شو رايكم بتايلاند الحين ياريت الكل يعطيني وجهة نظرة

[أم أنوار]

السلام عليكم ورحمة الله وبركاته

أكيد الصيف قرب واكيد كل واحد بخطته وبسفرته ووين ناوي يقضي أجازته.


أنا يا جماعة الخير هالسنة وبما انه زوجي طالع من بنيان بيتنا وظروفنا المادية مش ولا بد فبتكون سفرتنا هالسنة على قدنا احنا والأولاد بس ممكن نروح لتايلاند بحكم انها أرخص دول شرق أسيا وبحكم انها تتمتع بمناظر خلابه وجميلة بحكم اني زايرتنها من 3 سنوات ونصف وكانت رووووووووووووووعه وأكثر من روعه.


بس السؤال أهنية هو بعد الإعصار اللي صار لهم هل تنصحوني أروح لها ؟؟؟؟ إذا كانت الإجابة بنعم . هل أسعارهم صارت أغلى أو ما تأثرت الأسعار؟ هل صارت عندهم أمراض تذكر وهل المواقع السياحية تظررت كثير؟؟؟؟؟؟؟؟

أدري غثيتكم بالأسئلة بس صراحتا أنا خايفة أروح هناك وخاصة انه عندي طفلين بعد فيعني لو ما تشجعوني أروح هناك بلادي وبيتي أبرك لي بمئة مرة. ولا انتو شو رايكم؟؟؟؟؟؟؟؟؟؟؟؟؟؟؟؟

[ترانيم قطر]

|--*¨®¨*--|أم أنوار |--*¨®¨*--|


الصراحة ما انصحك فيهاا .. اول الشي عن تجربه اقولك

الفنادق مافيها نظافه .. وعندهم خطف اليهال الاصغار ,,

ومره كنا رايحن جزيره فوسط البحر .. هناك وخلص البترول من القارب

تخيلي نص البحر ويجينا عج وغبارومطر .. ومنطقه مافيها ارسال كلش

وصاحب اليخت ماعنده وسيله اتصال ..انتظرنا عقب 3 ساعات بالغلط

مرو امن السواحل .. بالغلط ..

ما انصحك في تايلاند .. أبداً ماتصلح كل لعوائل ..


تبين نفس الرخص وتبين الوناسه عندج ماليزيا

اجرولكم فيلا فيها بركه وفي مكان امان اسبوع ماتتعد 1000 ريال وخاصه انها دولة مسلمه



وهناك كل شي رخيص ... الملابس والملابس الداخليه نفس سعر تايلاند ..


والله يوفقك ..


°ˆ~*¤®§(*§*)§®¤*~ˆ°ترانيم قطر °ˆ~*¤®§(*§*)§®¤*~ˆ°

[SHREEFA]

والله تايلند روعه ووناسه سافرت شهر العسل الى تايلند رحنا للاحلى الجزر واحلى المناطق في العالم ورخيصه جدا جدا جدا وكذلك ماليزيا ..

واختي عن النظافة والله قعدنا في ارقى الفنادق فيها بالعكس نظيفه جدا وماعليها اي كلام بس بعد الزلزال اللي حاشهوم احس ان المكان يخرع ... مافيه امان ...

يمكن ماليزيا افضل وترى ماليزيا نظيفه ورخيصه بعد ...

[أم أنوار]

اختي ترانيم قطر
تسلمي على المرور والرد والحمد لله على سلامتكم عاد صراحة كنتم في مسلسل رعب يخلص عليكم البترول وأنتو بنص البحر بس الظاهر كنتو طالعين رحله فرديه انصحك أختي ان بغيتو اطلعو مثل هالرحلات البحرية أو في الأدغال أتروحون مع فوج سياحي على الأقل يطلعوا معاكم مرشدين سياحيين .

أختي شريفة صح كلامك اللي أذكره عن تايلاند انها بلد نظيفة وناسها بعد أنظاف وفنادقهم راقيه طبعا هذي الفكرة من 3 سنوات ونصف يعني الحين صراحة ما عندي فكرة عن الفنادق وعن الشوارع وعن الناس لا يكون صارت مثل ما قالت الأخت ترانيم قطر .

وهو ترا بيني وبينكم زوجي يبي يودي أخته للعلاج هناك فقلت بالمرة ألزق معاهم انا واولادي وخاصة أنها دوله سياحية لكن لو فيها بلاوي بعد الأعصار بهون عن فكرة الروحه معاهم وبنتظر زوجي لحد ما يرجع من العلاج ونروح لنا أي مكان ثاني.


فياريت اللي رايح من وقت قريب يعني بعد الإعصار يخبرنا عن الأحوال هناك وكيف السياحه ؟؟؟؟؟

[ليموونة]

السلام عليكم ورحمة الله وبركاته

عزيزتي ام انور

انا سرت تايلاند بعد الاعصار...وكانت اول زيارة لي لتايلاند.. بالنسبة لشرق اسيا سايرة من قبل سنغافورة و ماليزيا

بصراحة تايلاند بس حق المشترياات.. لان سوقهم وايد متنوع واسعااارهم رخيصة.. بس حسيت انها وسخة.. معظم الشوارع وسخة بشكل ... يطبخون اكلهم في الشارع وين ما تسيرين و ريحة ديززززل قوية.. فرق بينها و بين نظافة سنغافورة...بس طبعا فرق في الاسعاار..

بس عندهم فنادق قمة في النظافة و الرقي.. وسناتر راقية و فخمة .. بس ما احس السفرة الها عائلية.. يعني اذا سايرة بتشترين او بتاجرين.. اوكي.. بس ويا عيالج كشته حرام وين بتخلينهم ما فيها شي حق الاطفال بتتبهدلين.. سيري ماليزيا احسن لج على الاقل فيها منتزهات واسواقهم زينة ورخيصة بس مب نفس رخص تايلاند..]

اما بالنسبة للاعصار ما كان في شي لان بانكوك ما ياها شي اصلن.. الاعصار ضرب فوكت وهي جزيرة تبعد ساعتين بالطيارة عن العاصمة..

اتمنى اكون افدتج

[أم أنوار]

ما تقصري أختي ليمونه على معلوماتك إن شاءالله بحطها بعين الإعتبار