روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 3 من 3

الموضوع: زوجت أخوي و سبب لنا مشاكل

  1. #1
    عروس برونزية الصورة الرمزية girl_love4ever
    تاريخ التسجيل
    20/10/2003
    المشاركات
    1,642

    زوجت أخوي و سبب لنا مشاكل

    راح ابدأ من البداية
    كانت حياتنا هادية و كنت ادرس سنه أولي جامعه و شفت البنات ينخطبون و هم في عمري و قلت لأمي رام أسجل عند خطابة و وافقت و ابوي وافق و قال راح يسئل اخوي اللي اصغر مني ب2سنه و شاور اخوي و جاء ابوي زعلان و غاضب و قال اذا حطيتي عند خطابة او سمعت راح اطردك من البيت طبعا لهيت في دراستي و سنه عن سنه البنت تكبر و تتمني الزواج بس التهديد ما اقدر و ما اعرف اصلا وش الكلام اللي قاله اخوي لأبوي
    و بعد ما تخرجت و تخرج أخوي غصبوني أزوجه عن طريق الخطابات طبعا كل ما جبنا له وحده ما عجبته وجابت الخطابة وحده أمها سورية و ابوها سعودي و من تزوجها و كل يوم يتهمني بشغلة مرة أزعجتها بالأتصالات و التليفونات و انا ما عندي تليفون و مرة اتهمتنا انه دخلنا الحمام اللي جنب غرفتنا طبعا بيت اهلها يبعد ساعة عن نا بس ما تبي تنام عندهم و لأنه اول ولد ابوي عطاه الخيط و المخيط يتصرف مثل ما يبي طبعا مو من حقها تتصرف في بيتنا و هذا حمام الله يكرمكم مو بأسمها و هذا بيت ابوي مع اني ما دخلته طبعا حملت و صار اخوي يجيبها عندنا و بس تاكل و تشرب و ما تشيل شيء و تمشية و خرجات للساعه 3 الفجر و حنا حراس نستني لحد ما يجون و نسكر كل شيء و لدت و زرناها بالمستشفي و ما اعطتنا وجه و قالت للنيرس خليهم يطلعون و كذبت و قالت ما زرناها في المستشفي راحت بيت اهلها و ما شفنا وجهها الأ بعد ما كمل ولها سنه من ولدت ما شفنا ولد اخوي الأبعد سنه لما صار يمشي و مع ذلك امي و ابوي سامحوها عشان اخوي و كل مرة أخوي يجي و اجلس معهم يخز فيني كأني حرامية و طاقة زوجته و بعد 3 سنوات زعلت و قالت ان مافي احد يستقبلها من تزوجت لحد اليوم مع ان الكل يقعد معها و ناقشت أمي بالكلام و رفعت النعال الله يكرمكم بتطق أمي و طردها أبوي من البيت و بعد 4 سنوات حملت و جابت ولد ثاني و تانقت مع اخوي و زعلت شهر بيت أبوها و بعدها رجعت لمدة شهرين و قالت لأخوي انت مالك كلمه من حقي أطلع و أروح شاليهات في البحرين مع اختي و زوجها و ما تقدر تمنعني طبعا صارت مشكلة و دقت علي اختها و زوجها و كانت بتأخذ عيلها بس أخوي رفض تأخذهم و جابهم عندنا طبعا العيال فيهم توحد و فرط حركة و الصغير كانت عمره 4 شهور و اكتشفنا انه عنده كساح و لين عظام و توحد و الجسم ما يمتص الكالسيوم و معاق ما يقدر يمشي طبعا انا اخذت الصغير و ماكنت اعرف ولا مرة مسكت صغير و يكون عندي علي طول طبعا رحمت أمي و تعبنا معاه لحد الولد ما مششي علاجات و ممرخات و طب شعبي مع الأدوية و هي جلست 2 سنه ما سئلت عن عيالها و قبل الصغير ما يكمل سنه طلقها اخوي و بعد 3 سنوات طلبت حضانة عيالها و اخذت الكبير يومين و الصغير عندنا و بعد شهرين قالت ما ابي عيالي ليش اربيهم و هم عيال العايلة لفلانية وش راح استفيد من عيالهم و اخناهم طبعا أبوي الله يهدية ينفذ طلب أخوي و طليقته و يخاف عليهم و احنا عياله الضحايا و جاء اليوم اللي دمرنا لما دخل الكبير المدرسة مشي مع اولاد اكبر منه و هو عمره 7 سنوات و طبعا كانوا يسوون أعمال قوم لوط و أكدت لنا المدرسة ان ولد اخوي هو القائد طبعا اخوي و امه يدرون يالسالفة و يبون يلفقون التهمه فينا و المدرسة قالت هذا الولد ما نبيه و طبعا جات امه و أخذته و بقي الصغير عندنا و بعد شهور اخذته امه زيارة مدة يومين و لقينا الولد متحرش فية و سالفة و بعدها سكرنا القضية لأن امه مطلقة
