مشاهدة النسخة كاملة : صابون غسيل الملابس
تهانـــي
21/05/2005, 09:49 PM
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
يمكن يكون الموضوع صغيرون... بس صدقوني لو ما كنت متعذبة ما كنت كتبت الموضوع..:(
اكتب هذا الموضوع وكلي امل أن أجد الجواب الشافي لديكم ...ويمكن تكون هناك من تعاني نفس معاناتي...:cry:
معاناتي هي مع غسيل الملابس الملونة ...
انا حديثة الزواج.. وساكنه مع أهل زوجي ... عندي غسالتي وكل شي والحمدلله .. لكن المشكلة اني كل ما استخدم صابون لغسيل الملابس الملونة أكتشف بعد الغسيل ان الملابس طارت ألوانها وصارت فيها بقع بيضاء في كل مكان... :mad2:
يا ليت أخواتي يدلوني على صابون جيد لغسيل الملابس الملونه بدون ما يطير الألوان... :o
واسمحو لي على الموضوع....
المنسية
21/05/2005, 10:04 PM
استخدمي صابووووووون اومو
والله انه اوكي
~~RaaB~~RooB~~
21/05/2005, 10:09 PM
أنا استخدم صابون
TIDE كتير رووعة
والصابون السائل أستخدم
Comfort كمان رهيييب
وان شالله تتوفئي
بداره
22/05/2005, 08:28 AM
عن تجربتي، جربت جميع أنواع الصابون للملابس الملونه ولا نفعت معاي، الملابس الملونه تبهت ألوانها من أول غسله . لكن جربت استخدم شامبو دوسي أشتريته من جيان روعة للملابس الملونه. جربيه وأدعي لي.
مناهل78
22/05/2005, 09:33 AM
جربي دوسي وماراح تندمين، فعلا روعة هو لونه أخضر فوشي والغطاء يختلف حسب الرائحة (تفاح، ورد، ليمون)////
RoOoOmy
22/05/2005, 09:57 AM
أنا ما أغسل ملابسي ( شاطرة زيادة عن اللزوم ) بس منكم نستفيد
طيب لو استخدمتي صابون متكوب عليه للملابس الملونة هل تلاقين مشكلة بعد ؟
مناهل78
22/05/2005, 10:01 AM
والله فشله يارومي ، ليش ما تغسلين ملابسج؟؟؟؟؟؟؟؟؟؟؟؟؟
الزين في دوسي أنه شفاف يعني مو مثل شامبو العباية مثلا يكون لونه أحمر ويبقع بالملابس.
RoOoOmy
22/05/2005, 10:21 AM
رانيا انا بعدني عروس ( سنة ونص وتقولين عروس )
اودي ثيابي بيت اهلي وامي تغسلهم مرتين بالاسبوع
فشيلة صح ؟؟
خواطر©
22/05/2005, 10:52 AM
والله انا مااغسل ملابسي.. [ش احب اشتري كل انواع الصابون اللي متوفرة بالسوق.. من باب الريحه الحلوة.. مش النظافه.. ومادري الوالده ترميهماو تستخدمهم.. الله اعلم.. والخدامه كل يوم تيجي تقولي "مدام هزا صابون ماينفأ".. تبين اقولج
تايد.. اومو.. تاج.. برسيل.. ومادري والله انواع كثيرة..
تحياتي
Mrs Chocolate
22/05/2005, 11:37 AM
أنا اعاني من نصاعة الملابس البيضاء....زوجي دايما يلبس ثوي ويغتر للشغل....واذا اغسل ملابسة بالغسالةماتصير ناصعة البياض وخصوصا اللياقة والأكمام..مع اني استخدم صابون واحط معاه بيوض ... ياليت تساعدوني..
HABOOBA
22/05/2005, 01:37 PM
أنا عني استخدم OMO
المطور بالحبيبات الزرقاء .... ومعاه كومفرت للريحه والنعومه ...
والحمدالله ماااااااااااااشي الحال عال العاااااال ... ^__^
تهانـــي
29/05/2005, 07:28 PM
مشكورين جزيل الشكر على الردود...
للأسف الشديد أخواتي جربت تايد ومانفع معاي وجربت الجوهرة كمان ما نفع معاي بس صرات أخفف الصابون الشوي مع الملابس الملونة ...
اما عن امو ان شاء الله بجربة واذا نغع معاي برد عليكم...
