[S]السلام عليكم بنات
مدري من وين ابتدي لكن جد جد تعبت
انا مرت علي فترة اجلس بالليل على الايباد قبل النوم و ظليت يمكن شهر و انا 24 ساعة عليه
اتصفح و اسولف مع صديقاتي و هكذا
بعدها لاحظت اني ماا اشوف من السبورة كويس , صديقاتي يكتبون و انا مش واضحة معاي الحروف و توقعته شي عادي لكن قالت لي صديقتي سوي فحص نظر
سويت و طلع فيني قصر نظر عيني 6 على 9 و الثانية 6 على 12
تشاءءءمت مرآ و صار لي شهر و انا متضايقة يعني بشكل ما تتصورونه , ألبس النظارة وقت السبورة بس حتى ملامح الناس البعيدة ابداّ ما اشوفها , اشوف هيئة الشخص فقط لا غير اما عيونه خشمه ما يوضح الا بالنظارة
لكن الشيء الغريب اني مرات اشوف من السبورة 100% و مرات تشوش عندي الرؤية ف مستغربة من هذا الشي
قالت لي صديقتي يمكن انه عين لاني طالبة ممتازة في مدرستي لكن استبعدت هذا الشي
و قالت لي يمكن تستعيدين النظر و كلها فترة و يعود نظرك ظبيعي
و بنت خالي مرت عليها فترة ما تقدر تخلع النظارة لكن الحين ماشاءالله عايشة بدون نظارة
سألت الدكتور قالي ابدا ما يرجع 6/6 و من بعدها حالتي تزيد سووء
شريت لي كحل الاثمد الاحمر الاصلي من يومين و جالسة اتكحل منه , على امل اني اشوف الدنيا من جديد
حلم حياتي افحص و يطلع نظري سليم بس الحمدلله على كل حال [/B][/SIZE]