مشاهدة النسخة كاملة : نداء لبنات الامارات وخصوصا دبي
نجوم الليل
16/07/2005, 12:50 AM
السلام عليكم ورحمة الله وبركاته
كيف الحال عرايسنا عساكم دوم بخير
ان شاء الله على آخر الشهر راح ننزل عندكم في دبي مع العيلة
علشان كذا بغيت اسال وين اماكن تسوق حلوة في دبي؟؟ انا اعرف مركز المنال وبعد غيره؟
اي وبعد فيه محلات صغيرونة متناثرة في نفس منطقة مركز المنال وتصير حول سوق نايف مدري نواف شي جذي..... هذي المحلات فيها اشياء حلوة نقدر نشتريها وبضاعتهم زينة او اختصر السالفة وما اروح هذي المحلات؟؟؟؟؟؟؟؟؟
و وين اماكن او مطاعم حلوة نقدر نروحها فب نفس المنطقة؟؟ او اماكن ترفيه؟؟
انتظر جوابكم الغاليين
في امان الله
نجوم الليل
16/07/2005, 01:06 AM
ايه ونسيت اسالكم سؤال غريب يمكن خخخخخخخخخخخخخخخخخخخخ
بسالكم عادي نطلع حنى البنات نتمشى جنب الفندق ونروح المحلات القريبة ندور شوي والمطاعم لو فيها شي........يعني مثلا هذا شي مو معتاد عندكم وراح الناس تفتح عيناها علينا مستغربة خخخخخخخخخخخخخخ
لان ذيك السنة حنا طلعنا نتمشى شوي لكن ما شفت حريم خليجيات واستغربت فقلت يمكن هني لازم بسيارات .....لكن كان المكان قريب يعني نروم نسير مشي
انتظر ردكن يا حلوات
عنيدة دبي
16/07/2005, 11:33 AM
هلا أختي نجوم الليل
في كذا مركز بدبي
عندج مركز ابن بطوطه
وسيتي سنتر
وميركاتو
ومركز برجمان
ومركز حمر عين
والبستان
هذا اللي اعرفه اكثر شي عن المراكز
يعني اتمنى لو كنت افدتج ولو بشي بسيط
والسموحة منج أختي
نجوم الليل
16/07/2005, 05:09 PM
الف شكر لج أختي وما قصرتين
على الاقل عبرتيني ورديتي علي
وينكم يا بنات اناشدكم ردوا علي......
الاخت ما قصرت لكن يمكن عندكم شي تزيدونه
نجوم الليل
17/07/2005, 12:48 AM
افاااااااااااااااا عليكم
معقولة ما فيه بنات معانا من دبي دار الحي
ادري فيكم ما راح تردوني ...............ما زلت انتظركم
غرام القلب
17/07/2005, 07:34 AM
أنا أمس كتبت كمن معلومه بس غريبه ماشوف ردي اليوم :eek2:
أوكي بعيد الكلام اللي كتبته :smile:
الأخت عنيدة دبي ما قصرت حطت لج قائمة بأفضل مراكز التسوق في دبي و صدقيني لا تفوتين ولا واحد منهم لأن كل واحد غير عن الثاني، أما مركز المنال فهذا أتعس مكان بصراحه محد يروح هالمكان كله زحمة وهنود و لوعة جبد...
بس ملاحظة بسيطة، ترا مركز أبن بطوطه هذا واااااااااااااااااااااااا ااااااااااااااااايد كبير يعني حجم سيتي سنتر أربع مرات يعني يبيله يوم كامل أو نص يوم لأنه بعيد شوي و كبير وايد و فيه كل شي حلو..
أوكي بما أن إحنا في الصيف فأنا أقترح إنج تزورين حديقة ووندرلاند ، فيها ألعاب لمختلف الأعمار و أهمها الألعاب المائية، يوم الأربعاء للنساء من الصبح لحد المغرب، و في حديقة ثانية إسمها وايلد وادي (جنب فندق جميرا بيتش مره لاصق فيه) و هي عباره عن حديقة للألعاب المائية فقط و كل خميس للسيدات من 9 المساء إلى 12 المساء لكن مكان روووووووووووووعه...
في حدائق ثانية بعد، حديقة الممزر و أعتقد طول أيام الأسبوع للعوائل ماعدا يوم الأربعاء للسيدات، حديقة تطلع على شاطئ الممزر و فيها نظام تأجير الشاليهات لطول اليوم فقط يعني مايصير تنامون فيه، بس شيلوا معاكم الأكل و أدوات الشوي إذا حابين، و مكان حلو للعب الأطفال بعد...
