الحقوني بقعة في ثوب زوجي الجديد

[سنديان]

السلام عليكم ورحمة الله وبركاته

ألحقوني يا ناس ياويلي من زوجي فصل ثوب جديد وقالي غسليه وما انتبهت انه في الجيب قلم حبر المهم دخل الثوب جوة الغسالة وتعالوا شوفوا وش صار لون الغسيل أزرق (كحلي)

ياويلي شوفولي حل لإزالة البقع قبل لا يطلب زوجي الثوب ياليت تساعدوني أكثر بقعة في منطقة الجيب العلوي يعني باينة زي عين الشمس

ياويلي ياويلي ألحقوني الله يخليكم

[نوووسهUAE]

والله مااعرف

بس فيه منتجات في السوق لازالة البقع

[ام وهيب]

عزيزتي استخدمي فانش اذا مانفع خدي جلسرين سائل وحطيه في قدر وسخنيه مو مرة تخليه لحد مايسير دخان بس يدفا وبعدين نقعي مكان البقعه ماراحت خذي ليمون واعصريه على البقعه وحطي عليه ملح وخليه شوية وافركيه وشوفي والله يعينك اذا ماراحت مره الله يعينك عوضيه اشتري قطعه قماش واعطيه يفصلها

[الدانـــــه]

هلا أختي سنديان

ما اعتقد تروح البقعه خصوصاً بقع الاقلام ما تروح

فلا تعبين نفسج عوضيه بثوب أحسن من اللي أخترب

أختج الدانه

[ღرومانسيةღ]

حبيبتي عادي لاتحاتين الثوب

اهم شي اتقولين له الحين لان مايسوى اتمين اتحاتين وايد واتفكرين بالثوب

انتي بسلوبج قوليله انج مادريتي "جل من لايسهو" صح!!!!

والله غفور رحيم

#رومانسية#

[bent_palestine]

روحي وديه مغسلة محترمة مش مغاسل الهنود الصغيرة

وهم بيتصرفون بدل ما تجلسي تهلكي حالك وبالنهاية أعصابك اتدمرت وانهد حيلك والثوب ممكن يهترئ معك وبالنهاية البقع ما تطلع

هذا رأيي

أنا لو مكانك أعمل هيك .. ما طلعت البقع بقول له شو بيعمل بيكسر راسي بيزعل شوي وبعدين بيهدا .. أنت ما قصدت وهو كمان غلطان إنه ترك القلم داخل

أتذكر واحدة غسلت بنطلون لقريب زوجها وهو فيه جواز السفر وعادي يعني قدر الله وما شاء فعل