سؤال سطحي جدا

[halima]

هو سؤال جدا سطحي كن اكون شاكرة للرد
ما هي الكريمة التي تستعمل للطبخ. قرات انها كريمة سائلة للطبخ ولكن لا اعرف الا كريمة دريم ويب

اذا لممكن ان تشرحي لي ما هي وكيف علبتها.

[كلمـه تحتهـا خـــط]

مرحبا حبيبتي..
ممكن توضحين نوع استخدام الكريمه يعني هل هي المستخدمه كحلى او قصدك نووع ثاني؟؟؟
*تحيـــــ "هتـــون " ــاتي*

[طل القمر]

أهليييين halima ..

اذا لممكن ان تشرحي لي ما هي وكيف علبتها.
تلقينها بالسوبر ماركت ..

هي غير الدريم ويب و تقدرين تستخدمينها في الأطباق الحلوه و المالحة..
منها أنوع كثيره صعب أقولك كيف علبتها .. الي استخدمها علبتها بيضاء بس مو متذكره أسمها..

[مذهلة البحرين]

:smile:

[حـــمـــده]

السلام عليكم ورحمة الله وبركاته




اهلييييييين halima


الكريما للطبخ غاليتي تأتي بكرتونه والحين فيه منتج من


السعودية.. وهي عبارة عن كرتونة مرسوم عليها ريال(( شيف) ولونه بيضاء




وتستخدم للطبخ وللشوربا.. وبتلاقينها برف الأجبان والكريما..


وان شاءالله قدرت أفيدج..


وراح اصور لج الكرتونة بعد شوية.. وفالج طيب..


ويا هلا فييييييييج

[halima]

السلام عليكم

اشكر لكن هذه الردود السريعة والمفيدة
جزاكن الله خير الجزاء

[عروس دبي]

هلا اختي انا استخدم كريمة الطبخ وهي اما المراعي او اولكر وتكون


مثل ماقالت المشرفة التعزيزة احلى عيون في قسم الحليب والأشياء


الطازجة.......

[ام ميرال]

اسمها كريمة الخفق توجد بقسم الاجبان والالبان مثل ماتفضلو الاخوات

وتستخدم للطبيخ

[halima]

الشكر للجميع على الرد وامس رحت ادورها في السوبر ماركت وما حصلتها بس لازم اروح للمراكز الكبار
واذا ممكن حد يحط صورة للكرتونة اكون شاكرة

[جـويـل]

هي كريمه الخفق مثل ما قالوا خواتي

وانا استخدم كريمة كي دي دي

نفس كرتون الحليب اللي بالصوره بس لونها احمر وتلقينها بالثلاجات عند منتجات كي دي دي ومكتوب عليها كريما الخفق

http://www.kddc.net/images/photos/cream.jpg

[w9ayf]

اختي هي كريمة الخفق

او الكريمة المخفوقة ولها مسمى اخر قشطة الخفق

وعلبتها زي علبة حليب السعودية منها حجمين على مااعتقد

روحي اي سوبر ماركت كبير او اذا انتي من السعودية تحصليها بالسيفوي وبندة والعثيم وغيرها من هالمراكز

انتي اسألي عنها الموظفين هناك ويورونك

[السهر]

http://server2.w6w.net/21-09-2005/w6w_2005092107371503cf01ab.gif

هذا شكل العلبه بس يكون مكتوب عليها جميع الإستعمالات لأنه بعضها تكون sweet حلوه ماتنفع الموالح

http://server2.w6w.net/21-09-2005/w6w_2005092107444480751749.JPG

[إبتسام العمر]

هلا اختي .. هي كريمه الخفق ..

واذا مااعندش حطي زبادي بدل .. هذا من عند الشيف اسامه المعلومه :)

تحياتي

[السهر]

هلا اختي .. هي كريمه الخفق ..

واذا مااعندش حطي زبادي بدل .. هذا من عند الشيف اسامه المعلومه :)

تحياتي


هلا فيج إبتسام العمر
مشكوره على المعلومه أختي بس بسإلج جربتيها وإلا لا..؟؟

وإذا كنتي مجربتها بتعطي نفس النكهه لأني أتوقع الزبادي مالح أكثر من الكريمه ويمكن يعطي شوية حموضه..؟؟ :smile: