مشاهدة النسخة كاملة : ** طلب يالغاليات **
الفرس
19/06/2005, 02:54 PM
بسم الله الرحمن الرحيم
السلام عليكم ورحمة الله وبركاته
عزيزاتي ودي تساعدوني في تجهيز غرفة (الوالدة )
بنت خالتي بتولد نهاية شهر يوليو
وعندنا بعض الأفكار في تزيين غرفتها اللي راح تقعد فيها بفترة النفاس
وبما إنها المرة الأولى اللي راح ترزق بـ بيبية
فأبيكم تساعدوني بطرح بعض الأفكار الوردية اللي راح تستانس لما تشوفها
عندي بعض الأفكار
مثل
على الباب الخارجي للغرفة راح نعلق
قبعة وفستان ودلاغات ومرضاعة ولعبة صغيرة
طبعاً باللون الوردي
وداخل راح نزين الغرفة بالبالونات والشرايط
وللتوزيعات
زينا صندوق كبير ينحط عند الباب وستاند كبير ثاني يم السرير شكله مثل سرير البيبي
وياليت لو تساعدوني في أفكار ثانية تكون جديدة ومبتكرة
خصوصاً وأن عندنا أكثر من شهر على بال ما تجهز
ياليت ما تقصرون معاي
وانتو كفو
الفرس
20/06/2005, 03:26 PM
بنات وينكم !!
يعني ما في وحدة عندها أي فكرة !
الفرس
21/06/2005, 04:48 PM
زعلتوني يا بنات
ولا رد واحد منكم !!
&&_عاشقة الجوري_&&
21/06/2005, 10:49 PM
حبيبتي فكرتي وحده عصرت مخي ماطلع
انا عمتي كانت مزينه الغرفه باللون الوردي
وكانت حاطه على الكنب زي البرواز بالبالونات الورديه
وناثره السلال حقت الشوكلت بالغرفه
بس هذا الي قدرت عليه
بس عموما روحو لمحل الكوش والحفلات يزينون لكم الغرفه
والله يقومها بالسلامه
الفرس
22/06/2005, 11:06 AM
عروستنا الغالية عاشقة الجوري50
تسلمين ع المرور والمداخلة على الأقل حاولتي تفيديني بشي
a witch
22/06/2005, 01:38 PM
«®°·.¸.•°°·.¸¸.•°°·.¸.•°®»� �لسلام عليكم ..
ما عاش من زعلج حبيبتي أم الوله ..
امممم
بفكر بشي حلوو وان شاء الله تعجبج الفكره
لي عوووودة ولا تزعلين يالغالية :D
a witch«®°·.¸.•°°·.¸¸.•°°·.¸.•° ®»
لمسة إحساس
22/06/2005, 01:53 PM
كله و لا زعل أم الوله
شوفي غناتي أنا بفكر لج و برد عليج قريب إن شاء الله
لكن
أريد أسألج
أنت تريدين ترتبين غرفتها اللي في البيت و لا المستشفى ؟؟؟
لأن عندنا يرتبون حتى الغرفة اللي بتجلس فيها في المستشفى
a witch
22/06/2005, 02:07 PM
غرفتها اللي بالبيت
..
صح أم الوله .. ، .. ؟
الفرس
22/06/2005, 02:13 PM
a witch
تسلمين يا بعد عمري ماني زعلانه خلاص ..
مرورج بالدنيا
لمسة إحساس
لا عدمت مرورج يالغالية وأنا أبغي ترتيب غرفتها اللي بالبيت
لأن المستشفى خلاص سوينا اللازم
a witch
23/06/2005, 02:12 PM
هلا حبيبتي
..
تسلمين والله ..
شووفي هالفكرة وهي :
انج تحطين داخل السرير توازيع حلوه مثل المهد ويكون كل مهد فيه داخله حلاوة بلون وردي وتغلفيه بوردي وتحطي دبدوب بعد او نونيه صغيره او مصاصه تحفه وبعد تحطين طاوله باخر الغرفه لبسيها وردي بالدانتيل وخلي الهدايا الي تجي لها عليها ورتبيها
ان شاء الله تعجبج
الفرس
25/06/2005, 11:09 AM
حلوة الفكرة يا حلوة انت ِ
وبعد أبي أفكار غير لأن بصراحة الغرفة كبيرة ويبي لنا نمليها بشي حلو
a witch
08/07/2005, 05:24 PM
هلا حبيبتي
سووري للتأخر في الرد ..
شوفي هالفكرة :
ممكن تجيبوا شرايط وردية و الشعارات اللي عليها it's a girl و تخلونها على الجدران
و البالونات اللي منفوخة بغاز الهليوم تجيبون منها مجموعات نعومة و بنوتية و تحطونها بزوايا الغرفة
و دفتر للزوار لونه وردي طبعا و يكون ملصق عليه ستيكرات او تحفيات النونو الورديات
و قلم وردي بعد عليه نونو صغير
يكتب فيه الضيوف كلمة للماما و النونو الجديد
و يكونوا على طاولة جنب المدخل مفروشة بمفرش ابيض عليه دانتيل مكرمش وردي
و منثور عليها ورد مجفف و شمعات حلوات
الله يقومها بالسلامة ان شاء الله
الفرس
09/07/2005, 08:24 AM
حلوة فكرة الدفتر هذي يا حلوة
شلون راحت عن بالنا !!
تسلمين يا عسل وبالنسبة للبالونات لا توصين حريض الظاهر بيطيرون من كثر البالونات اللي في الغرفة
نجوم الليل
14/07/2005, 07:38 AM
الله يقومها بالسلامة
فكرة وج حلوة اللي هي تحطين الطاولة وعليها الشموع وطاولة الهدايا
وممكن تاخذون بركة سباحة مالت الاطفال((طبعا تكون مملية ماي)) وتحطون حواليها شيفون وردي وتنثرون داخلها ورق ورد طبيعي وردي وشموع طافية وجنبها ممكن تحطون شجرة مثل شجرة الكريسمس وتلفونها بشرايط ودانتيل وردي وبالونات وتجلسون فوق البركة يعني فوق السور دبدوبة صغيرة بنوتة ((والافضل تكون البركة في زاوية علشان تسندون ظهر الدبدوبة على الطوف وما تطيح))
وعند الباب تاخذون ستاند وتلفونه بالدانتيل وتحطون عليه اما شموع وباقة ورد صغيرة او صينية يكون فيها شوكليت ((طبعا الستاند عند الباب من الجانبين اليمين واليسار)) اقصد الستاند مثل كوشات الزواج
هذا اللي يحضرني حاليا واذا حصلت غير راح ارجع
في امان الله
حزني عميق
14/07/2005, 07:39 AM
ماعندي وربي سوري أعتذر
الفرس
16/07/2005, 01:21 PM
يسلمو حياتي نجوم الليل
سالفة الشموع هذي رهيبة والبركة جديدة
بقول للبيت هالأفكار وياربي تعجبهم وتطلع حلوة
شكراً لج
الفرس
16/07/2005, 01:24 PM
منال نولة
تسلمين حياتي ع المرور وإن شاء الله تفيديني مرة ثانية
ورد الخريف
16/07/2005, 04:43 PM
والله لو أعرف ساعدتج
الفرس
16/07/2005, 04:49 PM
مرايم السعودية
تسلمين حياتي كفاية طلتج والمحاولة
لمسة إحساس
17/07/2005, 01:59 PM
و الله فكرت لج بس يوم قرأت الأفكار اللي كتبنها عرايسنا الحلوات طلعت أفكاري و لا شيء
الفرس
17/07/2005, 03:17 PM
لمسة إحساس
تسلمين يا عسل وألف شكر ع المحاولة
ROSE3ROOS
17/07/2005, 09:17 PM
مشاء الله ام الوله البنات مقصرو بالافكار الحلوة انا ماقريتها بصرااحه بس وانا نازله عيني تلمح افكار وحطي وسوي ومشاء الله عليهم
بس ملاحضه البلونات فيهاا خطورة شوي انا اخف منهاا بصراحه مدري يمكن لانها والدة والبيبي اخاف احد يجي ويبط البلونه تقوم تنقز المرة مسكينه .. بس حلوةةةةةةةةةةة الافكااااار
:up:
انا بعد عندي لج فكرة ونشاء الله تعجبج
اول شي يكون عند مدخل الغرفه من الخارج اقصد باقة الورد على جانبي الباب
ثاني شي داخل الغرفه لصقي الاوراق المتسلقه الصناعيه على داير الغرفه عند السقف يعني على الحواف
ومن الثريه نزلي ورود بس نسقيه تنسيق حلو وعطريهاا اذا قدرتي
وسرير البيبي اذا كان من خام فانتي تقدرين تجبين الحلو الي مزين بدانتيل وتعلقين على كل السرير (بالدبوس الي نستخدمة للحجابات__اول) وكل مايجي احد تقدميله الحلو من السرير البيبي
اما الوالدة وهي راس المال فانا افضل ان يكون كل شي مريح لها من الوسادة الى الغطاء ...............كاني طولت بالكلام يجماعه متحمسه والله ودي اجي معاج وسوي معاج كل شي احب هالسوالف من ولدة بنت خالتي صبغة الغرفه وردي وجبت الورد ومجسم شلال بس رهيبه طلعت الغرفه
ومبروكين على المولود طولت بالكلام خليني اروح وكل ما ايطري على بالي شي بقولج بس انتي لاتزعلين:shy:
الفرس
18/07/2005, 09:14 AM
تسلمين حياتي والله ما قصرتي
وفكرة التوزيعات المعلقة بالسرير بعد حلوة وجديدة بس أخاف يقلبون البيبي هههههه
ألف شكر غاليتي rose2006 ولا تحرميني من أفكارج الحلوة