ممكن مساعدة

[احلى عمر]

السلام عليكم ورحمة الله وبركاته
عندي مناسبة عيدميلاد زوجي 23\7\2005 وابغى اسوي ليلة حلوة بعد يومين بشتري هدية وبا وصي على كيكة وباحط صورة زوجي على الكيكة بس اني عندي ولد وبنت وولدي شهرين وبنتي سنة و9 شهور واني متغربة ما اقدر احطهم عند احد فابشنو تنصحوني
ابغى مساعدتكم

[احلى عمر]

اشدعوة 6 يدخلو ولا حتى كلمة وحدة

[أم أسووله]

انا و الله الصراحه داخله الموضوع فضووول
ماعندي خبره في هالسوالف لان ماعندي اطفال

بس ليش ما تنيمينهم من وقت في هاليوم .

[Marshmallows]

لا تخلينهم ينامون من وقت وايد

عشان ما يقومون بنص السهره

قبل لا يجي زوجك بفتره قصيره نيميهم

[احلى قلب]

هل وغلا قيك
ماتقدريين تويدينهم عند امك او اختك مثلا

[نجوم الليل]

احسن حل نيميهم مثل ما قالوا الاخوات

عشيهم عدل وبعد شوي رقديهم لان راسهم راح يثقل من الاكل

او العبي معاهم وخليهم يركضون ويتحركون كثير في النهار وما راح يجي عليهم الليل الا تعبانين وراح ينامون نوم العوافي

[احلى عمر]

مشكورين على الرد والله يساعدني عليهم بنتي مو مشكلة تنام بس البيبي يبيلي احممة علشان يحط راسة وينام
بس اليوم جى زوجي وفاجئني وقال ان بنطلع نتعشى في مطعم فابشنو تنصحوني اسوي شغلات في البيت

[شواقي]

هلا اختي احلى عمر نصحتي لج انج اتجهزين اغراض الحفلة كلها وتقعدين اعيالج من الصبح وتودينهم محل الالعاب الكترونيه واتلعبينهم ومن يصير المغرب بتلاقينهم ابروحهم مدوخين او اخذي زووجج واعيالج وفي المحلات اللعاب الاكترونيه اتسوي حفلات العيد الميلاد ففجائي زووج اهناك وانتي واعيالج وريلج استانسوا اهناك واتعشوا ويوم بترجعين اعيالج بيتعبون وبينامون وبعدين كملي سهرتج في البيت مع زووجج
والله يهنيكم انشاء الله ويكون يوم حلو
مع تحياتي: اختج شواقي

[kholoud_sa]

دخلت ادعي لك بالتوفيق

[احلى عمر]

الف شكر لكم وشكورة اختي احلى قلب ما اقدر اوديهم الى امي لاني عايشة بكندا
والف شكر لكي شواقي وفكرتش وايد حلوة

[ورد الخريف]

ومنكم نستفيد