مشاهدة النسخة كاملة : اريد ايديا؟؟؟؟؟؟؟؟؟؟بليز
السلام عليكم ورحمة الله وبركاته
اسمعو حبيباتي عيد زواجي قرب وزوجي قاهرني والله ان ودي اصيح موراضي نحتفل به ابد ا يبغاه زي اي يوم عادي وانا وايدوايد رومسيه واحب الاحتفالات ايش اسوي مابقي الا10 ايام بليز اعطوني حل بسرعه اسمعو اشتريت له هديه وغلفتها تغليف راق جدا و رومنسب
لالاتنسوني اوتهملوني:cry::cry::cry::sad::sad::sad:
نجلا دبي
30/05/2005, 01:37 PM
مرحبا اختي ريرا
جميل ان الواحد يحافظ على احياء ذكرى المناسبات السعيدة اللي حصلتله
بس يا عنوني لا تزيدين في رومانسيتك
خللي احتفالك بالبيت
مثلا :
في اليوم المحدد تقدرين تحطين طاولة وتزينينها مثل المطاعم : مفرش جميل وحطي عليه مفرش اصغر مطرز ،
رتبي الطاولة بطريقة الاطباق الراقية والشموع والشمعدانات واطلبي كيكة وشموع لها ،، هذا الشي سويه في غرفتك ،
اذا كان احد معاك بالبيت ، وسويه في ركن بالصالة الخاصة لك اذا ماكان احد معاك بالبيت ، البسي فستان كأنك في سهرة
وغيري مكياجك ، وشعرك ، وسوي اطباق او اطلبي اشياء خفيفة من بره يعني او سوي له طبق يحب ياكله على العشا ،
وحطي موسيقى رومانسية او هادية مثل اللي يحطونها بالمطاعم ،، واذا كان الاحتفال بالغرفة مو شرط تكون الطاولة كبيرة
اكتفي بطاولة صغيرة ، وغيري ديكور الغرفة ، مثل الشرشف ، وعلقي بعض الزينة ، والدباديب ، والورود ، وخللي اضاءة
الغرفة خافته ، واهم شي اشتري قميص نوم " مشخلع "
وخلليه يكون بره في الوقت اللي بتنظمين للاحتفال يعني خليها " مفاجأة "
صدقيني الحركة مجربه وبتعجبه انشالله وفي كلا الحالتين بتكونين ارضيتيه وارضيتي نفسك
ولا تدققين على كل شي برومانسية عشان ما تتعبين نفسيا
اتمنى اني افدتك بالرد
RONITTA9003
31/05/2005, 01:26 AM
يعطيكي العافيه اختي نجلا افكارك حلوه ...........وبعدين يا اخت ريرا والله عيد الزواج تحتفلوه فيه بالبيت احلى مليون مره من بره البيت لانه البيت يكون جوه ادفى و احلى ...وتاخدوا راحتكم اكثر
بـــاريــس
31/05/2005, 01:51 AM
من تجربه بلا عيد زواج بلا هم
والله انا تركته لله وانا مرة نفسي اسويه بس والله ان حياتي في هالسنه احلى بكثير من الي قبلها
يوم كنت احتفل وش الاحتفال هدية واكل برة ونومه عاديه
ما تقارنينها بسنه سعادة ما شاء الله تبارك الله
انا احتفلت فيه مرتين مرة برة ومرة بالبيت حلوين بس كانت حياتي كدر
من ترك شيء لله عوضه الله خير منه
وتركته مرتين الثانيه قريب كانت وكنت منجنه ابغى اسوي خصوصا ان خواتي
كانوا مسوين وازواجهم جابوا لهم هدايا حلوة وانا غرت ابي زوجي يجيب لي بس ما فيه مناسبات
بس من اسبوعين جاب لي احلى هديه يمكن قيمتها 6000
ما شاء الله عليه زوجي الله يخليه لي ويسخره
يعني تركته لله وعوضني خير منه
بـــاريــس
31/05/2005, 01:56 AM
اكيد بتقولين ماهمني الهديه قد ما يهمني الرومانسيه
والله انا معاك اتمنى جو رومانسي
بس انتي زوجك رافض الفكرة فيمكن اذا حضرتي لك فكرة يسفهك
او حتى يزعل
فانا رأيي اجليها شهر عشان ماتكونين احتفلتي بعيد محرم وما يتضايق زوجك
وانتي حضري احلى ليله رومنسيه
نجلا دبي
31/05/2005, 12:27 PM
عروستي ريرا
تحية طيبة وبعد
انا مع الاخت جوري 2 في ان لا تتقيدين بالاحتفال في يوم معين
خللي ايامك دايما احتفالات ومناسبات
يعني خللي كل شهرين سوي لك مثل هالحركات
وبشكل مفاجئ
تصدقين المفاجآت الحلوة مرات الها وقع جميل في النفس
واتمنى لك حياة سعيدة
الجوري 2 تحياتي لك مع تمنياتي بحياة سعيدة
والى كل عرايسنا الجميلات تمنياتي لهم بحياة سعيدة
شكرا لكم حبايبي كثير كثير لتفاعلكم معي وشكلي حاخذ برايكم وتسلمون