السلام عليكم ورحمة الله وبركاته
حبيباتي عندي مشكلة وايد خلتني جي
يعني معقوله.. انا ما بقول كل يوم.. بس كل ماتذكرت فتحت الثلاجة وكليت برتقالة وخس وخيار
يعني اكل فاليوم تقريبت فاكهتين او اكثر ونوع او نوعين من الخضار . وبعد اكل زبادي واشرب
حليب وبطلت من متى اكل شوكليت وشبس وهالسوالف لكن لين الحين ويهي ماصار اوكي
لين الحين ويهي فيه وايد حبوب صغييرة وايد تبين فالشمس ..تعبت منها مادري شو سببها
وسؤالي هو هل انا اكل صح ولا نقصت شي ؟ يعني كم مرة فاليوم لازم اكل فواكه وخضار
وكم دبة ماي لازم اشرب باليوم ؟؟
يعني لما اجوف الهرم الغذائي يقول 3-4 حصص . الحصة الوحدة كم تعادل ابا كل شي بالتفصيل
مب عارفة شي احس اني اكل لكن الاكل اللي اكله ماينفعني بشرتي خربانة بالاخر هالات
ورؤوس سودا وحبوب صغيرة تارسة الويه شو اسوي ؟؟؟ مع اني احط واقي شمس !!
ومتى احسن وقت اكل فيه الفواكه الخضار ..وهل صح انه لو شربت ماي عند الغدا بتطلع لي
كرشة اسمع وايدين يقولون بس انا ما اقدر اكل شي بدون ما اشرب معاه شي شو الحل ؟
وابا اعرف شو هي الفواكه والخضار بالتحديد بالتحديد بالتحديد اللي تنظف الويه وتخوز الحبوب
وتحسن البشرة والجلد وتنعمه وتطريه ؟ وفي مشروبات معينة بعد او سلطات معينة
بلييز ابا شي جربتوه وظهرت نتيجته فاكهة او خضرة معينة لاني ادري انه كله مفيد
لكني ابا لهذا الغرض اللي ذكرته
خبروني بكل شي تعرفوا مليت من كثر ما اشوف الممثلات والاجانب واليابانين ويوهم حلوة
شو السر ابا اعرف هل هو الاكل ولاشو
سامحوني ادري طولت وكلامي ملخبط بس صراحة انا معصبة من حالي مادري ليش واتريا حلولكم بفارغ الصبر حبياتي مع السلامه
.