لكل فتاة , متزوجة , مقبلة أين تحبين شهر العسل

[ليالي العين]

مرحبا خواااااتي


أحب من كل متزوجة تقول وين راحت شهرالعسل وهل كان المكان اللي تمنته ولااستحت تقول لزوجها أريد مكان ثاني بامانة.

ولباقي البنات لوقالج زوجك وين تحبين تروحين شهر العسل إن شاء الله لما تتزوجن وين تريدين تسافرين وليش ؟




أوكي أنا مب مرتبطة
والصراحة اذا ياني نصيبي نفسي
أقضي شهر العسل بمكانين الاول نروح جزيرة هادية:o والمكان الأخضر
والمكان الثاني نروح العمرة عشان الله يوفقنا بحياتناويبارك لنابأول الزواج
:up:
:up: :up: :up: :up:
:up: :up: :up: :up: :up: :up: :up:

[yasema142]

انا احب اروح لبنان ....
والامارات ...ماليزيا
ونفسي اروح اليابان بس بعيدة

[& ضوء القمر &]

ان شاء الله اذا جا النصيب مع الحبيب :shy::shy::shy:
اكيد باقول اليه انروح العمرة وبعدين انروح انزور النبي 00عليه افضل الصلاة والسلام 000

تحياتي :up::shy:

[العيناوية]

أنا تزوجت من 7 شهور و شهر العسل كان في ماليزيا بصراحه رووووعه
... وانا ماطلبت لانه شهر العسل كان هديه من شخص ...



وبصراحه خاطري أروح المالديف او موريشيوس بس حلم :cool2:


:smile: :smile:

[دراعه]

على طوووووووول ماليزيا لكن قبلها اروح العمره علشان اطلب من ربي اني اتوفق في زواجي :shy:
وبعدين ماليزيا ادعوا لي الله يوفقكم لي ولاخواتي كلهم وانا بدعي لكم من كل قلبي :smile:

[FoOoFa]

انا زواجي بعد شهرين لكن اتفقنا على مكان شهر العسل .. هو سألني وين نروح وقلت له اقتراحي ولا اعجبه .. وهو اقترح ولا اعجبني .. والحلو اننا كنا صريحين مع بعض على وين نبي نروح ...

بالاخير اخترانا نروح موريشوس وعاد حجزنا .. ولسة ما ادري كيف بيكون بس انشالله حلو .. ادعولللللي
:o

[نور الدوحه]

malaysia

:up:

[آخـرالعــنقــود]

انا حزر المالديف واسبانيا
:shy:

[عروس الغبيراء]

انا جزر الكناري ان شالله

اعتقد انها في البرتقال

[ليالي العين]

ماااشاء الله على الاختيارات أغلبكم ماليزيا :smile:

أخت ياسيما 142 اخترتي اليابان بعد :s2 بس أنا خبري الاكل هناك صعب كله حشرات وقطاوة وضفادع وأشياء غريبة عن منطقتنا العربية..فهالحالة لازم تاخذين معاج شنطة فيها الاشياء الرئيسية من الاكل :smile: ومشكورة على المساهمة.



ضوء القمر ماشاء الله عليج :up:


العيناوية مبروك على الزواج والحمدلله استانستي بماليزيا انا ما رحتها بس يمدحونها. :clap:


دراعة الله يوفقج واييج النصيب اليوم قبل باجر آمين واختيار حلو :up:


أخت فوفو من أولها مب متفقين :eek2: بس الحمدلله استقريتوا على الموريشوس انا سمعت أنها وايد حلوة ويمدحونها وان شاء الله على البركة :up:


نور الدوحة وأخر العنقود وأم رشود ما شاء الله مثل ميولي تختارون الجزر :cool2: شيء رومانسي وحلو... بس انا اللي اعرفة ان جزر المالديف تذكرة الشخص الواحد لشهر العسل 15 الف درهم:down:

ومشكووورات على المشاااركة.:clap: :clap: :clap:

[*~يابعد عمري~*]

السلااام عليكم..
كيفكم...

كل عام وانتم بخيرر مقدماا..




ان حبيت اروح مكه اخذ عمره وادعى ربي ان يوفقنا في حياتنا وامة محمد اجمعيــن... وبعدين فكرنا نروح اليونان او باريس ولندن... وانا نفسي
بـ سوريا او لبنان وهو ولله الحمد ماقصر وقال نروح لهاااا....


