عطوني النصيحه والمشورة اقدم استقالتي ولا لا؟؟؟؟

[ثوب نشل]

السلام عليكم ورحمه الله وبركاته

راح ادخل لكم في الموضوع على طول

انا مدرسه رياضيات صار لي اكثر من اربع سنين ادرس .. احب النشاط واحب اقدم كل ما عندي للطلاب والحمد لله نشاطي واضح على مستوى المدرسه والدوله خارج وداخل الوزاره بس للاسف .. احس ان كل هذا بيتحطم وكل تعبي بيروح خساره ...
لان المدارس عندنا بدت تتحول الى مدارس مستقله .. يعني المسؤول عنها شخص ( دكتور او تاجر او شخصيه معروفه في البلد .. الخ ) ومدرستنا من ضمن هذي المدارس السنه الجايه ..
وكل شي بيكون تحت يد هذا الشخص والمديره اللي بيعينها .. من جميييييييييييييييييييييع النواحي .. وانا بصراحه ما احب اكون تحت رحمه حد غير رب العالمين .. يعني ما احب حد يتكم في شغلي .. وغير جذيه ممكن في اي يوم تتصل المديره على المدرسه وتجيبها من بيتها علشان تعمل وتتشتغل حتى في يوم اجازتها .. واصلا وقت الدوام بيكون اطول من المدارس الحكوميه .. وانا زوجه وام عيال وما اقدر اتاخر على اطفالي او بيتي .. والمشكله ان جميع المدارس اللي حوالينا بتكون مستقله يعني اذا ابي اشتغل في مدرسه حكوميه لازم اقطع مسافه لين المدرسه اللي باشتغل فيها .. وخبركم بزحمه المدارس الصبح يعني ماراح اوصل الا متاخر .. المهم انا اشوف ان مافي قدامي غير الاستقاله .. وانا مو رغبانه في الاستقاله احس اني توني صغيره على قعدة البيت لاني انسانه احب النشاط والعمل .........

شوروا علي ... انصحوني ... عطوني رايكم ايش اسوي ... عطوني حل غير الاستقاله ؟؟؟؟

[عابر سبيل]

بسم الله الرحمن الرحيم
السلام عليكم ورحمة الله وبركاته
بالنسبه لك اختي ثوب نشل ارى الحل ان تصبري وتتحملي ولكن على اساس لا ادري كيف اسوقه سوى عبر يد الله مع الجماعه...
فان اصحاب المدراس الخاصه اكيد تنظمهم قوانين ..واعتقد ان هناك عقد عمل به تحديد لاوقات الدوام المطلوبه منكم يوما..
الان نعود الى حقك بالعمل...وعدم استغلالك من قبل تجار العلم...وكسابقة لماذذا تعملون رابطه للمعلمات في المدرسة...وتتصلون بوزارة التربيه لتسجيلها وتعميم هذه الروابط على كل المدراس الخاصه ومن ثم تشكيل نقابه ترعى مصالح المعلمات وخصوصا ان المملكه هذه الايام تشهد نهضة في اعادة الاعتبار الى وامرهم شورى بينهم..ان ترك كل معلم ومديرة تحل مشاكلها مع رب العمل هو تهميش لقوة الجماعة..وسلب لحقوقكم..وعليه اختي اعتقد انه من حقك العمل ضمن شروط العقد الموقع بينك وبين ادارة المدرسه...وساعات العمل التي تحددت به واي خروج عنها يحتاج منك اولا فهم حقوقك والجهات الضامنه لها..وافضل اطار لحمايتك هو رابطه للمعلمات..تمحكن معا قوة قانونيه ..تراعي حقك كمعلمه...وتجبر ادارة المدرسه على الحفاظ على اوقات راحتك الشخصية والعنايه باسرتك كزوجة وام...
واتمنى عليك الا تستقيلي..والا تنحني لغير الله..وان تدافعي عن حقك وحق اخواتك المعلمات عبر تاطير انفسكم في رابطه ترعى مصالحكن
وفقك الله ورعاك وسدد خطاك لما فيه الخير\
عابر

[شجونة الحلوة]

[CENTER]السلام عليكم ورحمة الله وبركاته

هلا والله اختي ثوب نشل

بالنسبة لمشكلتج انا اشوف انج لا تتسرعين بالحكم

انتظري وداومي وشوفي شلون بصير وضعج

احسن من انج تقررين الحين وانتِ ما شفتِ

الوضع عدل ,,, يعني نصيحتي لج لا تتسرعين

وتقررين وانتِ بعدج اول شي استخيري وثانياً شوفي

الدوام شلون بيكون وبعدين احكمي ...

هذي نصيحتي لج يالغالية ..

وربي يوفقج ويختار لج الأصلح ...

[خلود خالد]

اختي لا تتسرعين وانتظري وشوفي الوضع اذا ما عجبج بعدين فكري في الاستقالة او اللي يريحج وعليج باالاستخارة.
الله يوفقج

[دراعه]

لا تتسرعي في الحكم وانتظري ربما يكون افضل
واذا لم ترتاحي في ذلك الوقت فكري في ترك عملك