مرحبا صبايا
طولت عليكم الغيبه بس اعذروني
حبيت اراويكم بالشرح المصور طرق تنظيف فرش المكياج كلهم
طبعا شي طريقتين
طريقه سريعة وتنفع لفرش العيون و عموما البرش الصغار لي نستخدمهم للشادو .... الخ
ممكن ننظفهم ب رش او محلول تنظيف الفرش
التنظيف العميق للفرش الكبار واللي نستخدمهم حق الفاونديشن والبلشر والكونسيلر والمنتجات الكريمية
هذي طريقتي اول شي أرش زيت زيتون على محارم وتحرك الفرشاة بتلاحظون الفاونديشن ينزل على المحارم بسرعة و نكررها عالفرش الكبار كلهم ونخليهم لان بنستخدم الشامبو او اي شاور جل صابون سائل و ننظفهم
-----
أكمل الحين بعد ما نظفت كل الفرش بزيت الزيتون يا وقت الغسيل بالشامبو .. مثل ما قلت اي شامبو او شاور جل او صابون سائل
نغسلهم عدل و نرتب الشعر شوي و نصفهم على فوطة و الأفضل تجسفون جزء من الفوطة عشان تكون مرتفعا من ناحيه هالطريقة تساعد ان الماي لي فالفرش ينزل على طول و ما يتركز داخل الفرشاه ويخربها
----
اسرع وأسهل طريقة لتنظيف فرش الشادو
استخدم منظف فرش والأفضل عندي منظف ماك
نحط شوي منه عالمحارم ونحرك الفرشاه على طول تنظف .. نرتب الشعر و نخليها تجف تأخذ اقل من ساعه وتنظف
-----
طريقة تنظيف البيوتي بلندر
في لها سائل للتنظيف و صابونه
اول شي نغسلها بالماي بعدين نضغط بالاسفنجة عالعلبة و نحرك البيوتي بلندر لين ما تتكون عندنا رغوة و نغسلها بالماي يوم تنظف .. نعصرها و نخليها تجف
ونفس الشي الصابونه نبلل البيوتي بلندر بالماي .. نحركها نضغط و نمسح البيوتي بلندر عالصابونه .. نحركها لين ما تتكون لنا رغوة و نغسلها بالماي يوم تنظف .. نعصرها و نخليها تجف
تأخذ يوم لين ما تجف كليا
ترقبوا موضوعي المفصل عن البيوتي بلندر......