    طبعا اخوي اللي هو ابوهم اتهم أخواني و اخواتي ان احنا اللي علمنا ولده الوساخة و صارت مشكلة و طبعا الحين صارت العايلة مفككة و منفصلة و كل واحد ساكن بعيد و انا و 2 من خواتي جلسنا عشان أمي كانت تعبانه
    و طبعا بعد طلاق خوي بعد سنه أجبروني ازوجه و ختار وحدة مه مصرية و ابوها سعودي طبعا الأب رافض يزوجنا و ابوي و اخوي عملوا المستحيل و قالوا مسكينه مافي احد دق بابهم يعني حنوا علي البنت و انا لا نسوا انهم هددوني و يسوون المستحيل لبنات الناس ابو البن حذرنا من البنت و أمها بس ابوي و اخوي يبون الزواج و بس و قال ابوا البنت تزوجها بس اذا جاتك المشكلة اللي حذرتك منها لا تراجعني الأب طبعا مطلق الأم من 13 سنه بسبب مشاكل قوية جدا ما اقدر اقولها يمكن البعض يفهم ليش طلقها و تمت الملكة و بدأت المشاكل و قالت لأخوي ما ابي ولدك الصغير يحضر العرس و خل وحده من اخواتك تجلس معه في البيت و لما رحنا قاعة الزواج و جات اختها اللي اصغر منها و قالت مايشرفنا نسبكم و أطلعوا من العرس هذا عرس اختي و هذا الولد ولد اخوي الصغير طلعوه عند الحارس برا يجلس معه طيب هذا طفل صغير عمره 2 سنه و صارت هوشة و تدخلوا الناس و هدوا السالفة و مشي العرس طبعا العروس تعرف ان اخوي مطلق و عنده ولدين بس هي قالت لصديقاتها ان تزوجت أعزب و قالت انتم خربيتم عرسي بعيال أخوكم طيب احنا خواته وش دخلنا انتي و اخوي تتقفون نع بعض الولد ولده هو مش انا او اخواتي طبعا زوجته بعد شهر العسل كذبت و قالت انه انا و امي و اخواتي قلنا لها بعد 3 سنوات نعطيها عيال اخوي لما تجرب الأمومه و طلع اخوي هو اللي واعدها و ورطنا احنا خواته انه احنا اللي قلنا الكلام و قالت اذا دخلوا علي عيالك حتي لو زيارة ساعه وحدة راح اروح عند اهلي يا انا يا اهبي غير انه كذبت لما جات بيتنا و قالت وحده من خواتك طلعت بالشارع و رفعت النعال بوجهي
    غير انه تخانقت و قالت ان أمي تحط لها صور في الواتس و تقصدها بس أمي ما تعلرف تغير الصور كيف و أخوي جاي كأنه بعير هايج و انتم ليش كذا و هي ايش سوت لكم و يقول لأمي انتي حرمه كبيرة المفروض يكون عقلك كبير مو عقل اطفال و كلام كثير
    ودبعا جاب ولده الكبير بحجة الدراسة تفوته و الن يحاول يتهرب من عياله لما قاله ابوي خذ عيالك الآن متزوج و هو يقول مالي دخل فيهم أرموهم في اي زباله
    اخوي هذا كان متفق يسوي خناقة و تمثيلية مه طليقته عشان نأخذ عياله نربيهم يعني متفق معها خواتي جالسين خليهم يربون و هي معه متفقه و تحقق له هذا الشيء و ابوي الله يسامحه وافق معاه و طبعا اتفق من زوجته الحالية انها تجيب عيال و يجيبهم من المستشفي علي طول عند خواته عشان نربيهم يقول العيال تتربي مع بعض
    و ابوي مسانده
    و جاء اليوم اللي اخوي دخل يهاوش و كلام وسخ و خرج من البيت بعد ما سبنا و شتمنا و عرف ابوي حقيقة ابنه و انه يبي مصالحه
    بس مع هذا ابوي يوافق معاه و يقول لي ويت تروحين العيال في ظهرك طيب يا ابوي وش دخلني يتزوج و يجيب عيال و يطلق و انت تستقبلهم و تجبرني علي التربية و تزويجه
    مدري متي ارتاح طبعا ابوي متفرج يجيب عيال اخوي و يقول انا متكفل و كل يوم ينحاش من البيت و يقول ازعجوني و اخوي ما يعرف عياله ولا يمرهم ولا يشوف وش يحتاجون
    ابوي ورطنا بعيال اخوي و الآن لما عرف غلطته كل يوم يتخانق معنا بدون سبب
    و يسوي هوشات مع اخواني اللي طلعوا من البيت من المشاكل كليوم يروح لهم و يتهاوش معهم
    طبعا ابوي صرت ما اثق فية يحطنا في مشكلة اخوي و ينحاش
    ليت ابوي طردني ولا شتت عياله
    ندمانه اني سعيت له في الزواج
    الله يسامحك يا ابوي

  2. #2
    عروس جديدة
    تاريخ التسجيل
    14/08/2013
    الدولة
    في وطني
    المشاركات
    9

    رد: زوجت أخوي و سبب لنا مشاكل

    صراحة الواحد ما يقدر يقول غير الله يكون في عونكم ... بس حاولي تتقربون من بعض اكثر وبعد من الوالد عشان تقدرون تحلون هذي المشاكل

  3. #3
    عروس ركني قضايا وحلول وقضايا دينية وركن الشؤون الأسرية والإجتماعية الصورة الرمزية لارسا بغداد
    تاريخ التسجيل
    15/10/2011
    الدولة
    العراق
    المشاركات
    7,298

    رد: زوجت أخوي و سبب لنا مشاكل

    السلام عليكم ورحمة الله وبركاته
    اختي الغالية Gerls _love 4 ever
    بخصوص اخوكي ووالدك مهما حاولو ان يمنعو زواجك سواء عن طريق الخاطبة او غيره نصيبك عندمايأتيكي ستتزوجي وسيوافقو ولن يعترضو
    فلاتضني انه ان عارضو زواجك عن طريق الخاطبة سيتوقف نصيبك
    الرزق بيد الله الزمي الاستغفار ان كان كل يومك مشغول بالاعمال قبل نومك خذي ربع ساعة خصصيها للأستغفار ثم نامي وطبعالااوصيك بصلاة الثلث الاخير من الليل والناس نيام
    الان نأتي لأبن اخيك ذو السبع سنوات ان كان يعاني من التوحد فعلا فأن مايتهمونه به من فعل شنيع
    (افعال قوم لوط)والعياذ بالله من هذه الافعال هو اتهام باطل
    لأن من يعاني من التوحد صعب التفاعل والتفاهم معه فالناس بواد وهو بواد اخر فكيف به وهو يترأس هكذاافعال وكأنه خبير بها
    هو ان كان يفعلهامعناه شخص بالغ عاقل يعرف بمرضه استغله واستغفله
    والطفل بطبعه البراءة الا ان خدشت براءته ممن لايخافون الله
    الان نأتي للنقاط الايجابية لرعايتك لأبناء اخوكي
    بغض النظر عن شكر اخوكي لكي او نكره لمعروفك
    فأن الله لايضيع عنده اجر ك
    احتسبي رضاالله وتوفيقه في رعايتك له غير هذا اعتبري تدريب لكي على طولة البال والصبر على التربية فتربية الاطفال ليست بالامر الهين
    وتعلمك الحنية على الطفل
    غيرهذاعندمايكبرالاطفال سيبرون بك وبمجردلجؤهم لكي بكل امر يحتاجون به لكي دليل انك احسنتي تربيتهم ورعايتهم
    وربما يرسل الله لكي زوج يخاف الله بكي لأنك خفتي الله بأبناء اخوكي
    ورعيتيهم عندمااهمله اهله
    اسأل الله لكي السعادة
    والزوج التقي النقي الغني
    سلامي
    اختك لارسا بغداد

المواضيع المتشابهه

  1. وين يمشي الرجال زوجت? !!
    بواسطة المهندسة ام ملك في المنتدى ركن الشات والمواضيع الترفيهية والألعاب
    مشاركات: 4
    آخر مشاركة: 14/04/2011, 01:58 AM
  2. زوجت ولدعمي
    بواسطة سوالف الغرام في المنتدى قضايا وحلول
    مشاركات: 29
    آخر مشاركة: 10/12/2010, 01:22 AM
  3. زوجت اخوي
    بواسطة سوالف الحب في المنتدى قضايا وحلول
    مشاركات: 18
    آخر مشاركة: 07/12/2010, 10:00 PM
  4. حقد زوجت اخوي علي
    بواسطة سماهر1 في المنتدى قضايا وحلول
    مشاركات: 7
    آخر مشاركة: 02/10/2008, 11:44 PM
  5. انا زوجت اخو زوجي.......
    بواسطة ***ام دلع*** في المنتدى قضايا وحلول
    مشاركات: 31
    آخر مشاركة: 06/07/2008, 11:35 PM