ابيكم شوي ياعرايس..ماعندي خبره باأدوات التجميل

[يااااسمينه]

يسعـــــــــــد مساكم يااحلى العرايسF:

كيفـــــــــكم؟إن شاء الله تكونوا بخير..
يابنات احترت كثير بموضوعي وقلت مافيه غير اخواتي بمنتدى عروس يساعدوني ويرشدوني وش اخذ من الميك اب وادواته كلها.
انا دائما مااكتفي بلوكي مسكرا. وعدسات وواقي شمس وروج
اما في المناسبات الكبيره الله يخلي لي الكوافيرات..مايقصرون;)
بس الحين انا متملكه وزواجي قريب إن شاء الله..والوضع تغير لازم اكون على علم بكل ادوات الميك اب..منها اتزين لزوجي ومنها اكيد بطلع زيارات
المشكله انا اكبر خواتي وبصراحه ماعندي خلفيه بالميك اب وماركاته الحلوه
ابيكم تساعدوني يابنات وش اخذ منه وش اخلي وايش الضروري فيه؟
لان كلها فتره وبجهز لزواجي إن شاء الله...
ابي اعرف وش احسن ماركه بالمكياج وشهو الميك اب اللي يصلح للاستخدام اليومي يعني احطه عند زوجي من اساس وبودره ويكون ناعم وخفيف
وشهو الميك اب الثقيل اللي يصلح للمناسبات..وش احسن كحل جاف ومايسيح بالعين يعني يكون ثابت وفاحم لان دائما مايتعبني الكحل انه يخرب علي الدنيا ويعفسني معه..وش احسن كحل سايل ومن وين اخذ ماركه الارواج اللي تكون الوانها حلوه وثابته والبلاشر والاضاءه وش اخذ لون واللمعه ومخفي العيوب
وقلم الحواجب واقلام الكحل الملونه..القائمه طويله لو بقعد اعدد فيها بس وربي يابنات مااعرف فيها شي..كله بس اسمع فيها
وبرايكم يابنات وشهي احسن نوعيه للعدسات الملونه..
الله يوفقكم ويسعدكم ويرضا عليكم دنيا واخره..بنتظار مساعدتكم يالغوالي وابشرن بدعـــــــــــواتي الصادقه لكم..

[شقاوية-123]

هلا حبيبتي اتمنى اني افيدج بالنسبة للمكياج اليومي اما مكياج الطلعات ف ماعندي خبرة كثيرة فيها...بنجي اول شي
للبودرة انا استخدم بودرة ماك حلوة وتبين انها طبيعية او ماكس فاكتور الذهبية بعد حلوة
اما بالنسبة للكحل فاانصحج بماركة بريستيج روعه وحلوة وخاصة الكحل الازرق اما بالنسبة للكحل الاي لاينر فعندج ميبلين روعه
بالنسبة للبلاشر في عندج ماركات وايد والوان كثيرة اختاري يلي تحبينه وانا استخدم ماركة xyn الاورانج حلو وبيبن طبيعي وحتى اللون الزهري حلو
اما بالنسبة للماسكرا انا استخدم ماسكرة نيفيا الوردة رهيبة وتطول الرموش او مسكره ماكس فاكتر بعد حلوة

اما الارواج والقلوسات ففي وايد ماركات مثل برستيج وريميل وماكس فاكتر وانصحج حبيبتي تدشين اليوتيوب تتعلمين اتحطين مكياج واذا عندج لغه دشي مواقع اجنبية يعلمونج كيف تحطين مكياج وجي واتمنى انج تستفيدين مني وبالتوفيق حبيبتي

[انفاسـﮱگ دخـﮱون]

