مشاهدة النسخة كاملة : كل وحده تدخل وتقول طريقتها لتعطير نفسها بعد الاستحمام
أشواق لا تنتهي
06/12/2004, 02:14 AM
كل وحده تدخل وتقول طريقتها لتعطير نفسها بعد الاستحمام
هذا موضوع عجبني
وتراه منقول من منتدى اخر:o
حبيت نستفيد من خبرات بعض :smile:
فياليت كل وحده اتقول لنابالتفصيل الممل:up:
شنهي خطواتها من اول
ماتخلص سبوح لين تتطلع الصاله
بالنسبه لي :shy:
احمم احمم
اولا استخدم كذا نوع شامبو للشعر مره دوووف ومره صانسيلك
وبعدها بلسم من ويلا
والشور جل من ستيلا مكارتني روووعه ريحته
اخذ مسك الجسم من القرشي واحطه في اماكن النبض وعلى اكتافي وجسمي يكون رطب شوي
وبعدين اخذ بخاخ الزيت مال جونسن وحاطه في نسبه صغيرونه من عطر زيتي وارشه على جسمي
واحط فوقه معطر الجسم من بودي شوب<<<مون فلاور
او نعومي<<<<انتيم رهيييب
وبعدها احط البودره المعطره من اجمل بودرة دهن العود
وارطب يدي وريولي بكريم جونسن اليديد الي يقلل نمو الشعر فعلا
يبطئ النمو وريحته روعه
واخر شي ارش عطر عربي وبعده عطر فرنسي
واكيد ابخر شعري وهو رطب بعود
وطبعا لازم تكونين معطره ملابسج الداخليه بعد
وشمييي الروايح الطيببه:shy:
:D2
المياسة
06/12/2004, 03:12 AM
من بررررررررع و أنا أشم ريحتج الحلوة
:D2
و أنا مثلج تقريبا أغلب الخطوات أسويها ..
أستخدم أكثر من نوع من الشامبوهات ( على كيفات :cool2: )
و صابونة بودي شوب الحمرة (مال الفروالة ) الصراحة ريحتها اتجنن و اتعطر لج الحمام كللللللله :up:
و بعد الحمام .. أحط الديودرانت أول شي قبل ما أسوي أي شي .. لأن البشرة تكون نظيفة .. و استخدم بعد أكثر من نوع و آخر نوع من ماركة (Louis Widmer) .. ريحته رهيبة :up:
أحط لوشن مون فلاور من بودي شوب و ساعات أغير و أحط لوشن وايت مسك بعد من بودي شوب و الثنينه روايحهم حلوة :smile:
و عقب أحط مخلطات على جسمي مثل مسك روز من أجمل ريحته حلوة صدق و أحط مخلطات ثانية ( جسمي يستوي مكس خلطات :D2 ) .. و الخلطات هاي من محلات العطور العربية ..
و آخر شي أتعطر بعطرفرنسي و أتدخن و أدخن شعري و أحط دهن عود ورا أذني و على شعري بعد ..
:smile:
و بس هاي طريقتي بس على فكرة ما التزم دايما بهاي النقاط بالضبط إلا يوم يزورني ريلي أسوي هالأشية كلها (لالالالالالالازم :cool2: )
و الأيام العادية مب دايما أتدخن و لا أديما أحط دهن العود .. يعني على حسب المزاج
:shy:
أشواق لا تنتهي
06/12/2004, 03:16 AM
:D2:D2:D2:D2:D2:D2:D2
ههههههه
لا والله انا دايما
لان غرفتي مليانه عطور وكريمات وسوالف
ابي اخلصهم مليت من كثر ماشتري واكدس:pain:
قطرية
06/12/2004, 04:21 AM
امممممممممم انا استخدم للجسم جل حونسون بالشوفان والعسل ريحته
حلوه وعقب مسك من القرشي
وعقب استخدم لوشن ماركه اليزابيث فايف روعه:up:
او شيسيدو
واتدخن مو عود او بخور ام سعيد
واخر شي عطر فرنسي الحين استخدم ديور
وبس ماقدر اكثر ان كثرت 6 ساعات الا وانا في المستشفى
من كثر ماحط عطورات في جسمي ومن عقبها صرت اخفف
ملاذ الحب
06/12/2004, 05:46 AM
هلا اختي ميمي بيبي حلوه فكرة الموضوع وتشكرين عليه
من ناحيتي انا مااحب اغير الشامبو لانه احلى شامبو نفع على شعري هيد اند شولدز (صح كاتبته ههههه)وعقب استخدم مسك العروس رهييييب وعقب احط لي كريم manifestoوكريمه فيه لمعة
وعقب احط مزيل العرق (ماعندي سالفه اكتبه )بس انتي تبين اللي انسويه عقب الاستحمام وهاي من ضمنه (اعطيكم مبررات خخخخخخخخخ)
وعقب ابخر نفسي بعود المعطر من القرشي واهم شئ الملابس الداخليه وشعرررررررررررري
وعقب احط مخمريه في شعري (هاي احطه بعد الاستشوار )
واخررررر شئ عطر استيلا
وسلامتكم :up:
صح لساااااانج ملووووووووذه
:D2
ملاذ الحب
06/12/2004, 06:08 AM
تسلمين والله
وسلامتج
:D2
اقول ميمي عادي حبوبه طوفي هذا تأثير الرقاااااااااااد
ولي عوده انشاءالله للموضوع........
بروح اناااام.............وانتي بعد ملوووووذه يالله ارقااااااااااد:D2
ملاذ الحب
06/12/2004, 06:22 AM
ههههههههههههههههههههههههه ههه
باموت من الضحك
:D2:D2
تحملي يطلع خفاشج علينا
اللي راويتيني اياه
حبيبتي ميمي بيبي
قول لي ايش العطر الزيتي اللي تحطينه مع جونسون:up:
شجوووون
06/12/2004, 08:31 AM
انا اغسل شعري بهيد أند شولدرز وبعدين فوقه بلسم ويللا زيد .. (طبعاً أغير الشامبو بين فترة وفترة )
جسمي انوع الصراحة يوم استخدم لوكس الأبيض ريحته حلوة أو أي شاور جل اللي الحين استخدمه سويت كاميليا من زهور الريف ..
بعدين احط ديودرانت ..
بعدين احط من بودي شوب اللوشن + بخاخ الجسم + البودرة (المسك الأبيض) .. أو عندي خلطة بخاخ للجسم من زهور الريف (سويت كاميليا+ مسك) أو من استي لودر..
وأحط اشوي من مسك العروسة أو دهن العود أو مسك الوزير بين صدري وفي شعري اشوي ..
اممممممم وبعدين البس واتبخر واتعطر ..
وبسسسسس
خليجية
06/12/2004, 09:13 AM
ممممممممممم موضوع حلو يا حلوه :shy: ... والروايح الزينه تنشم من بعد ميل يا ميمي :D2....
شوفوا انا عندي طريقتين :shy:...
اذا مالي خلق ولا عندي وقت:
استخدم للشعر شامبو ويللا مع البلسم للشعر المصبوغ وساعات استخدم حمام زيت فاشكول .... واستخدم للجسم سائل الاستحمام مال بيبي جونسون للاطفال بريحة البابونج :up: .. وجسمي رطب احط زيت الاستحمام هم تبع بيبي جونسون وهم بريحة البابونج لتعزيز الريحه وتقويتها :cool2: ... وهذا الزيت فظييييييع (نعومه + لمعه + ريحه حلوه) :up: ... وبعد الشاور ادهن جسمي بكريم بيبي جونسون للأطفال هم بريحة البابونج (بنات هذي المنتجات ناعمه على البشره وريحتكم بتكون مثل الاطفال وكلهم ماقبل النوم بس انا استخدمهم باي وقت) وبعدها احط الديودرانت مره ليدي سبيد ومره من اصغر علي بريحة المسك :up:... وبعدها احط بودره من اجمل بريحة العود ... وبعد ما اجفف شعري احط فيه مخمريه او دهن عود اوي اي عطر عربي وبعد ورا اذوني ... وبالنسبه لملابسي يكونون مبخرين واهم باالخزانه يعني مافي داعي ابخر نفسي مره ثانيه :shy:... بس البسهم واتعطر باي عطر خفيف ويكون يا فرنسي ياعربي ........ وبس :D2
ولي رجعه ثانيه لطريقتي الثانيه لما اكون رايقه وعندي مناسبه خااصه :up: ... لاني بصراحه تعبت وانا اكتب :D2:D2
الملاك الحزين
06/12/2004, 09:53 AM
السلام عليكم ورحمة الله وبركاته
:smile:
كوكو شانيل
06/12/2004, 10:15 AM
السلام عليكم ورحمة الله وبركاته :)
انا استخدم الشور جيل من البودي شوب وبعدين السكراب بالفراولة وأستخدم شامبو سانسيلك او شامبو يكون ضد القشره وماحط بلسم ..
وعقب ماطلع احط الكريم المرطب بعد بالفراوله مب جني اذيتكم بالفراوله هع :o
واحياناً استخدم الشور جيل اللي بالمسك وعقب ماطلع احط روز مسك من اجمل
وفي الأخير أحط دهن العود ومب كل مره ادخن على حسب المزاج
ويسلموووو ع الموضوع الحلووو:up:
أشواق لا تنتهي
06/12/2004, 12:38 PM
قطرية
اسم الله عليج
فراق:D2
ملاذ الحب
الزيت الجديد باللوز على هيئة بخاخ مريح وتشربه بسرعه البشره بس للامانه ماحسه يرطب كثر الزيت العادي من جونسون بعد
واحط معاه كميه من مسك روز الي باجمل او زيت عطري من زهور الريف:up:
شجوووون :up:
خليجية
:clap:يعطيج العافيه وبانتظار الطريقه الثانيه
الملاك الحزين وعليكم السلام:D2
كوكو شانيل:up::up:
:down::down:بخصوص مجموعة المسك واوشن <<<اظن جي اسمه الي بالبدي شوب ماحبهم ريحتهم ماتعلم وقويه مثل مون فلاور
وحياكم الله
بحرينيه عسل
06/12/2004, 02:02 PM
انا اغسل شعري بشامبو eleve اعتقد هالون اسمه مع البلسم من نفس الماركة وبعدين ادهن جسمي بجونسون الاطفال حاطه معاه دهن عود أو بجونسن الاطفال البخاخ حاطه معاه عطر كوكو شانيل المركز من اجمل واحطلي ديودرانت woman الوردي واتبخر في بعض الاحيان وارش على شعري وهو مبلول دهن عود من سيد جنيد ناسيه اسمه ريحته قوية وارش على جسمي حروف او اي عطر ثاني والبس ملابسي واحط من العطر الي خليت لي منه اخر شيئ واتبخر بعض الاحيان قبل ماالبس ملابسي وبعض الاحيان بعد ما البس. :cool2:
أشواق لا تنتهي
06/12/2004, 03:14 PM
بحرينيه عسل :up:
أشواق لا تنتهي
06/12/2004, 04:14 PM
بدرووووووووووه
ماعتقد موضوع نكت خخخخخخخخ:D2:D2
red-eye
06/12/2004, 04:23 PM
بصراحة ومنكم نستفيد انا بس احط مسك العروسة واي لوشن ومخمرية لشعري وبسسس
بس الحين بسوي مثلكم (وحدة غيورة):bigsmile:
أميرة العرب
06/12/2004, 05:46 PM
مرحبا يا جماعة
ليش كل القضايا تسوونها
مملة
يعني بعد الحمام اظل ساعتين اتعطر :eek2:
انا فاكة عمري :shy:
بعد ما اتسبح واغسل شعري بشامبو هيد اند شولدرز وشاور جل Dial وبس اطلع من الحمام البس ثيابي
احط لي عطر من عطوراتي وبس :smile:
أشواق لا تنتهي
06/12/2004, 08:41 PM
[ALIGN=JUSTIFY]حبيبتي اهي مو قضيه
بس في نوع من النسوان
اتحب ريحتها اتكون ثابته طوووووووووووووول اليوم :shy:
ولما اتقوم باي مجهود
ويصير جسمها حار تتفاعل هالروايح
وتطلع عرفتي
:smile:
وبعدين احنا نسوان متزوجات
وهمنا انظل خنينات وروايحنا تفحفح في كل مكان
عشان ننعش ازواجنا واهلنا:up::up:
السحابه البيضا
06/12/2004, 09:46 PM
تسملين ميمي بيبي على الموضوع الحلو وانا اقول من وين جايه هالروايج طلع من موضوعج عزيزتي
عموما بالنسبه لي
طبعا اغسل شعري بشامبو مب عارفه اسمه بس هو بالكرز احس ان وايد نفع ويا شعري وصار تمااام :up: احط فاشكول احيان بالخيار واحيان بالجرجير على حسب اللي احصله واستخدم جل الجسم من بودي شوب اللي على البابايا ومره بالاسبوع استخدم السكراب
وبعدين عقب ما اتنشف احط ديودرنت سبيد ليدي ريحته وااايد حلوه واستانس عليه ادهن جسمي مره بكريم لوشن من جونسن على حليب الشوفات والعسل واحيان بكريم جليسوليد الصراحه ريحتهم روووعه واتخلي الجسم ناااعم :up:
وبس بعدين اعطر جسمي بعطر فلورنتيو من ماركس بس احط على صدري والبس ثيابي واحط عند رقبتي عطر الف ليله وليله شي بسيط لاني ماقدر على الروايج القويه وبس اطلع وانا متبخره بعود معطر من اجمل او الرصاصي
عموما حبيت اسال شنو المخمريه اللي تكلموا عنها البنات ماعرفت شنو هي
ولحد الين ماتزوجت لو تزوجت باسوي كل اللي يسوونه البنات وخصوصا ميمي بيبي بس احس هاي يبي لي ساعتين لين ما انزل الصاله :D2
تحياتي
سحابه
ماسيه
06/12/2004, 10:01 PM
بقولكم الصراحه اناالصراحه ادخل الحمام واحط على جسمي خلطات وماسكات عشان اوحد لون جسمي واهده ربع ساعه وبعدين اغسل جسمي واغسل شعري باي شامبو موجود فالحمام مثلا احيانا بالموليف وجونسون ودوف وصانسلك0000الخ لاني الصراحه احب التغير اما جسمي استخدم الشامبو نفسه اواحيانا اذا عندي جل شاور مال زوجي استخدمه ويوم اظهر من الحمام اتعطر ونادر ماادخن
بس الصراحه والله عطيتوني افكار حلوه اول مره اعرفها انشاءالله باخذ بوصفاتكم وبطبقها
مشكوره اختي ميمي بيبي وايد بشكل خاص
وباقي الحلوات بعد مشكورين وايد:clap:
أم هشام247
06/12/2004, 10:46 PM
وخرووووووووووو .....وخروووووووو انا جيتكم ريمي نايمة الله يحفظها
انه بصراحه استحمامي سريع الحين وايد لان البيبي بعدها صغيرة وماتعطيني مجال لشي <<<<:confused:
بسم الله نبتدي...
