روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 13 من 13

الموضوع: بنات ابيكم تساعدوني في مشكلتي الي مستحيل يكون لها حل

  1. #1
    عروس مشرقة الصورة الرمزية مويا
    تاريخ التسجيل
    12/01/2008
    الدولة
    السعوديه
    المشاركات
    380

    بنات ابيكم تساعدوني في مشكلتي الي مستحيل يكون لها حل

    االسلام صبايا لكم وحشه

    انا طبعا كل مره اتضايق اجيكم ركض :sick:
    اليوم جيتكم لاني متضايقه حيل من زوجي وانا اقول لكم الحين مشكلتي هذي سويت لها كل الحلول ولا فاد ولا حل بس كلمتكم الحين ابي مساعدتكم

    الحين انا ببيت اهلي زعلانه من زوجي

    بس راح اعلمكم بمشكلتي الي صار لها سنه

    وراح اعلمكم بطبعي ومن اطباعي راح اعلمكم بمشاكلي حبه حبه

    انا متزوجه من واحد باب بيته مكسور يعني صاحب دوانيه 24 ساعه مليانه انا ما اعارض على هالشي بالعكس افتخر على ان ما الي اي شي من الدوانيه غير المشاكل وربعه الي تعال شف الجوال شف الحريم فيه برنامج جديد روعه حق مغازله يعني معد فيه رجال للاسف الزمن هذا بس ان شاء الله ان رجالي محافظ على نفسه ..

    انا قضيتي الاولى في الحياه الحب والاهتمام هذا اهم شي عندي بالدنيا وللاسف زوجي مب كذا على اني اعامله بنفس المعامله مثلا هو تعبان مستحيل يجيني النوم الا ومسويته كل شي مرخته بزيت الزيتون مسويه له زنجبيل ليمون كل شي اقدر عليه ومنهم الساعه 4 الفجر يوم تعب علي كلمت تكسي ابي اوديه للمستشفى ويوم صار التكسي عند الباب هدى عليه الوجع ونام وانا كنت حامل وكنسلت الطلعه وطبعا بما انه هو عكسي اذا انا تعبت مستحيل يقوم يسوي لي شي او يوديني المستشفى مستتتتتتحييييييل الا بعد بكي ومنها الدليل يوم كنت حامل كان مهمل فيني درجه اولى ويوم تعبت بنت اخته قال المسكينه تعبانه معها وحام :-o هنا كانه صافقني كف يعني انت عندك احساس وعندك مشاعر ولا تجيني اقل حاجه تقول بسم الله عليك اقل شي

    ثاني شي يروح للدوانيه يقعد فيها الويكند يجي 3 الفجر مب ويكند يجي 12 الليل لا تقولون فراش ومافراش لاني مهتمه فيه حيل وحتى وانا حامل وهو مايطالع فيني على بالكم يجي يسالني اخبارك ؟؟ او بتعشى وياك او بتغدا !! او تبينا نطلع لا مستحيل لازم برضوه ابكي الين اقول بس مب بكي يوم ولا يومين تقريبا ثلاث ايام او اربعه علشان يطلع معاي طلعه اول طلعتين في الشهر ويحسبها على طول الشهر الين يجي المعاش الجاي

    ثالث شي اذا راح مكان سافر او انا سافرت او رحت لهلي مايرفع على السماعه ابدا على ان عياله معاي ولا يسال عنهم لازم انا الي ارفع السماعه وانا الي ادق عليه وقوله تكفى تطمن علينا تكفى اهتم فينا انا ما ابي اخسرك انا مشكلتي اني احبها ولا والله العظيم كان خليته طبعا هو فيه اشيا حلوه مثل ان قلبه طيب حيل بس مايحزن ابدا مني يعني يشوف دموعي كانها ماي بس طيبته ماتخيلونها هذا الشي الوحيد الي غافر له كل ذنوبه بعدين انا بطبعي ما استغنى عن الرجال من ناحيه كل شي الاهتمام الروحات الجيات ما احب اروح مع السواق ولا احب اطلب من احد وللاسف عندي زوج خلاني اروح لبيت اهلي زعلانه وانا ماا ابي ازعل ابي بيتي وابي امه وابي ابوه احب اهله حيل صح ابي اجي لهلي بس ابي اجيهم زياره لاكن هو بخليني ارجع ارتب كل شي والله اكتب لكم وانا ابكي ضاييقه فيني الدنيا

