روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 26

الموضوع: ودي اقولكم على مشكلتي مع امي .. تراني والله تعبت ......

  1. #1
    عروس متألقة الصورة الرمزية خيماوية
    تاريخ التسجيل
    28/01/2003
    الدولة
    دار زايد
    المشاركات
    237

    ودي اقولكم على مشكلتي مع امي .. تراني والله تعبت ......

    السلامعليكمورحمةاللهوبركاته



    حبيت أقولكم عن امي .. مو الاسلام امرنا باحترام الوالدين وطاعتهم في غير معصية ورضى الله من رضى الوالدين .......إلخ

    طيب في شي اسمه عقوق الأبناء !!

    أمي دايما اتعصب واتصرخ .. والله تشوفونها امعصبة على اللي يسوى واللي ما ايسوى .. كله حياتها صراخ .. والله اني اتعقد .. مااستحمل حد يعصب عليي.

    مرات كنت ادخل غرفتي وابجي .. ومرات صرت اكره حياتي واتمنى الموت ..

    بس هالايام صار الساني طويل ..يعني اي حد يفكر يصرخ عليي .. والله انفجر لهم شرات البركان اللي ما يطفي :mad2:

    وخاصة امي .. لأني مع خواتي متفاهمين واايد .. اذا حسيت ان امي بتبدأ تصرخ كالعاده انا اعلي صوتي عليهاواقولها بصوت عالي جدا ... شوفي لا اتصرخين انا ما احب اللي يصرخون تفهمين ولا لأ .. :angry:

    والله كأني اكلم طوفه ما يفيد ..

    المشكله ان امي وااايد اتصوم واتصلي وايد وكل سنة لازم تعتمر في شهر رمضان .. شهر كامل ..


    والله اني زعلانه لاني اتكلم عن امي جذي .. بس هذي الحقيقة .. :sad:

    والله مرات وايد اقعد معاها اقولها خاطرج تدخلين الجنة ؟ تقوم أكيد
    اقولها لا اتصرخين وخلي السانج حلو مع اعيالج ....

    بس ما يفيد

    احيانا لما اشوف ام تحب بنتها .. او البنت تموت في امها وتعتبرها كل شي بحياتها

    والله استغرب ... بس اقول يرزق من يشاء بغير حساب

    والله اني زعلانه ..:sad: نفسي احس بأمومتها .. :cry:


    بقولكم موقف .. لما كنت صف ثالث ابتدائي امي كانت فالعمرة طيل شهر رمضان .. ولما وصلت البيت الساعه 3او 4 الفجر انا كنت نايمة ..
    باستني وانا حسيت فيها .. بس سويت عمري راقده .. وكنت فرحانه موت

    بس عقب هاكي اليوم وهذيج اللحظه الوحيده تقريبا اللي حسيت فيها بحنان امي الحقيقي .. ما صرت احس فيه بعدين

    كانت عندنا شغالة احبها احس انها امي الحقيقية :smile: .. وكانت كبيرة بالسن عمرها 55 كانت حنونه وايد وكلامها حلو وعسل وما تصرخ وكانت متينه .. والله كنت احبها .. لما سافرت قالت امي ماراح اييبها مرة ثانية لأنها ما تقدر عجزت .. :flower:

    امي عمرها 65 تقريبا

    شسوي ؟؟ لما اصرخ عليها احس اني قليلة ادب .. ولما اسكت عنها قلبي يعورني وما استحمل .. على فكره انا وايد كتومه وهادية ....بس امي خلتني اصير عصبية

    والمثل يقول اتقي شر الحليم اذا غضب


    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:::sad::sad::sad::sad::
    :sad::sad::sad::sad::
    :sad::sad::sad::sad:
    :sad::sad::sad::sad::
    :sad::sad::sad::sad::
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad:

    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad:

    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad::sad::sad::sad::sad::sad::sad: :sad::sad:
    :sad::sad::sad::sad:
    :sad::sad::sad::sad:
    :sad::sad::sad::sad::sad::sad::sad::sad:
    :sad::sad::sad::sad:


    انا واااااااااااااااااااااااي د زعلانه

  2. #2
    عروس مشاركة الصورة الرمزية جفني جفا
    تاريخ التسجيل
    12/02/2004
    الدولة
    دار الفهد
    المشاركات
    95
    السلام عليكم ورحمة الله وبركاته
    دمعت عيني يوم قريت مشكلتك تدرين ليش؟؟
    لاني اعاني من نفس المشكله والله العظيم تعبت نفسيا من عصبية امي وعدم تفهمها لمشاعري ...
    احمدي ربك عمرها باستك امك هههههههه انا بحياتي من انا صغيره ماباستني او حظنتني مثل كل الامهات <<< تستغرب اذا قالوا حظن الام اذا احد مجربه والا لا؟؟ مااذكر من ذكرياتي وانا صغيره غير الضرب مع اني كنت هاديه مره ومرات توصل انها تحرق ايدي بالنار ..
    ويوم كبرت دايم تصرخ بوجهي واسكت واتحمل وادعي ان الله يحنن قلبها علي مو بس تصرخ علي دايم تتصرف بخصوصياتي بدون لا تاخذ رايي لو اقولها او اناقشها تزعل وممكن توصل انها تدعي علي عشان كذا دايم تلقوني منفرده بغرفتي ياعلى النت ياجالسه بروحي كرهت الجلسات العائليه بسببها.بس ماانكر حقها انها ماتقصر معي ابدا من الناحيه الماديه اذا ابوي قصر من هالناحيه ...
    اخر شي بديت اتغير من هاديه ومسالمه لعصبيه وشرسه بديت اخذ نفس الطباع منها...
    عطوووونا مشورتكم وشلون نتعامل معهم؟
    دعواتكــــــــــم لنا ان الله يحنن قلوب امهاتنا علينا ...

  3. #3
    عروس ذهبية الصورة الرمزية دموع وردية
    تاريخ التسجيل
    21/08/2003
    الدولة
    عالمي الخاص
    المشاركات
    2,880
    بسم الله الرحمن الرحيم

    السلام عليكم ورحمة الله وبركاته



    عزيزتي خيماوية

    الله يكون بعونك .. بس رضا الله من رضا الوالدين وخصوصاً أمك ..

    يعني في امهات وااااااااايد مثل امك يعصبون على اقل شي حتى لو كان ما يستدعي بس عليكي بالصبر ومحاولة عدم رفع صوتك عليها حتى لو هي عصبت .. يعني اذا ما قدرتي تستحمليها او من تشوفيها عصبت حاولي تبتعدين عنها او روحي لغرفتك او لمسيها وان شاءالله راح تهدأ بس لو هي تضرب وتخافي انك تلمسيها حاولي انك تروحي غرفتك افضل شي.

    وحل ثاني .. انك تقعدي معاها وتقولي لها انك تحبيها واااااااااايد بس ما تحبيها اذا عصبت عليكي وصارخت لانها تكون مب حلوة وانك تتضايقي واااااااااااااايد علشانها اذا عصبت ... بس طبعا هذا الكلام باسلوب لبق وهادئ لانها بعد أمك.

    أيضاً حل ثالث .. اذا شفتيها معصبة اقراي عليها آية الكرسي .. او هاتي لها ماء بارد .... أوحاولي انك تجلسي اذا كنتي واقفة او تطجعي اذا كنتي جالسة .... وحاولي تكوني على وضوء وطهارة على طووول .

    واهم شيء انك تستحمليها كثر ماتقدري لان سن امك لا يحتمل ان واحدة من بناتها تقعد وترد عليها اذا هي معصبة لانها راح تعصب اكثر .. فالزمي الصمت ونزلي راسك اذا هي عصبت لانك مأجورة على صبرك عليها ولك الثواب والأجر الكبير.

    أتمنى من كل قلبي اني أفدتك ولو قليلاً
    :shy:
    [/SIZE]