اول شي أجهز ثيابي المبخرة من قبل في الغرفة<<<<أبخرهم في الخزانه من قبل...اسرع
وبعدين أتروش بشاور جيل كل مرة أغير بصراحه ماعندي شي ثابت
شعري >>>>شامبو وأحيانا حمام زيت 3 مرات بالاسبوع...شامبو هيربل أسنسزز...معظم الاحيان
>>>>> بعد الطلعة من الحمام<<<<<<:shy:
اول شي أنشف جسمي زين...وبعدين أحط لي سبراي بعد الحمام مرة بريحة المسك ومرة على روائح زهر جنان طبعا جسمي كله...
وبعدين البودرة ...أهم شي البودرة المعطرة...عالجسم..أحيانا أحط لي زيت الاطفال جونسون قبل لا انشف جسمي <<<ينعم وايد...
وبعدين الف نفسي بالفوطة بعد ما البس الملابس الداخلية:o
وأحط البخور الي على كيفكم...
وشعري انشفه بالفوطة ونادرا ما استخدم السشوار اذا كنت مستعجلة يعني وطبعا اعطره ما في كلام
عطوراتي الي احبه استخدمها وايد:
212<<<العدة كاملة.
boss<<<العدة كاملة.
esscada
عطورات عربية...
سوسن
مسك الوزير
...نسيت أسمائهم...بروح اشوفهم وأرجع
مشكورين عالموضوع الحلو...أستفدت من وايد أشياء
أشواق لا تنتهي
06/12/2004, 11:16 PM
السحابه البيضا
حبيبتي مايبيله ساعتين ولا شي بالعكس انتي اوردي بتكونين جدام التسريحه-الكومدينو-التواليت<<<<الي هو بس كملي والجمر حاطته قبل مادشين الحمام
ماسيه
:up:
أم هشام247
مبروك الصغيرونه وتتربى بعزج ان شاء الله وفي انتظار البقيه:cool2:
انا رجعت بس هالمره بصير مؤدبه بدون تخريفات رقاااااد:o
اولا بالنسبه للحمام انا استعمل شامبو وبلسم هيربل اسينزز
والشاور جل ماتقيد بواحد على حسب:
(1) العطر اللي بستعمله بعد ماطلع
طبعا مب كل العطور عندي اللست كامل بس اغلبهم
ومنهم اسكادا.......... استيلا...... ميراكل.......... جادور........ شانس.......
فيكتوريا سيكرت very sexy + dream angels تقريبا هذا اللي متذكرته..........
(2) من Fruits & Passion
الشاور جل + البودي لوشن + البودي سبراي بالفواكه
(3) للأستعمال اليومي الصراحه استخدم من فيكتوريا سيكرت
الشور جل + البودي لوشن + البودي سبراي
وعندي بريحة الفراوله + التفاح + الورد (نوعين)
(4) واذا مالي مزااااااااااااااااااج كلش كلش استخدم الشاور جل من جونسن اللي بالعسل والشوفان + البودي لوشن
يعني ماحب اتقيد بطريقه معينه على حسب الموووووود:cool2:
ولازم بعد ماخلص ادهن جسمي بيبي اويل ضايفه له دهن عـــود
لاني جربت اللي بالبخاخ الصراحه ماعجبني مايرطب الجسم نفس العادي...
وبعد مانشف جسمي احط مسك العروووووووس هذا ماستغني عنه..
وشوي من مسك روز.... وآخر شي مسحة دهن عود ورا اذني...
ماحب استعمل المخمريه الا نااااااااادر خاصه اذا بتينا عمتي
واتبخر بالدخون او العود المعطر اللي يعجبني لانه عندي كذا نوووع
واتعطـــــــــــــر بعطري + عطر عربي اي شي على المزاج:smile:
وســــــــــــلامتكم ............:D2على قولت ملووووووذه
مهاوي قطر
07/12/2004, 05:20 AM
اختي قطريه(انا استخدم للجسم جل حونسون بالشوفان والعسل ريحته )
كنت استخدمه ومع الاستمرار سمر جسمي :down::down:
بنات مايسوي عليكم كل هاي بعد السبوح :s2:s2وكل يوم :pain:
انا غير عنكم اتسبح بصابون معطر من بودي شوب وشامبو دوف
وبعد السبوح احط كريم معطر اي كريم واخلطي معاه دهن عود واحطه خفيف على اماكن نبض في جسمي وبس بعده بودرة من اجمل وبس
أشواق لا تنتهي
07/12/2004, 11:37 AM
فراق ولكمووووووووووووووووووووو اتحفتينا:clap:
على فكره انا بعد لاحظت البخاخ مامنه فايده
مهاوي قطر
في نوع من النسوان
اتحب ريحتها اتكون ثابته طوووووووووووووول اليوم
ولما اتقوم باي مجهود
ويصير جسمها حار تتفاعل هالروايح
وتطلع عرفتي
وبعدين احنا نسوان متزوجات
وهمنا انظل خنينات وروايحنا تفحفح في كل مكان
عشان ننعش ازواجنا واهلنا
السحابه البيضا
07/12/2004, 04:12 PM
بس بعد ماقلتوا لي شنهي المخمريه ماعرفها
خليجية
07/12/2004, 04:48 PM
بس بعد ماقلتوا لي شنهي المخمريه ماعرفها
حبيبتي هذا نوع من الدهن عود المعتق يسمى مخمريه ((مخمر بالزعفران)) من عطورات الحرمين :smile:... لا يفوتج :up: ...
نور الدوحه
08/12/2004, 01:17 AM
انا اغسل شعري بشامبو بانتين للشعر الملون واحط عقبه بديل الزيت اللي معاه وكلهم ريحتهم تجننننننن :up:
والشاور جل منوووع مافي شي محدد ( أحب فا الازرق) ريحته منعششششششة تتم في الحمااام الكل يدري انج متسبحه :D2
وعقب ماخلص وجسمي مبلول ارش عليه بودي سبراي من زهور الريف (سويت كاميليا)
واخليه ينشف بروحه :cool2:
ومرات احط بدال السبراي لوشن
وبعدين اخذ مسك الجسم واحطه في اماكن النبض طبعا
مرات احط بدال المسك (خلطة زهور الريف الزيتية) عجيييييييييبة
ارش بودرة معطرة على خفيف
واتبخر
واحط مخمرية وابخر شعري
واذا لبست احب احط واحد من هالعطورات ومرات اخلطهم :D2
ستيلا
ستيل جنيفر لوبيز
very resistable
وووووو بس :shy:
moon321
08/12/2004, 01:58 PM
ماشالله عليكم
انا عادي اتسبح اغسل شعري بشامبو سلفكرين الحنه ومااغيره كلش لان اذا غيرته بطيح شعري وجسمي بصابونة بابايا عاديه و شاور جل انا سمعت انه يسمر تركته بعد مااطلع من الحمام احط بودرة الاطفال اللي من جونسون اللي بلافندر بعدين البس ملابسي واتبخر بخور قزاز واحط عطر فرنسي وعطر عربي اسمه ازهار روووعه وطبعا الديودرنت هذا لازم واللي مو حلو فيني اني مااحط لوشن على جسمي عقب ساعه من السبوح احط على ايدي لين الكوع واحط على ساقي لين الركب بس
بس سؤال شلون استخدام زيت البيبي جونسون بلظبط لاني سمعت اكثر من طريقه بس ابي الطريقه الفعاله لان جسمي جاف؟؟
هبوب الكوس
08/12/2004, 02:33 PM
موضوع حلو يعطيــكن العافيـه...