HABOOBA : حبيبتي الحبيبات الزرقاء هي اللي تطير اللون وتسوي البقع البيضاء في الملابس الملونة
Mrs Chocolate : يا حلوة قولي حق زوجك يودي الملابس البيضة للمغاسل وهو يغسلونها ويكونها بعد ولا تعبين عمرك انا اسوي كذا..
RoOoOmy_M
عروس ركن الديكوروالأعمال اليدوية : حتى لو أستخدمت صابون خاص للملابس الملونة يعطيكي نفس النتيجة...
وسلامتكم
بـــاريــس
31/05/2005, 04:20 PM
احس احسن شي اريل
يمكن انت تحطين مبيض مع الصابون
المسالمه
31/05/2005, 05:02 PM
انا استخدم
تا ا ا ا يد
اومــــــو
اريال
وكلهااااا
ولاااا احلى
تهانـــي
05/06/2005, 06:03 PM
حبيبتي عروسة البحرين ... انا ما اقدر انشر الملابس في الشمس لان بيت أهل زوجي عندهم شباب وصبيان ... وما اقدر آخذ راحتي ... زوجي الله يخليه لي جاب لي نشافة تنشف الملابس 100% وما أحتاج انشر الملابس برع... المشكلة في الصابون الحين كل انواع الصابون يحطون فيها الحبوب الزرقاء وهاذي اللي تعفس الملابس؟؟؟
عروسة فرش
05/06/2005, 06:50 PM
سابقا كنت استخدم "تش" لونه بنفسجي ريحته وااااااااااااايد حلوة و تبقى بالثياب بس احس ما ينظف عدل عشان جذي غيرت إلى
تايد سوبر نسيم الحدائق نظافة و ريحة و ما يخرب الملابس و يبيض الثياب البيضة عدل حتى بدون مبيض
بس اسمحي لي اختي بعرض مشكلتي بموضوعش
عندي ثياب ملونة فيها بقع من الكمفورت ما ادري شلون اشيلها جرب كل شي و ما في فايدة حتى الفانش ما نفع معاها
اتمنى احد يفيدني
تهانـــي
07/06/2005, 07:39 PM
عروسة فرش
مشكلتك مرت علي لما كنت أغسل ملابس زوجي للشغل ... بقع الكمفورت إذا حستي إن قطعة الملابس ما تستحمل الكمفورت لا تستخدمية ...
لإزالة البقع بقول لك على تجربتي وإلي تعبتني شوي ...:pain:
استخدمي فانش كمحلول وخليه على البقع لمدة ربع ساعة ... بعدين حطي الملابس في الغسيل بس بدون صابون (( غسيل بالماء فقط ))
بعد الغسيل إذا شفتي إن البقع ما طارات حاولي معاها مرة وثنتين وثلاث وإن شاء الله بتطير البقع...
هذه تجربتي مع بقع كمفورت وإن شاء الله تفيدك..
بنت الرمس
07/06/2005, 11:42 PM
أما أنا أستخدم صابون بونكس أو أومو
ويوم تكون في بقع قبل الغسيل أفركها بصابون أبيض(الوزير)وايد زين ينظف وبعدين أضع الملابس
بالغساله
فيونه
11/06/2005, 03:14 AM
جربو شامبو بنت الجزيرة :)
اللي لونة أحمر .... أو شامبو العبايات ...
الصراحة أنا مااستخدم الا هالشامبو للملابس الملونة ...
جربي وبتشوفين
أحسن نوع اللي قديييييييييييييييييم مرة ... ويكون بقزازة ...
@مجنونه دولي@
18/06/2008, 06:44 PM
حتى انا ماعرف اغسل يعني عروس لي 5شهور بس داخله لقافه
علشان بعض الاحيان القى الملابس باهته ومنكم نستفيد :)
shoog2006
18/06/2008, 07:10 PM
انا مانصحك تغسلي ملابسك بصابون لانه يسحق الملابس الملونه وترووح الوانها
وتصير باهته انا عن نفسي اذا ماكان عندي غسيلالملابس الملونه استخدم
يالسائل الفيري او استخدم شااامبوا الشعر وما اتعطل وعن تجربه تنظف وتحافظ على لونها وطبعا استخدم دوسي مثل باقي الاخوات اتمنى افدتك بتجربتي
ماروكووو
19/06/2008, 09:05 AM
انا استخدم حراره عاديه للملابس الملونه عشان الالوان .. وكلوركس للملابس الملونه حلووو بعد