  4. #4
    عروس ماسية
    تاريخ التسجيل
    18/09/2003
    الدولة
    دار كساها بالعز زايد
    المشاركات
    5,274
    السلام عليكم ورحمة الله وبركاته اختي خيمااوية بصراااحة حتى انا اعااني من نفس مشكلتج :pain: بس مب لهدرجة انا اماية من النووع انها بسرررعة تعصب يعني اي شي ما يعيبها سييييدة تعصب وتصاارخ بس مراات تكووون انساانة ثاانية هادية تسولف ويااي و تنكت وتضحك وكل شي
    عااد انا شرااتج ما استحمل حد يعصب عليه او يصاارخ في ويهي لاني صدق اضاايج واايد ومراات اصييح فهي احيانا يوم تصاارخ في ويهي انا ارد عليها واقولها ليش تصاارخيت عليه انا ما سويت شي فهي تعصب عليه زياادة عشاااني ردييت عليها فتزعل وانا ما اروم على زعلها لازم ارد اراضيها بقولج كييف مثلا اسير احبها فوق راسها واقولها امايه انا اسفة وان شاء الله ما بسوي جيه مرة ثانية :smile:ترضى وتعطيني محااضرة عن الادب وبر الوالدين والطاعة والخ:oانزنين ومرات اطرشلها رسااالة ههههههههههه اكتبلها قصة حيااتي واقولها اسفة مليوون مرة عاد اماية يوم تقرا الرساالة تنقع من الضحك 2
    بس في الفترة الاخيرة استوييت اكثر هدووء وما ارد عليها يعني هي تصااارخ وتعصب وانا ما ارمس اتم سااكتة فبرووحها تهدا وتسكت احسن بدال ما ارد عليها وتعصب زياادة وتزعل عليه
    بتقوليلي ليش امج تعصب علييج ؟ اول شي هي جيه طبعها بسرعة تعصب وبعدين هي دايما تحب تشوفني احسن البناات وتباني اعتمد على عمري خااصة اني واايد عيااازة وكسووولة وما احب اسوي شي :pain: فهي دايما تتم تهزبني وتقولي سوي جيه وسوي جيه ولا تسوين جيه كل شي غلط في البيت بيطيح فوق رااسي لاني اكبر بناتها
    خيماوية حبيبتي انتي يوم تشوفين امج معصبة لا تقعدين عدالها سيري يلسي في حجرتج ودوم سوي الشي اللي يعيبها وابتعدي عن الاشياء اللي تعصببها وتنرفزها صدقيني في النهااية امج تحبج والله تحبج لانه ما شي ام في الدنيا ما تحب بنتها يمكن هي من النوع انها ما تحب تبين الشي اذا هي ما فهمتج انتي فهميها انتي سيريلها وحبيها ورمسيها وضحكي وياها انتي عطيها الحب والحناان خاصة انه امج كبيرة في السن هي يوم بتشووف منج الحب والحناان والرعااية صدقييني بتتغير معاااج
    اختي خيماوية لا تشوفين الجانب السلبي بس من امج شوف الجانب الايجابي واكيد كل انسان له ايجابيات وله سلبياات انتي انسي سلبياتها وشوفي ايجابياتها ايجابياتها وبس:smile:
    وبعدين واهم شي لازم تعرفينه انه هاي امج يعني طعتي ولا ما طعتي بتم امج وصدقيني يا خيماوية لو شليتيها فوق ظهرج وتميتي تمشيبها طول عمرج والله ما بتظهرين من جزاها :smile:
    ادري اني طولت علييج بس اتمنى اني اكوون ساعدتج
    والسمووحة اختج بنفسجة العين:shy:

  5. #5
    عروس مبدعة
    تاريخ التسجيل
    22/07/2004
    الدولة
    في قلوب من يحبوني
    المشاركات
    509
    شوفي حبيبتي خيماوية
    انا بعض الاحيان اعاني من نفس المشكلة ولكن الصبر هو احلا حل
    واهم شيء تفهمين نفسية امك بمعنى
    ممكن تكون الوالدة متضايقه من شيء وضاغط على اعصابها مثلا ابوكم
    دايم مسافر او غير موجود او متزوج من ثانية او اخوانك وزوجاتهم مضايقينها او مشكلات خواتك وعدم طاعتها او مشكلات ازواجهم وبما انك اطيبهم واحبهم الى قلبها تقدر تنفس فيك شوي وهذا بسبب كبر سنها وصدقيني هي في
    قرارة نفسها تحس بعذاب اشد منك وتحس بنفسها عشان كذا تقول
    هم مو سامعين كلامي بس يمكن يحسون فيني انتي تحمليها وحاولي
    تقربين منها مثلا الصبح انتي جبيلها الفطور بدل الخادمه واذا عصبت عليكم
    اكيد فيه تصرفات يسوونها خواتك او اخوانك ماتعجبها ولاتنسين فارق
    العمر والزمن واختلاف العصر تحمليها ولاتصارخين عليها بالعكس توددي لها
    وبعض الاحيان وهي تصلي لاسلمت احضنيها من الخلف وحبي راسها وخدودها وقوليلها يارب يخليك لنا واسأليها عن بعض الامور حتى لو كنتي تعرفينها او عن الامور الدينيه ( ترى الكبار يحبون يظهرون بمظهر العارف )
    ودايم كوني بصفها وكوني عضدها صدقيني من الوقت يذوب الجليد اللي بينكم

