المساعد الشخصي الرقمي

مشاهدة النسخة كاملة : انا حامل والى لا......


شهادة
06/12/2004, 10:29 AM
السلام عليكم حبيباتي ....
انا عندي سوال وان شالله الاقي عندكم جواب يرحني....مب كاني عندي اثنين الله يحفظهم ان شالله:o:o....لا يغركم ترى والله العظيم اني ما افهم في هاي الامور
بدخل في الموضوع على طول....
انا من تقريبا نص رمضان شليت اللولب ...وياتني الدوره تاريخ 26 من شهر 11 يوم الجمعه وهي اصلا دوم تنزل اول الشهر بس هاي المره نزلت اشوي امبكر..المهم ووقفت يوم الاحد ولا نزل اي شي يعني بس يومين ..انا اغتسلت ..واستوى( انا وريلي)اكثر من مره ...انا اسفه ...
1..سوالي هل هذي تعتبر دوره...
2..يستوي حمل اذا نزلت بس يومين
3..اذا كان حمل يمنع اني انزل البلاد لانه ان شالله ناوين ننزل يوم الاحد الياي...والرحله تقريبا 18 ساعه مع الترانزيت...
ولا اتقولون افحصي او سوي كشف اخاف ريلي يعرف اذا كنت حامل..وهو قال اذا فيه حمل ماكوا نزله لانه يخاف على وانا بموت وارد عند اهلى...
الله يخليكم طمنوني ...انا فيني شك بس مومتاكده...ريحونيي....
nodoo
06/12/2004, 10:37 AM
ارتاحي وبعدين نزلي لأهلك واستانسي معهم يعنى انشاءالله تحصلين فرحتين فرحة الحمل وفرحة روحتك لأهلك... ولاحقة عليهم هم ما بيطرون سوي تحليل الحمل وتوكلي على الله وبشرينا وبشري زوجك واهلك وانشاءالله خلصي 3 شهور وبعدين روحي لعندهم ، والله يوفقك وطمنينا عليك وفرحينا....
رميسه
06/12/2004, 11:33 AM
وعليكم السلام ورحمة الله وبركاته

اذا حسيتي انها دوره طبيعية يعني شكل كل

مره...يعني بعده ما فيه حمل...لانه الاباضة بعد اسبوعين

من تاريخ اول يوم فالدوره...يعني الاباضه عندج تقريبا

9\12 يعني هالايام تقريبا...و اختي لا تجازفين..سوي

فحص...و اطمني...و الله يخليلج عيالج يا رب... و تشوفين

اهلج قريب ان شالله:up:
شهادة
06/12/2004, 02:43 PM
خواتي انزين فهموني ....كيف يكون حمل وايام الدوره ما اكتملت...بس يومين من الدوره...وبعدين لوكنت حامل في البدايه يعني اول اسبوع يبين في الاختبار البيتي (جهاز فحص الحمل)اني حامله ...والله ما اعرف...
المهم ريلي مصر اسوي اختبار الحمل وانا اقوله انا متاكده اني مب حامل بس علشان لا يغير رايه في النزله ...
الغاليات رميسه nodoo مشكورين على المرور ....والله احس اني غبيه في هاي الامور...
nodoo...حبيبتي كيف اكمل ثلاث اشهور وانزل..حنا اصلا خلاص حجزنا الاسبوع الياي يوم الاحد ومافيه مجال انغير الحجز لانه ما كو اجازه غير هذي الفتره
بعد اذا ممكن انا عندي سوال ...انا كان فيني شوي حمى وبلاعيمي اتعورني واكلت حبوب اول البارح (حبوب موترن ) حبتين ...هذا ياثر على الحمل ان وجد والله اني نسيت سالفه اني ممكن اكون حامل ...
فوانيس
06/12/2004, 03:09 PM
هلا و غلا بحبيبتي شهادة:smile:

منوره الركن:shy:


..
سوالي هل هذي تعتبر دوره...[/COLOR]
نعم .. جايز تكون دورة


2
..يستوي حمل اذا نزلت بس يومين
يصير حمل بإذن الله

3..
اذا كان حمل يمنع اني انزل البلاد لانه ان شالله ناوين ننزل يوم الاحد الياي...والرحله تقريبا 18 ساعه مع الترانزيت...

إن شاء الله ممكن تنزلين البلاد

[COLOR=red] بس بشروط:cool2:

1 - لا تشيلين ثقيل ابدااااا خلال الرحلة و لا توفقين وااايد:up:

2 - كثري من شرب السوائل في الطائرة و خاصة الماء

3 - تحركي بمرر الطائرة و تمشي شويه

4 - إذا تأكدي بحملج....
إحتياط خذي دواء الدوفاستون حبتين في اليوم لتثنيت الحمل

و ألف سلامة لج و توصلين بالسلامة البلاد:up:
بشاير
06/12/2004, 05:56 PM
عزيزتي شهاده ..

إذا إعتبرناها دوره.. وإنتي إغتسلتي تاريخ 28 على حسب كلامك..
فتره الأمان واللي ما يصير فيها حمل هي تقريبا والأكيد 7أيام بعد الإغتسال ..
يعني ألين تاريخ 5/12 وإنتي في فتره أمان يعني 90 % ما يصير حمل..
نزلي لبلادج .. وفرحي بشوفت أهلج :smile:
وإذا كان حمل تراه ما بين ألين 26/12
شهادة
06/12/2004, 05:58 PM
فديت عمرتج بالغاليه فوانيس ...والله ما قصرتي جاوبتي عدل على اسئله الامتحان...والله مشكوره ..بس الله يخليتج كملي جميلتج وجاوبيني على هذا السوال وبس ...
(بعد اذا ممكن انا عندي سوال ...انا كان فيني شوي حمى وبلاعيمي اتعورني واكلت حبوب اول البارح (حبوب موترن ) حبتين ...هذا ياثر على الحمل ان وجد والله اني نسيت سالفه اني ممكن اكون حامل ... )

او اي حد يجابني ...فيه خطر على الجنين من هذي الحبوب....
شهادة
06/12/2004, 08:44 PM
الله يسلمكم ان شالله كلكم....الحمدالله طمنتوني ....والله يطمن كل حد ان شالله ....جوزيتم خيرا حبيباتي...
فوانيس
06/12/2004, 09:13 PM
هلا الغالية شهادة:shy:


(حبوب موترن ) :o

بصراحة ما اعرف هالدوا؟

اذا هو نفس مكونات الباندول أو الاسبرين

بإذن الله بتكونين بخير و عافية
fatma
07/12/2004, 01:29 AM
ان شاءالله حامل:smile:
شهادة
07/12/2004, 02:05 AM
الغاليه فوانيس ...هو الموترن مثل البانادول والاسبيرين....ان شالله عيل ماكو شر...
الخير من الله ان شالله بس ما اتمنى يكون حمل ,,,,انا في غربه والسفر طويل ...والله انه تعب ...احس كنت اتمنى احمل يوم يخلص ريلي من امريكا... لانه ما عندي حد يساعدني اهنيه....
واذا فيه الخير لا اعتراض ان شالله....
الله يبشر كل وحده ان شالله بالعرس والريل والحمل ان شالله والولاده بعد
ان شالله بسوي فحص واذا كان حمل ماراح اخبر ريلي ابد الى لما اوصل البلاد وذيك الساعه يستوي خير...
مشكورين الغاليات وماقصرتوا والله
حبيبة110
07/12/2004, 05:48 AM
http://members.lycos.co.uk/edborders/newBorders/b295.gif

السلام عليكم ورحمة الله وبركاته

http://members.lycos.co.uk/edborders/newBorders/b258.gif

شهوده ياحلوه

تأخرت بالرد عليك:pain:

لكن عروساتنا وبنات الركن ماقصرو

كيف يحصل حمل وانتى بالفتره المذكوره كنتى لسه خارجه من الدوره

يعنى مافى تبويض بهذى الفتره:smile:

اطمنى ياسكر

http://members.lycos.co.uk/edborders/newBorders/b258.gif

حبـــــــيبــــــــــــــ ـــــــــه


http://members.lycos.co.uk/edborders/newBorders/b295.gif
شهادة
07/12/2004, 05:58 AM
الله يطمن الكل ان شالله..... فيه والى ما فيه حمل كله خير ان شالله ...الله يعطيكم العافيه كلكم وان شالله اذا الله اراد حمل ببشر الكل