صالون للمكياج ... في العين [الأرشيف]

بنت البر

29/12/2002, 04:55 PM

مرحبا،،،،، بغيت اتخبركم ،،،،،شو احسن صالون في العين ،،،،،،،يسوي مكياج روعة جنه مكياج الممثلات الهنديات وتسريحات،،،،،،،،،،،،،
شو رايكم بصالون بتافيا ، الافراح ، اللمسة السحرية ،،،،،،،،،،،
خبرمني عنهن وعن غيرهم ،،،،وشو احسن واحد:D:D:D

عذوبي

29/12/2002, 09:34 PM

هلا اختي اتمنيت افيدج بس ما عندي خبره في العين والله

نسايم

29/12/2002, 11:51 PM

السلام عليكم ورحمة الله وبركاته.....
مرااااااااااااااااااااحب:) :) :) :) :) :)
اقوووول اختي بنت البر انا بصراحه احلى صالون واحسن واحد صالون الافراح.....لاني ميربتنه وبصرااااااااحه واااااايد روعه ...... وخاصه انه اللي فيه يشتغلن كلهن لبنانيات..... عاد مكياج اللبنانيات روعه فيه ابداع....
وان شاء الله اتيربينه ويعيبج........ بااااااااااااااااااي;) :)

بنت البر

30/12/2002, 07:21 AM

مشكورة وايد يا نسايم ،،،،،،، ويعطيج الف عافية،،،،،، بس مكياج صالون الافراح صار معروف ،،،،، يعني يوم اشوف وحدة في العر س حاطه مكياج عندهم اعرف بدون هي ما تقولي،،،،،،،، ابغي شىء يديد;) ;)

أم سعيد

30/12/2002, 08:35 AM

احب اقولج انه أفضل صالون في العين وأثبت جدارته فعلاً في فن المكياج هو صالون كنز لبنان واللي يتميز مكياج مدام حنان فيه عن الصالونات الثانية حيث انها تنوعلج فيه حسب طلبج مكياج عادي او دخاني بشتى الوانه وانا عني شخصيا جربتها يوم عرسي وكانت فعلا مبدعة في شغلها حتى صرت زبونة دايمة عندهم.. فعلا أنصحج بتجريب خدمتهم وانشاءالله تنول على رضاج...

تحياتي لللجميع..

أم سعيد

DL3

30/12/2002, 02:59 PM

السلام عليكم أم سعيد

انا بوظبي

صالون كنز لبنان عنده خدمات برع العين يعني الخبيره حنان شقير اتسير اتمكيج عرووس .......:D

أم سعيد

31/12/2002, 09:01 AM

الصراحة أختي ما ادري اذا كانت توصل خدماتها خارج العين..انتي ممكن تدقين على الصالون وتطلبينها وانشاءالله ما تخيب طلبج اذا ما كانت ملتزمة يومها...

تحياتي لج
أم سعيد

ايلاف

31/12/2002, 10:22 AM

مشكووووووووووووره على المعلومه اختي
تحياتي:p

بنت البر

31/12/2002, 09:16 PM

مشكورين كلكم:) :) :) :) :D :D :D

همسات الورد

01/01/2003, 03:06 PM

اختيه ام سعيد الله يمسيج بالخير
مره اختي كانت ناويه تروح صالون كنز لبنان بس قلتلي انه مسكر
صح ولا لا
اسمحيلي الغاليه على السؤال
مع السلامه

DL3

02/01/2003, 11:51 PM

(l)(l)(l) مشكوره

أم سعيد

أم سعيد

04/01/2003, 08:25 AM

أشكركم وتسلمون لي انشاءالله

اختي همسات الورد (f) منو قال انه مسكر ..بالعكس الصالون شغال عادي حتى اني كان عندي مناسبة الاسبوع الماضي وسويت عندهم مكياجي...

تحياتي لج

أم سعيد

الحرمان

25/02/2003, 02:21 PM

:D :D :D

a7la_amar

23/02/2004, 02:41 PM

مرحبا بنت البر ...

بدي انصحك نصيحة وهي انو تروحي عند مركز بتافيا بالعين وهو أحسن صالون بالعين وجربوا وما رح تندموا لانو من حبث المكياج أنا مجربة بعرس اختي وكل ربيعاتي بالجامعة ما يسيرون غير عندهم واذا بدك تشوفي اعلاناتهم دايما متواجدة في المجلات مثل (المراة اليوم / همسات/زهرة الخليج/الصدى.....) وأنا هلا بعطيكي بعض الصور يالي قدرت أشوفها ...

المهم ويالي تسوي المكياج هي لبنانية اسمها سلوى دالاتي ... حتى في الشعر روعة. والله يخلي الصالون الباقين كلهم خير وبركة بس مو مثل بتافيا.

حـلـيــوه

23/02/2004, 02:48 PM

أعتقد إنه المركز إلي تشتغل فيه حنان شقير إسمه :

(( مركز حنان شقير للتجميل )) مو كنز لبنان

هذا و السموحة

shamaa

08/05/2004, 01:20 PM

مرحبا

هلا عزيزاتي حبيت أشارك معاكم...أنا سمعت بصراحة انه صالون ظبية واااايد أوكيه مكياجة حتي اللمثلة في الشرقاوي كانت اتسوي مكياجها هناك لما كان عندها برنامج في العين :shy:

تحياتي لكم أتمني اني أفدتكم

مع خالص حبي لكم

أم خليفة:clap:

Romanciah

08/05/2004, 02:13 PM

بصراحه لا كنز لبنان ولا بتافيا ولا حنان .... مافي غير الافراح ....

الصراحه الفاونديشن مالهن يلوع بالجبد والكونسيلر يطفح من عيونج والله وظبيه سويت عندها مره بس لازم تتعبلين عليها ولا بتخليج اراجوز بالالوان ....

احسن ميك اب هو الافراح:clap:

أحبــ أنــا ــك

12/05/2004, 01:40 PM

مرحبا خواتي ...

أنا حابه أضيف إضافة وهي إن مركز حنان شقير تعاملهم جدا زفت ... وبعدين لما ترضى تسويلج المكياج تلوع جبدج من المعاملة وخاصة أختها فاطمة زفته في التعامل كثير ....
وأنا سرتلهم مرة وحدة يوم عرس أخوي بس صح كان حلو بس مو وايد لكن الاسلوب ما اقولكم أبد مب زين ....

وفي صالون ثاني أنا ماجربته يقولون وايد حلو واسمع (( صالون فيكتوريا )) ولو تبين رقمهم أنا حاضرة ....

تحياتي:
أحبــ أنــا ـــبك

darmaki

12/05/2004, 02:03 PM

السلام عليكم ورحمة الله وبركاته
أحسن صالون بالنسبة لي في العين الأفراح
والا صالون حنان شقير مب شي لاتروحيله تراه معاملتهم زفتة هذا غير انهن ماديات وايد لا والمشكلة انج لو تشوفين كريم الأساس بتلوع جبدج مول مب مرتب ربيعتي يوم عرسها سوت عندهم مكياجها وصورت قبل العرس ويوم دشت الصالة كانت حليوة بس لما رحت اسلم عليها عالكوشة كريم الاساس كله سايح ومب مرتب انصحج لا تروحين لها
تحياتي الحارة

ريمووووووه

12/05/2004, 05:47 PM

اختي نساااااااااااااايم بغيت اسألج الحين صالون الافراح كله
لبنانيات ؟؟ .. عيل في ملحق زهرة الخليج حاطين اسم المعدله
انصاف الخالدي ؟؟واسم الصالون مركز الافراح

لا يكون في صالونين الافراح في العين ؟؟؟ :eek2:

ماريتا

12/05/2004, 09:28 PM

نصيييييييييييييييييحتي
لاتروحييييييييييين صااااااااااااالوووووووووو ووون بتافيااااااااااااا لانهن ماديااااااااااااااااات وغير جذيه شغلهن كلشششششششش موحلوووووووووو

انا صديقتي سوت عندهم والله شعرها في العرس كاااااااااااان وااااااااااايد مبهدل هي وخواتهااااااااااااا وكاااااااان منكوووووووووووووش مب مستشور عدل
حتى هي كرهتهاااااااا بالقووووووووووووة قالت توبتي مااروح عندهن

بنت البر

12/05/2004, 11:42 PM

مرحبا ياخواتي ،،،
مشكورين على الردود الحلوة،،،
عاد انا شو سويت ،طبيت كل الصالونات ،،،واخترت ام ريم
وحده ربيعتي خبرتني عنها،،شغلها كان وايد حلو،،عجيب مب بس حلو،،،
حتى كريم الاساس مالها ما يسيح ابد وتم ثابت من الساعة 6 الى الساعة 2 ويوم رحت انام،،،،انصحكم فيها،،،،،:clap:

بنت البر

12/05/2004, 11:44 PM

صح نسيت اقول ،،على طاري بتافيا ،،،هذا الصالون ابد شغله مب زين ،،بنات خالي في العرس ،،لا مسويلهن تسريحة عدلة ولا اسشوار زين ولا حتى ميك اب،،،

1_سنين_1

14/05/2004, 02:32 AM

شخباركم جماعة...

الصراحة انا شدني هالموظوع لأني انا من بنات العين واسير صالونات وايد واكثر واحد ارتحله بالتعامل الطيب مركز بتافيا وابا اقول لكل المشاركين في هالموضوع انه مكياجهن حلو وايد ورسمتهن للعين تخبل...

حصلت هالصورة من مجلة قبل وبعد وانتو قرروا وعطوني رايكم...

ومشكورين عالاطالة

[CENTER]يرجى تقطيع الصور

مشرفة الركن

جويل

رنيم الامارات

14/05/2004, 08:27 PM

هلا خواتي احب اوضح شي ان صالون كنز لبنان تغير اسمه الي صالون حنان شقير اخذو رقمه من الاستعلامات ومكياجهم عادي وصالون اللمسه السحريه فيه فلبينيه اسمها فنيسا هي الوحيده الحلو مكياجها اذا عندج صورة المكياج بسويه بالضبط بس هي والباقين فيه لا . اما بتافيا بعد حلو
بس الصالونات هذه ما فيها ابداع في المكياج صار معروف رسماتهم بس انتوا الي طلبوا وتعلمن اخر شي نزل واتمنى اني افدكم .
فيه وحده في أبوظبي مكياجها حلو واسمها امنه وهي مواطنه بس مكياج واسعارها وايد معقوله يعني العادي 150 والسبيشل 250 بس انا جربتها وايد حلو

folah

10/06/2004, 10:34 PM

معظم صالونات العين مكياجهم يلوع بالجبد... وتساريحهم ألوع ...
1- صالون بتافيا : تساريحها ما فيها حلاه ، ومكياجهم مب ذاك الحلاة بس إذا كنت مضطرة روحي عند وحدة صغيرة إسمها ( زينة ) هي أحلى وحدة تحط مكياج فيهن ، أما بالنسبة للتعامل فهو زين .:down:

2- صالون الأفراح : مكياجهم حلو ، أما التساريح الله يهديها
الفلبينة ( الوحش ) إيدها معلقة على تسريحة وحدة ( إذا انت يتيها وقلتيلها إتسوي من نفسها تسريحة اتسويلج نفس التسريحة إلي مسوتنها من خمس سنوات ، ولكن إذا طلبتي منها تسريحة معينة يمكن اتجدد ) ، أما بالنسبة للمعاملة فهي راقية .:down:

3- صالون حنان شقير : تساريحهم ثابتة ديزاين واحد لا تجديد فيها
( القصة مسحوبة سحب والشعر مثل الحلقات ) ، مكياجها اتركز على العيون و تهمل كريم الأساس والروج ( على قولتها طبيعي لكنه باهت ) والديزاين واحد ( إما الدخاني أو الأسود على جنب ، تركز على اللون الأسود وما تستخدم الألوان ) ...ولكنها تمتلك إسلوب ولله الحمد مثل الزفت:down:

وهذا رأي في معظم الصالونات الأكثر صيتاً في مدينة العين .. :shy:

كيفي حلوة

11/06/2004, 03:53 PM

عندج صالون فكتوريا بصراحه مكياجهم واااايد حلوووووو

أم سعيد

27/06/2004, 08:08 AM

السلام عليكم ورحمة الله وبركاته..

حبيباتي بنات العين..عندنا خطوبة قريب في العيلة ..واريد اسالكم اذا تعرفون مكان يبيعون فيه ريش طاووس ...لانه الفستان كله من هالنوع ونريد الريش للاكسسوار..

وبطلبكم طلب ثاني بعد ياليت اللي جربت صالون موناليزا في العين تعطيني رايهافيه..او بشو تنصحون باي صالون في العين..واللي تعرف وحدة تمكيج في العين وتيي البيوت يا ليت تفيدني...والله يجزيكم الف خير...

بانتظاركم..

ام سعيد

كيفي حلوة

27/06/2004, 12:04 PM

هلا اختي أم سعيد بخصوص ريش الطاووس بصراحه ما عندي اي فكره عنه . اما عن الصالون انا انصحج تروحين صالون فيكتوريااا وااايد مكياجهم رووعه وعن تجربة .

