استفسار عن الليزر

[شرقاويه شقيه]

مرحبا بناات

عندي استفسار بخصوص جهاز الليزر المنزلي


ودي اشتري بس محتاره بين
تريا و فيلبس لوميا؟؟

[Sweet N Sour]

جهاز فيليبس عليه مدح كثير

[lady lady]

انا راح افيدك بتجربتي .....بس اقراي كلامي كلمه كلمه

بشهر مايو 2013 اشترت جهاز تريا هير ريموفال الاخضر وبخبرك بالمراحل اللي مريت فيها كالتالي :

انا كنت متعقده من موضوع الشعر بوجهي كان اسود وسميك ومتركز باللحيه بشكل فظيع كان عاملي ازمه نفسيه حتى بالشارب كان فيه والسوالف بس اللي معقدني ومكرهني بحياتي موضوع اللحيه وبالتحديد يعني تحت الفم اقصد اتمنى تكوني فهمتي علي وين بالتحديد .. لدرجه تخيلي وانا بصلاتي كنت ادعي ربي انه ينعم علي ببشره خاليه من الشعر وناعمه ... تخيلي لاي درجه الموضوع كان مازمني .... وبس كنت اسويه بالملقط كان يضل رؤوس سودا ماتطلع او يترك لون اخضر ك اثر لانه مو كل الشعر بيطلع مره وحده وحتى لو كنت احط فاونديشن كان شكله مو حلو لانه مبين في شي غلط تحت الماكياج ... وسويت جلستين بعياده بسنه 2007 على ما اعتقد وماكملت وقتها لانه الموضوع كان مكلف علي ماديا والحمدلله اني ماكملت لاني اكتشفت وقتها انها كانت مخففه الجهاز ع درجه كتيير ضعيفه علشان تخليني اروح واجي عندها كتير ..لانه فعليا ماكنت احس باي الم وقت الجلسه .... ومن سنه ونص اشتريت جهاز تريا واول جلسه سويتها لوجهي اني حلقت كامل الوجه بالشفره الجليت وبعدها سويت الجلسه لنفسي لغايه ماخلصت شحنه الجهاز لانه بيعطيكي ع كل شحنه قرابه 630 ضربه ليزر... وبعد بيوم طلعت روؤس الشعر والله لايورجيكي النمظر البشع حبوب فظيعه وشعر تحت الجلد بس كنت اعمل سنفره بعد جلسه الليزر ب 3 ايام بسكر وزيت زيتون وكنت اعمل كل اسبوعين جلسه لنفسي بس خلال هالفتره كنت كل يومين احلق وجهي بالشفره وحسيت اني اخدت نتيجه كويسه وبلش الشعر يخف بعد 6 شهور يعني 12 جلسه ليزر.....وبعدها الشعر جدا خف والحمدلله وفي اماكن راح نهائي الشعر منها ... وبعد هيك صرت اعمل وجهي بالموس مره كل اسبوع وارجع اعمل جلسه ليزر لانه حتى بقايا الشعر الخفيف بدي تروح وبالفعل بعد سنه راح 90% من الشعر وكان انجاز فظيع .... وهلا ضل بقايا بس خفيف جدا ومابأثر ابدا يعني بحال شلتهم بالشمع او بالبراون مابيطلعو غير بعد 3 اسابيع وخفاف جدا بس بعد مرور سنه من العلاج هلا بعمل كل شهر جلسه لنفسي للاحتياط لانه حسب علمي الشعر بعد كم سنه بيرجع يطلع لهيك انا طول ما الجهاز عندي كل كم شهر برجع اسوي جلسه ...

شويه تنبيهات الك ونصائح :

** بالبدايه من حلاقه الشعر بالموس راح يطلع الك حبوب والمنظر جدا بشع بس صدقيني بعدها راح ترتاحين ... يعني تحملي بالبدايه بس بعدين النتائج ممتازه.

**كل مره بس اشحن الجهاز اتركه عالشاحن فتره ساعتين او 3 ساعات وبس استعمله بيعطيني 630 ضربه ...راح تتغلبي شوي لانه راس الجهاز كتير صغير يعني المساحه اللي بغطيها صغيره ... بس النتيجه مرضيه ..

** حسب ماخبرني المندوب وقت اشتريت الجهاز انه ممكن اشحنه واستعمله لفايه 300 او ممكن توصل لغايه 350 شحنه ...يعني عدد ممتاز .. وانا الجهاز عندي من سنه ونص بس بعدها الشحنات ماخلصت لانه بس كنت استعمله ع وجهي يعني كل جلسه وجه تكفيه شحنه وحده بس ..

** حاليا عم افكر استعمله لمنطقه الابط او البكيني بس محتاره مين ابدا بالاول لاني مابدي استعمله للمنطقتين سوا بعدهاتخلص شحنات الجهاز واكون نقطعت بنص الطريق لاكملت شغل الابط ولا كملت منظقه البكيني ...يعني حاليا خلصت من وجهي وبشوف منطقه تانيه ابط او بكيني.

حاليا هاد اللي بيخطر الي ... بس اذا عندك اي سوال ابعتيلي عالخاص يمكن ما ارجع افتح الموضوع مره تانيه ..

موفقه يارب ويريحك من الشعر ويفرحك ربي متل مافرحني بنعومه البشره ت=اللي بتمتع فيها حاليا ..