بنات سمعتوا عن مستشفى البحرين التخصصي

[نور المدينة]

[CENTER] السلام عليكم ورحمة الله وبركاته

اللهم صل على النبي محمد..

هلا يا حوامل يا حلوين ويا امهات..

أنا عندي استفسار عن مستشفى البحرين التخصصي اللي بمنطقة الجفير..

من جربت تولد هناك..

هل يهتمون بالوالدة..

هل عندهم خبرة ..

هل مكانهم مريح ونظيف؟

بنات اي شي تعرفونه عن المستشفى خبروني عنه ..

والله يعطيكم العافية...

أنا بانتظاركم..

[مناهل78]

يا هلا بنور المدينة، بصراحة ماعندي فكرة لأني ولدت بالمستشفى الأمريكي، بس البحرين وايد أسعارهم خيالية، وناس يمدحون في الدكتورة وناس يذمون، إنشاء الله اللي جربوا يفيدونك، والله يتمم حملك على خير...

[نور المدينة]

[CENTER]هلا رانيا البحرينية ..

اشكرك على ردك..

أنا رحت مستشفى البحرين التخصصي وعجبني من ناحية الفخامة والنظافة بس ما ادري عن الباقي..

وبالنسبة للأسعار تختلف على حسب عدد الأيام اللي بنظلها في المستشفى وعلى نوع الغرفة الا بظل فيها ..

بس أنا اسأل عن اهتمامهم ورعايتهم بالحامل لمن تولد ..


شكراً اختي..

[campoocha]

انا بعد ودي اعرف
ياريت اللي جربوا يخبرونا

[باربي78]

انا ولدت بالمستشفى العسكري وعندهم غرف حلوة وايد
يعني غرفتين على بعض
وعن تجاربي الشخصية افضل المستشفيات العمومية للولادة لانهم عندهم خبرة اكثر من المستشفيات الخاصة لا سمح الله لو صار شي اثناء الولادة
وبعد هم ما ينتظرون على الوحده يعني اذا طولت دخلوها قيصريه وزادت عليها المصاريف

تبين نصيحتي ولدي في العسكري او السلمانيه والله يسهل لج

تحياتي

[عسووووله]

اهليين اختي نور المدينه
انا جفته فى التلفزيون كان وايد وايد فخم وبااااااين
عليه من فخامته ان اسعاره نار.
واللي اعرفه انهم يسوون اشعه رباعيه الابعاد للجنين.
ما اعرف اي احد ولد فيه الاهل معظمهم يفضلون السلمانيه
او جدحفص لانهم خبررررره أكثر مثل ما قالت اختنا باربي
لو حصل اي شي يحولونهم السلمانيه على طول.
هذا اللي اعرفه وسلامتكم.

[عذاب_البحرين]

كلالالالام عسوله صح انه سمعت ان جدحفص احسن من السلمانيه بعد

[باربي78]

بصراحة اللي اعرفه انه جد حفص زينيين للولادة بس بعدين حق الخياط مو زينيين
انا صديقتي ولدت في جد حفص والخياطة اللي سووا لها ما كانت اوكي ولما راحت فحص عقب الولاده عند دكتوره داليوال اللي كانت في ابن النفيس وراحت الحين التخصصي قالت لها ان الخياطة مو زينة وسوت لها خياطة من جديد مع انها خلصت 40 يوم بعد الولاده
يعني الخياطة كانت ملتئمه بس بعدها فتحتها

انتي شوفي شو اللي يناسبج

تحياتي

[DarkStar]

انا بعد كنت خاطري اولد بالمستشفى البحرين التخصصي والله صدق المكاااااااااااااااان روعة خصوصا كنت اراجع الحمل عندهم بس صدق ناااااااااااااااااااااااا ر الاسعار مب معقولة
من جذي قلت ليش هل الخسارة عيالي اصرف عليهم هل الفلوس بلا خساير لانه حسبت الولادة العادية وطفل واحد يوصل 1000 اشلون توام وقيصرية
لكن مثل ما قالوا البنات جدحفص وايد المعاملة زينة بس انا رحت السلمانية والحمد لله ارتحت

[ام زعل]

هلا باربى 78 فى مستشفى العسكرى مافية جناح فية حجرتين الى شافتهم هو جناح 19 بس وشلكلم تمام ام الغرف الى تتكلمين عندهم حجرتين مع بعض فهذي حق الشيوخ بس حتى بدف ماراح يعطونج اية .:smile:

[باربي78]

حبيبتي ام زعل انا شفت غرفة وحده في جناح 19 وكانت غرفتين مفتوحتين على بعض
يعني غرفة الام اللي فيها سريرها والغرفة الثانية sitting room

تحياتي

[نور المدينة]

[CENTER]السلام عليكم ورحمة الله وبركاته

هلا يا حلووين.. يا طعمين..

يا بحرينيات..

أشكركم على ردودكم ومشاركتكم..

بس للأسف محد جرب المستشفى في الولادة..

وحدة من ربعنا توها من يومين ولدت هناك وأنتظر بس تصحى شوي و راح اسئلها وأخبركم..

شكراً يا حلويين

[dana120]

أنا بنت عمي توها والده اهناك - بصراحه الغرف حلوه والمستشفى والغرف تشرح الصدر - بس الممرضات ما عندهم خبره كافيه والخدمه اهناك بعد مب لي هناك يعني حدهم باردين اذا طلبتي منهم شي وما يريحون القلب

[Candle Glow]

يا ريت كل وحدة من البحرين تقول لنا تجربتها عن المستشفيات الخاصة والعامة

توني في الشهر الثالث بس من الحين افكر وين اولد

قولوا لنا عن التخصصي و الامريكي وابن النفيس والدولي و نور التخصصي وكل الي يخطر على بالكم

محتاجة معلومات وايد

[*بيبي فيس*]

بصراحة مستشفى البحرين التخصصي لا يعلى عليه ولا يقارن بالسلمانية والعسكري وأنا مجربة الإثنين وحدث ولا حرج

غرفهم تشرح الصدر والإبتسامة ماتفارقهم ونظافة ورعاية وإهتمام بالأم والمولود والدكتورة توقف على راسج

طبعاً دكتور الأطفال مايتحرك من غرفة العمليات لين تولد الأم وياخذ المولود يفحصه قبل مايطلع من غرفة الولادة

وعقب ماتنتقل الأم غرفتها يراعونها هي والمولود ويهتمون بهم ويلبون طلباتهم بنفس راضية

حتى الأكل الأم تطلبه على ماتشتهي وأنواع الأكل والعصاير ماشاء الله

أنا بصراحة ماجوف المبلغ خيالي على كل هالخدمات مثل ماتقولون

والمبلغ مايوصل 1000 دينار مثل ماقالت وحدة من الخوات إلااااااااا في الولادة القيصرية

البكج 450 دينار فقط لا غير لكنهم ياخذون جارج على أي إضافات وفحوصات تحتاجها الأم ومولودها

يعني في حول 550 إلى 600 دينار المفروض تكون الميزانية للولادة الطبيعية

ومااااااايستعيلون ويولدون الأم بعملية قيصرية وهالشي أنا جفته بعيني في ولادة بنت خالتي من شهرين بس والله يحاسبني على هالكلام

[*بيبي فيس*]

نسيت أقول لكم ميزة حلوة في مستشفى البحرين التخصصي ماتلاقونها في ساير المستشفيات

الزيارة مفتوحة any time

[ابله هيا]

صراحه مستشفى فخم ورعايه للام والطفل اثناء الولادة
الاهل كلهم يولدون هناك
اختي توكلي والله المستشفى احسن مستشفى في البحرين
والمبلغ مو 1000 اقل ويعتمد على نوع الولادة

[زيـــن]

انا ولادتي فعبودي فمستشفى البحرين التخصصي وكانت صعبه وبالاخير صارت قيصريه كان المبلغ ذاك الوقت 900 دينار والتشخيص 10 دينار (الدخول على الدكتوره) عندي الحوض صغير ففي ولادتي الثانيه بعد بولد عندهم ان شاءالله بس اسعارهم زادت الحين القيصريه 1200 دينار والتشخيص 26 دينار بس لقيت اهتمام زايد عن اللزوم جنج ففندق 5 نجوم تصوري تييج وحده من الصبح فيدها ورقه وقلم وتقولج شنو خاطرج تتريقين وتتغدين وتتعشين تقولين لها فشنو خاطرج اهتمام لايوصف اما بخصوص الولاده الطبيعيه ماتزيد عن 400 دينار وقبل كانت ارخص عندي اللسته مالت الاسعار فسيارتي

[زيـــن]

نسيت اضيف ان السعر مو ثابت في احتمل يزيد اذا احتاجوا لدم او كثرت الادوات المستخدمه وفي ولادات مستعصيه فكلها تنضاف على الفاتوره انا بولدي كان المبلغ 900 بس دفعنا 1050 تقريبا لاني احتجت شغلات بس لاني حصلت الاهتمام والرعايه والراحه بولد بعد عندهم ومثل ماقالت الاخت الوقت مفتوح ماكنت احس اني بروحي طول الوقت عندي ناس لوقت متاخر وعادي اي احد يبات معاج