2:
و بعد كذا صار يموت فيني أكثر من الأول و لا نفر و لا شي و متعلق فيني أكثر من الأول و هذا من أربع سنين و الحين أنا حامل و هو متشوق أولد و حلف إنه ما حد يدخل معاي غيره يحليله و الله فديته (r)
IMAN1
17/04/2005, 02:56 PM
السلام عليكم
أنا من رأيي أن زوجي يكون معاي,هو كان معي في أول ولادة وحيكون معي في الولادة الجاية :shy:
مرات أمزح معا وأقول ما أخليك تجي معي :smile:يزعل ويقول موبكيفك:D2
وفكرة ان امي تجي معي :down:فهذه ماأقبلها أبدا لو أعرف اني راح أموت ما راح أقبل:no:
ما أعرف ليش يمكن لأني أستحي, حتى من زوجي
alhalwa6_6
19/04/2005, 09:19 AM
السلام عليكم
حبيبتي 3yoOon_AD لالالالالاتحاتين ولا اتحطين هالشي في بالج لان هالشي من الله مو بيدنا احنا
خليني اقولج الي صار معاي بالضبط جوفي حملت بعد العرس بشهر والحمدالله كل شي كان طبيعي وكنت اراجع
المستشفى والحمدالله الين الشهر الخامس حتى كنت احس بحركة الجنين طبيعي
ولين ما كملت الشهر الخامس ودخلت السادس توقفت حركات الجنين بالمره وانا لان اول حمل لي وعن جهل ما كنت مهتمه
ولا ادري انه لازم احس فيه ولا يكون في حركه ولا راجعت المستشفى
فيوم اتصلوووووو فيني من المستشفى وايامها دخلت الشهر السابع ( وقالت لي النيرس لازم اتراجعينا اليوم ضروري)
وانا من الخوف رحت رقض .... فقالو لي ان فتحليل الدم طالع عندي فقر دم حاد وهالشي خطر على الجنين
وسوولو فحوصات وسونار وقالو ان بعيد الشر عنج وعن الجميع ان الجنين مو طبيعي
فسوووولي وايد فحوصات وبالاخير قالو لي فيه عيب خلقي ( ماعنده كليه واحشائه الداخلية مو كامله) والرحم ما فيه ماي بالمره
وقلبه اكبر عن حجمه الطبيعي بس كان في نبض ...... وخبروني انه ما بيعيش وممكن اربي في اي وقت
بس الجنين تم قلبه يدق الين الشهر التاسع كملت تسع شهور ولا ربيت قبل وقبل يعني ربيت في وقتي ولاده طبيعيه
بس للاسف وقف قلبه عن النبض قبل الولاده بساعات سبحان الله
وولدت طبيعي طلق وعوار كلشي طبيعي بس الجنين كان متوفي
وهو خارجيا كان جنين كااااااااااااامل وبلعكس الله يرحمه شكله غير مو مثل المواليد ملالالالامح ويه كاااااااانت باااااااااااارزه
وحتى خشمه طويل غير اول مره اجوف جنين بهالصوره والله سبحان الله قالولي هو جي لان خلاص صار عصفور من عصافير الجنه
بس انا وايد اضايجت وايد والحمدالله انا لاحين حامل والله يعوضني
وبس هاي السالفه وما في داعي للخوف لان هالشي كان عيب خلق ولا كان وراثي ولا شي وتصير بنسبه قليله من بين 1000
وحده ممكن وحد وممكن ما اصير ..... حتى انا كنت خايفه كالو لي هالشي صارلج بس مو معناته ان يتكرر معاج
والحمدالله
بس الحين خذت درس وقمت اسال ودور واخذ معلومات عن الحمل وقمت اراجع المستشى باستمرار واحتم بتغذيتي
مع السلامه
عيون بوظبي
19/04/2005, 12:34 PM
:pain: الله يرحمه ان شالله ويعوضج خير حبيبتي وتقر عينج بشوفة مولودج اليديد ويسهل علينا
maryoom
19/04/2005, 12:52 PM
أكييييييييييييييييييد راح أخلي أمي معاي
وأبوي وريلي برى ينطرون:think:
قلب البتول
09/07/2009, 12:14 AM
انا مستحيل ادخل زوجي معاي اجوف اشلون اولد بس اخلية معاي لين اتوسع 10 سم بعدين يطلع وتولدني الدكتورة ما احب احد اجوفني بالوضع اللي اولد فية وهو كفاية علية الصراخ اللي يسمعه برى غرفة الولادة
امي اكيد اتمناها معاي لان هي اكثر وحدة بتراعيني حتى لو جلست اليوم كامل معاي ما بتتركني ابدا
ماسة الجمال
09/07/2009, 01:08 AM
انا صرااااااااااااااحه ان شاء الله اذا حملت وجيت اولد ماراح أدخل الا زوجيلانه مررره حنووووون فديييته وأمي الله يحفظها استحي منها .. على الاقل زوجي قد شااااف كل شي خخخخخخ
Lovely lolo*
09/07/2009, 05:28 AM
بصراحة كلمة نفور الزوج مو معقول ومو منطقي بالنسبة لي
ووكمان دخول الزوج بس حتى يحس بزوجته,برايي تفكير غلط
لان اكيد الزوج يعرف الصعوبة اللي تعانيها الزوجة من اول شهور الحمل حتى نهايته
وخاصة الولادة,لان بدون مايشوف يقدر يفكر ويحس مدى المها وصعوبتها سواءا طبيعي ولا قيصري
المهم دخول الزوج ضروري لان هم اللي بداو بتكوين ذاك الجنين مع بعض
واكيد راح يشاركون ولادته مع بعض بفرح
كم يكون مميز للاب رؤية منظر طفله لحظة ولادته
وزوجتة تكون اسعد بوجود زوجها معاها لان تحس زوجها يشاركها هاللحظة
الامومة مو سهلة لازم الرجال يقدر هالموقف
مو لازم يشوف زوجته متكشخة وصحتها عال العال وبس
لام يتقبلها بفرحها وحزنها
وباختصار ..الحمد لله زوجي متشوق اكثر مني عشان يكون معاي بنفس الغرفة
ونتقاسم احلى لحظة بحياتنا:)
واسفة عالاطالة..
Lovely lolo*
09/07/2009, 05:29 AM
انا صرااااااااااااااحه ان شاء الله اذا حملت وجيت اولد ماراح أدخل الا زوجيلانه مررره حنووووون فديييته وأمي الله يحفظها استحي منها .. على الاقل زوجي قد شااااف كل شي خخخخخخ
هههههههههههههههههه فديتج
نفس احساسي وكلامي:o
الله يرزقج الحمل السليم بالقريب العاجل:)
اني افكر اني اخلي زوجي يدخل معاااي لآني حزتها ابغي احد يكون معاااي
بحرينيه عز
09/07/2009, 06:26 AM
لو اختار اختار زوجي طبعاا لان امي تخاف تشوفني بالهالحالة ومابتتحمل :wink:
ام فآآطمة
09/07/2009, 06:36 AM
هههههههههههه استحي مابي حد معاي
راح تكون لحظه رعب وخوف بس مهما كان مراح يكون معاي احد
مع ان زوجي يقول يبغي يشاركني بس قلت له هل وقت الجد بتدخل قال لا اخاف من منظر الدم :)
العولمة
09/07/2009, 07:30 AM
انا ان شاء الله بدخل زوجي معاي عشان يحس بمعاناتي اكون بين الحياة والموت وهو برا لا استحالة لازم كل طلقة يحس فيها
محبوبي1
09/07/2009, 08:49 AM
انا استحي من ماما وكنت اريد يكون زوجي وهو كان متحمس يكون معايا بس بعد ولدتي الاوله كانت قيصريه وبعد ما شافني كيف خرجت من غرفة العمليات وشدة التعب لاني كنت وايد تعبانه وكان هو معايا في المستشفي برغم ما كان معايا في غرفة العمليات لان نظام المستشفي ما يسمح صار في حالة صدمه ماتوقع الالم و المعاناه
حت بعد ما خرجة من المستشفي وصرت عند اهلي كل ما يجي يكون خايف اني اتالم
حتي قال خلص يكفي واحد مولازم تحملي هذا وهو ما شاف الولاده الطبيعي ولا كان في غرفة العمليات
وبعد حملى الثاني اجهضت بس كان مسافر يوم ما عملت عملية التنظيف كان متوقع اني اكون مثل قيصري وماكان مصدق اني اقدر امشي و اتحرك و كان بس يسال اش تحسين
اما في حملي الثالث من البدايه قال راح اوديك عند اهلك قبل الولاده وانا كنت رافضه بس كنت اشوف مدا الخوف الي كان عايش فيه ولما قالت الدكتوره ممنوع تسافري و راح تولدي قيصري قال لزم امك تيجي عندك لانه كان مره خايف وشاء الله اني اولد قيصري قبل موعد العمليه برغم اني كنت الحمد لله افضل من الاول وكنت ما اريد احسسه بتعب الا انه كان خايف و حس براحه يوم جات ماما عندي
اسفه على التطويل بس اقصد ان في رجال ما يستطيع يتحمل انه يشوف احد يتالم اما الامراة تصبر وتتحمل اكثر من الرجال احيانا
زهرة السعادة
09/07/2009, 08:55 AM
مشكورة حبيبتي على الطرح
بالنسبة لي ما ابي احد يكون وياي في الولادة
لانه امي " الله يحفظها " ما بتقدر تتحمل تشوفني جدي و بتتعب اكثر مما انا اتعب
و زوجي ما ابي يجوفني و منظر الدم و العفس اللي تتطلع
الله يسهل علي ولادتي و ولادة الجميع
أم شيوخ
09/07/2009, 10:02 AM
انا من ناحيتي امي وخواتي هاي اقرب الناس الي ابيهم معاي....
بس وانا في الولاده وقبل ما يحين موعد نزول البيبي يكون زوجي معاي او بره جنب الغرفه بس طبعا لين بينزل البيبي مايكون موجود نوووو وي.....
انا احب انه زوجي يعرف بشنو امر فيه عشان يعرف بمعاناتي ويشعر فيها.....
اتذكر اول مره يوم كنت بجر وتوني باربي كان يبغى يدخل بس مارضوا النيرسات بس تم يتصل في امي ويبي يكلمني وانا مييييته من الويع ....الي كسر خاطري انه تم يصييييييح وكل ما امي تبي تسكر التلفون يقولها لالا خليه وكان كل شوي يتصل على الوالده.. خخخخخخخخخ احسن عشان يعرف انه البيبي ما يجي بالساهل....
والحين ان شاءالله بعد في حملي الثاني الله يثبته لي باسوي جي باتم معاه لييين قبل ما ينزلوني الولاده عشان خلالاص خخخخخخخ :) شريه خخخخ
+سديم+
17/07/2009, 10:38 PM
في ولادتي ببنتي ،، دخل معي زوجي حبيب قلبي ،، والحمدلله ساعدني كثير في الولاده ،، ووقف معاي من اول يوم كنت اطلق فيه لين الولاده
فديته الله يخليه لي ،،، وخواتي كانو يجون ويطلعون بس هو وقت الولاده اللي خليته معي ،،
بصراحه الحمدلله ولادتي تسهلت من الله ثم من وقفته معي ،، وشاف كل شي ،، وهو اللي كان يطل من الفضول
ولا نفر ولا شي ،، وزي ماقالت بعض الخوات يعتمد على زوجك وعلى مدى التقارب بين الزوجين
مخمليه200
18/07/2009, 01:45 AM
انا اشارك رومانسيه بما قالت......بصراحه من تجارب قريبات لي الزوج اذا شاف ولادة زوجته ممكن يتحمل وقت الولاده بس يبتعد عنها شوي بعد الولاده ممكن تكون صدمه بالنسبه له اما يكون عند راسك؟فأنتي ماتظمني وقت الولاده لو يحتاجونه تحت خخخخخخخخخخخ.انا اشوف الام والزوج يكملون بعض الام نفسيا والزوج معنويا.مجرد راي.ودمتم
ام القمرين
18/07/2009, 03:08 AM
زوجي وامي وام زوجي اهم شي لنها دوم تدعيلي
نعمة النسيان
18/07/2009, 05:00 AM
أتمنى يكون زوجي معايا بس للأسف المستشفى تمنع بس اكيد امي تكون معايا
فيض الحب
18/07/2009, 06:29 AM
الحمدلله محد بيكون معاي مو شطاره مني بس عندنا غرفة الولادة او بالاصح كشك الولاده محجوز تماما عن العالم الخرجي حتى شبكة جوال مافيه يعني امي ولا زوجي اودعهم عند بلب الكشك واستقبل زوجدي بعد الولاده مو اختياري اجباري عشان يطمن علي وع النونو
بس لوخيروني مين ادخل طبعا زوجي ماما يكفيها الاربعين وشوفة الامي مع البيبي و الرجال يتحمل ويقاسمني الالم