لوشن مسك للجسم مطيب بعطرك المفضل...صنع ايد بنت عذاري

[بنت عذاري]

السلام عليكم ورحمة الله وبركاته

هلا وغلا بالغاليات...

اشلونكم؟؟ عساكم بخير...

والله يا بنات ذاك اليوم حسيت انى متمللة من لوشناتى الخاصة بالعطور

الجاهزة ..وحسيت انى ودى اخترع...:cool2::cool2::cool2:

واخذت روحى ورحت السوبرماركت وانا امشى وافكر...مثل الهبلان...:s2:s2

شاسوى شاسوى....(انا اقول حق روحى)...

وانا امشى فى السوبرماركت....

وعيونى تتلاقط يمين وشمال....:eek2::eek2::no: :no: :no: :no: :no: :think: :think: :think: :think: :think:

شاسوى شاسوى....

وشفت شىء وخطر على بالى شىء...تبون تعرفون شنهو اهو؟؟؟؟؟؟؟؟؟؟؟

اممممممممممم.....


:think: :think: :think: :gum:


المهم شفت..لوشن جيرغينز..للجسم...واللى شفته توه جديد وتو واصل...


الميزة اللى فيه انه بالمسك....

المهم بقولكم اشسويت..والنتيجه طلعت واااااااااااااااااااااااا ااو..

روحوا السوبرماركت واشتروا لكم :
JERGENS>>>>>>>>>>>>>>>MUSK MOISTIRIZER

وغرشته بلاستك بيضاء ومكتوب عليها بالذهبى ولاخضر...

المهم اهو بدون اضافات وايد حلووووووووووووووووووو

لكن قلبى ماطاوعنى ما اضيف لمساتى على لوشنى...



وطبعا كالعادة اتحمل العواقب

المهم اخذوا من جنيد (محلات جنيد للعطور) مسكك ابيض عادى..

ربع توله...واذا ماعندكم ممكن الاستعانه بمسك روز صج بيكون روعه بس ماكان عندى منه..

وافتحو الغرشه وصبوا المسك اللى تحبونه عليه ربع توله بس!!!!!!!

وبعدين اذا عندكم عطر عربى او فرنسى دهن..تحبونه على جسمكم على طول بعد الاستحمام...حطوه بشرط يكون له ريحة مميزة وطالعه عن ريحة المسك يعنى مثلا انا استخدم عطر فرنسى وعندى هم الدهن ماله...
ولما حطيت تقريبا ربع توله على اللوشن,,مابقولكم اشصار...كل اللى حوالى يشمون ريحه حلوة وملمس جسمى روعة....ويلمع بعد لانه راوى...
وبعد حطيت مخلط اماراتى عليه...وتخيلوا اللوشن...........


تحفه والله لان بعد ماتخلصووووووووون تسكرون الغرشه وتخضونها وايد.......

وبعدين خلووه يومين او ثلاث لين تختلط الروايح مع بعض...
تخيلو انى لما اتحمم ادهن جسمى فيه وانسى اتعطر لان ملابسى وكلى ريحتى مسك..على عطر فرنسى على مخلط...والكل فاكرنى متبخره ومدخنه...
لكن كانت فعلا فكرة من راس مينون22222

واللوشن هذا بعد للبشرة الجافه يغذى وينعم ويخلى الملمس مثل الحرير مع اختراعاتى من العطور الحلوة..

حتى اختى تقوللى حطيلى منه قلت لها اشتريلى المكونات وبسويلج..:cool2::cool2::cool2:

وهى متزوجه ولما حطيت لها زوجها انهبل على ملمس بشرتها وريحتها الجذابه

وافتكر انها متدخنه ومتعطرة.....مايدرى انها اختراعى...

يالله انا قلت لكم شىء من اختراعاتى والنتيجه واااااااااااااااااااااااا ااو!!

وعلى فكرة تعودت استخدمه بعد الاستحمام وصدقونى بشرتى صايرة مثل بشرة الاطفال والعطر الدهنى تركيزه قليل على البشرة لانه مخلوط بزيوت عطريه...

واللى يخفف من تاثيره على البشرة انه مخلوط مع كريم خاص للبشرة ..

يعنى احسن من عطر مليان كحول ويبهدل البشرة ويسودها............

وللنتيجه الرهيبه اتبعوا طريقتى...

1.الاستحمام.
2.اللوشن على كل الجسم.
3.وانتى باللوشن قبل مايجف تبخرى بعود لفترة..وانتى واقفه..

شوفوووووووووووا النتيجه والله الناس يسالون شنوا حاطه؟؟شنو عطرج؟؟ اى عود؟؟

2222222 مايدرون ان بنت عذارى راعية الافكار الرهيبه..

والا اشرايكم؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

يالله ردوا وخبرونى..وجربوها حتعرفوهاااااااااااااااااا

[حورا]

أتحفينا بها الافكار النيره يا بنت عذارى...:cool2::cool2::cool2::cool2:

وعساج عالقوه..

[بنت عذاري]

حورا ...نورتينى يالغاليه.......وتسلمين على الكلام العسل مثلج..:o:o

والله اتمنى انى افيد واستفيد من خواتى فى المنتدى...وهذى اهى

المهمه اللى انوجد منتدى العروس لها...وتحياتى:shy::shy:

[بنية88]

واااااااااااااااايد حلو وروعة :clap: :clap: :clap:


عجبتني الفكرة وخاصة ان اللوشن موجود عندي..


بس ممكن أعرف شو بالضبط اللي حطيتيه عليه والمقادير بعد ..

وسامحيني ..




أختج: بنية88 :shy:

[لولــي]

:clap::s2:clap::s2



ماشاء الله علييييج ... زيدينا مافي جعبتج ... ماتقصريين انتي ...:cool2:

[فراق]

يسلم هالمخ اللي يخترع..........:clap:

ونتريا المزيـــــــــــد من الابداع.......................


انتي كريمه وحنا نستاهــــــــــــــــل...... ......................:smile:

[suzi]

اممممممممممم

عجبتني الفكرة


:clap::clap::clap:

[الغويريه]

الله عليج يابنت عذاري
شكلها تجنن الفكره لاني اثق
بذوقج وراح اجربها ان شاء الله
واسوي الخلطه اليوم
الف شكر لج اختي

[فتاة الخزامى]

بنت عذارى الغالية

مشكوورة على الطريقة الحلوة

وأتمنى تكتبين لنا اسم العطر الفرنسي اللي وياه الدهن

واللي استعملتيه بالضبط في خلط اللوشن

بانتظارج حبيبتي

[Amasy]

بصراااااااااااااااااحة

روعة تسلمييييييييييييييييين يا الغالية

:clap::clap::shy::clap::clap:

[LoveTouch]

هلا الغاليه بنت عذارى

انا احب جرجنز لانه فنان واااااايد وينعم الجسم وما له مضار على البشره العكس ينعمها،،حتى ان امى تستخدمه لاخوانى الصغار

بس انا افضل اللى بالصبار لانه مع التنعيم يفتح البشره وخاصه اليدين(انا استعمله لايدينى وريولى والله انه يخليج ناعمات ولابشره ياهل ويفتح لونهم) المهم ياليت لو تسوين لى خلطه مع هاللوشن اذا ما عليج تكلفه الغاليه :smile::smile::smile::smile::smile:

[بشبشه]

يعطيج العافيه اختي بنت عذاري مااشاء الله عليج واله
اختي ان شاء الله بجربها وبقولج النتيجه
اله يوفقج يارب

[ايلاف الحب]

مشكورة يالغالية على هالذووق الرفيع:clap:

اذا ممكن كم سؤال:

اللوشن من وين تشترينه بالضبط ؟ ( ملقوفه له :o )

مخلط اماراتي احصله في وين؟

استشاره عطريه 2 :

ينفع احط في اللوشن مع المسك عطر اسكادا؟

اي احسن مسك الابيض او مسك روز؟


مشكورة حبيبتي وايد وايد:smile:

[بنت عذاري]

بنية88 ..هلا وغلا حبيبتى..انا شريت اللوشن اللى له

الصبابه..ههههههههه ماادرى شتسمونها اللى تضغطون عليها وتطلع

اللوشن من غير ماتفتحون الغرشه... لان فيه انواع بس انا فضلت ام

صبابه..:eek2::eek2: واللى انا حطيته كان كالتالى..ربع توله مسك ابيض..من جنيد..بس لو تحطون مسك روز اكيد بيكون احلى واحلى...

