مشاهدة النسخة كاملة : بنات ابغي هالعطر وين احصله وابغي رايكم فيه ؟
عروس الدوحه
09/04/2005, 07:27 PM
السلام عليكم
هلا فيكم
بنات عطوراتي خلصت ولازم اشتريه هالاسبوع ابغيكم تعطوني بس عطرين بس يكونون شنو ريحتهم تهوس
ابغي واحد عطر عادي اما ثاني يكون عطر مخلط فيه دهن عودوعطر للعبايات واعراس
بغيت اسئلكم حدسمع عن عطر هو قديم للممثله جنفر لوبيز
ابغي اسمه وماركه واللي تعرف وين احصله عندنا بقطر وكم سعره
وريحته تستاهل اشتريه
انتظركم لازم تردون على
Good^MoTHeR
09/04/2005, 07:38 PM
اعتقد العطر اللي تقصدينه عطر جي لو J-Lo
المهم ما كد جربته....حاليا في عطورات ماركه فيرينو جديده وحلوه....وفي عطر كوكو شانيل بعد حلو
Manary
09/04/2005, 07:39 PM
http://www.efragrance.com.au/images_frag/img_glow_med.gif
هذا عطر جنفير لوبيز اسمه جلووو
مادري جم سعره
و العطر الحلووو اليومي الخفيف عندج اتيرنيتي مومنت من كالفين كلاين وايد حلووو
و الخلطات العربية عندج مخلط كشخة من العربية للعود و حنين( بخاخ) من عطورات الحرمين
و خلطة الفرسان من عبدالصمد القرشي و الحلووو اللي جنه طيب عربي عطر اروماتيكس من كلينيك يهبل مع البخور و عطر او دو سوار من سيسلي
اتمنى يعجبونج
:)
هذا عطر جنيفر اليديد
http://a1377.g.akamai.net/7/1377/5720/20050112195036/www.sephora.com/assets/dyn/product/P93404/P93404_hero.jpg
وهذا اتيرنيتي
http://a1377.g.akamai.net/7/1377/5720/20041103195403/www.sephora.com/assets/dyn/product/P78401/P78401_hero.jpg
Marshmallows
09/04/2005, 10:47 PM
هلا حبيبتي جربي عطر ميريكل وايد حلو وماستغني عنه للصباح وحتى للسهرات حلو بس لا تنسين تستخدمين معاه الكولكشن كامل و مسك العروسه
واذا تبين شي على ريحة عود جربي ديور اديكت و تبخري بالعود اللي تحبينه مع مسحه خفيفه من دهن العود
ديوريلا ( عطر قديم من ديور لكن لا يعلى عليه )
كوكو شانيل ،، برايفت كولكشن من استي لاودر
و بيور بويزن الجديد من ديور ( بس حلاته كولكشن كامل)
ملاذ الحب
09/04/2005, 11:19 PM
عندج عطر غوجي اليديد اللي في موضوعي حلوو يومي اما عطر بالعود ماعرف ممكن تشووفين اللي قالت عنده مناري اكيد حلوين انا بعد باشمهم
جنة^_^
09/04/2005, 11:30 PM
حبيبتي جربي عطر ترابل من بوشرون يجننننن وينفع للسهرات وفي كمان فلاور باي كينزو الاحمر كمان جميل وفي عطر جديد من سيلين اسمة سيلين فيفر حلو كتير دة لسة نازل جديد عندنا
ـبـنـتــ
09/04/2005, 11:42 PM
مخلط كشخـه <--- روعه
عطر فور ايفر قديم بس يعجبنيىىىىى 00
عروس الدوحه
10/04/2005, 01:44 AM
مشكورين بنات كلكم وحده وحده جزاكم الله خير راح اجربهم كلهم وبرد عليكم من عجبني اكثر
جـويـل
10/04/2005, 05:04 AM
[CENTER]
ابغي واحد عطر عادي اما ثاني يكون عطر مخلط فيه دهن عودوعطر للعبايات واعراس
حق العروس والعبايات اخذي سبارك وانتي مغمضه ريحته جناااان و وشوفي شلون الكل بيسألج عن عطرج
و عطر كارولينا هيريرا الذهبي الطويل اسمه هيريرا هم يصلح للعروس بس سبارك احلى
و في عطر اوجي بيران ذهبي طويل ريحته مميزه للمناسبات
وهالعطور تطلع احلى مع البخور ودهن العود
عطر الايام العاديه اخذي تسونامي هاديء و مو قوي يصلح للصبح وهو عطر جديد
و في عطور جنيفر لوبيز ستيل وجلو حلوين ..
.وبيبي دول من سان لوران هم حلو ....
كاليبسو من لانكوم رووعه ...
وانتي اذا دخلتي المحل بتنسين كل اسامي العطور من كثر ما يقرقون على راسج و يبخون عليج بس لااازم تشوفين عطور العروس اللي قلت لج عليها ..ما بتندمين
جويل
Manary
10/04/2005, 09:00 AM
جويل
من وين عطر سبارك؟؟اي ماركة؟
علايه_ابوظبي
10/04/2005, 09:27 AM
هذا عطر جنيفر اليديد
http://a1377.g.akamai.net/7/1377/5720/20050112195036/www.sephora.com/assets/dyn/product/P93404/P93404_hero.jpg
هذا العطر اللي حطته مناري رووووووووعه شوي عليه انا ابدا ماعيبني عطرها الاول بس هذا توب صراحه بس مادري نزل في الخليج ولا بعده
عالي مستواها
10/04/2005, 11:37 PM
نصيحةgolden dust
ولا اروع
يشل العقل من ريحته .. ويثبت حتى فالملابس الداخلية
وناسة
11/04/2005, 01:40 AM
حبيبتي بالنسبة للعطر العادي فية كذا عطر مثل عطرامور امور حلو وبعدفية مانقو الجديد روعة كنة بخور وعطر رومانس القديم لايعلى علية وبعداسكادا الي يجي ازرق مع فوشي حلو مرة اما مخلط عندك دموع الذهب من القرشي يهبل روعة ومخلط نواف من الشركة العربية رهيب للمناسبات بس قوي شوية اتمنى انك استفدتي
جـويـل
11/04/2005, 08:44 AM
جويل
من وين عطر سبارك؟؟اي ماركة؟
منوره هو من ماركة ليز كليبورن تلقينه عند بيوتي بالاس بس صج عطر رهيب واذا رحتي هناك خلي اللبنانيه تطلع لج العطور السنعه اللي بس عندهم اهم ... ورتني عطر ايام الخصومات سعره بالاربعينات وعلى كلامها قبل الخصم سعره 80 بس شنو عطور عندهم احسن حتى من بيضون وفيسز و ديزاين العطر يجيج غريب و ذرب يصلح للعرايس و عطورهم اهم الوكيل الوحيد بالكويت يعني ما تلقينها عند غيرهم ...
وهذي صوره سبارك
Manary
11/04/2005, 08:50 AM
مشكووووووووورة جويل
بس سؤال اخير
وين بيوتي بالاس هذا ماعرفه؟؟!!
