مشاهدة النسخة كاملة : أفكار لتزيين الصفوف المدرسيه
visitor
28/11/2002, 12:01 AM
أنا معلمه وعندنا مسابقات الفصول المتميزه. .
وحابه أرتب صفي وأزينه بطريقه خاصه ومختلفه. .
قلت أسألكن لأنكن ما شاء الله دايما عندكن أفكار جديده وغريبه وحلووووه امره. .
فليتكن تساعدني. .
أكون شاكره وممنونه. .
ولا تهملون موضوعي لأنه أملي بالله ثم في أخوتكم
أختكم في الله
سويره:)
السلام عليكم
هلا فيك أختي سارة ، وحياك الله
آسفة على تأخري في الرد عليك
:o
:o
:o
ممكن توضحين لي أختي ....
أي مرحلة تدرسين ....؟؟؟
كم عدد التلميذات في الصف ....؟؟
أنتظر ردك أختي ، ومايصير خاطرك إلا طيب :D
أختك:همسة
visitor
30/11/2002, 12:18 PM
عزيزتي : همسه.
أنا مش عارفه كيف أشكرج: :
مجرد ردج أسعدني ودل على اهتمامك الطيب. .
أنا أدرس ثاني ثانوي ;)
وعدد البنات 33 طالبه . . .
وفي ورى بورد مستطيل. .
يعني مثل إطار الصوره كبيييييييير من خشب.
وفيه ثلاث شبابيك متجاوره مش كبيره صغيره شوي. .
والجهه المقابله على يسار الطالبات. . كلها خزاين لحد السقف. .
ووووووو بس
ولو كنتي تشوفين عمى ألوان ترى الصفوف نفس التصميم;)
وأشكرج مره ثانيه عزيزتي همسه. .
أختج في الله : سويره
أمنيات
02/12/2002, 07:39 PM
مرحبا اختي سارة ..
شوفي اختاري لون لفصلك علشان تمشين الديكور كله عليه ..مثلاً ( الليموني مع الأخضر العشبي ) جداً راقي ولون مشرق في الفصل ..
بالنسبة للشبابيك .. صلحي لها ستارة عاديه بلون ليموني ساده .. وإذا ماحبيتي تسزين ستارة في الفصل .. اشتري أغصان أوراق الشجر البلاستيك .. وثبتيها على الجدار فوق الشبابيك بحيث تكون متدليه ونازلة على الشبابيك (( عاد نسقيها بطريقة حلوة ))
بعدين جيبي إطار خاص بالجدران ( موجود بالمكتبات ) ومشي هالإطار حوالين الفصل دار ما دار بحيث يكون في النص .. لا ترفعينه فوق ولا تنزلينه تحت .. في النص بالتمام .. وحاولي يكون نقشة هالإطار من اللونين اللي اخترتيهم مثلاً الليموني والعشبي ..
بالنسبة للبورد اللي موجود في الخلف .. لبسيه بورق لاصق لون ساده (( الليموني مثلاً)) وبعدين حطي حوالينه من نفس إطار الجدار ..
وفي هالبورد الخشبي .. سوي إرشادات عامة للطالبات أو جدول الحصص أو أي شي متعلق بدروس الطالبات ..
أنا ودي إني أقدر أصور فصلي علشان تفهميني أكثر ,,, بس مو مشكلة ..
حطي مجلة حائط بالفصل أو لوحة إعلانات .. وطريقتها إنك تجيبين فلين سميك على شكل مربع ..
بعدين لبسيه بورق كريشه لون ليموني ( أزعجتك بالليموني :D )
وبعدين هاتي قماش كتان من نفس لون الكريشة وصمغيه على الفلين بحيث يكون على شكل ستارة مفتوحة ومربوطة من الجوانب
سوي كشكشة من فوق بورق الكريشة لون عشبي .
سوي فيونكات من نفس ورق الكريشة العشبي وصمغيها في جوانب الستارة المربوطة ..
للسبورة .. اطبعي بالكمبيوتر كلمة ( التاريخ ) وكلمة ( اليوم ) وكلمة ( موضوع الدرس ) .. إلخ من البيانات اللي نكتبها كل يوم على السبورة ..حطيها داخل صور مناسبة مثل صورة تقويم واكتبي داخلها التاريخ ،، صورة كتاب واكتبي داخلها ( المادة )...
بعدين سوي لها تغليف حراري ( مثل تغليف البطاقات المدنية ) وقصيها على حواف الكلمة أو الصورة وثبتيها على السبورة في المكان المعتاد لكتابة التاريخ والموضوع وخلافه .. وبكذا تترتب السبورة ومايحتاج كل شوي نكتب هالبيانات ونمسح فيها ..
أنا عندي أفكار كثيرة بس أغلبها لطالبات الابتدائي :)
أتمنى اللي قدمته يساعدك لو بشي بسييييييييييييييييييييييي ط
بااااااااااااااااااااااي
visitor
02/12/2002, 08:49 PM
عزيزتي توفي:
كلمت أشكرج شويه عليج عزيزتي. .
تستاهلين بارك الله فيج وربي يجزاج ألف ألف ألف ألف خير. .
أفكارج عسل مثل أسمج. .
في أفكار أنا فكرت فيها وأنتي ضفتي لمساتج لها. .
وأنا نفسي أشوف صفج أن كنت تبين الصدق. .
مبين عليه حلو من كلامج. . وذوقج الطيب. .
عموما.
أشكر لج تفاعلج أنتي وهمسه وأنتظر أفكار الباقين
تحياتي لج
أختج في الله
سويره
أم ربا الأموره
11/12/2002, 06:44 PM
اختي ساره اولا السلام عليكم ورحمة الله وبركاته
هذه اول مشاركه لي في هذا المنتدى الحلو
انا مدرسه لصف رابع الابتدائي وعدد الطالبات 22والفصل صغير شوي وفيه
شباك واحد ارجوا منك اتحافنا بالافكار الحلوه علشان اسويها مع بداية
المدرسه وانا بانتظارك وباحر من الجمر وشكرا مقدما....
dimoned
20/02/2008, 09:40 AM
انا معلمة تحفيظ وابغى ازين فصلي وعدد الطالبات 36نصهم اطفال ونصهم ابتدائي وياريت اذا في صوووووووور تساعد وجزاكم الله كل خير
ام مريووووم
01/04/2008, 05:22 PM
ممكن افكا اكتر
حرف_عنيد
17/02/2009, 04:43 PM
أحبج مس منى فديت عمرج
بنت الوحدة
WhItErOsE1
21/12/2010, 03:24 PM
وين الافكااااااااااااااااااار للابتداااائي ............؟؟؟
يللاااا كملوو ا
dema ana
21/12/2010, 03:31 PM
اذكر في عضوة او يمكن مشرفة
طرحت مرة موضوع تشرح فيه مع صور
كيف مزينة صفها
بس للاسف مو فاكرة الاسم :(