  6. #6
    عروس رائعة الصورة الرمزية شموخ البحرين
    تاريخ التسجيل
    15/05/2004
    الدولة
    الدوحــ قلب حبيبي ـــــة
    المشاركات
    1,356
    السلام عليكم خواتي
    انا ماراح اقول ان عندي نفس المشكله مع اني في يوم من الايام كنت اظن اني اعاني منها لكن سبحان الله في يوم وليله عرفت الحقيقه اقول لكم اشلون
    امي نفس امهاتكم كله تصارخ وماتعرف تتفاهم وكانت علاقتها بخواتي اللي اكبر مني وااااااايد قويه غير عني مع اني اصغر وحده وعمرها ماقعدت معاي ولا سألتني اشفيج لكن كانت تبوسني في المناسبات
    المهم امي سافرت وراح تطول في السفره الله يرجعها بالسلامه يوم اللي بتسافر عرفت قيمتها وعرفت ان عمر الام ماتقسى على عيالها من فراق الا حبا فيهم والله صدقوني يابنات لاتفتكرون ان امهاتكم اذا صارخوا عليكم انهم يكرهونكم بالعكس كل يوم اتصل في امي واقولها ارجعي وحشتيني قابله انها ترجع وتصارخ علي ولا اني اقعد بدونها يابنات الام اغلى انسان في حياتنا ورغم كل شي لازم نتحملهم

    الله يخلي امهات المسلمين جميعا:shy:

  7. #7
    عروس نشيطة الصورة الرمزية asma18o
    تاريخ التسجيل
    20/01/2004
    الدولة
    الإمارات
    المشاركات
    147
    خواتي انا ماعندي غير انك تتحملين امج مهما صار لا تنسين هي الي جابتج للدنيا وربيتج لين ماكبرت , يعني مهما صار وسوت تحملي و صدقيني عصبية الام اهون بكثير وكثير من عصبية الزوج , وبالصراحة لي صديقة عزيزة على قلبي معاناتها مثلك واخس , امها تصرف عليها ماديا لكن عاطفيا ماعندها مشاعر , لدرجة المسكينة تشوف امها تدلع عيال الغير لكن هي ماتشوف غير النكد والصراخ وسبات حتى وهي في الشارع , والمسكينة تزوجت وتطلقت بعد شهرين من زواجها و شو تظنين الام سويت , خذتها وين مايروحون وحتى وهي في البيت تسبها وتجرحها وتولها تستاهلين الي صار ليش , تطلقت وهي حامل يعني حياتها بين إهنات امها وروحة المحكمة عشان حق الي في رحمها لين ماربت من اسبوع , قالت في نفسها يمكن الحين برتاح , مسكينة كل ما اكلمها وهي تقولي لا عيشت مثل البنات ابوي تبرى مني وانا عمري سنة , ولا عيشت في حضن امي ولا تزوجت مثل باقي البنات ولا ستمر حياتها مثل الجميع ولا عايشة فترة النفاس مثل الحريم , هي يومين وبس الي قعدت فيها البيت من بعدها المستشفى عشان بينتها والمحكة عشان تطلع شهادة الميلاد بينتها , وهذة لها اسبوعين وهي ماهي قاعدة في البيت مثل حال كل الحريم الي في النفاس , مع كل هذة انا اقولج تتعب لكن ترجع وتتفائل يمكن يجي يوم ويرق قلب امها عليها , وهي متحملة وصابرة
    تحملى وصبري لان مهما كان هي امك

  8. #8
    عروس نشيطة
    تاريخ التسجيل
    04/11/2003
    الدولة
    **بين الأحلام **
    المشاركات
    131
    اهلين اختي خيماوية ..

    تستغربي لو أقول لك أن أمي مثل أمك بالضبط .. لكن الفرق أنها

    مع أختي مثل ما تكون معك .. بس معايي غيير ..

    لأني أنا قمت أسايرها وأكلمها .. وأحسسها أنها جزء من حياتي ومن كذا
    هي بدت تبادلني نفس الشئ ..