وانشاء الله البنات يفيدوونج اكثر عني :shy:

طيووف

27/06/2004, 12:31 PM

سلااااااااااااام

يمكن تحصلين ريش الطاووس عند محلاااااااات

الورد أأأأو محلااااااات إإإإإإلي يبيعون العصافير:shy:

رنيم الامارات

27/06/2004, 01:30 PM

أختي الغاليه أم سعيد بالنسبه لصالون ما اعرفه بس في صالون اللمسه السحريه عندهم فلبينيه اسمها فنيسيا مكياجها حلو تيبين لها اي صوره مكياج بتسوي مثله وفي عندج أم ريم (فاطمه البلوشي) تي البيت مكياجها وتسريحتها وايد حلوه وروعه ومجرب ومعروفه في العين ..
اما بالنسبه لريش الطاووس ممكن تحصلينه عند محلات الورد او التحف

*الغاويه*

27/06/2004, 04:29 PM

هلا اختي ام سعيد

الله يوفقكم في الخطوبه اللي عندكم

بخصوص ريش الطاووس اعتقد انه ينباع عند الفلبينيين والصينيين اللي يبيعون في المعرض اللي فاتح الحين في الخبيصي..

وعن احسن مكياج انا انصحج بفكتوريا والله اني جربت مكياج اكثر من مكان محد مدح مكياجي الا يوم سويته عند فكتوريا الكل تخبل عليه وانا انصحج نصيحه ما بتندمين بعدها انج تسيرين عند فكتوريا .. وفي فكتوريا ثنتين يعدلن وحده شعرها اسود ووحده شعرها بني ( انا ناسيه اساميهن ) كلهن زينات بس انا حبيت مكياج اللي شعرها بني

واذا تبين رايي خليهم يسوولج مكياج اسبشل احسن ، والعادي حلو بعد

:up:
الله ييسر لكم ويرزكم الخير

وتسلمين :shy:

27/06/2004, 04:51 PM

في راي صالون الافراح وايد حلو من حيث المكياج او التسريحات

وداايم

27/04/2005, 11:12 PM

السلام عليكم ورحمة الله وبركاته

بنات ساعدوني

اريد صالون في العين يضبط المكياج واريده حلو
لأنه اختي عرسهااا قريب ...........

بنات ارجوكم تدلوني بسرعه...

اختكم وداايم

•ريم•

28/04/2005, 12:59 PM

وعليكم السلام ورحمة الله وبركاته

هلااا اختي ... هذا موقع صالون الافراح اللي في العين شوفيه يمكن يعيبج
http://go.3roos.com/ixTVrcOHTUz

وداايم

28/04/2005, 05:28 PM

مشكور أختي الريم على تعاونج ويايه

بس انا ما احب اتعدل مع الافراح اريد صالون ثاني اذا ممكن يا بنات العين بالاخص

أختكم وداايم

العيناوية

28/04/2005, 11:50 PM

بصراحه ماعندي خبره بصواالين العين ما اتمكيج الا في دبي او بوظبي

أم اليازية

29/04/2005, 02:13 AM

احسن صالون جربته في حياتي واللي ظهرني مرررررررررررررة بلوك يديد هو صالون ظبية الدار في العين روحي له واضمن لج انج ما راح تندمين وانا تمكيجت هناك عند وحده اسمها نجلاء تونسية

ليالي العين

29/04/2005, 12:12 PM

أختي شوفي موضوع المحطوط عن ماكييرة بالعين اسمها منى يمدحونها وايد:smile:

انا متاكدة بفيدج الموضوع

dnyailwalah

29/04/2005, 02:29 PM

بتاااااااااااااااافيا وااااااااااااايد حلووووووووووو ومكيااجهم روعه

sicily

19/05/2005, 11:07 PM

السلام عليكم ورحمة الله وبركاته
ممكن تدلوني على أحسن صالون يمكيج في العين ......ضروري ضروري

جربت مركز الأفراح .... بس أدور على صالون ثاني ...

•ريم•

20/05/2005, 10:55 PM

بتاااااااااااااااافيا وااااااااااااايد حلووووووووووو ومكيااجهم روعه

السلام عليكم ورحمة الله وبركاته

صالون بتافيا .. بس المدام هي اللي مكياجها حلو اما بناتها ما انصح
والمدام بالنادر هي التمكيج .. اللي بتروح بتافيا تاكد على انه اللي بتمكيجها
الام مش البنات