أولاً للي ينشدون عن المخمريــه.. أول مره اعرف ان المخمريـه هب معروفه عند هل قطر! المهم... هو عطر عربي.. مركز.. يجنن.. ريــحته ماشي أحلا عنها.. مكون من مسجك.. و دهن عود.. و عرق الزباد... و شويـة عطور عربيــه مركزه جديــمه.. هب متأكده بس أظن ان فيــها عرق العنبر.. بس ريــحته خنيــنه.. و اللي يبتاع في المحلات بصراحه مايعبني.. أفضل اللي يسونه الحريــم.. ((العيايز))
أما بالنسبه اليه شو اسوي من أدش اتسبح..
أول شي.. عادي أغسل يمبي بصابونه عاديــه .. هب معطره لان عندي حساسيـه.. أغسل شعريـه بشامبو طبي.. و الصراحه ماعرف شو اسمه.. لونه بطيــخي.. او مايسوي رغوه.. بس ماشي والمني غيـره...
و من عقب.. أحط كريــم الشعر.. مسواي من اعشاب البحر.. و الناريــل.. ريــهته رهيــبه.. اتم فاجه في الشعر فتره طويـله.. يعني almost يوميــن..
أخليــه فترة 15 دقيــقه.. أسوي البودي سكراب.. و من أخلص اغسل شعريـه..
اول ماظهر.. اتنشف طبعاً و من عقب أستخدم الديودرنت.. بعد هذا طبي.. مافيــه ريــحه.. بس ممتاز...
اتفرك بمسج القرشي.. الخاص بالجسم.. و عقب.. اتفرك بالكريــم.. مرات جونسن بالعسل و الشوفان.. و مرات بجونسن البنفسجي.. و مرات بكريــم معطر من زهور الريــف.. ريــحته رهيــبه.. و مرات من بعد كريــم بريـحة الفروت من ماركس سبنسر.. يعني على حسب المود.. و على حسب الحساسيـة :(
انشف شعريـه.. و اعطره بعطر الشعر.. بعد من عند زهور الريف.. ريـحته ولا أحلى.. و تظرب في الشيــله و اتم ريــحتها خنيـــنه : )
اذا كنت برقد.. ادخن حجرتيــه .. و اتدخن انا بالمره و شعريــه.. اما اذا كنت بظهر طبعاً لا..
أحطليـه عطر عربي... و لا دهن عود.. و لا شي من عطور القرشي لي أحبهن.. اسمحولي و الله هب حافظه اساميــهن.. بس بشكل عام.. عطور القرشي ماعليــهن كلام... و احياناً اتعطر بعطور القبيــسيـه.. راعيـت بوظبي.. عطورها تظرب في الراس.. ماشي اخن عنها..
و خلاف أعطر ثيابي بعطر فرنسي.. حالياً.. استخدم ترو ستار.. ريـحته ماشي أبرد عنها..
و بس.. اسوي بدي كيــر عالخفيــف..
و السموحه و المعذره منكم.. طولت عليــكم..
فديتني والله
08/12/2004, 02:42 PM
:clap::clap::up::up:
يسلمووووووو على هيك افكاااااار :shy:
الصمت الرهيب
11/12/2004, 02:59 AM
:clap: والله زين لكم هالبارض
انا عن نفسي اغسل شعري بشامبو صانسيلك بالبيض وعقب ماغسله احط فاشكول الثوم واخليه في شعري واستخدم اي صابونه حاليا استخدم صابونه وايد حلوة ريحتها بالجلسرين الفراوله وعقب اغسل شعري وجسمي كامل وانشف جسمي واحط لوشن هرده من اجمل ورا الاذن واماكن النبض ريحته:up: وماتروح وساعات احط كريم بي اج فايف بوينت فايف بالشوفان والعسل بعد ريحته حلوة:up:
ابي اسأل عن المخمريه اشلون اتحطون عطورات في شعركم لان وايد اسمع ان العطر اذا صاب الشعر يسبب شيب ومرهوحده بغيت اسأل اي احسن بخور او عود عند اجمل ومشكورين مقدما:shy:
أشواق لا تنتهي
11/12/2004, 03:08 AM
فاشكول الثوم :pain:؟؟؟؟؟؟؟؟؟؟؟شلون هاي استعماله وريحته؟؟؟؟
ملاذ الحب
11/12/2004, 05:18 AM
ريحته عاديه بالعكس مافيه ريحه ثوم :up:
خليجية
11/12/2004, 11:58 AM
ميمي بيبي==> ريحته حلوووووه ولا فيه ريحة ثوم :up: ...
الصمت الرهيب ==> شوفي حبيبتي صارلي فتره وانا احط دهن عود بشعري ولا شفت شيب ولاشي ... بس يمكن إذا حطيتي عطر يتغير لونه لان العطر فيه كحول :pain: ...
وبالنسبه لسؤالج عن أحسن بخور أو عود عندج ياطويلة العمر ==> العود المعطر يجي بعلبه شفافه وفيها نقش بالاحمر وعندج البخور المبخر يجي بعلبه راقيه ومعاها ملعقه ذهبيه :up: ... ولا تنسين تاخذين على دربج مسك روز :D2 ...
وسلامتكم
أشواق لا تنتهي
11/12/2004, 12:04 PM
خليجيه اشلون طريقته وامته ينحط
خليجية
11/12/2004, 12:10 PM
شوفي حبيبتي اهو عباره عن حمام زيت بس انا استخدمه ببعض الاحيان كبلسم للشعر :pain: ....
وينحط عادي بعد ماتغسلين شعرك بالشامبو وتخلينه لمدة 10 دقايق وانتي وكيفج يا أكثر يا أقل ... والطريقه موجوده على العلبه :up:...
ريم81
11/12/2004, 12:37 PM
بس انا ما أحب أحط عطور فوق بعض .....
يا عربي با فرنسي مو فوق بعض...
مرحباا عرايس :smile:
ما شالله عليكم والله كلكم تجنونوون اكيد رجالكم منهبلين عليكم دام هاذي طريقتكم بالتعطير وعقبال البنات ان شالله :clap:
انا عندي اضافة صغيرة انا مثلكم تقريبا بالتعطير بس طبعا كل وحده وذوقها بالعطور والكريمات الي تناسبهاا
انا بعد السباحه ووضع كريم بيبي جونسنب الي ع البابونج الجديد انا كنت مسويه خلطه في كريم المسك حق جرجنز وهي ( تولة من مسك انتي تحبينوه وانا حطيت مسك القرشي - تولة من مخلط عربي الي طبعا بعد تحبينوه انتي وانا حطيت خلطه الف ليلة وليله من اجمل وهي جنااااااااااااااااااااااا ااااااااااااااااااان - تولة عطر فرنسي الي تفضلينوو بعد بس انا ما ذكر وش حطيت :o اعتقد احد عطور شانيل وتخلينوو كم يوم عشان يتخمر صح مع الرج الجيد كل يوم ) ادهن فيه جسمي كامل واعطر شعري بالي يجي بايدي وطبعا شوية دهن عود
والاهم من هذاا كلووووووووو
اجيب جلال الصلاة الي مفتوح من الراس بس والبسوو طبعا وانا متعطره وشعري مبلول واجيب المبخر وادخلوو تحتي واجلس الى ان يقضي البخور والعود وانا استخدم عود مبخر من اجمل وبخور راقيه من الرصاصي مع بعض للايام العاديه وعود معتبر للمناسبات ولرجلي طبعاا :cool2:
وبعدين البسي عادي واستشوري واتبخري بالي باقي عشان بعد السشوار وبعد ربع ساعه شوفي ريحتك بتغدين كذاااااااا:up::up::up: ورجلك ما بيفك منك ابددد :shy::shy::shy:
وبس اتمنى تستفادون(a)
أشواق لا تنتهي
11/12/2004, 04:23 PM
هنية :up::up::up::up::up::up::up::up::up::up::up:
yasema142
13/12/2004, 12:15 AM
:smile:انا بنوع في الطرق ..بحب التجديد
عموما اول طريقة
بتحمم بشاور جيل بالكرز بيجنن...ريحته فزييعة
شعري بستخدم له شامبو دوووف
وانا بنوع في الشامبوهات مابستقر على نوع لفترة
هدا نصيحة الخبراء
وبستخدم كريم للشعر بزيت الفواكه ...