وحطيت دهن عطر غيلدا...gilda..وهذا لقيته فى الدوحه عند محلات حميد للعطور..واهى غرشه صغيرة سعرها 12 ريال بس ,لكن والله لو تحطونها ريحتها تضل فيكم طول اليوم لانى انا اساس احب هالعطر من سنين ولما لقيته على شكل دهن اخذت منه...وهو من ماركة روعه..rawaa

وحطيت منها..ربعها تقريبا لانها وايد قويه......وااااااااااااااااا ايد ...

وحطيت المخلط وهو من نفس الماركة مكتوب عليه مخلط ملكى..هم ربع الغرشه بس..

وسكرتها ورجيتها وايد..............وشوفى النتيجه...والله انا خطيرة..

:cool2::cool2::cool2:

حصــــه ..تسلمين واكيد كل شىء بخترعه زين والا شين بخبركم فيه2222


فراق ..تستاهلون عيونى وهم باكون مقصرة..وياهلا:shy:


suzi ..هلا فيج وشكرا للمرور

الغويريه ..نورتينى حبيبتى..سويها وخبرينى برايك..بنات ترى انا هذى اول مرة اسويها ..واظن انى بسويلى عدة خلطات على كل عطورى...

والله جربوها وبتدعون لى..

فتاة الخزامى..هلا عزيزتى الدهن اهو عطر غيلدا.. انا متعودة استخدم العطر الفرنسى اللى اسمه غيلدا.. وبالصدفه اكتشفت انهم مسويين منه دهن واللى مسويه شركه عربيه اسمها روعه..فاشتريت العطر الفرنسى البخاخ والدهن وسويت اللوشن وبعد مااتبخر ارش العطر ..عاد اتصدقون ان ريحتى جدا مميزة وتطبع فى ملابسى الداخليه الله يعزكم وفى المكان اللى حتى اكون فيه وحتى شعرى..لان اللوشن يزيد العطر بريحته خصوصا اذا كان لنفس الشذى..:cool2::cool2::cool2:

Amasy ..تسلمين وهذا من ذوقج..

LoveTouch..حبيبتى اى كان اللوشن وحتى الصبار ..ريحته تكون ريحه كريم عادى يعنى لو استخدمتى نوع من عطوراتج الخاصه (دهن)فرنسى...واضفتى له دهن عربى ( دهن عود او عنبر او مخلط)..وفوقهم مسك من اى نوع تحبينه...روز او فلور او ابيض عادى...بتطلع لج ريحه حلوة ومميزة وخاصه فيج يعنى ماتنشم فى كل الناس انتى وبس..فاهمتنى؟؟ فلاتخافين انه على صبار او مسك كلهم ريحتهم جدذا خفيفه..والعطر يصبغ فيهم بسرع..:shy::shy::shy:

مصرقعة 2000..تسلمين يالغاليه..ويوفق الجميع انشاءلله

ايلاف الحب ..هلا ببنت ديرتى ونورتينى حبيبتى..اللوشن تلاقينه عند جواد ..انا اخذته من جواد فرع البديع...عندهم مجموعه كبيرة ..

والخلطه من الدوحه لكن صدقينى اى مخلط حلو عندج ممكن تستخدمينه بس مايكون فيه ورد او صندل يخربون ريحته!!
بتلاقين مخلطات عند جنيد حلوة ورخيصه مكونه من عود وعنبر بس
..ينفع تحطين اسكادا لكن دهن مو عطر بخاخ!! تلاقينهم عند اجمل وجنيد..كل العطورات على دهن..
اما عن المسك المسك الابيض بارد وايد وحلو لكن مسك روز فواح ..انا لانى ماعندى روز حطيت الابيض مال جنيد..

جربووووووووووووها وانا فى انتظار رايكم....

واى سؤال بنت عذارى فى خدمتكم........ووووووووووتحيات ى:shy::shy:

[علياء]