بسم الله الرحمن الرحيم
السلام عليكم ورحمة الله وبركاته
صباح/مساء الخير عالجميع وان شاءالله كلكم بخير..
ولله الحمد تحقق حلمي اللي كنت مستنيته من فترة اني ارجع ازور ماليزيا للمرة الثانية
وبعد طول انتظار ..والفرحه من كبرها وزعناها على الأهل حوالينا :laugh::032:
كانت رحلتي بصحبة عائلتي ..وماليزيا عائلية تنفع للي عندهم أطفال راح ينبسطوا كثييير عن تجربة
تقريري راح انزله بإذن الله على مراحل للتشويق أكثر وأكثر وأشوف حماسكم مع الموضوع والرحلة
تقريري عن ماليزيا ماهو إلا رد شكر وعرفان لمنتدانا الغالي اللي فادني بالكثير فحبيت أني أفيدكم ولو بالقليل
وعلى رأسهم أستاذتي الأموره وانتم أخواتي في منتدى عروس جميعاً ...:032:
ويارب ينال على أعجابكم ويلامس ذوقكم الرفيع
:032:
كانت رحلتنا
الذهاب يوم الثلاثاء 13/8
والعوده يوم الثلاثاء 27/8
الخطوط الناقلة الدولية للرحلة ..طيران الأتحاد من جده الى أبوظبي ترانزيت 6 ساعات ومنها الى كوالالمبور 6 ساعات..
من كوالالمبور الى لنكاوي طيران أير أسيا AIR ASIA
من لنكاوي الى بينانغ طيران FIREFLY
وحجز الفنادق كان عن طريق بوكنج
راح اذكر اسماء الفنادق وانطباعي عنها من خلال التقرير وقت الوصول له..:032:
ماشاءالله تبارك الله...:032:
:032: توجهنا الى مطار الملك عبدالعزيز الدولي في جده الساعه 1 الظهر وكان يصادف سادس ايام عيد الفطر ..
ورحلتنا الساعه 4 ونص العصر ..وطابقنا الجوازات وختمناها والحمدلله.. واخذنا وجبة خفيفه الى حين الأعلان عن رحلتنا,,,الى أبوظبي
وهذي طيارتنا الحلوه الى بتاخذنا الى حلمي الماليزي...
وودعنا جده وبحر جده ونسمة جده...وكلنا شووووق الى ماليزيا الساحرة :032:
وبعد رحلة استمرت قرابة ال3 ساعات وشويا وصلنا الى أبوظبي وجلسنا في مطار أبوظبي الدولي
ترانزيت ننتظر الأعلان للرحله وكانت 6 ساعات جلسناها فالمطار تسوقنا في السوق الحره وتعشينا في المطاعم وحلينا والحمدلله ...
وكنا خايفين اننا نطلع من المطار تحسباً لأي شي يأخرنا وبحكم انه معانا أطفال فضلنا الجلوس
وجلسنا في أماكن مجهزه للي يبغى يريح وينام ويااااخذ راحته
المطار كان جداً رائع أهنيكم ياهل الأمارات...
من مطار أبوظبي..أثناء التجول..
واشتريت لأطفالي لعبه وحلويات عشان الرحلة الطويلة اللي منتظرتنا ومايملو بالاضافة للأيبادات...
وتم الأعلان عن الرحله والفرحه مو واسعتنا ياربي لك الحمد مو مصدقين أخيراً :r67Iw:
والرحله كانت أغلبها اجانب وفيه خليجين طبعاً ...
وموعد الأقلاع كان الساعه 2 الفجر بتوقيت الأمارات ..
وركبنا الطايره..ومقاعدنا أخترناها من قبل يعني أختيار موفق..
وهذي الشنطه الصغونه حصلناها عالمقاعد مع بطانيه ومخده وفيها أدوات نظافه وغطا للعيون وقت النوم وشرابات وسدادة للأذن..
وقلنا دعاء السفر وأقلعت الطياره على بركة الله..ووزعوا علينا منيو + مناديل مبلله:032:
وبعد الأقلاع حان وقت السناك ...أولادي كانو كلهم نايمين فمالحقوا عالوجبه وأنا أخذت لهم من المطار وجبات وعصير اذا جاعو فالطياره ..فالأفضل أنهم نايمين عشان مايتعبوني بطلباتهم وحوستهم الله يهديهم ويصلحهم...:slaugh:
وبعدها خفضوا الإضاءة عالأخر في الطياره وعم الهدووؤ والكل نام ..انا تفرجت على فيلم وبعدها ماحسيت بنفسي الا وهم جايبين الفطور وبدأت الحركه وصحوا أطفالي وأفطرنا ...
واستمرت الرحلة وبعدها تم الأعلان عن وصولنا الى الأجواء الماليزية وبالقرب من مطارهم الدولي في كوالا لمبور..وكانت الساعه 1 الظهر تقريبا بتوقيت ماليزيا .الله شعووور جميييل لايوصف اللي مجربته راح تحس فيه من قلب :032::slaugh::032:
وهذا المطار من برا..
وختمنا الجوازات وكان كل شي منظم وسريع ...وانطلقنا للقطار لاستلام العفش..
ووقت الدخول الى القطار
واحنا جوا القطار انطلاق سريييع ووصول أسرع :r67Iw:
واحنا رايحين نستلم العفش أخذت كم صوره من المطار وأخذنا كرتين أتصال وركبناها بأجهزتنا واتأكدنا انها اشتغلت وجربناها عشان مانتورط وكل شي تمام التمام...
واسلمنا العفش وتوجهنا لمكتب سيارات الأجرة واخذنا تاكسي واعطيناه عنوان الفندق وحركنا
هذا الفان اللي وصلنا ....
صور من الطريق الى سلانجور...:032:
انتظروني المره القادمه ان شاءالله وفندقنا وجولتنا الاستكشافية للبلد ورحلتنا الى صن واي لاقون