جـويـل
11/04/2005, 09:08 AM
محل مكياج وعطور ماركه ( نفس مستوى بيضون وفيسز والمركز الفرنسي ) و موجود بالحمرا مول
برا الطابور
11/04/2005, 09:21 AM
شوفي ياقلبي البنات ماقصرو
أنا جربت جي لو تبع جينيفر لني أموت عليها .. كمان عطرها الثاني إسمه ستيل كمان حلو
في عطر من إيف سان لوران إسمه سينما خيااااااااااااال .. سعره 312 ريال سعودي وهذي صورته http://www.perfumy.sklep.pl/pi/10/592.jpg
كمان عندك إيتر نيتي هذا حق طلعات النهار ..http://a1377.g.akamai.net/7/1377/5720/20041103195403/ ريحته رووووووعه وبالنسبه للسعر تطمني .. سعره 239 ريال سعودي
بالنسبه لشانيل
عندك كوكو شانيل حوالي 300 أو 255 ريال
كوكو مادموزيل آخر مره كان في خصم خاص عند قزاز وخذته ب 200
أو موفاكره بس في هلاحدود http://www.perfumy.sklep.pl/pi/46/240.jpg
كمان عطر تشانس Chance من شانيل بس مو فاكره السعر
جربي أتريكشن من لانكوم صدقيني حتى بالبيت رح تتعطرين فيه
http://www.perfumy.sklep.pl/pi/80/468.jpg
الأسعار بتختلف معك من حيث ml وبالنسبه لديور أنا مجربه بويزن الأحمر اللي ريحته زي الفانيلا حلو
بس بويزن الجديد رغم الدعايه اللي سووها للعطر ماطلع ذاك الزود ريحته غريبه جداً أحس ريحته عفنه
كمان جربي آديكت هو نزل من سنتين تقريبا تخيلي لليوم مافي تيستر بالمحلات .. وسعره أول مانزل 395ريال
ألحين صاير سعره 345 بس ماراح تندمي .. أحس أكثر شي ينفع للعبايات .. ريحته تطوووووول
كمان في مخلط إسمه كشخه .. للأمانه ما أشتريته بس شميت ريحته عند صديقتي .. مفكره أشتريه لما أصلح الميزانيه
أتمنى أكون أفدتك وماطولت
Marshmallows
11/04/2005, 04:23 PM
نصيحةgolden dust
ولا اروع
يشل العقل من ريحته .. ويثبت حتى فالملابس الداخلية
:up: انا معاج بالراي
جربته مره و لين الحين احس ان ريحته بمخي لوووووول
لا بجد العطر رووعه ،، بس ماحس انه للأستخدام اليومي
يعني لو بتدلعين زوجج او للمناسبات الخاصه
و حتى علبته لين الحين عندي حاطه فيها اكسسواراتي
ام مهى
13/04/2005, 09:44 AM
انا تعجبني عطوري الخاصه عطر فان عطر دازلينج الفضى عطر اسكادا هاذه لليل مره حلو وعطر دونا من اجمل للعطور للصباح مره حلوه جربيها
غـالـيـه
13/04/2005, 05:11 PM
السلام عليكم
عطر نارسيسو فضييع.. وفيه عطر اروماتيك من كلينك قديم بس حلوووو.. ايديكت
اختي رعبوب عطرgolden dust اي ماركه
وشكرااا
غاليه
عروس الدوحه
19/04/2005, 12:13 PM
بناااااااااااااااااااات قطر وين القي بيوتي بلاس او هل ماركة ليز كليبورن ؟؟؟؟؟؟؟؟؟؟
ضرووووووووووووري
العطا
19/04/2005, 01:05 PM
العطر الجديد اللي من فيكتوريا سكريت مرة ريحته حلوة
لا يسمح بوضع الروابط
دهن العووود1
21/04/2005, 06:42 PM
هاي حبايبي
ابنصحكم بعطر انا شميته بصراحه غيررررررررررررررررررررررر ررررررر طبيعي
اسمه (( شيخ )) فيه رجالي ونسائي
النسائي عندنا في الدوحه ب 700 ريال و الرجالي ب 500 ريال بس اذا خلص ممكن تعبينه ب 300 ريال لان العلبه من الفضه الاصليه وشغل يد عدل واللي بتشتريه لها راح تدعي لي اكيد لانه مووووووووووووووت وجنان وموجود في فيسز faces وبصراحه ريحته مع العود او البخور شي مش طبيعي
