اللي سافرت لصلاله تدش يعني تدخل..... بليز...

[طلوله]

السلام عليكم ورحمة الله وبركاته
كيف الحال ارجو انكم تفيدوني وماتفشلوني قدام زوجي علشان فكرنا نسافر لصلاله
بس قاعد يقولي يالله فيدني من نت حقك باشياء عن صلاله
والالي نبي نعرفه .من اللي جرببو السفر لها
1 - هل اسافر لها بالطائره واستخدم تكاسي هناك
والا اخذ سيارتنا معنا مثلا اشحنها ؟؟ظواللي جربو يشحنون السياره ياليت يفيدونا
2/ كم يوم ينصحونا بالجلوس فيها
3/ وكيف اسعار الفنادق والشقق هناك لاني سمعت انها غاليه بالنسبة عن باقي دول الخليج وخصوصا عن السعوديه
4/ ومن جرب يسافر لها بر عن طريق السعودية فيه ناس نصحوني اروح من الشرقيه على الامارات وبعدين صلاله وانا حاسه انه متعب الطريق خصوصا معي اطفال وش رايكم افيدوني

مع العلم اني زرت مواقع بالنت كثيره عن صلاله بس ماحسيت فيها معلومات مفيده
فيالت اللي جرب سافر لها جوا او برا يقولي على الخطوات بالتفصيل ولكم الشكر

[ترانيم قطر]

ان شاء الله لي رجعه لك ...


باحاول اساعدج ..

وان شاءالله البنات الي سافرو يفيدنوك ....

[وهج الغرام]

ياليت تفيدوني انا بعد لاني ودي اروح لها بس ودي بمعلومات اكثر عنها

يعني وش احلى مكان فيها .؟؟؟؟؟؟؟
وش مجمعات التسوق عندهم ((طبعا مانستغني عن السوق )))))
وش المطاعم الحلوه ؟؟؟؟؟
وش احلى شقق للسكن ؟؟؟؟؟؟؟؟؟؟؟ الخ

[روينا]

هلا وغلا فيتش بعمان أرض اللبان

تصدقين أنا من عمان وما رحت صلالة ولا مرة ، ما صار نصيب لأني من العاصمة مسقط، بس أقترح ليتش تروحين بالسيارة ، لأن هناك

تحتجين السيارات ذات الدفع الرباعي ، أما من ناحية التسوق ، هم كل سنة يسوون مهرجان صلالة

فيها كل شئ ( الاسواق الشعبية ، الفنون التقليدية لمحافظة ظفار ، والالعاب الترفيهية ) ، والصباح

طبعا تروحين الجبل والمزارات ومنطقة المغسيل ، بس راح أدور معلومات

أكثر وأرد عليتش ، وأنصحك تروحين حق اسبوع فقط يكفي وممكن تكملي في مسقط وباقي

الولايات في السلطنة في طريق العودة .


روينا

[طلوله]

اهلين اخت روينا الله يعطيك العافيه على الرد الحلو وراعيتها والله يابنت عمان
والله يعينش علينا وعلى اسالتنا
هل بعد شهر من الان تكون صلاله زينه يعني جوها حلو
وكيف اجار السيارات عنكم سمعت انها غاليه ولازم سيارات كبيره زي ماقلتي
كيف اسعارها واسعار الفنادق لاني احب نعمل حساب المصروف وخصوصا ان اهلي يبون يروحون ايضا
وقالو المسافه بعيده بالسياره بين مسقط وصلاله
وناس قالو لنا لايغركم صور بس مو كل الاوقات والاشهر تكون حلوه
مع اني مومقتنعه بكلامهم
وهل توجد فيها مطاعم وفنادق حلوه
ردي علي ومشكوره وسامحينا

[روينا]

تسلمين اختي ( صحيح مو كل الأشهر في السنة تكون صلالة حلوة بس موسم الخريف يبدأ من شهر ستة وحتى شهر تسعة ) وانصحك

تروحين بمنتصف سبعة أو شهر ثمانية لأن الجو يكون أحلى في هالاوقات ، اما بالنسبة المسافة

من مسقط إلى صلالة تقريبا من عشر إلى اثنى عشرة ساعة ، واما منن ناحية الفنادق والسيارات

فإيجارها أكيد تكون غالية شوية عن الاشهر الثانية بسبب السياحة

في هذه الاشهر الثلاثة ، عشان جذب أنصحك تروحون بالسيارة ، وما تقعدين فيها أكثر من أسبوع ، واما بالنسبة للمطاعم ما عندي

فكرة عنها ولا المراكز ، بس بعدني راح ادور وأرد عليتش ،

ملاحظة :
أنصحكم تاخذون فندق بيت الحافة لأن الفندق ما فيها بار وأسلامي ( وفي فرع من الفندق في مسقط وصلالة )، وممكن تاخذون شقة

مفروشة .



روينا

[spoiled]

هاااااااااااااااااي حبيبتي ....
انا رحت لصلاله اسبوعيين بس انصحك تروحين لها اسبوع بس يكفي هذا اذا تبين طبيعيه وتغيرن جوووووووووو....
بس سافرنا بطياره من قطر لمسقط ثم من مسقط لصلاله ..كانت رحلتنا حلوه مو متعبه زي السياره ماانصحك فيهاا...وسكنا بفندق راقي ( بغرفه سويت)بس مااذكر ان صلاله فيها مراكز تسوق اللي اذكر شفته المهرجانات ووووالرقصات التراثيه اللي بمحافظة ظفار...والجو يكون احلى فوق الجبال...بس المكان يخوف (خطر) اقصد ماادري يمكن عشان اخاف من الحيوانات (بقر وجمال )......:D2....الخ عادي وانتوا رايحين للجبل بالسياره يجيك قطيع وخرب عليكم خخخخخخخخخخخخخخخخخخخخخخ:D2

بس صلاله حلوة وجوها حلووو واتمنى اني افتك بشي عزيزتي ...طلوله

[كلبوززة]

حبيبتي انا من الامارات ورحت صلالة عن طريق السيارة يمكن نحن اقرب ناخذ في الطريق 12 ساعة بس ما ادري بالنسبة للسعودية بس صدقيني تستاهل انج تروحينها وبعدين انا افضل انج تحجزين شقة فندقية بس قبل ما توصلين لان زحمة على الشقق والفنادق خصوصا شهر 8 ( اغسطس ) وبالنسبة للسيارة تحتاجينها هناك ولازم تكون فورويل . لاتترددين حبيبتي روحي انشاء الله مابتندمين.
شكرااااااااااااااا

[المها1]

سلام عليج يا اختي طلوله ....انا من الامارات و كل سنه اروح صلاله تقريبا من 11سنه او يمكن اكثر..كنت اروح عن طريق السياره بس بلنسبه لج بيكون بعيد الطريق من السعوديه الى الامارات ثم صلاله..
ورحت يمكن 4 مرات بطائره..كنت مرتاحه الانها تقريبا ساعه الى صلاله... وكنا ناجر سياره فور ويل طبعا (نيسان او استيشن) بسعر 180_200 درهم تقريبا الفاندق وايد مثال الهلتون في منطقه عوقد علي البحر و وايد حلو ..و الهولدي ان بعد على البحر .. و في حمدان بلازا فندق وفلل وشقق في وسط صلاله و الشنفري (القريه الشامله) وايد حلو وانصحج فيه عباره عن فلل وايد حلو حق العائلات و يسوون فيه مهرجان للتسوق و العاب للاطفال و على البحر .... و تقدرين تاجرين بيت ... الاسعار ماعرف عنها الاني كنا ناجر في البيوت و من سنتين اشترينا ارض في صلاله و بنينا بيت و فتكينا من الاجار.....
واسمحيلي الاني طولت عليج واتمنا انك استفدتي من هذه المعلومات
واذا عندج أي استفسارانا حاظره:smile:

[صفاء الذات]