وعبل ماخلص تلييف جسمي
اسيب الكريم على شعري
واخلص ..وبعدين يا بعمل سكرب قبل الحمام
يا بعمله بعد اخلص من الشور جيل
واحط بيبي اويل بالياسمين بيجنن كنت ذكرته في موضوع هام للبنات المصريات
بتنشف بس بخلي جسمي رطب شوية:smile:
بحط مسك اللي هو بارفيوم بيكون هيك زي البودرة حلوة
او مكعبات وامررها على جسمي ريحتها حلوة
احط ريحة للشعر يامخمرية يا نوع اسمه باين
او حتى باخد الجوبا تاعة البودي شوب وباخد منها شوية على ايدي مع سيروم للشعر
وبمسح شعري
او امسحها في المشط وامشط شعري فيها
...
بحط كريم للجسم بالياسمين ...كخخخخخخخ كمان ياسمين قد مابعشقه
بعدين بودرة بالياسمين كمان
بعدين احط جوفان مسك على المعصم ورا الركبة و
عند الساعد من فوق اللي هو اماكن نبض
وبعدين اتعطر ...هالايام معلقة على عطر اسمه ليلي بس
مش لاقية منه تاني .. بيجنن
كانه الواحد حقل زهور ماشي..
وريحته مقاربة للياسمين واختكم ياسمة بتعشق شي اسمهه
ياسمين
واول زهرة هادخلها بيتي هي الياسمين هاعبي البلكونة منها
بمووت عليه جدا شي فزززززززززززززززززززيع يا بنات
وياريت اللي بتقرا طريقتي وبتعرف عطور بالياسمين تحكيلي
وبس وهي طريقة من طرق ياسمة المنوعة
المرة الجاية بكتبلكم طريقة ثانية
الصمت الرهيب
13/12/2004, 12:45 AM
قوة بنات
اللي سألوا عن فاشكول بالثوم والفجل مثل ما ردت عليكم خليجيه ريحته مافيها ثوم ريحتها بالعكس حلوة بس انا ماحطه كامل على شعري بس في الاطراف وشوي من فوق بس مااقربه حق الجذور لان اول ماشريته ترست شعري فيه وفي نفس فتره ما استعملته لاحظت ان شعري وايد يطيح بشكل فظيع فوقت استخدامه وشكيت انه من الفاشكول بس بعدين تعالجت عن شعري والحمدلله صار زين رديت استخدم الفاشكول بس ماحطه على كامل شعري .
اختي خليجيه مشكوره على ردج بس مكن تخبريني عن اسعار البخور والعود اللى قلتي لي عنهم من اجمل واذا تعرفين اماكن ثانيه تبيع بعد بخورات حلوة لاني بصراحه ماعندي خبره بهلاشياء ولج جزيل الشكر:shy:
أشواق لا تنتهي
13/12/2004, 11:37 AM
yasema142
اتوقع عطر اليسا الي بأجمل يعجبج
وديو اليديد يعجبج
ووووووووشنوووو بعد مادري هاي الي اذكره الحين
الصمت الرهيب
الحمدلله على سلامة شعرج
نورس الوجود
13/12/2004, 11:13 PM
السلام عليكم ورحمة الله وبركاته
:clap: :clap: :clap:
yasema142
13/12/2004, 11:23 PM
كاتب الرسالة الأصلية : ميمي بيبي
yasema142
اتوقع عطر اليسا الي بأجمل يعجبج
وديو اليديد يعجبج
ووووووووشنوووو بعد مادري هاي الي اذكره الحين
الصمت الرهيب
الحمدلله على سلامة شعرج
يسلموا يا قمر
هاشوف اليسا ...مافيش جوليا بطرس:D2:D2
ديور الجديد شميته ماعجبني ريحته متل نوااا القديمة
فيها شي بيضايق:down:
واي نصيحة تانية يا حلو مستياها:shy:
yasema142
13/12/2004, 11:47 PM
:smile:انتي عطر المحبة يا ميمي بيبي :eek2:؟؟؟؟؟؟؟؟؟؟؟؟؟
ام الشباب
13/12/2004, 11:52 PM
السلام عليكم ورحمة الله وبركاته
:clap::clap:كل الكلام رائع لكن خلط كل هذي الروائح ...
الافضل توحيد الروايح عشان ماتصير ضاربه
وهذا كله لما يكون عندك وقت طويل اما اذا عندك اطفال وخاصة اذا صغار وعلى بعض فيا دوب الشامبو والشاور جل وبعد الحمام بعض العطور او الزيوت العطريه وكلها تكون من ماركة وحدة وريحة وحدة وكان الله في العون (a)
أشواق لا تنتهي
14/12/2004, 10:46 AM
yasema142
لالالاالالالالالالاالاالا :D2:D2:D2:D2
أشواق لا تنتهي
14/12/2004, 10:48 AM
ام الشباب
كل الي قلته ماياخذ مني 10 دقايق
انه كله جدامي
وبخصوص التضارب بالعكس انا لاحظت يعطي تتدرج بالروايح:up:
ياتاعبني
16/12/2004, 02:40 AM
:clap:كل وحده طريقتها أحلى من الثانيه
لكن الطرق هذه يبيلها طولة بال ووحده عندها زوجها يشم ريحتها
لكن طريقتي جدا عاديه
استخدم اي شامبو بس مو على كل حال يكون معطر
بعدين لي طلعت احط دهن عود بريحة الفواكه تجنن ريحته وخفيفه ورا اذاني وجوانب جبهتي وعلى يدي مكان النبض
واحط مزيل العرق بسس
ونادرا أحط خمريه بشعري وهو رطب بس الظاهر ماكنت اعرف الطريقه الصحيحه لازم احطه وهو ناشف
انا عادتي ماأحب العطور كلش..أحب الشعور بالنظافه بس
اطيب الطيب الماء
Black Rose2
22/12/2004, 01:13 AM
جميل جدا يا اخواتي :clap:
انا فعلا استفدت منكم كتير و طريقه كل واحده فعلا احلي :up: من التانيه
بس انا ليا سؤال يعني ايه "توله"
ليــــــــــــن
22/12/2004, 03:01 AM
السلام عليكم ورحمة الله وبركاته
أنا بصراحه ماأستخدم من العطورات اللي على الجسم لأنهم يقولون تصير حساسيه وأنا مو ناقصه:down:
اوبرا
27/12/2004, 12:04 AM
مشكورة اختي ميمي بيبي
ماشاء الله مواضيعج مذهلة ...
