شلون تتصرفون في هالموقف اللي يحرق القلب,, منقهره حيل واذا ما شاركتوني انقهر أكثر

[حلوين المشم]

هلا خواتي

بنات شو شعوركم اذا أزواجكم نسوا عيد ميلادكم او عيد زواجكم؟؟:think:
كيف تتصرفون او كيف تذكرونه انه الموعد جاي بدون ما تكونين ملقوفه ويحس انك تبين هديه طبعا, الرياييل تفكيرهم غير عنا نحنا من باب الحب والتغيير نسويلهم اللي ما يتسوا وهم يتعذرون انه عندهم شغل.

لما كان عيد ميلاده ما قصرت معاه وهو تخيلوا نسى عيد ميلادي وجا متأخر البيت وانا تيلفوني ما وقف من التهاني وهو ولا على باله:cry::mad2: انا ما زعلت عشان الهدية, الحق ينقال هو ما يقصر معاي كل شي موفرلي اياه بس كان ودي انه يكون اول شخص يهنيني في هالمناسبه.

الحين قررت انه ما احتفل بعيد ميلاده خلاااااااااااااااص بس بحتفل بعيد زواجنا لانه بتكون اول سنه لنا مع بعض.

هاااااااه لا تنسون تشاركوني في هالشي عشان استفيد منكم المره اليايه.................

[maryoom]

ههههههههههههههههههههههههه هه الله يعينج حبيبتي

عزيزتي يمكن الريال نسى والمفروض بدورج بعد تذكرينه وتقولين له جم كلمة حلوة وتدلعين عليه وتسألينه وين هديتي في هذه الحالة بتخلينه في موقف حرج وراح يتذكر كل مرة...

والله يوفقج عزيزتي

[ليلى رمضان]

ايه والله ههههههههه
صج صج موقف يحر الواحد بس صدقيني الريال مخه لاهي أكثر من المره وعنده أكثر من الف شي يفكر فيه
اذا نسى عيد ميلادج مو معناه انه مو مهتم فيج
بس المفروض انج تلمحيله انه بعد جم يوم يصادف عيد ميلادج أو عيد زواجكم يعني وكأنج تكلمين نفسج وتبتسمين وطبعا المقصد ( اسمع يا جار ) يعني لازم تييبينها بطريقه ذكيه بحيث مايفهم انج تبين هديه
على فكره اذا طنشتي عيد ميلاده راح تعمين السالفه أكثر بالعكس انتي بهالموقف لازم تييبيله هديه تدرين ليش لانه ساعتها راح يتذكر انه ماذكر ميلادج ولا يابلج هديه وساعتها راح ينحرج ويلوم نفسه ويقول صج ما استحي على ويهي المره يايبتلي هديه ومقدرتني وانا ماسويت اللي سوته لي واهنيه راح يحبج أكثر وأكثر
خلييييج شاااطره وفكري عدل
وبالنسبه لميلادج اللي طاف انا راح أقولج كل عام وانتي بخير ولو انها متأخره
واذا للحين محتره أقولج انشالله تكبرين وتنسين ههههه
أختج ليلى

[لين وديم]

بصراحة انا ماافكر بعيد الميلاد ..لانه بدعه..فماله داعي ادور الذنب لنفسي...
اتمنى انك تتقبلين كلامي بصدر رحب...اختج//لين وديم

[وروود الاحلام]

بقولج طريقتي

اخذي موبيله و سجلي تاريخ ميلادج بالرزنامة

و لما يحين يوم ميلادج راح تلقين موبايل زوجج يكتبله رساله تذكره بالمناسبة

(( سجلي رسالة قبل يوم ميلادج باسبوع عشان يشتري هدية..... و سجلي وحدة ثانية بنفس اليوم))

[حلوين المشم]

سلااااااااااااام على كل اللي ردوا وبردوا قلبي

اختي maryoom
خلاص بدلع وبشوف شو يصير معاه.

اختي ليلى

مشكوووووووووورة يا بعد عمري وكلامك صحيح وراح اطبقه ان شاء الله.

اختي لين وديم

شكرا على ردك انا طرحت الموضوع للي يريد يرد وكان بامكانك تطنشين موضوعي دام انه ما عجبك ومثل ما يقولون كل واحد ذنبه على جنبه وشكرا على المرور والنصيحة.

اختي ورود الأحلام

تعرفين نحنا عندنا قاعدة انا وزوجي انه كل واحد ما يمس شيئين من اغراض الثاني اللي هم الموبايل والمحفظة, بس تدرين فكرج عجبتي بس اظن اذا سويتها بيخنقني.

[SHREEFA]

صارت فيني

بس ما راح اسوي اللي سواه فيني

راح اصير احسن منه

[المسالمه]

عيد الميلاد مو مهم انه يتذكره


اهم شي ذكرى زواااجكم

[NARDEEN]

ظروف الحياة والعمل وكثرة التفكير يخلون الواحد ينسى اسمه مو عاد ينسى تاريخ ميلاد
واحسن طريقه للتذكير هي انه تسوين كارت ابيض وحلو وتكتبين فيه اسمك وتاريخ ميلادك باللون الوردي واسم زوجك وتاريخ ميلاده باللون الازرق بس بخط كبير شويه , وتلصقي الكارت على باب الثلاجه طول السنه , واكيد مره ومرتين وثلاثه راح يشوف الكارت والتاريخ وان شاء الله يتذكر
واذا سألك ليش حاطه هذا الكارت قولي له مجرد فكره وديكور صغير

[om 3moory]

وروود الاحلام
فكرتك رهيييييييييييبه
بسويها مع زوجي لانه دايما ينسى او يتناسى
:think:

[حلوين المشم]

حبيبتي ناردين عجبتني فكرتج راح اسويها وبوافيكي بالتقرير لاحقاً.

[an0077]

حلوووووووووين المشم
والله احسن لك تدريييييييييين ليش:eek2:
لان كل سنه بيحسب عمرك خليكي كذا تضيعينه وممكن تصغرين بعد عمرررررك هههههههههههههههه :D2

[البارونة]

الصراحه شي يقهر<<<<<<مرت بنفس التجربه

تصدقين أنا يوم عيد الحب ما جاب لي هديه ولا ورده حمراء ولاحتى طرش لي مسج مع إنه كنا تونا متزوجين ما خذينا أربع شهور

وانا تمت في خاطري أسبوع كامل ويوم قلت له قال لي والله كان عرس واحد من ربعي ولازم اوقف معاه مثل ما وقف معاي,,,,,,شيخص العرس بعيد الحب ما أدري وقلت بيني وبين نفسي ما راح أسوي له شي أبدا


وخليها على الله

[الحنون3]

عيوني والله ربي يعينك...
أنا عيد ميلادي الاربعاء الجاي...
ذكرت خطيبي فيه قبل اسبووووووووووع تقريبا..
وكان آخر اختبار عندي يومها في الثانويه العامه...وراح نشوووووووف...
لو تذكر راح أكووووون مبسوطه...ولو ماتذكر راح أنقهر واذكره فيها ثاني
يوووووووووم علشان ماتكون له حجه...!!!!

تحياتي..
الحنوووووون

[لين وديم]

.

اختي لين وديم

شكرا على ردك انا طرحت الموضوع للي يريد يرد وكان بامكانك تطنشين موضوعي دام انه ما عجبك ومثل ما يقولون كل واحد ذنبه على جنبه وشكرا على المرور والنصيحة.

.......
لاشكر على واجب حببيتي الذنب بيلحقنى انا بعد اذا طنشت موضوعك...وخوفي من الله رديت عليك..وانتى وضميرك..
بس ياليت ردك كان احسن من كذا!!

[حلوين المشم]

[سامحيني اختي لين وديم,,,

ما كان قصدي ازعلك وحقك على راسي واشكرج على النصيحة,,,

الزعل ما يجوز بين الخوات وانا آسفة.

[3sooolah]

اممممممممممم انا اسوي حركة التقوبم اللي في الموبايل دايما مع كل مناسبه واذا انتي ممنوعه من لمس موبايله عيل شو رايك تكتبين المنناسبه في التقوبم عندك و اتطرشينها على مو بايله في وقت انتي متاكده انه رايك و بيسيف الرساله و بتنبهه بالموعد قبا اسبوع

و بعد شو رايك لو تسوين حركتي الثانيه
مثلا خذي مو بايل حد من خواتك و طرشي مسج اتذكرينه بالمناسبه اون اختك هي اللي تذكره مو انتي في هالوقت ما بينحرج منك


ونصيييييحه اختي عمرك لاتلومينه على هالسوالف لو نساها لانك بتحرجينه وااااااااايد بالعكس عطيه فرصه مثلا خليه يحس انك تبين اتسوين له مفاجاه على اساس انك خاشه عنه يعني رساله تنبيهيخ بتكون وبصوره حلوه

مثلا انا مره زوج اختي كان ناسي موضوع ذكرا زواجهم و اختي امجهزه حفله و حاجزه صالون لميك اب و تسريحه و شاريه هذايااااااااااا

وهو ولا يدري ييت انا ذكرته بطريقه بدون ما افن بس قلت له شو رايك ناخذ هديه لام عبدالرحمن عشان هالمناسبه
وانا متاكده انه نااااااااسي بس ما حب يحرج نفسه وقالي امم انا كنت ناوي اخذ لها موبايل شو رايك