السلام عليكم ورحمة الله. ك مصوره عرايس بالذات امر بمواقف كثير . حابه افيد العروسات الجديدات
١ اتوكلي على الله و دامك جهزتي كل شي . ارتاحي تماما و حاولي تنامي قبل يوم الفرح مو تواصلي
٢ الاشياء الاحتياطيه خليها على جنب في شنطه . توصيلة كهرباء استشوار ميكب خفيف . ابره و خيط و مقص . شطرتون .
٣ حاولي انه الميكب ارتيست تخلصك من بدري عشان تكوني مرتاحه . وانتي ع الميكب ممكن تقري تحصيناتك .
٤ في التصوير اذا المصوره مو شاطره انها تخليكي ترتاحي للجو . لازم لحالك تكوني مرتاحه . انتبهي للحركه الي دايما تصير مع عرايسي لا شعوريا . و هي رفعة الكتف من التوتر .
٥ مو كل الصور لازم ابتسامه عربضه . تخيلي نفسك مودل و عطي المصور كذا تعبير بوجهك .
٦ اذا في صور و حركات معينه اضافيه تبغيها . اتفقي مع المصوره قبلها
٧ بعض العرسان يعطي رد فعل بايخ اثناء التصوير اما حياء وانا انه شخصيته دمها تقيل . لا تخليه ياثر عليك . كملي تصوير لحالك . دا البومك كمان
٨ لازم يكون عندك نفس لون الروج احتياطا
٩ لا تخبي ع الميكب ارتيست انك عروسه بليز . ادفعي مو مشكله هو يوم في العمر . ميكب العروس غالبا يختلف عن ميكب عادي .
١٠ اهم شي فستانك ميكبك البومك . وفري من اي شي تاني بس هدول ال ٣ لا
١١ ما عليك من الشي الي طالع موضه وقتها لو مو لايق عليك . البسي و سوي الميكب الي لايق عليك . سواء طالع موضه او لا
وربي يكمل لكم فرحتكم على خير
رد مع اقتباس