    وأنا بعد من طفولتي ما أذكر يوم غرقتني بحنانها ..

    لكن .. وش رايكم أني كل يومين تقريباً أسمعها كلمة أحبك ..

    ويمكن كل ما بين 3 أيام أضمها .. وما أنكر أنها من برة ما تعطيني وجه كثير ..

    بس أعرف أن داخلها .. بتطير من الفرح ..

    وتعرفو أن أمي مع وحده من أخواتي .. ما يلحقو يقعدو 5 دقايق إلا أصواتهم عند بيت الجيران .. بتقولون وش معنى هي كدا وانا كدا ..


    لان أمي مرررره عصبيه وكل العالم خطأ وهي بس صح .. وإذا عصبت لا احد يكلمها .. ولم أمي تصرخ أختي تصرخ .. وما يخلص الموضوع ..

    إلا بهروب وحدة منهم ..

    لكن أنا ما أنكر أنها تصرخ علي أكيد .. لكن أغلب المرات هذي .. أنا اقفل الموضوع .. واهدي نفسي لان مهما يكون امي واعرف طبعها وما رح افيدها بشئ لو صرخت عليها .. لكن مع اني زيها عصبيه لكن أهدددددي نفسي ..

    وأكيد هي ما تجاوبت معي إلا بعد محاولات .. وبيني وبينكم ..
    هي مزحها ثقيل ..
    فبداية ما قمت أدلعها .. تدروا بأيش كانت تجازيني !!!..؟؟؟

    كانت تروح تقول إلى اختي الكبيرة لم تجي البيت .. شوفيها قليلة أدب :o

    لكن تحملت وتغاضيت لحد ما صارت علاقتنا تدرون كيف ؟؟

    ما تقدر يمر يوم ما تشوفني .. وقامت هي الي تسابقني بالكلمة الحلوه ..

    وهي تبادر وتفتح لي حضنها .. تدرو إلى درجة مره قالت ..

    إنها لو ما وجودي في البيت كان تركته ومشت .. وأنا بكفة والكل بكفة ..

    بس الشئ الوحيد إلي ما طلع بصالحي .. إني لم اغلط عااااادي توقف بصفي ..:smile: .. هي بيني وبينكم نعمة لكنها نقمة ساعات ..

    وللعلم .. قبل ما وصلت مع أمي هل المرحلة ما تتصور كيف كنت معها ..
    ما نتحمل نلقى بعض من غير هواااش .. وقسم بالله اليوم ندمااااااااانه من كل قلبي .. لأن ألف مره غلط عليها .. مع أن كنت اقول زيك أختي خيماوية .. ان هذا مو عقوق ما دامها هي كدا عصبية وتصرخ .. ومي مهتمه .. لكن اكيد هي ما صارت كدا إلا من الظروف ..
    لكن متأكده أن امك شافت شئ في أيامها يخليها عصبية كدا .. مثل أمي ..

    وللعم .. أنا قبل الأخيره في البيت .. وفوقي أربع بنات .. وحده متزوجة وثلاث معي في البيت .. أمي ما تعامل وحده منهم زيي .. إلى درجة أسرارها وأسرار البيت كلهااا عندي .. من كدا صرت اعدرها .. لأن ما في بيت يخلى من المشاكل والأم تشيل هم الكللل ..

    وأنا بدوري الحين .. أشيل هم أمي .. على شان أخفف عليها ..
    لأنها صبرت كم سنه !!!!! ..هذا وأمي لسى 49 يمكن ..

    كيف أمك إلي عمرها 65 .. أكيييييد شافت كثير ..

    ولاتنسي .. الكلمة الطيبة معاها .. لأن ربك نهى عن الأف .. وأنتِ شوفي في الساعة كم مرة تصرخي عليها ...

    الأهم فكري .. وهيئي نفسك أنك تتغلبي على كل هدا ..وحاولي تقري عن فضل الأم .. خاصة بالقرآن .. لأنه الذكر الحكيم ..

    وللعم .. أمك وأمي أهووووووون من كثير أمهات .. الي قصصهم تشيب الراس ..


    وآسفة جداً جداً على أطالتي ..
    لكن .. موضوعك خلاني أطلع لك كل الي داخلي ..لأني أتمنى أنك تتغيري مع أمك مثل ما تغيرت مع أمي ..

  9. #9
    عروس فضية
    تاريخ التسجيل
    26/04/2004
    الدولة
    البحرين
    المشاركات
    2,154
    والله عورتوا قلبي يابنات

    الحمد لله

    الله عطاني ام تنحط على الجرح يبرى ,ام كل الحنان والطيبه موجودة عندها وعليها صبر ولا صبر ايوب

    تصدقون بنات لين اسلم عليها...

    مذهله: يمه اشلونك

    امي الغالية: هلا بأمي وخلف اهلي ويداني يمه اشفيك كأنك تعبانه او متضايقه.

    مذهله: لا يمه مافيني شي

    امي الغاليه: ان شاء الله مافيك الا الخير ويفتح في وجهك الخير و و

    __________

    والله يابنات انه دايما ابوسها على راسها وايدها واحضنها بقلبي الله يخليها لي ويطول بعمرها قولوا آميييييييين

    المهم اختي صاحبه الموضوع
    اجلسي مع امك في وقت مناسب وكلميها واشكي كل همومك ومره بعد مره والله راح تحس انك كبرتي ونضجتي وهي بالتالي راح تعاملك احسن
    والله معاك

  10. #10
    مشرفة سابقة الصورة الرمزية نسمة الحياة
    تاريخ التسجيل
    09/08/2003
    الدولة
    عالم الخيال
    المشاركات
    938
    قطعتوا قلبي يابنات ....

    :sad: :sad: :sad: :sad: :sad: :sad:



    وأقولك ياخيماوية :

    مافي أم بالدنيا تكره أولادها ...

    صدقيني ...

    وكل أم تكون عصبية ... لإعتقادها أن بعصبيتها أولادها راح يخافوا منها ويحسبون لها حساب ، علشان تقدر تسيطر على الوضع ... وخصوصاً في غياب الأب ...
    وانتي تقولين ان أمك عمرها 65 سنة ، يعني مرأة كبيرة .. معليش استحمليها ... يمكن هي تمر بضغوطات صعبة ، ولاتنسين كل ماتكبر الأم تكون أصعب .. يعيني تزيد عصبيتها وتوترها وصراخها وقلقها ووو .... لأن هرمونات الجسم تتغير ... ولاتنسين ان المرأة تمر بسن اليأس ... وفي هذا السن تنقطع الدورة الشهرية عند المرأة مما يجعلها تتوتر أكثر وتزيد عصبيتها ...
    انتي لاحظي : لو تتأخر عليكي الدورة ... مش راح تحسي بتوتر ، وانك حرانة وكأن نار طالعة من جسمك .. وودج انك تكفخين اللي حواليج :smile:
    صح ولا لأ ؟؟؟؟


    وهناك نقطة حابة اني أقولها لج :
    ان يمكن تصرفاتكم بالبيت أو تصرفاتك .. تضايق أمك ... عشان جذي تعصب عليكم ...
    لأن الامهات أحياناً يحبون كل شي يكون ممتاز ...وما يعجبهم العجب .



    بكره انشالله راح تتزوجين وتسيرين أم ... وراح تشوفي أولادك يكبرون ، وراح تحسي بالتربية ... وخصوصا لو كانوا أولادك مشاغبين ...
    صدقيني تربية الاطفال وايد وايد صعبة ..





    ولما يجي اليوم وتصرخي على بنتك أو ابنك بهدف انك توجهيه أو تربيه .. ويجي يرفع صوته عليج ويصرخ فيكي ....:angry: ويقولك : لاتصرخين .. ولاتكثري كلام ...
    راح تتضايقي وايد واااااااااااااااااااايد ... وراح تقولين : كأني ماربيتكم ياأولاد .وراح تحسي بعقوق أولادك (لاسمح الله)

    صدقيني : ماراح تحسي بقيمة الأم ... إلا لما تسيري أم ...:shy:



    عشان جذي حبيبتي كوني حنونة على أمك ، وحسي فيها ، ولاتتضايقي منها ولامن صراخها ...
    عشان ربنا يوفقك بعيالك ... يارب



    الله يوفقك ...

  11. #11
    مشرفة سابقة
    تاريخ التسجيل
    31/03/2003
    الدولة
    بلاد العرب أوطاني من الشام لبغداد
    المشاركات
    1,533
    الله يخلي لي أمي يارب

  12. #12
    عروس جديدة
    تاريخ التسجيل
    08/03/2003
    الدولة
    سعوديه
    المشاركات
    29
    هلا أختي خيماوية

    والله انا مشكلتي مثلك ويمكن اعظم :confused:

    غير عصبيتها علي ماعمري حسيت انها فاهمتني حتى لو جيت بشكي لها تبتدي تتمسخر علي وتعايرني فيها بعد فتره :angry:

    ولاالف مره جيت وكلمتها عن اطباعها معاي " الي تختلف مع خواتي "

    كلمتها وشرحت لها موقفي وكيف انها تعصب علي وانا مالي ذنب وليش انا ارد عليها بالصراخ مااحسها تستوعب كلامي وترجع مثل ماكانت رغم ان كل خواتي ملاحظين اطباعها معاي ويكلموها بس مافيه فايده

    تدور الشي الي يعصبني وتتكلم فيه :eek2: تمسك زلاتي وتعيرني فيها قدامي وقدام الناس


    وعمــــــــــرها ماذكرتني بجميل حتى قدام الناس مثل ماتذكر خواتي
    :angry:

    اخدمها اخدمها ومايبين في عيونها شي عمرها مايوم شكرتني .. مثل ماتمدح خواتي في البيت وبره ... وهذا اثر على تعامل الناس معاي والعكس :down:


    واتحسر لما اشوف الامهات الباقي كيف لسانهم الحلو مع بناتهم ودعواتهم هي بالعكس تدعي علي :eek2:


    قلت يمكن ردي عليها وصراخي يخليها تتعمد تقصدني فقلت بغير واسكت عنها لكن تعبت وتعب قلبي من السكوت واحس بضيقه فيني اذا مارديت واخذت حقي لان اغلب الاحيان من دون داعي تصرخ ........ تتعمد تعصبني ولما اصير في قمة عصبيتي تضحك :cry: يحترق قلبي اكثر

    يعني لما اسكت يضيق قلبي ولما ارد عليها يضيق قلبي من ردي على امي



    ومازالت المشكله مستمره ............. وعذرا على الاطاله ............. وشكرا لك اعطيتني فرصه افضفض 2

  13. #13
    مشرفة سابقة الصورة الرمزية فتاة الجبال
    تاريخ التسجيل
    16/03/2003
    الدولة
    بلد الحرمين الشريفين
    المشاركات
    4,148
    بكتيني الله يهديك ..

    أبغى اقولك بصراحه عن نفسي أنا إنسانه ماأسمع والحمدلله راضيه من نعمة ربي ..
    أمي بصراحه طيييييييييبه ونفس الوقت عصبيه لما تكلمني أحيانا أفهمها غلط تصيح في وجهي وتخاصمني وأنا أزعل وأقولها إنت ماتحبيني وهي تحب أختي الكبيرة تمووووووت فيها أغارمنها ..وجلست أفكر كيف أخليها تحبني لدرجة جنون ((أسكت أسوي لها اللي تبغى أرضيها بكل شئ وإذا عصبت عيني في الأرض وأحيانا أضمها في بطنها2 حبيبتي هذه أمك مهما كانت مهما سوت قولي لها الله يسامحك ياأمي والله عندي مواااااقف تبكين أيش أسوي لازم أصبر خليها تدعي عليك أهم شئ تكوني راضيه رضى الله ثم رضى الوالدين وبالذاااااات أمك ..وأمك إذا تعبت أو مرضت تنقهرين على طول تقولين في ولافيك ياأمي صح ..

    حبيبتي صلي آخر الليل وأدعي ربي يهدي أمك ..

    :smile:
    الصور المرفقة الصور المرفقة

  14. #14
    عروس مبدعة
    تاريخ التسجيل
    17/07/2003
    الدولة
    البحرين
    المشاركات
    939

    خيماوية

    بسم الله الرحمن الرحيم

    السلام عليكم ورحمة الله وبركاته

    صلى الله عليه وآله وسلم..
    [ALIGN=JUSTIFY]
    اللي تحسين به شئ طبيعي جداً خصوصاً إذا كنت بنت وغير متزوجة .. وعايشة في وسط أهللك.. ومعظم البنات المراهقات يحسوا مثللك ويتحسسوا من أمهم وخواتهم.. وانت الحمد لله متفاهمة مع خواتك.. بس مشكلتك مع الوالدة الله يهديها و هذا الموقف يحدث من عدة أسباب ومنها:

    أولاً:

    الوالدة الله يخليها لكم عمرها 65 سنة يعني هي في مرحلة الشيخوخة ومن المعروف إن خلايا جسم الانسان تتجدد كلها ما عدا خلايا المخ لذلك فإن الانسان بعد أن يتجاوز الخمسين من عمرة تتغير الكثير من طباعه وذلك نتيجة لموت خلايا مخه بالتدريج فترينه لا يثبت على رأي، يقول شئ وينساه ، يطلب شئ و يتجاهله، هي نقطة والنقطة الثانية هي أنها في مرحلة اليأس وطبعاً تعرفين التغيرات اللي تحدث للمراة في سن اليأس فلا بد لنا أن نراعي ذاك الشئ..

