مشاهدة النسخة كاملة : طالبتكم حياكم لاتطنشوني
إيمان أم عزوزي
17/05/2005, 08:18 AM
السلام عليكم ورحمة الله وبركاته
بنات أبي أسوي حق أخوي الصغير حفلة عيد الميلاد في الروضة
وحابه أسويله بطاقات دعوة علشان أوزعها على اليهال في الروضة
بحيث يكون فيها موعد الحفلة وتاريخها ولكن بإسلوب طفولي حلو
ياليت اللي عندها فكرة عن هذي الشي تقوللي لأني محتارة مادري ايش أكتب ؟؟
على فكرة أبغي أحط في البطاقة صورة كرتونية أو صورة كيكة أو اي شي مناسب للحفلة
وأبغي أسويها بالكمبيوتر
بليززز بنات اللي تعرف تقوللي
اترياكم ...
باااي
إيمان أم عزوزي
17/05/2005, 01:34 PM
أفااااااااااا
7 دخلوا ولا وحدة ردت علي
اشدعوه مو قت لكم لاتطنشوني
ترى بزعل منكم:sad:
سهرات
17/05/2005, 06:19 PM
عزيزتي ..إيمان ..
بصراحة دخلت عشان أساعدك .. وماأدري أيش الطلب
وأقولك بعد . عندي أفكار للبطاقات ..
لكن أعذريني .. لكون المناسبة عيد ميلاد ..
وهذه من الأعياد التي لم ترد في شرعنا الإسلامي ..
فلا يوجد عند المسلمين إلا عيدين ..
أكرر أسفي .. وياليتك تتراجعين عن الموضوع عزيزتي..
وإذا تبين تفرحينه .. سوي له حفلة لنهاية العام ..
وحنا على اتم الإستعداد .. ونحتفل معك بعد ..
إيمان أم عزوزي
18/05/2005, 08:04 AM
مشكورة عزيزتي سهرات
أشكرج على النصيحة
بس نسيت أقول ان الحفلة هي مو حفلة عيد ميلاد لأن يوم ميلاد أخوي غير عن اليوم اللي حددناه للحفله
هذا مجرد مسمى لكن هي في الحقيقة مجرد حفلة للأطفال يتم فيها توزيع الهدايا أو بمعنى أصح هي حفلة لنهاية السنة لكن انا أخطأت وقلت عيد ميلاد .
أرجو من الأخوات أعطائي بعض الأفكار
مع الشكر
دلوعة حبيبي
18/05/2005, 05:51 PM
وش رأيك حبيبتي تسويين بحث بالركن وبتلاقين أفكار..
PrINcEss
18/05/2005, 06:01 PM
اكتبي فيها
مني ((.............................)) اكتبي في الفراغ اسم اخوكِ الصغير
الى اصدقائي الصغار
وحطي صوره كيكه او صوره ورود او كلها مع بعض
ولاتنسي تحطي صور كرتونيه صغيررررره لانو الاطفال يحبوا هالصور
بعدين اكتبي
موعد الحفله ((......................))
وخلي الخلفيه صوره كرتونيه وحطي الصور الباقيه في مربعات
والله نفسي اسويها لك لاني اموت في هالشغلات
إيمان أم عزوزي
21/05/2005, 11:26 AM
مشكورة حبيبتي عبير الورد على الفكرة
ياليتك معاي علشان تساعديني
بس بحاول اسويها بروحي
SHREEFA
21/05/2005, 11:34 AM
اول شي حطي صوره اطفال وبالونات وكتبي ... باسلوب طفولي يعني مثال .... :
انا حمودي اعذمكم (اعزمكم )على حفلت عيد ميلادي يوم الثبت (السبت) اللي يثادف (يصادف) عثرين (عشرين) خمثه (خمسه ) الفين وخمثه في روضتي وراح نطفي الثموع (الشموع) مع بعض علثان(علشان) نثتانث(نستانس) ونوذع (نوزع ) الهدايا وانتي كملي الباجي ...
لمسة إحساس
21/05/2005, 12:14 PM
حطي صورته في البطاقة بتكون أحلى من الصور الكرتونية
أو حتى صور لمراحل حياته من كان بيبي لين هذا السن و إذا عندج قبعة تخرج صوريه بالقبعة و رتبي صوره في البطاقة بالفرونت بيج أو أي برنامج صور و إذا بغيتي شيء أنا في الخدمة
لمسة إحساس
24/05/2005, 01:28 PM
كان قصدي photoshop مش فرونت بيج