اختي العزيزة ... روحي صلالة وما بتندمين ... انا رحت صلالة مرة وحدة وكنت قبل ما اروح موة مستانسة وايد لاني كنت اريد اسافر برع ... بس زوجي قنعني بصلالة ... بس صراحة ما عليها كلام روعة.... روعة .....روووووووووووعة ... اعصابج ترتاح فيها على الآخر تخيلي تكونين جالسة على جبل وتشوفين السحاب جمبش وتلمسينة وتحركيين يدش فيه منظر جميل جدا ولا تكوني يالسة على الجبل والسحاب يمشي تحت منك ... وشوف اختي اذا كانت المادية عندج زينة ممكن تسافرين طايرة وهناك تستاجرين سيارة ... لانه انا عن نفسي ما رحت بالبر .. رحت طايرة كانت مريحة من مسقط الى صلالة اقل من ساعة ما تحسين فيها لكن مثل ما تكلمن الاخوات اسبوع يكفيش فيها من حيث السياحة الا اذا بغيتي بروحج اطولين علشان تمتعيين اكثر واكثر بجمال الطبيعة ... وبالنسبة للمطاعم على ما اذكر فيه مطعم عندهم اسمة مطعم ( بن عيد الشعبي ) او بن عتيق الشعبي ما اذكر بالضبط اسمة ...

وسامحينا على التقصير

[وهج الغرام]

روينا حبيبتي بما انك من مسقط وش المجمعات التسوقيه اللي عندكم ؟؟؟؟؟لاني بمر على مسقط

وهل صحيح ان المسافه بين مسقط وصلاله 10 ساعات

[طلوله]

الف هلا ةغلا بالاخوات ر وينا و spoiled
وصفا ء الذات وهج الغرام المها كلبووزه

اشكركم الف الف شكر وهذا ماعهدته من صديقات المنتدى والله جملتوني عند زوجي

ورحت وطبعت ردودكم له وانا كلي فخر بالمنتدى واهله :shy::clap::shy::clap::shy::clap::smile:

ولكن سمعت ان الحشرات والناموس كثير فيها وحده قريت لها في المنتدى انه عكر رحلتها الناموس

احد حصله كذا :pain::pain:

[وردة جده]

هلا حبيبتي

انا من جده ورحت لصلاله مرتين اول مره ماكان في طيران مباشر رحنا لمسقط واخذنا طيران عماني الى صلاله

لكن المره الثانيه رحنا دايركت من جده لصلاله وطبعا في رحله من الرياض لصلاله

صلاله حلوه وجوها روعه واهلها طيبين لكن اللي تسأل عن مراكز مافيها بالمره يادوب في مركزين اللي هو اللولو

ومركز خريف صلاله وصغير مره بالمقارنه بمراكزنا طبعا هي عباره عن سوبر ماركت وفوق بضايع بسيطه اغلبها مكتبيه

مدري اذا في شي جديد هذي السنه

بالنسبه للشقق وهي افضل لان مافي فنادق حلوه عندهم ماعدا الهيلتون وغالي الليله ب 800 ريال سعودي

عندهم شقق نظيفه لكن تتعبين لين تلاقي لان عندهم زحمه بشكل ماتتصورين واغلبهم من السعوديه والامارات

السيارات لازم تستاجرين او تشحنون سيارتكم ومو مهم سياره الدفع الرباعي الا 3 ايام علشان تروحين دربات هي اصعب شي

واحلى شي اما بقية الاماكن مثل عين حمران وسهل ايتين وغيرهم كثير مايحتاج سياره كبيره ولو ان السياره الكبيره متعه

الايجار كان معقول لكن من العام بدأ يرتفع علشان زيادة الطلب مثلا احنا اخذنا شقه غرفتين ب 350 ريال سعودي

يعني 35 ريال عماني لكن الحق كانت تستاهل جديده اول مره تفتح السنه اللي فاتت ونظيفه جدااا وفيها كل شي حتى غساله

لكن عيب صلاله الوحيد الناموس وانا اعتقد انو مو ناموس لانه الشكل يختلف صغير ويترك اثر مايروح بسرعه

لكن الحل انكم تشترون كريم او مرهم خاص بالحشرات تحطونه قبل لاتطلعون وهذي شغلانه وتعب كل ماطلعنا ندهن

وفوق هذا مانسلم من قرصه لكن في دكتور يقول الليمون كويس تدهني بليمون لكن ماجربته

وسفره سعيده ان شاء الله واحسن وقت لصلاله شهر اغسطس لان الرذاذ في كثير والجو مرررره حلو

واي سؤال انا حاضره

[بشبشه]

هل اسافر لها بالطائره واستخدم تكاسي هناك ؟
لااختي انا اقول تسافرين بالطياره احسن خصوصا عندك اطفال نحن سافرنا بسياره صراحه تعب حق السيق وحقنا نحن وخصوصا انتي من المملكه فمادري شاوري حالك

