السلام عليكم ورحمة الله وربركاته
شحالكم يا حلوين شخباركم ... لكم وحشه .. من زمان ما كتبت موضوع احس شيء غريب
المهم
حبيت اليوم اعرض لكم احلى ارواجي اللي احبها ولي عليكم تكتبون اسم الروج وتروحون تشوفون لونه في المحل ..
هذي الارواج اخذتها من فتره احين والاغلب خذته مرتين من كثر ما استخدمه ..
بنسبه ل اسم الموضوع اخترت يا انه يكون الموضوع موسوعه الأرواج والكل يشارك او ارواجي المفضله لاكن المشكله اني ما صرت اجمع مكياج مثل قبل اخذ فقط واحد من الكوليكشن بس اللي يعجبني للانه ياما رميت مكياجي بس كنت اخزن وما استخدم وبالاخير يخترب وبزباله
ان شاء الله الكل يشارك معاي ب ها الموضوع بيكون موسوعه ل كل محبين المكياج وبالاخص العرايس للانهم يبحثون عن افضل الارواج والألوان اللي ها فتره دارجه في فضل الشتاء بصراحه عن نفسي ما احب اتقيد ب الألوان اللي يعجني استخدمته
بسم الله خلونا نبدأ ب عرض الصور ( الصور ما تعدلت ابد ولون الروج طبيعي في الصوره من غير فلاتر او تعديل فقط وضعت اسمي واسم المنتدى)
ها الكوليشكن اللي بعرضه من الماركات العالميه وان شاء الله بعد كم يوم بعرض عليكم روجات من سنتر بويت او ولي يكون في بارتيشن في الجمعيات وسنتر بوينت
هذي قلوسات من SL ايف سان لولان
رقم 12و 6 و 9 احسها ترطب الشفايف
اما هذا الروج وايد كريمي وتكلمت عنه قبل في احد مواضيعي اني استخدمه مع القلوس ثاني من نيكست لاكن حا ليا ما عندي القلوس عشان اخبركم كم رقمه
رقمه 13
الروجين من بربري وايد الوانهم عذاب وحلو انه علبة الروج مغناطيس .. مات شبه كريمي
رقم 85و 97
اما هذا الروج غرامي الأحمر لون مات يعور قلبي كل ما اشوفه لونه حلو وايد وعلى الطبيعه يجنن من chanel
رقمه 66 من كوليكشن chanel allure rouge
اما هذا لحمي شفاف وفيه شوي لمعه رقمه 432 من rouge coco
روج من ديور CD هذا الروج وايد كريمي يعني احسن طريقه ل وزعه ب الفرشاه رقمه 263 swan من ديور نود
سالفة ايستي لودر خذت 3 ارواج واحد منهم ضاع ما ادري وين اختفى خذته معاي في سفره وشكلي نسيته في الفندق
روجين حبيتهم من ايستي لودر ها الاثنين تكلمت عنه خبيره تجميل كويتيه وعلى طول ع المحل عشان اشوفه وحبيتهم الصراحه ترطيب حلو للشفايف
رقم 220و 260
أخر صوره اعرضها لل يوم من ماك MAC هذي المجموعه اللي حبيتها بتلاحظون فيه تشابه ب الألوان ف طنشو للاني ما انتهت على الألوان في المحل بالي مشغول ب المحل اللي بعده
احلى روج بينهم diva حبيب قلبي هذا ما استخدمه الا في الاعراس والمناسبات احس له هيبه
الأسماء :
French twist
diva
ruby woo
speed dial
الأسماء :
costa chic
lovelorn
coral bliss
لون روج غير عنه الباقي هذا استخدمه يوميا تقريبا لونه خفيف على الشفايف ويرطب وكريمي من ليمتيد كوليكشن لاستر ما ادري اذا موجود في المحلات او لا للانه كل فتره يعرضون كوليشن الشهر
الأسماء :
hue
chattar box
luster tumble dry هذا اعتقد كان من ليميتد كوليكشن لاستر (لونه العلبه برتقالي )
هذا اللي عندي حاليا اعرض لكم ... عشان تعرفون لونه على الشفايف كتبي الماركه في موقع قوقل واسم الروج وفي قسم الصور بتشوفين شكله
أتمنى الكل يشارك بعرض افضل روجات اللي يستخدمها وان شاء الله أيضا بنزل صور جديده ل روجات عجبتني او قلوس وراح اضع صفحات الصور في الموضوع الرئيسي عشان يكون مرجع ل كل رد انضاف منكم عشان الكل يستفيد ويكون مرجع له اذا احتاج
جميع الحقوق محفوظه لدى @ منتدى عروس ( عدم نقل موضعي واذا نقل ارجوا ذكر المصدر )