و استفدت وايد وايد منها
تسلمين على هالافكار الرهيبة و طرحج لمواضيع المفيدة
فتاة مسلمه
27/12/2004, 10:38 AM
بنات مشكورين بس ممكن اعرف ازاي ممكن احصل على البخور و منتجات بودي شوب و اجمل من مصر هنا ؟؟يعني لو كانوا ممكن يوصلوا لدول او بأي طريقه ؟؟
أشواق لا تنتهي
27/12/2004, 02:10 PM
Black Rose2
التولـــــــــــــه
كميه للعطور العربيه ودهت العود مثل وحدة القياس ههههه يعني ربع توله
نص توله توله
اوبرا
العفو
لين
في منها بدائل مثل البودره
~"مناير الكويت"~
27/12/2004, 05:38 PM
طريقتي تقريبا ما تختلف عن طريقتكم الحلوه في التعطير
بعد الاستحمام كنت استخدم هيربل اسنسز مع البلسم بس
غيرته لوريال الفايف مع البلسم وااايد حلو للشعرالجاف وريحته وااااااااو
واستخدم شور جل ريحته فظييييييعه مثل ماقالت وحده من الخوات
الكل يدري انج سابحه :D2 وبعض المرات امرر على جسمي صابونة
من مجموعة عطر كريستوبال للمناسبات والأوقات الخاصه :o
ولما اخلص انشف جسمي احط لوشن او بودي كريم بالياسمين
او من مجموعة كريستوبال مع الديودرانت البخاخ وبعده بودره جادوور
المعطره مع لمعه واحط من خلطة (لميس) من الشايع رووووعه او (حروف)
باماكن النبض خلف الأذن وبالمعصم وخلف الركبه ومرات بين الافخاذ
مع مسك العروووسه من القرشي واتبخر من بخور الشايع للمناسبات
وبخور مادري من وين بس روووعه للأيام العاديه لجسمي وملابسي
وختامها رشه من عطر فرنسي (HERMES) او (chance) او (cristobal)
وبسسسس :shy:
أصول الحب
10/01/2005, 03:38 AM
~"مناير الكويت"~
هذا كله اشكثر ياخذ اكيد اكثر من السبوح نفسه:eek2:
المهم البساطه
ما اقدر احط اشياء وايد
ولا خلاف بشب بكبري :pain:
السلام عليكم ورحمة الله وبركاته
تعبت وانه أقرا لكن طريقتكم كلها روووووووووووووووووووعه ....
انه استخدم شامبو لوريال وياه بلسم وماسك يوم احط عقب الشامبو بلسم ويوم احط ماسك ؟؟؟؟؟؟؟
اما عن عطري المفضل فهو ؟؟؟؟؟؟
كوكو شانيل مادموزيل الجديد ؟؟؟؟؟؟؟ اموت عليه ؟؟؟ رووووووووعه ؟؟
وأستخدم لوشن على فانيلا رهيييييييييييييييييييييبة ريحته ؟؟؟
من بودي شوب ؟؟؟
او ساعات استخدم لوشن دوف يرطب البشرة وينعمها بعد حلوووووووووو ؟؟
الصابون أستخدم صابونة فا ؟؟؟ والالشاور جل ماشي كل مرة أغير بس أكثر شئ لوكس ؟؟
:
بس أنه خذيت لي مرة بخور كويتي من شركة كويتية وااااااااااااااااايد حلو يجيك على كريات صغار وفي علبة بنفسجية ؟؟؟ اسم المحل """ الحماد ""
وأخذت بعد عطورات عربية من عندهم ؟؟؟
:shy:بس أبي منكم أحلى عطر عربي وعود لاني مالي خلص وللحين ما خذيت لي ؟؟ما عندي ووووووووووقت ؟؟؟:confused::confused::confused:
الجازي 2000
27/02/2005, 10:37 AM
انا اسوي تقريباً مثلكم من شامبو وبلسم وشور جل وكريم معطر وديودرانت وعطر واحد في النهاااية ..ماحب ادخل اكثر من عطر مع بعض ...لكن
ابغي اسأل شلون تتبخرون بعد السبوووووووووووووووح ...يعني تبرزون الفحم قبل ما تتسبحون ..واذا طولتي في الحمام وخليتيه ما يطفي ؟؟؟؟
yasema142
01/03/2005, 07:13 PM
صراحة موضوع رهيب...دايما بستفيد منه ....وبرجع له
أشواق لا تنتهي
02/03/2005, 03:09 PM
ايوت
بس أبي منكم أحلى عطر عربي وعود لاني مالي خلص وللحين ما خذيت لي ؟؟ما عندي ووووووووووقت ؟؟؟
احلى عطر عربي
عندج الف ليله وليله...عود اذا انتي من الامارات عندج ملك العود يبيع عود روعه وذكرى رهييييبببببببببببببببببيي يين
" رشة عطر "
28/03/2005, 04:35 PM
[CENTER]هاااااي بنات
والله عليكم افكار حلوه صراحة ان شاء الله بستفيد منكم واسوي مثلكم
بالنسبة لي انا اغسل شعري بشامبو دوف مرررره زين يرطب شعري وما يخليني احتاج لبلسم
وعقبه اغسل جسمي بشاور جل من بودي شوب مون فلور .. وامره بالأسبوع بالصابون المغربي
ولما اخلص ارش على جسمي ماء ورد وبعده احط بودرة مون فلور من بودي شوب
والبس ملابسي احط عطر وبس...
dnyailwalah
29/03/2005, 09:39 PM
بخبركم طريقي كاااااااااامله انا رايقه وفاضيه احينه
اول شيء ادش الحمااام وافرك جسمي بالصابون المغربي
وبعدين تيني الخداامه وتفرك ظهري بس بالحجر ويطلع جلد ميت بالهههههههههههههههبل بعدين ترووح عني واكمل اانا ريوولي وايديني وكل مكاان فجسمي بدون الاماااكن الحساسه
وبعدماااااااااااااخلص احط العسل عجسمي كااااااااااامل واقعد ربع ساعه فالبانيو.
بعدين اخلص واطلع وافرك جسمي بالاسكيينول بس فالاماااكن الغامقة فالجسم مثل الركب والكوع والرقبه والامااكن الحساسه .