2/ كم يوم ينصحونا بالجلوس فيها ؟
نحن جلسنا اسبوع تقريبا لانه بالاخير بتملون لانه مافي مراكز ولافي بس طلعات للجبل وللبحيرات وامممممم ايه اهم شي تشربون النارجيل كشخه:)
3/ وكيف اسعار الفنادق والشقق هناك لاني سمعت انها غاليه بالنسبة عن باقي دول الخليج وخصوصا عن السعوديه؟
صراحه الاسعار غاليه وخصوصا لو كانت قرب المهرجان صراحه نحن كنا ندفع800 درهم باليوم بس كنا عايله كبيره بس كان كشخه اما الشقه ما اعرف عنها:)
اما عن المراكز ماشفت غير اللولو بس ورحنا المهرجان كشخه بس الاسعار غاليه للمهرجان
وبس هذا يلي عندي
اتمنى فدتج
وتروحون بالسلامه ان شاءا لله
سلامي لج:)

[ميمي555]

انا سافرت لها قبل سنة جو رررررررررررررررررررروعة مطاعم بس كنتاكي وبيتزا هت والسكن مو نظيف ومافية فنادق يعني بلد توها ماتطورت

[ميمي555]

الله يسهل رحلتك وبتنبسطين ان شاء الله

[وهج الغرام]

والله انا محتاره هلي يبون يروحون صلاله اول مره وانا مو متشجعه مره وودي اروح السعوديه استانس فيها اكثر وانا ذبحتي المجمعات والتسوق ........

مادام السالفه فيها طريق متعب وناموس ومافيها مجمعات بلاش منها ..................السعوديه احسن

شكرا لكم على الافاده بنات

بس محد قاللي اذا في مسقط مجمعات تسوق ؟؟ وكم مجمع بالضبط ؟؟؟

[آلي مكبيل]

هلا وغلا أختي وهج الغرام

اذا بتجين صلالة ...... صلالة فيها الهدوء والبساطة والجو البارد والرذاذ والخضرة بالجبال والشلالات....... ورح ترتاح أعصابك شوي من الزحمة والربشة والمجمعات :) ... هي صلالة ما فيها مجمعات صح بس فيه أسواق رح تلقين مكياج ماركات وعطور وملابس وأكل ما تخافين ما رح تموتين من الجوع هههههههههههههه ... بس شئ مستغربة منه مرة ..... ما دام عندكم فيه مجمعات والمفروض تكونين مليتي منها تبين تروحين مكان فيه مجمعات ؟؟؟
روحي تعرفي على ثقافة جديدة وناس جديدين ومكان جديد
بس اذا مرة ما تقدرين تعيشين بدون مجمعات ممكن تمرون على مسقط فيها مجمعات مختلفة مثل مجمع البهجة واللولو هايبر ماركت و سيتي سنتر .....


ومع السلامة :)

[وهج الغرام]

شكرا على الرد الي مكيبل

[طلوله]

الف شكر لمصرقه 2000 ووردة جده
اسمائكم حلوووووووووووووه
والرد اجمل ومفيد
بس خوفتوني من الناموووس ماحبه وعندي انا وعيالي حساسيه بالجلد وراثيه

شكلي بتنكد منه :sad::mad2::cry:

الله يكتب اللي فيه الخير بستخير وارد عليكم
وياليت ورده جده ترسلين لي على الخاص اسم الشقق المفروشه اللي رحتيها ولو عندك الرقم احسن واحسن الله يعطيكم الف الف عافيه ماقصرتو وان شاءالله اردلكم ها الجميل الحلو خصوصا قدام زوجي :yes::shy::smile:

[طلوله]

وهج الغرام اهلا بك في السعوديه واذا تحبين الاسواق والمجمعات حياكي عندنا في جده
من الاسواق الجديده
السلطان مول
الصيرفي مول وهذا رائعج دا جدا وفيه اكبرمدينه ترفيهيه مغلقه ومكيفه والعابها حلوه مره للكبار والصغار ويتكون من اربعه طوابق
وفتح الاسبوع اللي فات
وبالرياض طبعا المملكه والفيصليه والعثيم مول والعليا مول
وووووو وش كثرها
اتمنى لك اجازه سعيده