اتمنى لكم التوفيق ويرزق بنات المنتدى ويوفق متزوجين..

[~شـــــــــوق~]

اممم انا للحين ما اتزوجت بس احب اروح ايطاليا او تركيا :shy:

[@شهد@]

malaysia:up:

[احساس انسانه]

انا عنفسي اول شي طبعا عمره


والمكان اثاني اي مكاان لان ما تهمني هالشيااء



بس المهم مكاان محد يتم يطالعنااا كاننا ياين من الفضااء


لاني لابسه نقاام ومستحيل اشيله حتى لو كنت في المريكا :cool2:



اتمني التوفيق للجميع :up:

[BRIDE]

طبعاً اكيد بنزور بيت الله والني (ص) والائمة الاطهار ...........:shy:

واذا كان في مجال ... بلاد الشام:shy:

[عاشقة الحرم]

انا اتمنى ان شاء الله

اذا تزوجت

اول شئ بنروح له بدون خيارات هو

ان نزور الحرم شئ اساسي عندنا بالعائلة


بس انا اتمنا اني اسافر لماليزيا ميته موت عليها احبها

بس اللي قاهرني ان العائلة عندنا ما يسافرون بالخارج

حالتهم المادية ممتازة جدااااااااا بس تدين

انا ملتزمة بس لازم اسافر لماليزيا

وما ادري وشلون اقوله او حتي افاتحه بعد الزواج

بنات بظنكم كيف اطلب منه عيب صح

قبل الزواج ما اقدر لاني ما اكلمه ابدااااااااا

[~"مناير الكويت"~]

اول شي نروح العمره عشان ادعي ان الله يبارك لنا زواجنا

وبعدها ماليزيا او اندونيسيا او باريس او سويسرا للمناظر الخلابه :up:

مشكورة على الموضوع الحلو

[3athra]

السلام عليكم ورحمة الله وبركاته

انا ماتزوجت لي الحين ادعولي :)


ودي اول شي اروح العمره وبعدين سويسرا .

[BINT_LIWA]

السلام عليكم ... مشكوره على هذا الموضوع الحلو ...

بالنسبه لماليزيا وتايلند وسنغفورا هذيلا انا رحتهن قبل العرس مرتين كل وحده منهن ...... وتراه يا بنات ما ليزيا مش من زود الاماكن الحلوه اللي فيها ....غير منطقه او منطقتين للمتزوجين يمكن تدورونها في ساعتين ...
اللي هنه في كوالالنبور العاصمه واسمها ((بوتراجايا)) :up::up: وفيه منطقت جنتنج ... بسسس ... اما لتايلند اشوفها من الطبيعه احلى مثل جزيرة ((بوكيت)) وهذي تعتبر في قمت الوعه للاشخاص في شهر العسل لانه فيها اماكن وايده حلوه وانتم فاهمين قصدي :cool2::cool2: ومنطه ثانيه اسمها ((شنج ماي)) هذيلا مناطق منفرده عن العاصمه بانكوك ... ونصيحتي للي بتسير تايلند لا تسير العاصمه بانكوك غير يومين لانها مش سياحيه بس للتسوق ...:cool2::cool2:...

انا بالنسبه ليه انا كنت افكر في جزر المالديف .. او الكناري بس يعتمد على رايه هوه اولا واخيرا ... :shy::shy:

واتمنى اني افدكم بمعلوماتي وشكرا

[ريم81]

بنات أنا بعد اريد نصيتكم

انا اتمنى نه اروح ماليزيا أو تايلاند أو تركيا

بس وين هيجزر ماسوشوستس او المالدف

و كم تكلفتها تقريبا ؟

[دراعه]

خلاص مو لازم ماليزيا اي بلد حلو بس المهم اني اروح لشهر عسل
ادعووووووووووووووولي تكفووووووووون:confused::confused::con fused:

[للعروس وبس]

صراحه وعن تجربه ما شئ احلي عن سويسرا:shy:

[ريم الروم]

إذا انت وزوجك حركين ومرحين .. روحو ديزني في فلوردا أو يورو ديزني في فرنسا حتنبسطو مرررررررررررررة (أنا مجربتها) :up:

أما اذا كنتو رومانسيين وهاديين وتفضلو الهدوء والروقان والمغامرات الخفيفة .. روحو المالديف ( اختي جربتها ) :smile:

وكلها ما يبغالها أكثر من اسبوع حتى تاخذي كفايتك من الإنبساط :D2

[ماي]

اذا صادف شهر العسل فصل الشتاء وين تسافرين؟؟؟؟؟؟؟؟؟؟ظ

[ام ياسمينا]

ليالي العين
تذكؤة الماديف مب 15 الف!!!:eek2:
انا حجزت 4 ليالي في افخم منتجع في المالديف لشخصين وبركة سباحة خاصة ب10 الاف مع التذاكر واليخت الخاص..بصراحة رومانسية وايد بس مايبيلها اكثر من اسبوع يعني ممكن تروحون 5 ايام وبعدين تروحون بانكوك او ماليزيا
بالنسبة لنصيحتي لاي وحدة في شهر العسل فانا ارشحها لاني رحتها في شهر العسل روووووعه وبعد فينيسيا وباريس يجننون:up:

[meriam07]

CUBA (أنا مجربتها)

[فتاة الجبال]

أتمنى أسافر في مصرمره ثانية أو لبنان أو الإمارات

إن شاء الله إذا جاء نصيبي .. وتسلمين يالغالية عالمشاركة الطريفة

http://3roos2.jeeran.com/ftat41.gif

[missy]

انا طبعا توني .. بس لو حصل نصيب وتزوجت .. الصراحه ابي اروح جزر المالديف بعدها اسبانيا او ايطاليا ...:shy:

[ترانيم قطر]

موضوعك حلوه مره وانا مش متزوجه .. ان شاءالله اذا تزوجت اتمنى اروح ماليزيا عقب فرنسا عقب العمره ..


بس ان شاء الله يوفقني ويوفق الجميع ..

[ريانية]

السلام عليكم
انشالله راح اسافر شهر العسل في شهر 7
وبروح استراليا
شرايكم فيها؟؟؟

[عيون_المهـــا]

ماشاء الله أشوووف أغلب البناااااااات يمدحولنا جزر المالديف !!!!

ياريت لو تخبرونا أكثر عنها عشان الكل يستفيد ....

[عروس جميرا]

ان شاء الله بنسير العمره + ماليزيا + بانكوك ... والله يرزق اخواتي اللي ماتزوجوا بالزوج الصالح والذريه الصالحة ... ويوفق الجميع ان شاء الله ويطرح فيهن البركة والذرية الصالحة

[misshappy]

هلا بنات قولوا لي اشرايكم في بلغاريا ؟؟

[رهيفة الاحساس]

انا متزوجه من سنه وثلاث شهور يعني لاجديده ولا قديمه نص ونص

كان شهر العسل في ماليزيا والحلو انها سكنا في جزيرتين وهم في قمة الرومانسيه

بس انا كان خاطري في استراليا وفعلا رحنا لها بعد كم شهر

وبصراحه عن موضوع الجزر المالديف وموريشيوس ان شالله في المستقبل القريب

بس من غير بركه خاصه في الشاليه ماتنفع الجزر:)

والله يرزق كل بنوته ان شالله

[سكـون]

أنا رحت ماليزيا ومصر .. بس ماليزيا الصراحة الطبيعة خطيرة جداً .. بس الجو حار جداً وأمطار غزيرة ..

بس اتفقنا أنا وخطيبي لشهر العسل (باريس) بعد العمرة إن شاء الله ..

[عبيـــر]

انا خاطري في ماليزيا
بس للحين بنوتة
ادعولي بالزوج الصالح ولأخواتي البنوتات :)

[Pink_girl]