احط عجسمي كاامل بخاخ زيت اللوز من بيبي جونسون ( خالطه معاه عطر عربي مركز)
بعدين البس
ادخن واخر شيء اتعطر ( اتسبح بالعطر )
وسلااامتكم
أشواق لا تنتهي
01/04/2005, 11:40 PM
نعيما
chocolate_cake
01/04/2005, 11:59 PM
ماشاءالله عليج
على فكره العسل روعه مفعوله
وبس مشكلتي اني مااتفيج هعهعهعهعهعهع
بس شجعتيني
البقره الوحشيه
10/04/2005, 02:39 AM
السلااااااااااااااااااااا ااااااااااااااااااام عليكم
\ مشالله على المواضيع الحلوه
انا عن نفسي افرك جسمي بصابون طبي بدون عطور ولما اطلع ادهن جسمي بمرطبات الجسم
وامسح جسمي كله بمخلطات خاليه من العود في فخوذي ويديني وكل بقعه في جسمي ورا اذاني
لان زوجي مايحب يشمه فيني اللي هو العود
وابخر شعري اهم شي وملابسي واسبح بالعطر
وسلاااااااااااااااااااااا ااامتكم
ســــراب
11/04/2005, 01:04 AM
السلام عليكم ورحمة الله وبركاته
الله يجزاج كل الخير أختي ميمي عالموضوع الحلو :)
أنا بصراحه أثق في ذوقج فقلت بسألج أختي إذا كنتي تستخدمين المخمريه للشعر....شوو تستخدمين ومن وين؟ والطريقه بالضبط شوو؟
يا ريت تفيديني انتي أو أي وحده من البنات بس على شرط تذكر مكان موجود عندنا في الدوحه عشان أقدر أشتري منه ^_^
طيب وش رااااااااايكم باللي تروش شعرها بسسسسسسسسسسس
وجسمها بس بالماي بسسسسسسسسسس
هذي انا مالي خلق
:pain:00
أشواق لا تنتهي
11/04/2005, 09:49 PM
هلال !!!! ماي بدون صابون معقوله
سراب تسلمين وصراحه البنات يمدحون اكثر شي مخمرية الحرمين وعني انا ماحبها ابي اجرب شي من الامارات بس ماصارت لي فرصه اروح اهناك
rosena
23/04/2005, 03:59 PM
حلو والله موضوعكم ههههههههههههههههههههه
انه اخذ لي نصف ساعه او ساعه الا بع بالحمام
اول شي اجهز ثيابي وكل شي مع الفوطه على الراس ويلا الحمام
استخدم شامبو sansilk
ورغوة لوكس
بعد ما اخص
اطلع
من الحمام
اقعد عند الدريسر
افتح شعري وان كنت ابغي اسشوره اسشورة
بعدين للصبح كريم بالوجه ومرطب للشفايف
انظف اذوني هههههههه لازم
استخدم بودرة تكون ريحتها خفيفه لجسمي تبع الملابس الداخليه
عندي عطور صغيرة طبيعيه وحده ريحتها نفس الجهال احطها برقبتي تجنن ووحده غيرها تحت اذني احطها
وعطر غير لملابسي من بره
وارجع اعطر ايدي بلوشن خفيف للنعومه
واقعد اقابل الكمبيوتر لما يفقع
ههههههههههههههههههههههههه ههههههههههههههههههههه
yasema142
24/04/2005, 05:44 PM
عندي عطور صغيرة طبيعيه وحده ريحتها نفس الجهال احطها برقبتي تجنن ووحده غيرها تحت اذني احطها
وعطر غير لملابسي من بره
طب ايش هم العطور اذكريهم النا
حزني عميق
09/05/2005, 10:02 PM
صح ياليت والله
أنا أستخدام من ذي بودي شوب
*درب المحبه*
10/05/2005, 12:21 PM
موضوع اكثر من رائع
لاني اموووت في العطور والروايح الحلوه
المهم سبوحي مثل العالم والناس ( شامبو ويلا + صابون لوكس او .. شي ريحته حلوه بس مااعرف اسمه + شور جل من ديور يا اما Jador مع الديودرنت او pure poison ))
ولما اطلع وانشف جسمي بعد استخدم عطر Jadoro بس مو البخاخ ينحط بالاصبع اصلا مو موجود في الوطن العربي بس روووعه هو من فرنسا مثل دهن العود بس على ريحة Jadoro يعني بالعربي المركز الاصلي المهم استخدمه ومعاه العطر اللي مااستغنى عنه Chris 1947))
واحط خلطة عودة زايد مادري اذا موجود في الدوحه لاني شاريته من الامارات
بس ريحته تجنن وبعدين احط مسك ودهن العود (( هند العود من باريس غالري )) وآخر شي احط شوي من خلطة زايد على يدي وامسحها في شعري
بتستغربون ماخليت عطر وخلطه ماحطيته على حسمي بس والله الريحه رووعه وماتكون ثقيله لان كل الخلطات والدهون خفيفه
والريحه تطلع شي مب طبيعي حتى كل مااروح مكان الناس يسئلوني عن الريحه بس انا مااقولهم شنو السر
أشواق لا تنتهي
12/05/2005, 02:53 PM
تسلموووون على هالنظافه والريحه الحلوه واااااااااااااااو
هاي بنات
والله موضوعكم غريب
حركات ههههههههههههههههه (جايه متأخره وتتكلم>>>>>>>>>>>
معليش سامحوني
بالنسبه لي من هذا المنظور الحدودي والتابع لأساليب النظافة الخاصة بسعادتنا فهي كالتالي: >>>> حاسبه روحه منصب ههههه
في نوعين من السبوح:
السبوح السريع وهو اليومي واللي يكون شامبو (فاشكول بالثوم أو شامبو بالسدر والزعتر أو أي شي ريحته حلوه)
وبعدين الشاور جل (ديتول لأن بشرتي حساسه + والحين شريت لوكس بالعطور العربية إذا ما خاب ظني هذي إسمه)
وبسرعه بسرعه وأطلع وأرش عطر ( أحب العطور العربية يعني عود بخور من جنيد وأستخدم الحين عطر حنين ريحته تعدل مزاجي
أما النوع الثاني من السبوح فأسميه سبوح العيد وهو كالتالي:
أولا أقعد أحط سكرب على وجهي وأقشره بالبخار وأحط ماسك الطين وبعدين أرطبه بحيا الله كريم
وطبعا قبلها أكون مسبحه شعري بالخلطه (مايونيز أو زيت الحلبه العفن) لين ينزل على ظهري وعععععععععععع
وبعدها أدخل الحمام (أعزكم الله)
أول شي أغسل شعري بالشامبو وأحط فيه بلسم فاشكول بالحنه لأنه شريته وطاح بجبدي وبعدين
وأحط السكراب على جسمي وأوقف مثل ---؟؟؟؟ بعدين أستخدم الليفة المغربية مع الصابون المغربي وأفرك جسمي لين أصرخ من الألم وبعدها أغسل جسمي بالماي ولأن ريحة المغربي كريهه أغسل جسمي بالشاور جل ديتول
وأغسل شعري وبعدها أحط بيبي جونسون أويل بنكهه البابونج حق الريلكس وأدلك به جسمي بالكامل عشان الترطيب
وبعدها أطلع وأجفف شعري وعندي خلطه جل على دهن العود أحطه في شعري
وعندي رش من رشوش عطور كويتيه للجسم بخاخ أرشه على جسمي
وألبس ثيابي وأحط عطر البخور شريته من المعرض السنوي من محل عماني عبارة عن خلطه تغنيج عن البخور حلوه
وأتعطر بالعطور وطبعا عطري المفضل حنين
وهذي آنه نظافة ونعومه ولمعان وترطيب
qshark
15/05/2005, 02:51 PM
الله يقطع بليسكم ريحتكم فايحه من اول المنتدى
المهم عني انا نفس أختي (( قطاف )) عندي نوعين من السبوح :
السبوح السريع ، وسبوح المناسبات:
أولاً : اكون حاطه خلطه في شعري دهن خلطه اي شيء وبعدين اقعد 4 ساعات احكر اللي يمي بالريحه لين يطردنوي ويدخلوني الحمام غصب خخخخخخخخخخخخخخخخخخخخ
ادخل الحمام اغسل شعري عادي بالليمون عصير ليمون طبيعي وبعدين اخليه لين تروح ريحه الدهن اللي حكرتهم فيها
بعدين اغسله بالشامبو " طبعاً شامبوي المفضل هيربل اسنسنز" الفواكه والبلسم نفسه أو فاشكول الثوم
بس
بعدين الجسم بجيل عاااااااااااااادي عني انا اكثر شيء استخدم لوكس واحيانا اغير اذا حصلت شاور جيل ريحته حلوووووه
بس
الله يسلمكم بعد ماطلع من الحمام (( الله يعزكم)) ادخل الغرفه واحط من الكريمات اللي مالها اول وتالي مثل دوف صراحه ووووووايد احبها ناعم على الجسم وبعدين من العطورات والخلطات الدهنيه على رقبتي علشان ريلي يحب الريحه على الرقبه ههههههههههه
وفي شعري احط دهن العود وخلطات بعد بس بعدين بعد كم ساعه استشور شعري احب استشوره وهو ناشف مع انهم قالوا لي يسبب التقصف بس انا ماسمع الكلام
وادخنه بعدين بالعود الزين من عبدالصمد ولا اجمل وخلاص
وكان الله غفوراً رحيماً
أتمنى اني اكون فدتكم
أشواق لا تنتهي
21/05/2005, 06:24 PM
ياسلااااااااااااااااااام
فتاة الجبال
24/05/2005, 02:30 AM
ماشاء الله عليكم ياعرايس .. خلطات ومنظفات روعه وسهلة ..
