النتائج 1 إلى 5 من 5

الموضوع: استفسار من بنات الامارت وخاصة دبي ....

  1. #1
    عروس جديدة
    تاريخ التسجيل
    03/08/2014
    الدولة
    في خيالي
    المشاركات
    2

    استفسار من بنات الامارت وخاصة دبي ....

    السلام عليكم ورحمة الله وبركاته


    بنات الامارات بغيت استفسر منكن بارك الله فيكن

    طبعا بخبركن بالسالفة بس عشان تعرفن

    انا مخيطة فساتين مناسبات عند خياط بفريج المرر اسمه خياط أحمد عزيز
    ما أعرف اذا حد منكن تعامل معاه ...لاني دورت بالمنتديات ما سبق وحد جاب سيرته


    المهم


    الله يسلمكن انا لما وديتله الاقمشة عطيته اكثر من قيمة الفساتين كعربون


    والمفروض يخلصهن على نهاية شهر اربعة اللي طاف ...بس للاسف لما اتصلت فيه عشان اعرف اذا كان الملابس خلصهن او لا ما كان يرد على تلفونه
    وبعد كم اسبوع رد وخبرني انه مسافر شهرين عشان يتزوج( والله اعلم اذا كان فعلا مسافر او لا لانه كذااااب ولوتي)


    المهم سالته اذا الملابس جاهزات وخبرني انه ما يعرف ويريد رقم الفاتورة لكنه هو الحين ماهو بالمحل وبيتصل فيني عشان ياخذ رقم الفاتورة وبعد انتظار طويل عشان يتصل فيني
    ما اتصل ورديت اتصل فيه مرة ثانية وبعد يمكن يومين رد علي واخذ مني رقم الفاتورة على اساس انه يخبرني اذا ملابسي جاهزة او لا
    بس قالي انه بيشيك على الفساتين وبيرد على
    وانتظرررررت ونفس الشي ما رد على
    وبعدين رديت اتصل فيه مرة ثانية وبعد كم اتصال رد على وطلب مني رقم الفاتورة مرة ثانية
    وخبرته اني اعطيته اياه رد علي انه هو كان بالسيارة ورديت عطيته مرة ثانية وبعد انتظااار يمكن يوم او اكثر ما اذكر رد علي وخبرن انه فستانين لسه مش جاهزات ووعدني وحلف انه بيكونن جاهزات بعد اسبوع
    انا قلت بعطيه اسبوعين وبعد اسبوعين وبعدها اتصلت فيه عشان اعرف
    هل خلص الفساتين ام لا؟
    نفس الحاااالة ما يرد على التلفون


    وبعد انتظار عدة ايام رد علي وخبرني انهم جاهزين لكن ما يعرف فستان امي اي لون
    عاد تخيلوا الوضع
    خبرته ان فستان الاقمشة من عنده وخبرته بالالوان
    بصراحة لعوزنا الله يلعوزه دنيا واخرة
    وقبل رمضان باسبوع تقريبا خبرني انهم جاهزات


    طبعا ما استوالنا نجي دبي خلال هذي الفترة خاصة انه قبل رمضان ودبي تصير زحمة
    عشان تجهزات رمضان وطبعا سوالف الحريم للعيد


    في منتصف رمضان اتصل وسالني ليش ما جيت اخذ الفساتين خبرته ان الحين رمضان وصعب على اني اجي في رمضان وخبرته اني راح اجي بعد العيد
    رد علي انه بعد العيد بيسافر شهر ونص عشان يتزوج (ما ادري الاخ كم مرة يتزوج خلال كم شهر) وخبرني اذا ما اقدر انتظر ارسل باقي الفلوس ويرسل الفساتين
    خبرته وانا ايش يظمنلي ان الفساتين بتكون مظبوطة او لا وهل هو بيرسلهم
    جلس يحلف ويوعد
    خبرته انه يرسل الملابس وبعدين ارسل الفلوس وافق بعدين اتصل في اليوم الثاني وخبرني انه هو معاه شريك وما يقدر يرسل الفساتين بدون ما ادفع كامل الفلوس
    حبرته واذا محتاجات تصليح ...رد علي وخبرني انه ارجعهم وهو اكيد بيصلحهم ما داموه هو اللي مخيطنهم
    توكلت على الله وطلبت منه اسمه عشان ارسله المبلغ
    وبعد م ارسل اسمه رحت الصرافة وارسلتله المبلغ كامل مع 60 درهم قيمة نصف الشحن
    لانه اتفقت معاه يدفع قيمة النصعلى اساس انه يرسلهم على طول
    انتظرت يوم ويومين وثلاث
    لا حس ولا خبر
    واتصلت مرة ثانية فيه ونفس الشي مايرد
    وبعد عدة اتصالات رد وسالني هل شركة النقل ما جابت الفساتين
    رديت عليه بعصبية وخبرته لا
    ووعدني بيتصل بالشركة
    وتميت انتظر ايام ولا وصل شي
    وصرت مرة ثانية اتصل فيه ولا يرد
    وبعدين اتصلنا من تلفون امي ورد ....شكله ما عارف انه رقمنا
    وخبرنا ان الشركة السابقة حرامية وان هو عطى وحد ثاني عشان يجيبهم وخبرته انه انا راح ادفع قيمة التوصيل بس اهم شي الملابس توصل
    خبرني ووعدني وجلس يحلف انه بكرة راح يوصلنا الملابس وهو دفع باقي قيمة التوصيل
    صدقته بالرغم انه كذاااااب
    ولين يومك هذا ما وصلني شي ولا يرد على تلفوني ولا على تلفون امي
    وما اعرف اذا كان هو فعلا مسافر ام لا بس كان يكذب عشان نرسله باقي الفلوس
    مع ان الكذب راكبنه من ساسه لراسه

    الحين انا انتضره اكثر من شهرين وما قلت شي
    وهو لما استلم الفلوس
    لا رسل الملابس ولا يرد


    طبعا انا مش من الامارات
    وما هو سهل علي اني اجي اي وقت
    لانه ما عندي غير ابوي الله يخليه لي وهو بروحه عنده الضغط والسكري
    وما يقدر يوديني لدبي في اي وقت



    الحين السؤال

    هل اذا اتصلت بشرطة نايف بيسولي شي
    ام مالهم شغل بالموضوع


    انتوا شو تقترحوا علي

    فيني حررررررة وقهر
    ياليتني ما ارسلت له الفلوس وخبرته يذلف يسافر اذا كان فعلا هو بيسافر او يكذب
    بس والله تعبت وهذي الفترة فترة اعراس

    انا عندي الفواتير وعندي الورقة اللي تثبت اني رسلتله المبلغ المتبقي + 60 درهم


    اسمحلي بنات لاني طولت بالسالفة
    بس والله عشان تعرفوا وتحكموا وتساعدوني




    وجزاها الله خير اللي بترد علي او تشور علي

  2. #2
    عروس جديدة
    تاريخ التسجيل
    03/08/2014
    الدولة
    في خيالي
    المشاركات
    2

    رد: استفسار من بنات الامارت وخاصة دبي ....

    بنات وينكم
    معقولة 22 مشاهدة
    ولا وحدة ردت
    تراه ما اريد منكم شي غير انكم تردوا على استفساري فقط

  3. #3
    عروس نشيطة
    تاريخ التسجيل
    16/02/2006
    الدولة
    دبي
    المشاركات
    172

    رد: استفسار من بنات الامارت وخاصة دبي ....

    الغالية انا اعرف المحل اذا عندج رقم الفاتورة بمر عليه واطرش لج الصور بالواتس اب ةانت تاكدين اذا قطعج ولا لاوان شاء الله اقدر اساعدج باذن الله

  4. #4
    عروس جديدة
    تاريخ التسجيل
    05/06/2006
    الدولة
    بلاد زايد
    المشاركات
    37

    رد: استفسار من بنات الامارت وخاصة دبي ....

    حبيبتي .... حاولي تتجنبي خيايط...... في فساتين جاهزة في الامارات بكثرة ....... اغلبهم يتبعون اساليب الغش وخياطتهم غير متقنة

  5. #5
    عروس متميزة الصورة الرمزية Oman star
    تاريخ التسجيل
    01/05/2011
    الدولة
    سلطنة عمان
    المشاركات
    609

    رد: استفسار من بنات الامارت وخاصة دبي ....

    أتوقع لازم تروحين له أو حد من بنات الأمارات يساعدوك ما يقصرون لأنه يمكن ما رسلهم بالشحن على فكرة صارت معي بس الحمدلله وصل لي بعد أنتظار حتى قلت ما أكرر التجربة

    الله يعينك فعلا

المواضيع المتشابهه

  1. بناااااااااااااااات الامارت \ وخاصة بنات العين
    بواسطة غرور الامارات في المنتدى استفسارات العناية بالبشرة والجسم
    مشاركات: 2
    آخر مشاركة: 07/03/2009, 10:50 AM
  2. بنات الامارت عامه
    بواسطة الورده الصغيره في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 9
    آخر مشاركة: 27/04/2008, 04:19 PM
  3. بنات الامارت ادخلوووووووووووووا
    بواسطة كلثم في المنتدى ركن المكياج
    مشاركات: 4
    آخر مشاركة: 12/10/2004, 02:31 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •