ممكن اخواتي في الامارات وخاصه في دبي

[زهرة^ربيع]

السلام عليكم جميعا


اخواتي الغاليات في الامارات الشقيقه انا احتكم من الكويت وحبيت بصراحه اجيب بضاعه ابيع فياليت تعطوني الاسواق الجيده الي فيها اخذ منها بضاعه وتكون شوي رخيصه


وممكن تقولون لي شنو الاشياء المهمه للبيع وابي محلات لبيع الملافع العريضه والنقش فيهاوايد ورخيصه بعد :)



ومشكورات وجزاكم الله الف خير



اختكم
زهره

[نجوم الليل]

السلام عليكم

اسمع ناس كثير يجيبون بضائع من الامارات من سوق نايف لانه اغراضه رخيصة جدا جدا وفيها شغلات حلوة ((على ما سمعت))
لكن السعودية فيها اغراض وحاجات كثير حلوة ورخيصة بعد وفيها محلات ومجمعات تناسب انك تشتري منها بغرض التجارة لان اسعارها رخيصة وحلوة
وان شاء الله بنات الامارات يساعدونك

[مياسة]

شو يعني ملافع ؟؟؟ عشان اقدر اساعدج وانتي شو في بالج بالضبط تبين تبيعينه عشان اساعدج ؟؟

[سكون]

ملافع يعني شيلات .. والله نفس سؤالي زهرة
ويا ريت بنات الإمارات يساعدونا بشيلات واكسسوارات وشغلات تنفع للتجاره