السلام عليكم والرحمة الله وبركاته...
هو عندي مب مشكلة عدة مشاكل بين أهلي :
أول شيء انا عمري 20 سنة شهر 8 بكون 21 ان شاء الله
ثانيا: انه امي ترفض اني اعرس رغم الخطاطيب اللي ايوني تعطيهم كلام ما شاء الله ، والمشكلة انها ما تستشيرني في شيء تقولهم البنت صغيرة على الزواج / وتبا تدرس والخ
المشكلة اني ادرس في الجامعة وياي بنات كل ما اسئلهم ليش ما اشوفكم هذاك الكورس يقولولي ماخذين وقف كورس لاني عرست وانا منقهرة، و مرات اي عند امي اقولها الحين كلهم عرسوا الا انا يالسة في البيت ، كل يوم اسمع فلانة انخطبت وعرست ، وانا في البيت .
ثالثا:اربيعة خالتي تدور حرمة حق اخوها والمشكلة انه خالتي ما تباها تشوفني وتعرفني على الحرمة وانا منقهرة يمكن اعيبها ، ولا شيء ، ولا تروح تيب بنات اصغر عني و تخليهم يشوفوها و يستشيروها وانا اصيح ، انا ليش كذي محد يبغيني منهم ، امسك عيالهم و العبهم وانظفهم و اسويلهم اللي يبونه المفروض شوي يعطوني احترام ، انا امس من كثر ما طلبوني ايب وا اودي الأغراض تعبت قمت اتاففت اخر شيء من كثر ما اسوي ، و المشكلة تخيلوا عندي اخت اصغر مني يعطونها الإحترام و كل شيء ، ويعطونها هدايا ، و انا بحياتي محد عطاني هدية ، انا ما قصرت فيهم في شيء،
انا لهدرجة محد يباني
رد مع اقتباس