أما حديقة شاطي جميرا فهي تطل على البحر و مكان حلو لتغيير الجو، مادري متى يوم السيدات لكن مافيها نظام الشاليهات مثل حديقة الممزر...
تقدرون بعد تركبون في الباص العجيب، بياخذكم على جوله في أرجاء دبي براً و بحراً لمدة ساعة تقريباً، يعني تركبون الباص و يلف حول أشهر معالم دبي و بعدين نفس الباص يدش البحر في منطقة الخور و ياخذكم في جولة بحرية...
ممكن تروحون مجمع السينمات إسمه "جراندسنبليكس" مكانه جنب مركز وافي و فيه تقريباً 11 سينما في مكان واحد و كل سينما تعرض فيلم ثاني و فيه مطاعم صغيره و كافيه أنترنت...
أما بالنسبة للمطاعم فأنا بكتب لج أحلى أماكن تواجد المطاعم و إنتي اختاري أو سوي جدول كل مره تزورين مكان ، زوري شارع الضيافة، شارع الشيخ زايد، شارع الرقة، شارع المرقبات، شارع المطينة (ترا هالشوارع فيها كل المطاعم تقريباً جنب بعض مع شوية محلات).. ومن غير المراكز اللي ذكرتها الإخت عنيدة دبي ترا فيها كل أنواع المطاعم.....
إذا تحبون التزحلق عالجليد، مافي غير النصر ليجر لاند، فيه صالة التزحلق عالجليد و ألعاب كثيرة للأطفال و مطاعم ، و بولينج، للسيدات يوم الثلاثاء من 9:00 إلين 6:00 المغرب...
أووووه صح في فندق ميناء السلام سوق حلو و هاااااااااادئ هالسوق من ضمن الفندق، ترا حتى الفندق يجنننننننننننننننننن وجديد وأنصحكم تزورونهو أخذوا صور فيه ترا عن جد مكان روعه...
إذا تبين معلومات عن الفنادق خبريني بعد...
وحياكم الله...
غرام القلب
ManOfElegance
19/07/2005, 11:42 AM
ما قصروا الخوات وياج في الأماكن والأسواق..........وعن التمشي عادي، بس يعتمد على المكان ...... يعني مناطق مثل الراس و سوق مرشد ما بتحصلين مواطنات يتمشن لأنه وايد هنود و زحمة.......... بس في أماكن راقية و الناس تتمشى عادي
ما شاء الله الاخت غرام كفت ووفت...
نجوم الليل
21/07/2005, 12:11 AM
غرام القلب: الفففففففففففففففففففف شكر لج يا الغالية على المعلومات الاكثر من روعة والمفيدة جداجدا
الله يوفقك يرفع مقامك دنيا واخرة وبالنسبة للويلد وادي روحتنا لللامارات كلها علشانه مكان روووووووووووووووووووووووع ة وراقي ما اقدر اوصفه لكن للاسف الفترة اللي للحريم قصيرة ما تكفي الوحدة لي دخلت على ودها ما تطلع خخخخخخ ...السنة الي فاتت رحنا له والسنة لزمنا نروح حتى لو نجلس هناك كم يوم المهم نروح الويلد وادي وانصح اي وحدة تبي تزور الامارات تروح هذا المكان واكيد ما راح تندم
ManOfElegance الفففففففففف شكر لك اختي على مرورك وافادتج لي وعسى الله يوفقك وينولك اللي في بالك
حورا يا هلا فيج اختي ويكفي شرفتينا بمرروج عسى الرحمن يحفظج
أماني حلوة
09/08/2005, 09:11 AM
مشكورة اختي نجوم الليل على الموضوع ،،
و مشكورة غرام القلب ما شاء الله كفيتي و وفيتي ، بس عندي استفسار بالنسبة لشاطئ جميرا و شاطئ الممزر ، الاماكن هناك محترمة ،، يعني قصدي في اجانب يلبسون لبس يلوع الكبد ،، و لا خليجين ،،
و قد رحنا قبل للامارات بس في الويلد وادي و في اليوم المخصص للنساء للأسف ،، هناك في اجانب لبسهم مررررة يلوع انا ما تحملت المنظر و ما اعتقد بروح ل الويلد وادي هالسنة ،،
فهل تعرفين اماكن اكثر اللي يجيها خليجين ؟؟؟؟