[كلي خيال]

هي وااااااااايد حلوة و جوها جنان لكن ماينفع أحين لازم شهر 8 لما يكون مهرجان الخريف لأن احلى جو

طبعا لازم سيارة فورويل مثل ما قالوا الأخوات

المطاعم وايد رخيصة وأسعارها حلوة ، الشقق شوي غالية بس تراها على حسب قربها من مركز المدينه يعني الشقق غرفتين تبدأ من 180 لين 250 و شقة 3 غرف وحمامين تبدأ ب 300 لين 350 طبعا في الليلة

وأنا انصحج إنج ما تقعدين فيها أكثر من أسبوع لأنها وااااايد صغيرة وبتخلصونها وبتسيرون كل الأماكن السياحية في أسبوع وعقب بتملون

أما عن المراكز التجارية مافيها شي مووووووووووووول بس يكون فيه خيم مالت المهرجان حلو بضاعتهم ورخيص

وأما بالنسبة للأماكن السياحية ففيها العيون مثل عين رزات وعين حمران وعين ... نسيت اسمها لووول وفيه قبرو بعض الأنبياء مثل عمران و أيوب عليهم السلام وفيها مغسيل تجنن رهيييييييييبة وفيها وأحلى مافيها البحر آآآآآآآآآآآآآه عذاب والله ماودج تبعدين منه

على فكرة وانتوا داخلين صلالة هناك يتقبلكم مكتب صغير مال السياحة ويعطيكم كتيب عن الأماكن السياحية فيها مع الخريطة هي ابدا ما اظيع وانا انصحج تشحنون السيارة معاكم بدون سيارة ما تنفع مووووووووووووووول صلالة

سوري عالاطالة واتمنى اكون افدتج

[وهج الغرام]

تسلمين اختي طلوله على الرد الجميل وفعلا من دون مجامله انا اموت على السعوديه وكفايه بنات خالتي هناك والجمعات الحلوه والسهر وعشان كذا ماابي افوت الاياه علي واروح صلاله مع العلم ان اغلب البنات يقولون اسبوع وبتملين فمايسوى علي اروح ....

بس انا اتطقس عن المعلومات لان اهلي بيروحون صلاله وابي اجمع اكبر قدر من المعلومات

بس ياليت تعطوني اسامي شقق في صلاله ومضمونه ونظيفه وبعيده عن البارات يعني شقق عوائل وكم اسعارها لان اهلي يبون يحجزون مسبقا
فياليت ماتبخلون علي يابنات مسقط والامارات واللي راح صلاله

[بـارثـلي]

السلام عليكم ورحمة الله وبركاته
بصراحه البارحه كنت قاعده مع صديقاتي كل الوقت يمدحن في صلاله وجوها وروعة جبالها
وأعتقد ان ما فيها مجمعات بس احتمال عندهم أماكن على شكل المعارض

واتمنى لك اجازه سعيده ان شاءالله

[عروس الغبيراء]

السلام عليكم

صلاله جنه الله في الدنيا .. الجبال تعانق فيها السحاب بمنظر يسرق لب القلب


انا من عمان وقد زرت صلاله كثير وجربت سفر الطائره والسياره

اقتراحي لك روحي بطياره لان السياره متعبه حيييييييييييل وخاصه للاطفال والسايق

احنا في البلد ونوصل منهديييييييين كيف من السعوديه

والرحله من ابوظبي الى صلاله تستغرق يوم


اشحني السياره بمده ومن توصل توكلي على الله

والافظل يكون معك حد يدل الطرق

نصيحتي خذي ملابس شتويه معك الجو جدا بار وخاصه بالليل

وخذي دوا للناموس لان منتشره في الجبل فوق

وبصراحه صلاله ماتتفوت

جنه جنه جنه

ماتصدقي انها بلد عربي

واهلها ناس طيبين وفيها اسواق حلوه وتبيع البخور والعود

والعطور الحلوه وفيها بحر ومناطق رووووووووووعه

وفي ياجروا شقق وفلل ايضا

نحنا متعودين نستاجر فله

ونجلس في صلاله من شهر الى شهرين ما نمل من حلاها

والله يرزقنا روحتها مره ثانيه

اتمنى اني وصلتلك الصوره

[رياض الخبراء]

