السلام عليكم ورحمة الله و بركاته..
مشكلتى تقدم لي كذا شخص وارفض بسبب ماعندى أحد يسال عن الرجال و اخوي مايبي يتحمل مسؤلية واخوي الثاني صغير مايفهم بالامور وصل عمري ل 25 سنه وكل ماتقدم لي شخص رفضت ..
تقدم لي شخص اصغر مني بسنتين ومدخن واقل منى بالتعليم و عصبي والاهم من كذا يكلم بنات
اعرف المعلومات عنه لانه يقرب للوالده وامه كانت صريحه معي بكل شئ وقالت انه يبيك ولو يبي البنت الي يكلمها كان خطبها
خصوصا ان الولد خطبني اكثر من مره رديت عليهم بالموافقه مبدئيا .
استخرت اكثر من مره وكنت مرتاحه لان الولد فيه ايجابيات من صلاه و موافق على كل شروطي وغير كذا خايفة لو ارفض خصوص وضعي الي ما يساعد واخواني كل اشوى مطلعين عيب بالرجال وهالشئ مو جديد لان كل ماتقدم لي احد ماعندهم الا سلبيات , وامي ماعندها الا كلمه خذي الي يبيك ولا تاخذين الى تبينه

خايفه من الخطوه ومحتاره؟