اللي يناسب بشرتي ولونها ونوعيتها يمكن ما يناسبج عندج اليوتيوب تقدري تتعلمي منه حطي عليه واكتبي ميك اب صباحي وميك اب ثقيل والا مسائي الميك الصباحي يكون ناعم مره يادوب ترطيب لببشره ومسكرا وكحل رسمه كات ايز وقلوس بينك او مشمشي وتحطين تانتد كريم يعني كريم مرطب وفيه نسبه لون احلا شي بالصباح تكوني على طبيعتج وبعدين الويه مايبي له طول الوقت ميك اب صبح وظهر وعصر وليل راح تتذمر البشره وحلو زوجج يشوفج على طبيعتج من دون مييك اب طول الوقت
انتي مو موضحه بشرتج جافه والا دهنيه لانه كريم الاساس يختلف درجاته من بشره لبشره لازم تحددين بشرتج ولونها وانا بها الحاله انصحج تروحين محل الميك اب وتاخذي عينه منه وتحطين منه على يدج وتدمجينه تشوفين هل يناسب او لا لانه انا بشرتي وبشره غيري تختلف عنج مانقدر نقولج اي درجه تختارين
بخصوص الفاندويشن للصباحي اذا كانت بشرتج خاليه من العيوب ومافيها حبوب استخمي بيرجوا هيلثي يعطي لوك مخملي او من كلارينس وايد حلو
اما بخصوص المناسبات عندج جيرلان وماك وبوبي بروان
اقلام الكحل انا استخدم شيسيدو وفور ايفر وجيفنشي وديور
اما الكحل السلئل احب جيرلان ومايبيلين
والماسكرا هاييبنوس من لانكوم او جيفتشي او
البلاشرات عندج ماركات وايد وعندج بودي شوب خذي منه البلاشر البرونزي وريميل وبرجوا وماك وجيفنشي
الارواج ماك وايف سان لوران وريميل ونيفيا وريفلون وبرجوا

[Sweet N Sour]

اول شي تعرفي ايش نوع بشرتك ، عشان تاخذي المستحضر المناسب

- خذي اساس مناسب للون بشرتك و نوعها يكون للطلعات و المناسبات و جربيه بالمحل حتى تتاكدي من تغطيته
- اذا بشرتك بيها عيوب خذي كمان كونسيلر و كمان نفس لون بشرتك
- للبيت و الطلعات العادية خذي اساس مضغوط اللي هو على شكل بودرة من ماك او مايبيلين
كمان خذي كم روج بس لا تكثر لان كل كم و كم راح تطلعي السوق و تاخذي شي عجبك ، جربي ارواج ريميل و ماك
- طبعا اقلام كحل اسود و بني انصحك بعد في ريميل و ماسكارا و ماسكارا شفافة للبيت و الزيارات العائلية
- بلوشر وردي و مشمشي للخدود

و اكيد واقي الشمس و كريم مرطب و مزيل المكياج

[قمورة المدينة]

الف مبروك
تمنيت اني شفت الموضوع من بدري عشان ارد عليه واتمني اني افيدك لو بشئ بسيط
ويمكن الرد يكون مرة متاخر
الاساس فور ايفر hd او ماك او استي لودر انا اخذ البودرة نفس ماركة الاساس بس افتح من الاساس بدرجة وحدة فقط والاساس نفس لون البشرة
فيه نقاط مهمة في اختيار الاساس انه يناسب نوع البشرة يعني انا بشرتي دهنية مثلا اخذ اساس oil free (خالي من الدهون) انا بشرة جافة اخذ اساس فيه ترطيب وهكذا
النقطة الثانية نوع التغطية اللى انا ابغاها خفيفة او متوسطة او عالية
اختصار نقاط اختيار الاساس
درجة اللون ... نوع البشرة ... التغطية اللى احتاجها
المكياج الخفيف اذا بشرتك مافيها مشاكل او مشاكل بسيطة جيبي بي بي كريم او تنتند موسترايزر عبارة عن كريم مرطب ملون والبي بي كريم افضل
بعدين الارواج خذي الوان طبيعية لحمي وردي بدرجاتهم ماركات مثل ريميل وريفلون ومكياجي واذا تبغي حاجة سعرها اعلى منهم ارواج ماك
الارواج المطفية (matt) تكون ثابتة بس مافيها ترطيب او ترطيب لايذكر الارواج المطفية في كل الماركات اما الارواج الكريمية غالبا ثباتها قصير
الاي شدو (ظل العيون) ماك او فور ايفر وانا احس ان فور ايفراحسن خذي الوان طبيعية مثل البيج الخوخي البني الترابي الابيض انتي وذوقك مسكرا لانكوم ميبلين الصفراء ومن برا موف للاستعمال اليومي الحواجب جل لاينر من ميبلين واذا تبغي حاجة طبيعية بودرة الحواجب من بودي شوب بس الفرشاة اللى معاها في نفس العلبة سيئة خذي فرشاة حواجب خارجية كحل ملون برجوا او برستيج فرش مكياج ماك او بودي شوب او مكياجي الاضاءة كريم كلور بيس من ماك تنفع لاي مكان في الوجة (كريمية شوي) او اي اضاءة في ماك او فور ايفر ممكن شدو نايلون من ماك
البلاشر ماك بودي شوب وبورجوا ريميل مكياجي