هلا صلاله
روعه اهم شي الجو وتعدد المناخ
بحر جبل بر
اسواق متعدده خضروات طازجه
عسل طبيعي
ناس طيبيين
مجمع البلديه الترويحي بالليل روعه
يعني بالنهار جالسه على الجبل والرذاذ
والجو العليل
اناا رحت لهاا قبل سنتين بالسياره صراحه روعه
ممكن المسافه بعيده بس رحله شبابيه
2600 كيلووووووووو
بس فيه انك تجلس فيا ايام ووتنزل على دبي والامارات للاسواق بالرجعه
وفيهاا شقق كثير والان ممكن يكون هناك شي جديد
الذهاب بالسياره متعب
بس وناسه يكون اغراضك معاك من عده الشواء وغيره
بدل الشراء وزياده التكلفه
في اكل وغيره
وانا ان شاء الله راح اسافر لهاا خلال الاجازه
وشكراا لكم

[Om 3ziz]

مــــــــــــرحبا يـــــــا حلويــــــــــــــن

الله يهديكم من كثر ما تكلمتو عن صلالة صار الواحد وده يزورها اليوم قبل باجر

الحين اقتنعت اني اروح صلالة والله بس من كلامكم..... كنت ابي اغير جو في الصيف وزوجي قالي عن صلالة بس ما اقتنعت مما ادى الي تصادم الأراء وبعد ذلك زعل النسوان اللي ما فيه فايده...

ان شاء الله راح ازورها هالسنة والله يعينا على الناموس...

وعندي استفسار
هل عندكم اسم كريم زين للناموس؟

[وردة جده]

يابنات روحوا للطيران العماني ببلدكم عندهم كتيبات تفيدكم عن صلاله والشقق كثيره بس من الزحمه لازم تحجزين من بدري والا

بتجلسين طول النهار تلفين ويمكن ماتلاقي الا شي مايرضيك انا ان شاء الله اكتب لكم الشقق المتوفره عندي قريب

وكل المعلومات اللي عندي انتظروني

[النور الساطع]

مرحبا بالاخت طلوله
نرحب بك وبكل اهلنا في الخليج في بلدهم الثانيه سلطنة عمان
طبعا انا من منطقة الباطنة يعني قريبه من الامارات والمسافه من هنا الى صلاله ما يقارب 1200 كيلو متر ومع ذلك احب دائما ما اذهب الى صلاله في كل اجازة صيفية باعتبار ان صلاله في الفترة من 21 يونيو الى 21ستمبر من اجمل المناطق والمصايف في الخليج ولا ابالغ ان قلت انها تضاهي المدن الاوربية في الجمال وان كان ينقصها بعض المرافق ولكن هي في تقدم من سنة الى سنة ..
انصحكي ان تاتي بالسيارة والافضل ان تكون ذات دفع رباعي واتوقع اقرب لكم عن طريق العين عبري ثم نزوى فصلاله ويوجد استراحات في الطريق وبها فنادق بمختلف الدرجات وانتي وحريتك وبها شقق ايضا مختلفه وكل بسعره تكثربها الاسواق الشعبية واكشاك النارجيل وقصب السكر والفافاي والموز هذه الاكشاك تشكل سنفونية رائعه مع روعه الجو والرذاذ الساحر ..
وافضل الاوقات لزيارة صلاله في نهاية شهر 7 وبداية شهر 8 لانه يكون الخريف في اوجه وتكون مزدحمه في هذا الوقت ..
بها العيون والجبال الخضراء والسهول والبحار والنافورات الطبيعية ..
اتمنى لك رحلة سعيدة

[jafa]

بسم الله الرحمن الرحيم
السلام عليكم ورحمة الله وبركاته
والله الأخوات ما قصرن الله يجزيهم ألف خير ولا يحرمنا منهن ومن معلوماتهن الحلوة
المهم أنا سرت صلالة العام شهر عسل وايد روعة وأنصج تسافرين بالسيارة لأن احنا سافرنا بالنقل وابتلشنا هنا أجرنا سيارة عادية 120 درهم اماراتي والشقة نفس الشيء
احنا أجرنا في نيت ظفار و في غيره الطاقة وغيره كله بجنب بعض ويكفيكم أسبوع صراحة