مشاهدة النسخة كاملة : من فيكم زارت جزيره؟؟؟؟
أشواق لا تنتهي
05/08/2005, 08:34 AM
السلام عليكم ورحمة الله وبركاته
سؤالي طرحته بدري واااااايد .......
لاني ناويه على جزيره للصيف الجاي باذن الله
ابي اعرف من فيكم سافرت مخصوص لجزيره
وتفاصيل الرحله
والتكلفه
مدة الرحله
واذا في صور ياريت تعرضها
ابي جزيره فضيعه هاديه رومانسيه صج اتكون رحلة استجمام <<<< الاخت فنانه
هع هع لاتصدقون
وفيها كم مجمع تجاري يعني حتى لو السفره ماتتجاوز اسبوع
ابي اغير عن روتين السفر هالمره
هالمره ابي افكر وادور عدل وين اروح للصيف الجاي....ابي استمتتع
اشرايكم
Marshmallows
06/08/2005, 02:27 AM
اشواق حبيبتي
شرايج في المالديف
بس سمعت انها بعد الزلزال اللهم يا ساتر اعتفست
اخوي راح لها بشهر العسل و عجبتهم واييد وكانت بالنسبه لهم احلى بلد من البلدان اللي زاروها
و ردوا راحوا لها مره ثانيه بعيد زواجهم وبعد ودهم يروحون مره ثالثه
بس نصيحه هي تنفع للـ honey moon
او اذا مسافره مع زوجك بروحكم
يعني ما ينفع تاخذون معاكم يهال
~العيون السود~
06/08/2005, 04:14 AM
امممممممممم يمدحوون جزيره موريشوز..هاااااااديه وروومانسيه والطبيعه فيها تجننننننن ..خالتي راحتها هي وريلها بروووحهم واااااااااااااايد مدحتها..هي غاااليه بس تستاهل...وماينفع تشلين اليهال وياج.. اغلب اللي يروحون هناك يروحون عشان الــ hony moon امممم يوم ارووح عندها باخذ صووور وبرااويج اوكيك^_^
هلا حبيبتي صحيح كلام الاخواات وخصوصا الجزر ماتنفع لليهال لان بتحصلين كل السياح اشكال والوان هناك فماتنفع للاطفال كلش
بقولج مع اني عمري ماسافرت جزر بس اختج تموووت بقناة السياحه والديسكفري والبلدان اعشق هالبرامج
بقولج على الجزر اللي صج تستاهل المخاسير
عندج جزر كناري تجننننن وعندج جزر بماليزيا ناسيه اساميهم بس كلن راح لهم ومابقوا يسافرون يبون يتمون بالجزيرة ريل اختي ماكان يبي يسافر معاهم لكن راح تخيلي تموا اسبوعين ومدد الاجازة 5 زياااده
وعندج المالديف هاذي حطيها على صووووووووووب كلمه رووووعه شوي عليها
اختي سوي بحث وبتحصلين صور ومعلومات واااايد
بس توا الناس من اللحين مخططه على صيف مستعجله وااايد ههههههههههههههههههه
لي رجعه بالموضوع
business_girl
23/09/2005, 01:14 PM
وانا في خاااااااااااطري اروح جزيرة
احس السفره بتكون راحه واستجمام عالآخر
بس ياخواتي كم التكاليف تقريبا؟؟ اذا حق اسبوع او 10 ايام
مومهم اتسوق اهم شي اريح بالي
بسنت1
23/09/2005, 07:54 PM
:bigsmile:
نسيتتتتتتتتت اقوووووووووووووولج روحي جزر البهاما وبتدعيلي من هناك بتشوفين مناظر خياليه وبتستانسين انصحج تروحين لها
احلى جزيرتين الباهاما والمالديف
وبطلعلج صور وبرجع بعد شوووي
بعد عندج جزر الكاريبي وجزر العذراء وهي بصوب اسبانيا
toti1
27/09/2005, 09:07 AM
شوفي اختي انا رحت المالديف ...وااااااااااااااااو شي من الخيال..
طبعا لاتفكرين تاخذين اولادك ابدا ..والاسعار غويليه شوي ..ومافيه سوبرماركات الا بالجزيره الرئيسيه
اللي هي مالي ..والغرف مافيها تيليفزيونات يعني ترتاحين من قناة الجزيره والعربيه واخواتها..
الجزيره كلها مافيها الا تليفزيون واحد!!! ومافيه تيليفونات بس الله يسلم الموبايلات..
المنطقه جدا هاديه ..وجدا امينه لانهم مسلمين ..وجوها خياااال لا حر ولا برد ... والامطار يوميه
والبحر لونه شي عجيب سبحان اللي خلقه..
واحلى شي الووتر سبورت!!
لاتفوتك الجتات..والكانون (هذا قارب بلاستيكي مره صغير يركبه شخصين بالتجديف)
وخلي زوجك يركب البراشوت واضحكي..وخليه يركب اللوح الللي يوقفون عليه وفيه شراع
مدري شسمه وامسكي بطنك من الضحك انواع الطيحات...
وفيه عروض بالليل..
بس مافيه سوق ؟؟ ويكفيكم فيها اسبوع وتخب!!
هاذا اذا تبين اجازه للاسترخاء
نسيت اقول لك شي مهم : خذي معاك كتيبات اسلاميه بلغتهم لانهم مره محتاجينها
سواء للمالديف او غيرها
دراعه
23/10/2005, 05:52 AM
انا مره شفت في التلفزيون في ماليزيا جزيره خيااااااااااااااااااااااا اااااااااااااااال وبعد شفت مثل البحيره محاطه بجبال وطبيعه خضراء
وكل هذا في ماليزيا يعني احس شي في ماليزيا جزرها روووووووووووووعه
اميـ بوظبى ـره
09/01/2006, 04:09 PM
خواتى اللى يبون يعرفون سعرها ...
انا حجزت وبإذن الله سايره اخر الشهر .. تكلفتها لشخصين 12000 التذكره مع الفندق مع الفطور مع المواصلات .. لمده عشر ايام ..
ويوم ارجع ان شاء الله بقولكم تفاصيل عنها اكثر :)
عروس الدوحه
31/03/2006, 10:35 AM
اختتتي قوليلنا شوو صار معاج استاانستي