أنا استخدم منظف خاص للجسم من بودي شوب وبعد الإستحمام على طول أبخر عوده وتجلس معايه أسبوع ريحتي :up:
http://3roos2.jeeran.com/ftat41.gif
visitor
25/06/2005, 08:13 AM
يعطيك العافيه
ام ثنوي
28/06/2005, 01:01 AM
<<< داشــه عرض متأخر
خخخخخخخخخخخخخخخخخخخخخخخخخ خخخخخخخخخخخخخخخخخخخ
انزين انا باختصار شديد .. عندي نوع واحد لا غير
خخخخخخخخخخخخ
استخدم شامبوو دوووف .. و بلسم ريفلوون .. و اول شي استخدم صابون طبي سائل واصفه لي الدكتور عن الاحمرار اللي يستوي على ظهري .. بعدين استخدم شور جل ماركس اند سبينسر .. الورردي .. ماخذه الحجم الكبيير و تمللت منه ههههههههههههههههههههههههه
بعدين قبل لا ينشف جسمي احط مسك من بيت العود و اتنشف بعدين بالفووطه .. احط "هرررده" اللي من أجمل .. ريحته واايد احبها و اتميزني كل ربعي يعرفووني من هالريحه هههههه
و بعدين يدي و رقبتي احط كريم فكتووريا سيكرت البنفسجي .. ريحته اتم لين السبحه الثانيه ثاني يوووووم
و بس ابخر شعري .. و البس ثيابي ..
عطر فرنسي + عطر عربي ..
كل يوم على المزاج اختار العطور بس لازم عربي + فرنسي
و بس اتوكل على الله
ههههههههههههههههههههههههه هههههههه
شكلنا يضحك و احنا نشرررح شنسوي كل سبحه
خخخخخخخخخ
يا رب دوم مستانسين انا معاكم
الله يحفظكن
ام^كشه
30/06/2005, 05:58 PM
يسلموووووووووو على الخلطات الحلوة وانشالله نستفيد من تجاربكم
كيييوت
01/07/2005, 12:44 AM
بالنسبة لي فأنا أضع مرطب على جسم بعد الشور ممهم عندي الماركة بس المهم أن يحتوي على المسك ،ثم نقاط من زيت المسك الأبيض على أماكن النبض ثم أرتدي ملابسي وأتبخر بالعود المسك من الشايع، ثم أضع من بخاخ المسك من زهور الريف على صدري وملابسي ، وبس وهذا التعطير بالمنزل فقط .
أشواق لا تنتهي
04/07/2005, 12:58 PM
حياكم الله وشكرا لكممم
dimoned
13/03/2008, 04:14 PM
صابون طبي سائل واصفه لي الدكتور عن الاحمرار اللي يستوي على ظهري . يسلموووووووووو على الخلطات الحلوة وانشالله نستفيد من تجاربكم
dimoned
13/03/2008, 04:20 PM
اول شي استخدم صابون طبي سائل واصفه لي الدكتور عن الاحمرار اللي يستوي على ظهري ياريت تكتبي الاسم والصورة كمان علشان عندي خطوط في ظهري ودكتورة الجلد ما عرفت السبب ولا الحل >>>>>>>>>>>>>>>>حشا صارت معادلة رياضية .وجزاكم الله كل خير بس انا لما استخدم اللوشن على الجسم وهو رطب احس الريحة تختفي بعد نص يوم تقريبا ما ادري ليش اللي عندها حل تقول وادعوالي الله ييسر زواجي علشان اسوي زيكم في طريقة تعطير الجسم<<<<<<<<<<<ودة مستعجلة على الزوااااااااااج.
لــمــى
16/03/2008, 11:31 AM
ماشاالله اخذنا طرق كثيره
عن نفسي
لازم اسبوعيا اسوي حمام مغربي عند وحده مختصه انا معها من سنين حتى يوم نقلت البحرين وراااااااااها لانه شغلها نظيف وامينه جدا
اغسل شعري بشامبو طبعا كل فتره نوع وحاليا مستقره على بانتين مع البلسم حقه واحيانا بعد الشامبو احط
ماسك من ويلا ، واغسل جسمي بصابونه جايبتها من جنيف ( مجموعه حلوه من الصوابين بس ما بقى منها الا اثنين عندي + زيت للجسم ) :(
بعدها اطلع وادهن جسمي بزيت بخاخ من جونسون اللي بالوز الظاهر واخلط معه شوية دهن عود من اللي احبه
واحط الديودرنت طبعا وشعري اسرحه واحط على اطرافه كريم من ويلا عشان يمنع التقصف ومرررررررررررررررررره نفع شعري ولله الحمد
احط دهن عود المفضل عندي واللي مستحيل اغيره اللي هو ( دهن عود سيف العرب من اجمل ) مررررررررره خيالي احبه
وبعدها اكون معطره ملابسي داخليه باي عطر من نعومي والبس ثيابي واتبخر بعود معطر من الحرمين واحط دهن عود ( المذكور سابقا ) في شعري شوي وورا اذني وخمرية شعر وحده تسويها لي
وبالاخير اتعطر بعطوري المفضله عربي + فرنسي
تعبت وانا اكتب بس بجد استفدت منكم كثير
الله يجزاكم خييييييييير
غلاتي الكويتيه
27/03/2008, 10:34 AM
اغسل شعري بشامبو ميتال بعدين اي شامبو تكون ريحته حلوه والجسم استخدم خلطه خاصه لللتنظيف وتبيض وتوحد اللون في وحده تبيعها وبعدين اغسل بصابنة ديتول وبالسبوع مره اسوي حمام مغربي بنسي في البيت ....ز بع الحمام بقطنه امسح كل جسمي بكلونية بيبي جونسن وبعدين ادهن جسمي واحط بودرة جونسون وسلامتكم
HanOchy
28/03/2008, 03:15 AM
يسلمووووووووووووووووووووو وووووو كثييييييييييييييييييييييي ييييييييير وربي استفدنا منكم وكل وحده طريقتها احلى من الثانيه , واكثر عجبني الاشياء اللي بالفراوله واللي بالمسك :D
عصفورة 2008
28/03/2008, 09:11 AM
هع هع كل هذا سبووح حشى عيل انا اطلع مقطنة بينكم هههه امزح
وعلى سالفة مخمرية ذي في زيت اسمة زيت الصندل تلقونة عند العطار يالله شو ريحتة حلوة اممممممم تهبل
انا لي لين مزاج حق التعدل قبل كل ذولي احط بلحمام وانتو بكرامة زيت عطري برائحة اللافندر علشان يازعم عاملة لحالي ريلاكس ييي يالله اكرهه شيئ عندي غسال الشعر وعلشان جذية يوم اغبر الي اغسل فية شعري افف هههه
دموع وردية
09/06/2009, 05:00 PM
الللللللللللللللللللله على الروائح والانتعااااااااااااااااش والنظاااااااااااااافة
روووووووووووووووووووووعه
لي عوووووووودة ان شاء الله وتكملة قراءة الموضوووووع