    ثانياً:

    المرحلة التي أنت فيها على ما اتوقع انك ما تجاوزت الخمس وعشرين سنة يعني بعدكك صغيرة ومراهقة وحساسة ورومانسية ومحتاجة لأحد يضمك ويمسح على شعرك ويتكلم معاك بهدوء وتروي.. ومحتاجة للعطف عشان تصيري قوية وتقدري تعيشي وتواصلي الحياة..


    ثالثاً:

    من أولا وثانياً لاحظنا الفرق بينكم انتي توك على الدنيا والماما شبعت من الدنيا يعني اختلاف كبير وشاسع ولازم احنا نتأقلم عليه بالصبر والهدوء ولمن عندك شي تبينه وهي ما تبيه قولي لها انشاء الله واصبري وبعدين بنفسها بتنفذه لك وبدون وجع راس أو ضغط.. . ولمن تنهاك عن شي لا تعاندي وتصارخي مثلاً تبين تطالعين فلم وهي معندة تبي المسلسل ليش الصراخ والكلام الفاضي أو العناد روحي مكان ثاني مثلاً الصالة وطالعي الفلم ..وترى هذا الكلام اللي تقوليه لها غلط وتحاسبين عليه من قبل الله والله بيعاقبش بأولاد يعملوا لك مثل اللي عملتيه لأمك فحاسبي..


    الله تعالى ينهي عن كلمة أف ولو كان هناك كلمة أقل لذكرها عز وجل فما بالك بتللك الكلمات التي تقوليها لأمك..


    الهدوء يا خيماوية وتحصلي على كل شي، لما ترضى عنك الوالدة خلاص اعتبري نفسك في الجنة راح تحصلي جزاك في الدنيا قبل الأخرة غنشاء الله راح تتزوجي ابن الحلال اللي ينسيك ويعيشك في نعيم الدنيا قبل نعيم الأخرة يارب

  15. #15
    مشرفة سابقة الصورة الرمزية المرتحله
    تاريخ التسجيل
    28/06/2003
    الدولة
    الرياض
    المشاركات
    3,586
    بسم الله الرحمن الرحيم

    السلام عليكم ورحمة الله وبركاته

    أختي الغالية

    حق الام علينا كبير للغاية

    ووالدتكِ أمدها الله بالصحة والعافية في سن متأخر والمرأة بعد بلوغها سن اليأس تصبح أكثر حساسية وتحتاج إلى كل كلمة حنونة في الوجود

    فما عليك إلا الصبر واحتساب الاجر على رعايتك لها وملاطفتكِ لها

    تقبلي احترامي وتقديري

    المرتحله

صفحة 1 من 2 12 الأخيرةالأخيرة

المواضيع المتشابهه

  1. بليز ساعدوني .. تراني تعبت
    بواسطة محطمة في المنتدى استفسارات العناية بالبشرة والجسم
    مشاركات: 7
    آخر مشاركة: 30/05/2009, 11:34 PM
  2. والله تعبت مشكلتي ياااااابنات
    بواسطة PYLSAN في المنتدى قضايا وحلول
    مشاركات: 12
    آخر مشاركة: 04/04/2009, 10:13 AM
  3. مشاركات: 29
    آخر مشاركة: 10/07/2008, 02:49 PM
  4. مشكلتي والله تعبت من هالحركه
    بواسطة دلوعة!!! في المنتدى قضايا وحلول
    مشاركات: 19
    آخر مشاركة: 06/04/2008, 12:00 AM
  5. بنات ساعدوني تراني شوي وبصيح تعبت والله
    بواسطة yn1 في المنتدى ركن العناية بالبشرة والجسم
    مشاركات: 14
    آخر مشاركة: 15/12/2005, 12:47 AM