وشكرا حبيباتي
ليمار عبدالعزيز
21/04/2005, 07:23 PM
السلام عليكم ورحمة الله وبركاته
حبيبتي انا عن نفسي مجربه عطور وايد وريحتها جدا جنان وهادئه
ابيك تجربين
1- رالف لورين رومانس (المربع اللي غطاه فضي)
2-جـــــــــــــــــــــادو ر
3-شانس شانيل
اتمنى انهم يعجبونك
تحياتي لك يابنت قطر الحبيبه :up:
fay fay
22/04/2005, 04:51 AM
اخذي تسونامي هاديء و مو قوي يصلح للصبح
جويل مت من الضحك يوم قريت كلامك هذا
تذكرت المساكين وش سوا فيهم تسونامي ولو يقرون كلامك نتفو شعورهم من القهر
ههههههههههههههههه
مارشمللو
23/04/2005, 06:03 PM
بنات العطور هذي مرة حلوة بس عطر جنيفر لوبيز الجديد نزل في السعوديه و لا لسا؟؟؟؟
bombony
10/07/2005, 08:06 PM
اختي برا الطابور يعني عطر كوكو شانيل غير كوكو مادموذيل والا هوه هوه نفسه
جـويـل
10/07/2005, 09:04 PM
FAY FAY لو تشوفين العطر تضحكين ... ديزاينه على شكل موجة بحر
قاعده اقول للبياعه حرام يستغلون الكارثه جذي بس يوم رشت العطر انطميت وشريته خخخخخخ بس حلوه تسونامي هاديء وموقوي.. تحسين مو لايق
استغفرالله بسسس الله لا يبلانا
بنات قولدن دست GOLDEN DUST دورته اكثر من مره ومالقيته من وين اخذتوه و من اي ماركه ؟؟ حطوا لنا صورته
رازجيه
11/07/2005, 04:03 AM
انا أرشح لك عطورات فعلا ريحه أنثويه
بولغاي ........... وعطر لفكتوريا سكرت اللي لونه بنفسجي غامق وأنصح كل عروس وومتزوجه تاخذه سعره ميتين وشوي
وفيه عطر حاليا دعايته في وجوه ماعرف اسمه بس شكله بيضاوي ولونه وردي
هذا روعه استعملته من كم سنه بس كان حصريا في محل في الفيصليه واليوم تفاجئت لقيته في وجوه
واللي بتسافر اوروبا تشتري عطر شانيل22 واللي بتسافر امريكا تشتريه أرخص من اوروبا
وتحياتي للجميع
شــرينة
12/07/2005, 01:40 AM
مرحبا
بنات جربت قولدن ديوست صج صج صج رهيب
ومثل ما قالت وحدة من الاخوات انه ما ينفع ينحط في اي وقت
يعني لازم في وقت سبشششششششششل :)
انا خذته من باريس غاليري اللي في الامارات بس ناسية كم سعره
وعلبته تهبــــــــــــــــــل حلوة حق الاكسسوارات الخفيفة
خليجية
12/07/2005, 11:20 AM
ومنكم نستفيد ...
شــرينة
13/07/2005, 04:26 AM
بنات صورت لكم العطر
قولدن ديوست
http://www.wrgah.com/up/uploads/f7e723ab95.jpg
http://www.wrgah.com/up/uploads/4464cffb04.jpg
اللي مكتوب على العلبة من عقب قودلن ديوست
pour femme
janoo
21/10/2005, 09:29 PM
هلا فيكم
جنيفر اللي سوارته ملونه ومويته صفراء نزل بالسعودية بسعر 180 ريال بالمصباح من زمان
بس مافيه منه الا عندهم اما قزاز مالقيت عندهم الا اللي لونه وردي او الثاني
ريحته حلوة مرررررررررررررررررررررررر ررررررة وانا ادوره هالحين ابي اشتريه ان شاء الله بس من غير المصباح لانهم يزودون بالاسعار
طيوبه
22/10/2005, 04:25 AM
بكم عطر جولدن ديوست ووين احصله بالدوحه ؟؟
عـــــــــــــــزوف
19/05/2007, 12:39 AM
بكم عطر جولدن ديوست
وياليت اشوف صورتة مو راضي يطلع شكل التحميل راح
وموجود الحين بالرياض ردو عليا