انا ايام خطوبتي لما كان زوجي يجينا كان يفتح معي موضوع شهر العسل وكنت منحرررجه مرره مااقدر اتشرط عليه اتذكر قاللي وش رايك بااسبانيا واحد مدحها لي وانا مااتذكر وش قلت له لكن اللي اتذكره اني مابينت له تجاوب على الفكره ويمكن هو فهم انها ماعجبتني بس لما راح انا فرحت لاني اسمع كثير ان اسبانيا حلوه وكنت اتمنى اروح برشلونه في اسبانيا وبعدين طبيعتها متنوعه فيها الجزر وكل شي وكنت مخططه اروح ماربيا في اسبانيا لكن لما قرب الزواج قاللي انه خلاص حجز على ماليزيــــــــا بصرااحه انصدمت لان احلاااااامي كلها ضاااعت في الهوا لكن لما رحت ماليزيا ماندمت ابد رووووووووووووووعه بكل المقاييييس انا شفت دول كثير لكن تبقى ماليزيا لها طعم خــــــــاص وبصراحه انا اختلف مع اللي يقولون تايلند احلى او غيرها انا كنت في سفرتي شهر العسل وقفنا ترانزيت في تايلند مطار بانكوك من جد كان مووو حلو والبلد ماتصلح للعوائل او للناس اللي يبون السياحه المحترمه اللي ماتنافي تقاليدنا وبعدها اخذنا طياره على ماليزيا مطار كوالالمبور كان روووووووووووووووووووووووو وووووووووعه مطار فخم وعند صالة الوصول تاخذون قطار سريع من داخل المطار يطلع فيك برى المطار لان صالة الوصول في مبنى والمبنى اللي تخلصون فيه الاجراءت ثاني والمحلات اللي في المطار رووووعه بس نصيحه لاتضيعون وقت في المحلات خذو القطار على طول على الصاله الثانيه لانهاء الاجراءت لان قدامكم في ماليزيا ماهو اروع اسواق ومحلات وكل شي وبعدها رحنا وسط كوالالمبور فندق الماندرين اورينتال وانصح كل اللي حديثين زواج يروحون له قمه في الرومانسيه ومقابل البرجين التوأم ومجمع سورايا اللي من جد راااائع وبعدها رحنا بياننج مررررررررره روووعه سكنا يوم في الموتيارا ويومين في راساسينغ الفندق الاول سكناه اول ماوصلنا بياننج لانه بعيد شوي عن المنطقه لازم تاكسي لكنه روماااانسي مررره واليومين اللي بقو في فندق راساسينغ اللي كان روووعه وقريب من كل شي وبعدها رحنا جزيرة لانكاوي قمة الرومانسية وسكنا في منتجع ذا داتاي وهو يصنف من فئة الفنادق والمنتجعات الستة نجووم وجلسنا يومين وبعدها عدنا كوالالمبور وسكنا فندق ويستن وايضاً رائع في قلب شارع بوكيت بونتانغ (شارع العرب ) وهناك مجمعات ومطاعم عربيه روووعه بصراااااحه ومن هناك رحنا يوم الى منطقة جنتنغ هاي لاند وهي عبارة عند مشروووع سياحي ضخم وراااائع بناه مستثمر صيني في منطقة جبليه توصولون له عن طريق التلفريك اللي نظيف بعكس التلفريك اللي جربته بتركيا ابد ماعجبني ذكرني التلفريك في التلفريك اللي في جنيف من كثر ماهو حلو ونظيف وهناك في جنتنغ ببساطه تمشون بين الغيوم لان المنطقه باااارده ومرتفعه واذا سكنتوا ليله هناك بتدخل الغيمه عليكم من البلكونه مع اني ماعجبتني الفنادق هناك كثيير فندق جنتنغ افضلها غرفه مو ذاك الزود لكن اللوبي اللي فيه رووووعه زحمه وكبييير مثل كاونترات المطار ذكرني بلوبي فنادق لاس فيغاس باامريكا بصراحه رحله لاتنسى وانا كتبتها بالتفاصيل حتى اسماء الفنادق عشان اللي بيتزوجون قريب يستفيدون من برنامجنا لانه روووووووووعه وانا استمتعت بكل دقيقه هناك والله يوفق الجميع

[bsbosah]

3n nfsi ab'3i aseer (Spain) l'anha wayd 7lwah o amer 3la (italy) km yom ..... bs enshalah atmna aseer a3tmer l'ani wla mrah r7t o kel mb'3i aro7 y9er shai ymken alah rayed eni aro7 m3 zoji .... ameeeeeeeeeeeeeeeeeeeeeeeennnnnn

[المشتاقة]

خاطري اروح جنوب افريقا يقولون روعة

واسبانيا


وخاطري بعد فلوريدا :$ ديزني لاند

[دلع شرقاوي]

:smile: اذا رب العالمين رزقني بولد الحلال ..... اتمنى اروح شهر العسل ايطاليا وتحديدا ( البندقيه ) فينسيا اللي بيوتها على الماي ووسيلة التنقل هي القوارب ( قوارب شكلها مميز بهاذي المنطقه ...... من جد أحسها رومانسيه تهبل :cool2:

[ليالي العين]

ما شاء الله عليكن معظم اللي شاركن اكثر من 3 اماكن

ما اقول الا الله يعين الريل ... بنات خفوا شوي يوم يسالج... خلي نفسج ثقيلة وقولي اللي تباه ان شاء الله نقعد بالبيت

<<< اكيد تمزح :D2

[ليالي العين]

بينك جيرل الله الله :shy:

من جد الله يهنيج ... وتستاهلين تستانسين بعد بعد

[اورنس]

نيوزلندا
روعــــــــــــــــــــــ ــــــــــــه

[ليالي العين]

اورنس والله انا ما عندي فكرة وايد عن نيوزلندة بس صحيح ان كلها خضار ؟؟

يعني بس طبيعة ما فيها شوبينج

[&&_عاشقة الجوري_&&]

انا لامتزوجه ولامخطوبه

بس اتمنى اسافر
لثلاثه اماكن
مكه ابدى بها زواجي

بعدين لبنان وفرنسا

ادعووووووووووو لي ولكم هدايا اذا رحت

[حبكم لي يكفيني]

اذا ربي كتب ورزقني بالزوج الصالح ان شاالله

أي بلدة خضارها رائع وفيها بحر وجوها أروع
وبعدين العمرة ان شا الله


تسلمين على الموضوع

[هتف الجراح]

السلام عليكم ورحمة الله وبركاته
شخباركم ياأحلى عرايس؟؟؟؟؟؟
أنا بعدني مو مرتبطة بس حلمي اروح وياه على جزيره هادية نقضي ايام رومانسية فيها بعيد عن الناس والزحمة:shy::shy:
وبعدين نروح على سويسرا ونيوزلندا........ ادعولي ان شاء الله ارتبط ف الشخص اللي ابيه:o

(r)(r)(r)(r)(r)(r)(r)(r)(r)(r)

[noor25n]

اتمنى ان اسير :

فيينا ( 10 أيام )

ثم سالزبورج ( 5 أيام )

ثم زلامسي ( 3 أيام )

وعقب ما اخلص من النمسا

اسير جينيف( 6 أيام )

واخر شئ باريس ( 6 أيام )

طبعا بيفتقر الريال عقب هاي السفرة

[صلصوحه]

والله على حسب الميزانيه


بس اول شي ابا اسير العمره




وعقب اسير جزيرة مورشيوس>>>>> مب متأكده من الاسم:bigsmile:

[اّاّسرة القلوب]

افضل انه السفر للجزر مايزيد عن اسبوع

[غصن الرند]

انا تزوجت بالصيف ورحت ماليزيا وكانت احلى ايام لانها مع حبيبي طبعا


تحياتي لك

[ليالينا]

اذا الله كتب ورزقني وتزوجت أن شاء الله تعالى

أتمنى أروح وأياه لمكان هاااااااااادي جدا وفي نفس الوقت طبيعته حلوة وجوه حلو

والله أخواني يمدحون ماليزيا وصلالة ودبي وسوريا .....وأنا ماأدري

أن شاء الله أروح لهم كلهم ليش لا

تحياتي لك

[ليالي العين]

عاشقة الجوري

يارب تتزوجين يا رب تتزوجين يا رب تتزوجين

<<< تقول السالفة فيها هدايا من فرنسا ولبنان

الله يهنيج ان شاء الله وتتزوجين وتسافرين

[ليالي العين]

مسك وورد
ان شاء الله الله يرزقج فية

.........................

هتف الجراح
كلج رومانسية ان شاء الله تتزوجين اللي ببالج

.......................
نور

يا ويلي مخططة عدل للرحلة
وان شاء الله تروحينهم كلهم

.......................
صلصوحة
ما شاء الله عليج تفكيرج عقلاني وبمحلة... الله يتمملج على خير

.......................
آآسرة القلوب
وانا معاج بهالشيء لأن بكون ملل

.....................
غصن الرند

الله يوفقكم وتعيشون باقي ايام عمرك أحلى وأحلى
.....................
ليالينا

اسمج حلو.. وان شاء الله .. ليش لا
.......................

وعقبالكم كلكم وعقبـــــــالي ادعولي

[دانة المغرب]

انشاء الله جولة بالمغرب بعدين ماليزيا والامارات

[سميحة]

بصراحة انا افضل اني اروح اسبانيا اوجزيرة موريشوس
وقلت لخطيبي ووافق00
ادعولي ربي ييسر لنا السفرة وتكون حلووة00
تحياتي00

[mraheb]

بنات شو رايكم في جزر موريشوس لأني أنا و زوجي مترددين ما بين ماليزيا و موريشوس

[1خت 1خوها]

خلي ابن الحلال يجي بعدين نتمنى

[انسه دبي]

امنيه حياتي اروح العمره 3 ايام

عقبها نسير10 استراليا وترانزيت يومين بماليزيا في السيره
والرجعه ترانزيت 4 ايام في تايلند

كسبنا بركه واجر ووناسه وحوطه في 4 بلدان

[00مها00]

خاطري انا اروح المالديف واسبانيا

بس يوم سألني استحيت وقلت له انت وين تبي انا مابخاطري شي

وقال الكل يمدح ماليزيا

والله ضاق صدري

ماااااااااابي ماليزيااااا

بس استااهل هذا الحياء ومايسووووي

لكن هنا شفت البعض يمدحها ان شاءالله تعجبني ^_^

[صمت المقابر]

انا لو تزوجت (ادعو لي)

اتمنى اروح اول شي اخذ عمره
وبعدها دبي 3 ايام
بعدين ياجزر الماليدف او موريشس 10 ايام<<ودها بسنه بس ما ودها تكلف على العريس
وبعدين ممكن بوكت او بيروت

[*Hadoolah*]

:shy: اما انا اذا ربي كتبلى اتزوج الى احبه ..
بنروح مكان هادي ورمنسي..
زي فنيسيا(ايطاليا):shy:
تسلمين على الموضوع..

[امواج الليالي]

يارب توفقني بهالليله واتزوج زإن شاء بروح اخذ عمره ادعى ربي يوفقني وبعدين خاطري اروح لجزيرة كابري فى ايطاليا روعه مناظر خرافة رومانسيه لا محدوده بس دعواتكم لي

[امواج الليالي]

يارب توفقني بهالليله واتزوج زإن شاء بروح اخذ عمره ادعى ربي يوفقني وبعدين خاطري اروح لجزيرة كابري فى ايطاليا روعه مناظر خرافة رومانسيه لا محدوده بس دعواتكم لي

[راية المغرب]

انا اتمنى ان شاء الله بعد زواج ارووووح ماليزيا والامارات ان شاء الله يارب

[راية المغرب]

انا اتمنى ان شاء الله بعد زواج ارووووح ماليزيا والامارات ان شاء الله يارب

واتمنى الزواج الصالح ان شاء الله للجميع والذريه الصالحه يارب

[أنتَ عمري]

أنا متزوجة من 4 شهوووووووووور


وكنا متفقين نروح الصيييييييين


بس واحد من أصحابه تعب حاله وعمل برنامج لتايلند لمدة أسبوعين


وقبلنا به خاصة إنه صاحب مكتب سياحة


وقلنا نمشي ع برنامج أحسن من إننا نتبهدل ف البحث


ورحنا وكان أروع أسبوعين بعدين رحنا ماليزيا وجلسنا فيها شهرين


وبصراحة كانت من أروع الأيام ولله الحمد

[غلا زايد]

انا للحين مب متزووجه

بس اذا اهوا جاني وكان محدد وخالص يعني عادي برضى وين هو يوديني

اما انا خاطري اروووح بلدتيين المانيا وايطاليا ...والعمره ..بس انتوا ادعوو لي ارووح هالمنطقتييييين

[عاشقة المستحيل]

أنا لا متزوجه ولا مخطوبه
المكان اللي لايمكن اني اتنازل عنه العمره لازم اروح العمره
وبعدين اشوف كيف ميزانية ابو الشباب وبعدين احدد وين بسافر
اما بالنسبه للأمنيات اتمنى اروح ماليزيا وجزر المالديف وفرنسا وايطاليا واسبانيا وسويسرا
وان شاء الله الله يرزقني بزوج يوديني وحده من هالبلدان ويارب يكون اللي في بالي .
ادعوا لي الله يحقق لك امنيتي ..

[Jumanaa]

اتمنى يكون فى المالديف او موريشوس

[LIYF]

انامتزوجه 7شهور وشويتين رحناشهرالعسل شرم الشيخ مرررره خطيره