    حاقرني بشكل غير طبيعي وطبعا بما ان هذي افعاله معاي انا صرت حاره واهاوشه كل مره اشوفه ابيه خلاص يتغير لاني مليت من عيشتي صدق صدق مليت واذا قلت تهاوشت انا وياه قال (( خلاص كلامك كله حافظه وش تبيني اسوي ؟؟ )) اذا قال كذا شي واحد يجي في بالي كلوركس ليه ماروح اشرب لي علبه وريح نفسي لاني انا اهاوش وحارقه دمي وهو مستحيل يتغير

    طبعا رحت لبيت اهلي ولا قدرت افارقه وكلمته كم مره تدرون شسوى على انه يحلف لي انه يحبني ويبيني وطبعا بعد كلامه اسكر التلفون احلف اني غلطانه الي كلمته وانا عارفه اني غلطانه

    الي سواه
    1_ ماتغير
    2_ ((ادق عليه يقول)) لاحظو انا مب هو يقولي انا اهتم فيك مستحيل اطلقك انا احبك وروح وانام ولا حاول ولا مره يكلمني واذا دق علي كلمني مكالمه وحده ولا رديت طبعا مره في الاسبوع هالمكالمه خلاص مايدق حتى اخر الليل مايدق لازم انا الي ادق مره ثانيه لدرجه اني اشك رقمي مب عنده
    3_ علمني انه مستغني عني بكل الجهات على قولته الي يخلي لي امي والخدامه
    4 يقول اذا جا بعد سبوعين برجعهك نفسي ادري يوم قالي هالكلمه وش كان معتبرني زوجته ولا بنت شارع يحدد موعد يرجعني وهو الغلطان وهو معترف بغلطته طبعا انا افطر جديا اذا جا بعد سبوعين اطرده من البيت لان مهب انا الي يحذفني حذفه حيوان انا اشوف قدري اكبر من كذا خاصه اذا انا كاسبه اهله وانتم تعرفون اهل الزواج دايما بينهم وبين الزوجه مشاكل


    الحين ابي مساعدتكم انا استخرت واحس اني راح ارتاح لو ادعس على قلبي شوي الين ارجع وقوم مره ثانيه بس مب معاه يعني اخليه وريح نفسي ادخل بنادي وكمل دراستي واتركه يروح يقعد مع الي بيقعد معاهم خلال الاسبوعين


    اسفه اني طولت عليكم F:

  2. #2
    عروس مشرقة الصورة الرمزية مويا
    تاريخ التسجيل
    12/01/2008
    الدولة
    السعوديه
    المشاركات
    380

    رد: بنات ابيكم تساعدوني في مشكلتي الي مستحيل يكون لها حل

    طبعا نسيت لا اذكر من الاشياء المهمه عندي الهدايا

    (( تهادو تحابو ))


    مايهدي لي الا بعد هواش ههههههه واذا اهداء لي يجيب العيد يعني شي عندي مسبقا ما ادري هو مايدري او يستعبط يبيني اكره الهديه
    طبعا اخر هديتين جاتني حلوه من امه دبله وشنطه وكلها كنت محتاجه لها لانها مب عندي
    هو اخر هديتين سلسال مايتسكر على رقبتي حق اطفال و دبله يعني نفس هديه امه وهو يدري ان امه اهدت لي

    ويوم طلعت هذي اكبر مصيبه صارت لي في حياتي ومستحيل انسى منها الا يومكم ذا ما سوا لي مناسبه لتطلوعي بولي يعني انا تعبت نفسي رحت لصالون وحجزت الفندق وهو عنده عشا ورفض الفندق وطبعا عصبت وسويت مشكله وهو ما همه طبعا تخيلو انا الي احسب له مب هو هههههههه مب يقهر

    ولا جاب لي هديه طبعا الي يسمعه يقول كل يوم اطلع

  3. #3
    مشرفة سابقة الصورة الرمزية مغتربة سدني
    تاريخ التسجيل
    27/06/2008
    الدولة
    في ارض الله الواسعة..
    المشاركات
    14,779

    رد: بنات ابيكم تساعدوني في مشكلتي الي مستحيل يكون لها حل

    الله يفرج همك

  4. #4
    عروس رائعة الصورة الرمزية قهوه ساده
    تاريخ التسجيل
    20/01/2011
    الدولة
    البحرين
    المشاركات
    1,275

    رد: بنات ابيكم تساعدوني في مشكلتي الي مستحيل يكون لها حل

    الله يفرج همك انتي جربتي كل طرق ومافاد الحل الوحيد
    تعاملينه نفسسسسسسسسسس شي اعتبريه وﻻشي وديري بالك ع نفسك وعيشي لنفسك واهو حقريه عامليه برود وجفا عطيه حقوقه ﻻاكثر وﻻ اقل وﻻدقين تقطين نفسك عليه وهو بيشوف شي مختلف منك وبيجيك هو من نفسه وبتشوفين

  5. #5
    عروس فضية
    تاريخ التسجيل
    25/07/2012
    الدولة
    في لا مكان
    المشاركات
    2,321

    رد: بنات ابيكم تساعدوني في مشكلتي الي مستحيل يكون لها حل

    نصيحتي نفس قهوة ساده

    اعطيه حقه يعني من الفراش و الأكل و ترتيب البيت و عادي إبتسمي في وجوده و خلي مزاجك عالي و جوك جميل مثل الورده عطرها فائح لا تسأليه شئ عن حياته هو حر لو تكلم عادي لو لا لا

    خلي كلامك معاه مثل الاحديث البسيطه المسليه أو لا تتكلامي مره وحده

    إهتمي بنفسك عبئي الفراغ العاطفي يلي إنتي فيه تعالي على النت و تعلمي من المنتداء و إعملي صدقات و خلي علاقتك بزوجك مثلها مثل العديد من العلاقات في حياتك يعني مثل امك و أبوك و اهلك و أهل زوجك و صديقاتك يعني هو جزء بس من حياتك و ليس حياتك كلها

    يعني زوجك يلي يسوي فيه ليس غلط و لكن طبع لديه خصله صعب تغيرها لذلك حاولي تتعايشي معها بسلام

    إنتي عاطفيه و رومنسيه خلاص إستمري على عاطفتك و لكن لا تتوقعي زوجك يقابلك بالمثل زوجك بارد العواطف فقط هو يحبك لكن لا يظن إنه محتاج يظهر عواطفه فأنتي تحبيه و تموتي عليه و هو يحبك و إنتهى خلاص لماذا كل هذي الدرامه (طبعا هذا رأئي زوجك)

    خودي هذا الموضوع عله يساعدك قليلا على فهم شخصية زوجك

    http://forums.3roos.com/3roos692225/

  6. #6
    عروس ركني قضايا وحلول وقضايا دينية وركن الشؤون الأسرية والإجتماعية الصورة الرمزية لارسا بغداد
    تاريخ التسجيل
    15/10/2011
    الدولة
    العراق
    المشاركات
    7,298

    رد: بنات ابيكم تساعدوني في مشكلتي الي مستحيل يكون لها حل

    اقتباس المشاركة الأصلية كتبت بواسطة مويا مشاهدة المشاركة
    االسلام صبايا لكم وحشه

    انا طبعا كل مره اتضايق اجيكم ركض :sick:
    اليوم جيتكم لاني متضايقه حيل من زوجي وانا اقول لكم الحين مشكلتي هذي سويت لها كل الحلول ولا فاد ولا حل بس كلمتكم الحين ابي مساعدتكم

    الحين انا ببيت اهلي زعلانه من زوجي

    بس راح اعلمكم بمشكلتي الي صار لها سنه

    وراح اعلمكم بطبعي ومن اطباعي راح اعلمكم بمشاكلي حبه حبه

    انا متزوجه من واحد باب بيته مكسور يعني صاحب دوانيه 24 ساعه مليانه انا ما اعارض على هالشي بالعكس افتخر على ان ما الي اي شي من الدوانيه غير المشاكل وربعه الي تعال شف الجوال شف الحريم فيه برنامج جديد روعه حق مغازله يعني معد فيه رجال للاسف الزمن هذا بس ان شاء الله ان رجالي محافظ على نفسه ..

