السلام عليكم ورحمة الله وبركاته
عندي ٤ مشاكل والله تعبت منهم اتمنى القى النصح منكم
١
بكل صراحه احس اني بنجن والله ما اكذب من كثر ما اسولف مع نفسي
ومرات كثيره اتذكر المواقع المحرجه او الغبيه واقعد اتفل واقول الله يعلن حظي واسب نفسي بشكل
اقول والله اني ما افهم و غبيه وحمــ.... واسب نفسي
٢
ماعندي شخصيه ماعندي اسلوب ما اعرف اتصرف ما اعرف اسولف
اخبص بالكلام مرات ومرات اقول شي ماله داعي ومرات اقول اشياء غلط او بوقت غلط
ومرات اسكت ما اسوي احس ما عندي شي اقوله او حتى اعرف ارتب جمله مثل الناس ؟(:
ومرات انحرج لو سولفت وخبص واقعد ارقع واخبص بزياده يعني لو بسولف او ابداً سالفه خرطي ما اعرف
لدرجه لو نجتمع مع بنات اقعد اسولف عادي وحده تقاطعني وتسولف او اثنين يسولفون وابي اسولف مافي لي اي مجال
٣
تفكيري دائما بآشياء سلبيه يعني حتى لو اقعد اتخيل شي حلو بالبدايه لازم يدخل شي سلبي وخوف ورعب وبكاء
شلون اشرح لكم يعني مثلا لو اسرح وكذا يعني او قبل النوم مرات اطول ع ما انام ويشتغل الخيال
اقعد اتخيل اشياء تبكي او تخوف او تمرض حتى ؟
٤
سؤء الظن يعني شلون اشرح مثلا احد قال شي وهو ما يقصد في شر او من هالقبيل
انا اقول لا اكيد يقصد كذا وكذا او وحده قالت كلمه قلت اي تقصد كذا وكذا و هي عكس
حتى اختي قالت لو تفكين نفسك من سؤء الظن انتي بخير
عمري ٣٠ - غير متزوجه - لا اعمل - بالبيت
سبحاانك اللهم وبحمدك اشهد ان لا اله الا انت استغفرك واتوب اليك
اللهم صل وسلم على سيدنا محمد وعلى اله وصحبه اجمعين