مشاهدة النسخة كاملة : امتحان ITELS ياريت تساعدوني
مياسة
23/09/2004, 02:18 PM
السلام عليكم ورحمة الله وبركاته
يا بنات اللي يعرف شي عن ITELS مثل مواقع اختبارات وهالاشيا ياريت يساعدني وله الاجر
انا ثالث سنه في الكليه وهالسنه بمتحن ITELS بس المشكله يايبين لنا مدرسه جديده اول مره ادرس وماتعرف شو تعطينا قلت بساعد نفسي عن طريق المواقع وهالامتحان مثل التوفل TOFEL بس الفرق ان التوفل فيه اختيارات لكل سؤال لكن ITELS مافيه اختيارات .. والي امتحن وله خبره ياريت يخبرني عن هالامتحان ويقولي شو الصعب فيه وشو السهل
في انتظار ردودكم
أم عدول
23/09/2004, 02:39 PM
السلام عليكم ورحمة الله وبركاته
مرحبا فطيم اشحالج يالغالية .. شوفي حبوبة امتحان ال IELTS
طبعا يعتمد على كمية التدريبات اللي تحلينها وعلى مستواج في اللغة الانجليزية في القراءة والكتابة والاستماع .. يعني انا ما أبغي اخوفج بس بصراحة الحظ يلعب دور كبير في هالامتحان .. صدقيني حبوبة نحن
كانت المدرسة اللي عنا شاطرة وايد وتعلمنا قواعد يديدة ومهارات هذا الامتحان بشكل متواصل .. بس الأهم من كل هذا دورج انتي .. يعني لو كنتي تدرسين في التقنية سيري المكتبة واطلبي منهم تمارين تخص امتحانات ال IELTS وهم ما بيقصرون ... يعني بشكل عام أقدر اقولج ان
امتحان ال Reading ممكن يكون أصعب شي ... وبالنسبة للكتابة يعني بييبون لكم موضوع متداول وطبعا بييبون لكم رسم بياني وموضوع كتابي .. اما الاستماع فهذا يعتمد على سرعتج .. فإنتي حاولي تدربين كثر ما تقدرين .. .. ولا تخافين لانج لو ما عديتي لا سمح الله تقدرين تعيدينه مرة ومرتين وثلاث ... واللي زاد صعوبة هذا الامتحان انهم يحاسبون الطالب الحين حتى على ال Spelling .... بس انتي لا تخوفين عمرج وهذا أهم شي .. تقدرين تبحثين عن نماذج عن طريق محركات البحث مثل قوقل .. وانا بصراحة حصلت مواقع كثيرة عن طريق قوقل ... بس الأهم من هذا كله لا تنسين تسألين المكتبة عن نماذج وتدريبات للامتحان ..
أتمنى اكون أفدتج ولو شوي .. والله يوفقج حبيبتي ..
تحياتي
ام عدووول
business_girl
23/09/2004, 02:51 PM
هلا أختي فطيم
ياريت أقدر أساعدج بس حالي من حالج انا بعد لازم أقدم هالسنه ILTES بس مو الحين سمستر 2
وكلمت مدرس الانجليزي عشان يساعدني اطور نفسي قالي اتريي باجي وقت وبخليكم تتقوون في الانجليزي بشكل عام .. اما السمستر الثاني بساعدكم وبركز وياكم على ILTES
بس بعد حابه آخذ فكرة من الحين
minimony
23/09/2004, 03:03 PM
شوفي هذا الرابط يمكن يفيدك تعرفي عن هذا الامتحان
International English Language Test
http://go.3roos.com/f8KE92jueAF
مياسة
23/09/2004, 05:46 PM
شكرا على ردوووودكم
مياسة
23/09/2004, 05:59 PM
ماقصرتي الصراحه ام عدووول وزين انج نبهتيني وطبعت اللي كتبتيه وبرويه صديقاتي عشان يتنبهوون ومايلعبوون :cool2:
بزنس غيرل نصيحه مني لج دامج انتي الحين في لفل تو على السمستر الياي بيخلونكم تسوون portfolio واللي هوه تجمعين كل اللي سويتيه من قراءه وكتابه وغيره في ملف كدليل انج ذاكرتي فمن الاحسن انج تجمعين الكلمات الجديده وتحفظينها حق البورتفوليووو لانه يطلبوون حق كل اسبوع عشر كلمات
minimony
شكرا على مساعدتج
Al wafia
04/10/2004, 08:21 AM
بنات بغيت أسألكم أنتو في أي جامعة
الملاك الحزين
04/10/2004, 08:56 AM
السلام عليكم ورحمة الله وبركاته
اسفه ما اقدر افيدك بخصوص الILTES
انا ان شا الله بقدم TOFEL على شهر 11/2004
بعدني ما سويت شي
بس ناويه اخذ دوره و استعين بالكتب
واللي عندها فكره يا ريت تخبرنا
والله يوفق الكل
:smile:
السويدية
04/10/2004, 09:35 AM
الله يعينكن يابنات ITELS والتوفل
أنا الصراحة خذت التوفل وفتكيت
أسميني تعبت فيه وااااايد
الله يعينج الملاك الحزين
ويوفقج يارب
والكل يقول ان ITELS أسهل من التوفل
التوفل يباله سرعة خيالية لحل الاسئلة وخاصة الريدينج لأن ييبولج مقالات طويلة وعلمية ومواضيع مملة والاسئلة دقيقة وكلماتها صعبة لكن اذا كنت شاطرة في الانجليزي ولو في الكلمات البسيطة بتقدرين تعدين بعض الاسئلة ,
و الجرمر يكون أسهل شيء لأن قواااعد تكونين بعضهم درستيهم والبعض الثاني تقدرين تنقعين من عندج :shy:
ولا listening يكون في البداية سهل لكن الاسئلة اللي بعد20 سؤال تكون حوارات طويييييييييييلة ولا يسمحولج تكتبين ملاحظات عن اللي سمعتيه
ولو كتبت في الدفتر مال الاسئلة ما يحسبون درجة الامتحان
ومثل ما قالت أم عدول حتى التوفل وااااااايد له مواااقع
تقدرين تبحثين عن نماذج عن طريق محركات البحث مثل قوقل
صح ان الاسئلة كلها اختيارية لكن تحتاج لوقت كبير واللي يعطونج في الامتحان 2 ونصف يااااادووووب تلحقين تعبين الورقة هاي وحتى أتذكر ان أول ما علمونا عن التوفل يلسوا يقولولنا كيف نغمق الدواير اللي نختارها
ولو ماغمقناهم عدل بترووووح الدرجة :eek2:
الوقت أهم الشيء لأن من كثر ما تكونين مندمجة في الاسئلة
يخلص الوقت وبقالج أكثر عن 10 أو20 سؤال وانتي ما قريتي ا لمواضيع
ولا قريتي منهم شيء لكن يقولولج (هذا سر ) حطي b or c
,وهاي صارت وياااي وبغيت اموت من الزيغة لكن الحمد لله عدينا
وبعدين جو الامتحان فييه وااااايد رهبة
في وااااايد أشياء عن التوفل ومثل ما قالت أم عدول عن ITELS
حتى التوفل وااااااايد له مواااقع تقدرين تبحثين عن نماذج امتحانات عن طريق محركات البحث مثل قوقل
أنا ما حبيت أخوفكم لكن هذا التوفل :rolleyes:
واللي محتاجة تسأل عن التوفل ومواقع عنه وما لقت تقولي
ومستعدة أحطلكم المواقع :cool2:
والله يوفقكم يمييييييييييييييييييع :up:
أتمنى أكون أفدتكم ولو بشيء بسييييييييييط
الملاك الحزين
04/10/2004, 10:38 AM
السلام عليكم ورحمة الله وبركاته
اختي السويدية
مشكوره عل المعلومات
بس ما فهمتك
شو تقصدي ب
(
ولا قريتي منهم شيء لكن يقولولج (هذا سر ) حطي b or c
,وهاي صارت وياااي وبغيت اموت من الزيغة لكن الحمد لله عدينا
وبعدين جو الامتحان فييه وااااايد رهبة
)
يعني متي نحط b or c?
ممكن توضحي؟
و بعد اذا ما فيها كلافه ممكن تحطيلي مواقع حق التوفل؟!
و مشكوره واااايد
(u)
السويدية
06/10/2004, 09:35 AM
السموووووووووووحة منج الملاك الحزين
من السرعة ما أدري شو سويت
مثل ما قلتلج الوقت أهم شيء لأن كل قسم له وقت محدد واذا انتهى
وقت القسم ما تقدرين تمين فيه أكثر من الوقت المحدد فها الوقت حطي
b or c لا تحطين a أو d الا اذا كنت متأكدة وقارية السؤال عدل
وعندي لج هالموقع راح يفيدج وااااايد وخاصة انه حاطين فيه نماذج أسئلة
:up:التوفل
موقع فيه كل التمارين اللي تبينها (http://go.3roos.com/7G247RPXKNy)
وان شاء الله بحطلج باقي الاشياء والكتب في رد ثاني:up:
الملاك الحزين
06/10/2004, 10:34 AM
السلام عليكم ورحمة الله وبركاته
مشكوره اختي السويدية
انا في انتظارك
الف شكر
business_girl
08/10/2004, 10:42 PM
هلا أختي فطيم-19
والله بصييييح الا صحت بعد
انا في level 3 وportfolio هالسمستر
والله انه كراف ولوعة جبد .. ما عندي وقت اشتغل عليه يكفي بروجكت البازار
بس يقولون ILTES يعدونه بسرعة .. يالله يا رب يساعدنا
مياسة
25/08/2005, 11:23 PM
والله امتحنت الايلتس وخلصت
ويبت باند 5.5 للاسف كنت اتمنى 6
بس يالله انشالله بعيده اذا الله كتب لي