    انا قضيتي الاولى في الحياه الحب والاهتمام هذا اهم شي عندي بالدنيا وللاسف زوجي مب كذا على اني اعامله بنفس المعامله مثلا هو تعبان مستحيل يجيني النوم الا ومسويته كل شي مرخته بزيت الزيتون مسويه له زنجبيل ليمون كل شي اقدر عليه ومنهم الساعه 4 الفجر يوم تعب علي كلمت تكسي ابي اوديه للمستشفى ويوم صار التكسي عند الباب هدى عليه الوجع ونام وانا كنت حامل وكنسلت الطلعه وطبعا بما انه هو عكسي اذا انا تعبت مستحيل يقوم يسوي لي شي او يوديني المستشفى مستتتتتتحييييييل الا بعد بكي ومنها الدليل يوم كنت حامل كان مهمل فيني درجه اولى ويوم تعبت بنت اخته قال المسكينه تعبانه معها وحام :-o هنا كانه صافقني كف يعني انت عندك احساس وعندك مشاعر ولا تجيني اقل حاجه تقول بسم الله عليك اقل شي

    ثاني شي يروح للدوانيه يقعد فيها الويكند يجي 3 الفجر مب ويكند يجي 12 الليل لا تقولون فراش ومافراش لاني مهتمه فيه حيل وحتى وانا حامل وهو مايطالع فيني على بالكم يجي يسالني اخبارك ؟؟ او بتعشى وياك او بتغدا !! او تبينا نطلع لا مستحيل لازم برضوه ابكي الين اقول بس مب بكي يوم ولا يومين تقريبا ثلاث ايام او اربعه علشان يطلع معاي طلعه اول طلعتين في الشهر ويحسبها على طول الشهر الين يجي المعاش الجاي

    ثالث شي اذا راح مكان سافر او انا سافرت او رحت لهلي مايرفع على السماعه ابدا على ان عياله معاي ولا يسال عنهم لازم انا الي ارفع السماعه وانا الي ادق عليه وقوله تكفى تطمن علينا تكفى اهتم فينا انا ما ابي اخسرك انا مشكلتي اني احبها ولا والله العظيم كان خليته طبعا هو فيه اشيا حلوه مثل ان قلبه طيب حيل بس مايحزن ابدا مني يعني يشوف دموعي كانها ماي بس طيبته ماتخيلونها هذا الشي الوحيد الي غافر له كل ذنوبه بعدين انا بطبعي ما استغنى عن الرجال من ناحيه كل شي الاهتمام الروحات الجيات ما احب اروح مع السواق ولا احب اطلب من احد وللاسف عندي زوج خلاني اروح لبيت اهلي زعلانه وانا ماا ابي ازعل ابي بيتي وابي امه وابي ابوه احب اهله حيل صح ابي اجي لهلي بس ابي اجيهم زياره لاكن هو بخليني ارجع ارتب كل شي والله اكتب لكم وانا ابكي ضاييقه فيني الدنيا

    حاقرني بشكل غير طبيعي وطبعا بما ان هذي افعاله معاي انا صرت حاره واهاوشه كل مره اشوفه ابيه خلاص يتغير لاني مليت من عيشتي صدق صدق مليت واذا قلت تهاوشت انا وياه قال (( خلاص كلامك كله حافظه وش تبيني اسوي ؟؟ )) اذا قال كذا شي واحد يجي في بالي كلوركس ليه ماروح اشرب لي علبه وريح نفسي لاني انا اهاوش وحارقه دمي وهو مستحيل يتغير

    طبعا رحت لبيت اهلي ولا قدرت افارقه وكلمته كم مره تدرون شسوى على انه يحلف لي انه يحبني ويبيني وطبعا بعد كلامه اسكر التلفون احلف اني غلطانه الي كلمته وانا عارفه اني غلطانه

    الي سواه
    1_ ماتغير
    2_ ((ادق عليه يقول)) لاحظو انا مب هو يقولي انا اهتم فيك مستحيل اطلقك انا احبك وروح وانام ولا حاول ولا مره يكلمني واذا دق علي كلمني مكالمه وحده ولا رديت طبعا مره في الاسبوع هالمكالمه خلاص مايدق حتى اخر الليل مايدق لازم انا الي ادق مره ثانيه لدرجه اني اشك رقمي مب عنده
    3_ علمني انه مستغني عني بكل الجهات على قولته الي يخلي لي امي والخدامه
    4 يقول اذا جا بعد سبوعين برجعهك نفسي ادري يوم قالي هالكلمه وش كان معتبرني زوجته ولا بنت شارع يحدد موعد يرجعني وهو الغلطان وهو معترف بغلطته طبعا انا افطر جديا اذا جا بعد سبوعين اطرده من البيت لان مهب انا الي يحذفني حذفه حيوان انا اشوف قدري اكبر من كذا خاصه اذا انا كاسبه اهله وانتم تعرفون اهل الزواج دايما بينهم وبين الزوجه مشاكل


    الحين ابي مساعدتكم انا استخرت واحس اني راح ارتاح لو ادعس على قلبي شوي الين ارجع وقوم مره ثانيه بس مب معاه يعني اخليه وريح نفسي ادخل بنادي وكمل دراستي واتركه يروح يقعد مع الي بيقعد معاهم خلال الاسبوعين


    اسفه اني طولت عليكم F:
    السلام عليكم ورحمة الله وبركاته
    مرحبا عزيزتي حل مشكلتك سهل بأذن الله
    لكن الاهم ارجعي لبيتك حتى لو دخلتي بنادي واكملتي دراستك
    زوجك يحتاج تدليل على مدار الساعة وان تدلليه وانتي سعيدة فرحة بذلك وليس ان تحسبي له كل موقف انه فضل وعليه ان يرده لكي
    هكذا هي طبيعته وتكيفي معها لتكوني سعيدة
    انظري مميزات ماتحصلين عليه لو تعاملتي معه بطبعه
    1.حياة مستقرة بلازعل ولامشاكل
    2.رضا زوجك عنك وبالتالي رضاالله عنك لأن الرسول عليه الصلاة والسلام يقول (من ماتت وزوجها راضي عنها دخلت الجنة)
    اذن الحل بيدك من اليوم قرري ان تغمريه بحبك وحنانك ولاتهتمين ان شكر او نكر المهم تعلمين ان هذا يصب بمصلحتك ومصلحة زواجك وحياتك
    اي تصرف تعمليه اسمعي زوجك انه يصب لغاية اسعاده حتى لو الغاية اسعاد نفسك
    مثال .تذهبين للكوافيرة لتغيير لون شعرك
    غايتك تحسين حالتك النفسية نتيجة تغير مظهرك نحو الافضل
    الغاية التي تقولينها لزوجك لأكون جميلة بعينك
    لاتبكي ولاتحزني وبنفس الوقت كوني اتكالية عليه بالامور التي يتوجب على الرجال عملها
    اي انك لو عودتيه انك تحملين اغراض ثقيلة وبدونه وبوجوده قادرة على عمل كل شيء فستشعريه انه لاضرورة من وجوده بالتالي سينتظر اي نداء استغاثة من اي شخص حتى لو كان لايعنيه ليقوم بمساعدته ليشعر بقيمته
    لكن لو مثلتي عليه انك لاتدبرين امورك بدونه وانه سندك وانك لاتستغنين عنه سيعينك ويساعدك وسيقف لجانبك حتى لو اخذ الموضوع وقتا
    المهم لاتنسي اشراكه بمسؤلياته بالبيت بطريقة لبقة بالمقابل دورك ليس قليل فدورك ملأ اذانه بعبارات الحب والاهتمام والاهتمام الحقيقي بكل شيء يخصه
    مشاعر الغضب السخط الانفجار ابحثي عن مصدر للتخلص منها لكن ليست المصارحة اسلوب ينفع مع زوجك
    اذن الذكاء وانتقاء الاسماء لكل تصرف هو بديل للمصارحة مع زوجك لأنه لن يتقبل الصراحة ولن يفهمها بل سيعتبرك ناكرة لحبه وانجازاته
    مثلا تريدين ان ترجعي لبيتك فكري بشيء لو قلتيه له يأتيك طيران ويترك كل شيء بيده ليردك لبيتك
    لاتقولي له بصراحة تعال خذني انااشتقت لك
    ولكن تذكري ماهي الامور المؤثرة به ليأتي ويرجعك لبيتك دون ان تخبريه صراحة واعمليها
    مثلا قولي له جنبي الايمن يؤلمني وانا اعاني ولااقدر ان اسير من الالم الحقني ولو اتصل بك للأطمئنان او التأكدصوتك يظهر انك تتألمين
    المهم لالصراحة نعم للدهاء
    بعدها ان اخذك للمستشفى اتفقي مع الممرضة ان تخبره ان الحزن ممكن يسبب الام شديدة تشابه الام التهاب الزائدة وانك الان بصحة جيدة
    فهميه بالنهاية ان حبك له ازداد لأنه انقذك
    يعني استخدمي معه نفس اسلوبه
    وباقي كلامه مثل الله يخلي لي امي والخدامة اعتبريه كلام استفزازي لايعنيه
    وانتي ايضا لاتقيمي وزن لكل كلمة يقولها
    المهم عرفتي شخصيته وتعاملي معه على اساس شخصيته لاطباعك التي ولدتي بها
    سلامي لكي
    اختك لارسا بغداد

  7. #7
    مشرفة سابقة الصورة الرمزية همس الانوثة
    تاريخ التسجيل
    14/08/2012
    الدولة
    لا تقل من اين ابدا..... طاعة الله بداية لا تقل اين طريقى .....شرع الله الهداية لا تقل اين نعيمى .....جنة الله كفايه لاتقل غدا سأبدأ .....ربما تأتى النهاية
    المشاركات
    615

    رد: بنات ابيكم تساعدوني في مشكلتي الي مستحيل يكون لها حل

    انا مع أختي لارسا في كل كلمة قتلتها


    موفقة عزيزتي الله يهدي زوجك ويسخره لك

  8. #8
    عروس فضية الصورة الرمزية التفاحة الجناوية
    تاريخ التسجيل
    13/07/2011
    الدولة
    البحرين
    المشاركات
    2,179

    رد: بنات ابيكم تساعدوني في مشكلتي الي مستحيل يكون لها حل

    اختي الحبيبة ,, الرجال تفكيرهم وشخصيتهم مختلفه عنا تمااااما صدقيني انا كنت بعد مثلك ليش وليش وليش واقعد افكر وصرت عصبية لكن بعدها عرفت وفهمت من اللي شفته حوالي !! فحتى اللي مرتاحة آخر راحة مع زوجها لابد بيوم بتقول ها عديم احساس ها مايسوي جي وبتعصب ولكن ما ان تفهمين انه مو كلشي يجي بالهواش والعصبية وبعض الاحيان تحتاجين لبروود قارة انتارتيكا لحتى توصلين للأمر اللي تبغينه بزوجك ...

    الحين عليك ,, اذا جاب هدية أهلا وسهلا ماجااب خلص طنش تعش تنتعش ماعليه خاطرك بهديه خليه يجيبها بطريقه حلوة وذكية منك مثلا (( اهديه انتي اول واكتبي له رساله بداخلها تتضمن انك شريتي هالهدية لعيونه وانتي منتظره هديتك منه )) أو قولي له بصريح العبارة وبكل دلع فلان خاطري البس او أشوف شي علي من ذوقك عشان كل مالبسه اتذكرك ...

    بالنسبة للطلعات ,, جربي طريقه انك تطلعين مع غيره ( يعني احد من اهلك او اهله )! ممكن انه يغار ويحس بانك تغيرتي عليه وانك ماعدتي محتاجة له بالتالي بتشوفين رده فعل عكسيه ... ,,

    بالنسبة لسالفه الاسبوعين ,, فكري بهالامر بشكل ايجابي منها انتي ترتاحي نفسيا ومنها هو بعد يرتاح نفسيا ويتجدد الحب بينكم شووي .. فحاولي تقللي اتصالات فيه وخليه هو اللي يتصل ولا تطرديه اذا جاا وقابلك وخلي نفسك ريلاكس ولاتذكري سالفة مشاكلكم وكأنه قعدتك ببيت اهلك جازت لك وارتحتي ,, طبعا اقعدي عادي وكلميه عادي واذا حب ترجعون كان بها واذا لاا اذن خليه براحته وانتي براحتك وبتشوفين انه لما انتي تطنشين راح يصر هو ع رجعتك ...

    نصيحتي لك ,, لا تجبري زوجك ع حبك او تلبيه طلباتك المعنوية قبل المادية لانه بعدين بيتحول من انسان لجماد يعني راح تكون حياته مجرد روتين متكرر حتى بكلمة أحبك ومايحس فيها ....

    ادري انك انسانة ومثل مايقولون العلماء ( الانثى كالشمس كتلة مشتعلة بالمشاعر ) ولكن بعض الاحيان عليك بالتطنيش ع بعض الصفات او الحركات اللي تصدر من الزوج لحتى تقدرين توازنين حياتك وانتي نفسيتك ماتتعب وبالعكس توجهين كل هذا الى امور اخرى ومثل ماقلتي الدراسة او او او ... وهو صدقيني من يشوفك خفيتي من العصبية تجاهه او مثل مانقول التحلطم ( طبعنا احنا النساء خخخخخ ) بتشوفينه منه ومن نفسه ياخذ من طبايعك الجديدة ...

    وربي يوفقكم ويخليكم ولايفرقكم ان شاء الله ويبعد عنكم كل سوء ويحمي لكم اولادكم ياارب ....

  9. #9
    عروس ركن الديكور وركن الشؤون الأسرية والإجتماعية الصورة الرمزية MISS MAREA
    تاريخ التسجيل
    10/08/2012
    الدولة
    السعوديه
    المشاركات
    2,644

    رد: بنات ابيكم تساعدوني في مشكلتي الي مستحيل يكون لها حل

    الله يكون بعونك

  10. #10
    عروس مشرقة الصورة الرمزية مويا
    تاريخ التسجيل
    12/01/2008
    الدولة
    السعوديه
    المشاركات
    380

    رد: بنات ابيكم تساعدوني في مشكلتي الي مستحيل يكون لها حل

    بنات انا قريت كل نصايحكم واشكركم يابعد قلبي والله انا صار لي عند اهلي الا الحين فوق الاسبوعبن المحادثه كتبتهت قبل ١٢ يوم باقي ٥ايام ويجي مارفعت عليه سماعه ولا رديت على مكالماته اقرا رسايله وبين لي انه فقدني بس انا تعودت على القعده بدونه ووحده من العضوات قالت لا تبينين له ماراح ابين له بس انا بالفعل ارتحت في بيت اهلي اقل شي احد يطل علي يقول اخبارج انا عنده مهمله لابعد حد الي راح اسويه اذا جا ماراح اطلع له ولا راح اكلمه راح استمر اجلس عند اهلي الين هو يعرف اولوياته ويعرف اني انا ماني امزح لان هو متوقعر٨٠٪ اني برجع معاه اذا جا انا ابيه ياخذ كلامي محمل الجد ١٠٠ في الميه ابي يهتم لمشاعري اذا عصبت دايما اذا عصبت يقعد يضحك علي انا ادري مب استهزاء بس ليه يخليني اغلط عليه لانه يضحك علي هذا كل الي عندي الحين وبرجع اقوبكم اخباري

  11. #11
    عروس مبدعة الصورة الرمزية عُمـانية وأفتخر
    تاريخ التسجيل
    24/02/2008
    الدولة
    مدينة الحنان
    المشاركات
    512

    رد: بنات ابيكم تساعدوني في مشكلتي الي مستحيل يكون لها حل

    الله يفرج عليكي حبيبتي ويصفي القلوب وترجعون حبايب والله يهديه ويبعد عنه أصحاب السوء

  12. #12
    عروس ذهبية الصورة الرمزية الطفله المسلمه
    تاريخ التسجيل
    07/10/2012
    الدولة
    فى دارى
    المشاركات
    2,549

    رد: بنات ابيكم تساعدوني في مشكلتي الي مستحيل يكون لها حل

    الله يفرج همج

  13. #13
    عروس ركن قضايا و حلول الصورة الرمزية umjana79
    تاريخ التسجيل
    23/07/2005
    الدولة
    البحرين
    المشاركات
    3,477

    رد: بنات ابيكم تساعدوني في مشكلتي الي مستحيل يكون لها حل

    يمكن يكون كلامي عكس البقيه .. انا أؤيدك بالشغله هذي.... في زمن الصحابه رضوان الله عليهم خلعت احدى الصحابيات زوجها بسبب اهماله لها واهتمامه بالدين والغزوات....

    والي يقولك اهتمي بزياده .. والي يقولك لا تقصرين.. يمكن فعلا الي محتاجه زوجك هو شويه تقصير واهمال منك ... هو متوقع منك انك 24 ساعه تهتمين فيه بالمقابل ان هو يعيش حياته عزوبي.....

    انتي منتي امه الثانيه .. انتي زوجه وعليه واجبات وحقوق .. .( لو كان بالمجامله) المرأه لا ترخص نفسها وتذل روحها في سبيل ( البقاء ) تحت رحمه اسم متزوجه .. وهي تكون خادمه ومربيه وممرضه وعاشقه .. وام ... وبالنهايه .. الزوج يفترض ان تحمد ربها انو زوجها !!! وضافها ببيت ...

    هي جات من عيله مصانه مكرمه .. يعاملها بما يريضي رب العالمين ... وكل يوم يمر عليه والزوجه غاضبه عليه... فله مثل ما عليها .. عندما تمتنع الزوجه عن زوجها...

    لهذا اختي اعتقد عليكي ان تُخبري اهلك بالموضوع ,, واذا تكرم الزوج وشرف البيت ... خلي اهلك يكلمونه ويحطون النقاط على الحروف معاه عشان يعرف ان الله حق .. وضروري يكون و احد متعمق بالدين عشان يعرفه حقوقه .. والسهر الي هو يسهره تراه غلط .. اقلها مره بالاسبوع .. مو العكس ..

    انا معاك بالتسوينه... ولو فرضنا انك رجعتي البيت لا ترجعي لاهتمامك المعتاد .. اختبري .. أهتمامه بالاول ,, وتدرجي بالعودي سوي الشغلات الاساسيه.. الطبخ والتنظيف والغسل ... لا تزيدي ولا تنقصي...لازم يبادر .. ويحس ...والله يكون بعونك حبيبتي حاسه فيك

    ام جنى

المواضيع المتشابهه

  1. بنات ابيكم تساعدوني
    بواسطة فلونة المزيونة في المنتدى إستفسارات و تجمعات السمنة و النحافة
    مشاركات: 3
    آخر مشاركة: 26/12/2011, 12:27 AM
  2. ابيكم بنات تساعدوني ...
    بواسطة الغلا55 في المنتدى قضايا وحلول
    مشاركات: 11
    آخر مشاركة: 26/01/2008, 07:21 AM
  3. بنات عروس ابيكم تساعدوني
    بواسطة nore في المنتدى استفسارات الديكور
    مشاركات: 5
    آخر مشاركة: 01/12/2007, 08:11 PM
  4. بنات ابيكم تساعدوني
    بواسطة أم شمايل في المنتدى ركن المكياج
    مشاركات: 6
    آخر مشاركة: 07/05/2003, 06:26 AM
  5. بنات ابيكم تساعدوني بلييييز
    بواسطة أم شمايل في المنتدى ركن المكياج
    مشاركات: 8
    آخر مشاركة: 11/04/2003, 06:33 AM