.. طاااالبتكم - برنامج للعناية بالجسم ،

[عاشقة الــ]

السلام عليكم ورحمة الله وبركاته

كييييفكم خواتي .. عساكم بخير يارب

انا من اسبوع كذا شفت موضوع الاخت نسيبة الشمريه عن يوميات العناية بالبشره
وماشاء الله تبارك الرحمن .. شفت مشاركات العضوات وكل برنامج احلى واشمل من الثاني
بس انا ما عندي خبره ابدا بالعناية بالبشره او الشعر
وما اعرف وش اللي يناسبني ووش اللي راح يفيد بشرتي

عشان كذا طرحت الموضوع الحين
لان خصوصا الاخت نسيبة الشمريه وانفاسك دخون لهم مشاركات كثيره ويحبون يساعدون
ولا يهونون الباقيين
ابي منكم لو سمحتوا تحطون لي برنامج كامل اعتني بنفسي بس انا بكتب لكم وش ابي بالضبط

اول شي بشرح لكم طبيعة شعري وبشرتي .. وجهي دهني وحساااااااااس جدا جدا جدا يعني لو اشيل الشعر اللي فوق شفايفي ما اكذب عليكم يظل عادي ساعه كامله وهو احمررررر سواء شلته بالخيط او الشمع
اما شعري فهو دهني كثيييير بعد وكثير التساقط وصار له فتره طووويله ما قاعد يطول ومن فتره لاحظت عليه صاير خشن الملمس شوي

الاشياء اللي ابي اسويها :
1- تكبيييير الصدر
2- زياااااادة الوزن
3- عناية بالوجه - سواء ماسكات او كريمات او او او .. ترجع له نضارته
4- التخلص من الهالات السوداء تحت العين والانتفاخ - على فكره هالشي موجود فيني من زماااان بس اتمنى اقدر اخففه
5- تطويل الشعر خصوصا وابي يرجع له كثافته وحيويته لانه صاير باهت وتعبااان
6- التخلص من النقاط السوداء بالساق واليد - ولا تقولون تقشير ومدري ايش لاني سويت كل شي وحتى حمام مغربي سويت بس ماحسيت استفدت الا بنسبه بسيطه جدا .. وهذي النقاط حتى لو قشرتها ما احسها تروح مدري ليش !! صاير ملمس رجلي كريه حيييل ويضايقني حتى لو كنت توني شايلتها كأني ما شلت شي
7- التخلص من الخطوط البيضاء في الركبه وفي المؤخره -مكرم السامع- وهالخطوط واضحه حيل
8- لو كان موجود - تخفيف وتبطيء ظهور الشعر في الساقين واليدين والمنطقه الحساسه
9- تنعيم اليدين .. صايره خششششنه حيل وحتى لو ارطبها احسها بدون فايده كأني يد رجال

هذي الاشياء اللي ابي اشوف لها حل في الصيف
ادري كثيره وربي يعينكم علي
لكن مالي غيركم وانا مثل ما تعرفون ابد ما عندي خبره ولا شي
ودي منكم تعطوني برنامج امشي عليه يكون لو تأثير اتغير ولو 50% قبل رمضان
وباشياء طبيعيه وما تكون غاليه كثير عشان الميزانيه

الله يجزيييكم خير ولا يحرمكم الاجر يارب
الله يحقق لي ولكم ولهم كل اللي يتمنون يارب

بانتظاااركم

[عاشقة الــ]

خواتي انا ادري انو في مواضيع كثيره هنا تتعلق بالامور الي ابي اسويها
لكن هنا فيه خلطاااات كثييييره ومتنوعه وانا مادري وش يناسبني ومابي اسوي شي اندم عليه او يضرني

عشان كذا طلبت منكم ووضحت لكم طبيعة بشرتي وجسمي عشان انتوا تخبروني وش هو الافضل لي

اذا ما فيها ازعاج لكم

والاخت نسيبه الشمريه خبرتني قبل في احد مواضيعها اني اخبرها وش ابي وهي بتفيدني
وادري فيها ما راح تقصر وياي

[Sweet N Sour]

اول شي اختي ما يحتاج توجهي استفسارك ، كل الاخوات عندهم القدر الكافي اللي ممكن يفيدوك بيه .

نيجي لاستفسارك :

مشاكلك هذه حلها يبدأ من الداخل و تاكدي انه مهما سويتي خلطات من الخارج و استخدمي مستحضرات مهما كانت بالغة الجودة ما راح تعطي نتيجة اذا انتي مو صحية و سليمة و متغذية من الداخل .

اول شي تاكدي ان اكلك اليومي يحتوي على:

- اقل شي 8 كوب ماء
- فواكه او خضار طازجة
- تمر او عسل
- بروتين من بيض او حليب او سمك او لحم او غيره
- زبادي
- فيتامين كمكمل غذائي

اذا تاكدتي من هالنقطة تقدري تبداي بالعناية الخارجية

- تكبير الصدر مو بايدينا هذا مسؤولة عنه العضلات و الخلايا الداخلية المهم يضل مشدود و شكله حلو
- زيادة الوزن كمان مع التغذية المناسبة بيصير وزنك مناسب

- الوجه : تواظبي عالروتين اليومي من تنظيف مرتين باليوم صباح مساء و مرطب النهار و مرطب الليل ، عندك مستحضرات كويسة للتنظيف مثل نيتروجينا و كلين اند كلير ، و المرطبات مثل لوريال و نيفيا ، طبعا حسب نوع بشرتك

- اعملي ماسك منقي اسبوعي تلاقي من هماليا ماسك النيم او ماسك الطين ،،، و اعملي ماسك مغذي مرة بالاسبوع مثل ماسك الزبادي و الخميرة او الزبادي و النشا

- الهالات السودا مالك الا السوائل و البعد عن الارهاق و استخدمي مستحضرات محيط العين تخفف مثل نيفيا و لوريال و ذي بودي شوب بالفيتامين E و كمادات الشاي مرتين بالاسبوع

- الشعر بالذات مهما سويتي له ما راح ياثر اللي بتغذية من الداخل، واظبي عالتمر و الحليب و حبوب زيت كبد الحوت ، و من خارج خذي من نزيه امبولات منع التساقط نسيت اسمها لونها اخضر

- الحبوب و التصبغات ما تروح الا بالتقشير و الترطيب المستمر اذا ما نفع تروحي لطبيبة

- خطوط الجسم ، هذه تجربتي معاها على هالرابط
http://forums.3roos.com/3roos576226/


- اليدين داومي عالترطيب طوةال اليوم بالجليسوليد و مع الوقت بتحسينها اترطبت ، و كمان اعملي لها تقشير اسبوعي ملح و ليمون و زيت زيتون و ترطبي بعده على طول

[انفاسـﮱگ دخـﮱون]

حياج الله اختي وكلنا اخواتج اهنيه وان شاء الله ربي يقدرني وافيدج ولو بجزء بسيط مشاكلج اللي تعانين منها كلها لها حل باذن الله بس يبي لها استمرار واستعمالها بالطريقه الصحيحه قبل لا ابدي اقولج عن الكريمات او الماسكات ابيج تغيرين نظامج الغذائي كامل وابيج تستمرين عليها سر نظاره البشره وجمالها وحيويتها ورونقها يبدي من الداخل لازم تغذيه سليمه
اول شي
يوميا لازم تشربي 8 كاسات ماي واخلطي معاه ماي ورد وابتعدي عن القهوه والشاي والنسكافيه والغازيات واستبدليهم بعصائر طبيعيه وتكون فريش لا للمعلبه لانها تحتوي على مواد حافظه اشربي يوميا عصير برتقال البرتقال والليمون وعموما جميع الفواكه مفيده للبشره والشعر والجسم ونوعي بالعصائر مره عصير اناناس مع الزنجبيل او عصير الليمون بالنعناع او عصير كيوي بالنعناع وايضا ممكن تشربي شاي لكن بالاعشاب زي النعناع والقرفه واليانسون والبابونج والشاي الاخضر كلها هذا مفيده للبشره وتصفي الجسم من الداخل استمري عليها لمده شهر وشوفي كيف بشرتج تتغير
ايضا كل يوم على الريق اشربي كوب ماي دافي مع ملعقه عسل او عصير ليمون
نوعي بالغذاء اكلج لازم عالاقل 2 مرتين بالاسبوع تاكلين سمج السمج والماكولات البحريه وايد مفيد جدا
البيض والحليب ممكن تحلين الحليب بالعسل او مع قطع من التمر
اكل 7 تمرات يوميا
الخضروات والفواكه لازم كل يوم تاكلين سلطه ونوعي فيها حطي فيها الخس والملفوف الملون والجزر والخيار والطماط والجرجير وركزي على الخضروات الورقيه الخضراء مفيده لصحه الجسم والبشره ونوعيه غذائج هي اللي تبين في ويهج وجسمج فلازم تهتمي باكلج
ابتعدي عن الاكل المقلي واللي يحتوي على بهارات وايد والاكل السريع
واهم شي ابعدي عن الشبسات والمنبهات والمقليات والشكولاتات مهم جدا لانها تسد المسام
نجي للعنايه بوجهج
العنايه اليوميه
خذي لج مجموعه كامله تحتوي على غسول وتونر او حليب منظف وكريم النهار وكريم الليل وواقي الشمس وانا افضل تاخذين مجموعه طبيه عندج كلينك مجموعه الثري ستيب او كلينك او فيشي او بايوديرما تستخدمينها مرتين باليوم صبح والليل ولا طلعتي ضروري ضروي تحطين واقي شمس عندج بايوديرما فنان او فيشي
سوي لج شاي اخضر والماي يكون اللي تغلينه فيه الشاي ماي ورد وخليه يغلي ولما يبرد صفيه واضفي له كبسوله فيتامين موجوده بكل الصيدليات وحطيهم باللي يحطون فيه مكعبات الثلج وخليهم يجمدون وكل يوم خذي مكعب وحطيه في شاش ابيض اافضل ومرري على كامل ويهج
العنايه الاسبوعيه نفس العنايه اليوميه بس اضيفي له التقشير من مره الى مرتين بالاسبوع
عندج مقشر الشاي الاخضر من سانت ايفز او مقشر المشمش اغسلي ويهج بالغسول بماي فاتر حتى تتفح المسام وعقب وويهج رطبي خذي منه شوي على اصابعج وقشري ويهج بحركات دائريه لمده 5 دقائق وعقب غسليه بماي بارد وجففيه بالطبطه مو بقسوه لازم نعومه وبنفس الاسبوع اختاري لج اي يوم وسوي ماسك
عندج ماسك الزبادي
ملعقه كبيره زبادي مع ملعقه عسل وكبسوله فيتامين اي تحطينه على ويه مغسول بالغسول وتخلينه ينشف وعقب غسلي ويهج واستخدمي مكعب من مكعبات الشاي الاخضر وبعد 10 دقائق استخدمي الكريم المرطب
او ماسك التفاح
تفاحه مقشره ومبشوره
ملعقتين كبار زبادي
ملعقه عسل

العنايه الشهريه
سوي فيشل او حمام بخار انتي تقدري تسوينه بنفسج خطواته كالتالي غسلي ويهج بالغسول بعدين
سخني ماي بجدر وممكن تضيفين له نعناع وشرائح من الليمون او البابونج وعلى طول خذي فوطه نظيفه وغطي الجدر فيها وعرضي ويهج للبخار لين يحمر وتحسينه يعرق عقب جيبي المقشر وقشري ويهج وغسليه بماي فاتر لما تخلصين سوي اي ماسك من اللي كتبتهم لج وحطي على ويهج وعقب غسليه بماي بارد من الثلاجه حتى تتسكر المسام ورطبيه بالكريم
نجي للهالات السوداء لازم تعرفي ان لها عده اسباب السهر النوم المتقطع التغذيه الخاطئه والجفاف التعرض الدائم لااشعه الكمبيوتور وفقر الدم او تكون وراثيه اول خطوه الغذاء ثم الغذاء وشرب الماي يوميا
عمل كمادات شاي البابونج البارده او ماي الورد البارد ووضعها على العين والاسترخاء او شرائح خيار او شرائح بطاطس
استخدام الكريمات المرطبات عندج كريم كلينك وكريم ممتاز جدا من لويس ويذمر بس غالي شوي بس مفعوله حلو ويجي معاه ملعقه صغيرونه او ممكن تستخدم كريم الكولاجين من لوريال او زيت جنين القمح بمسحه خفيفه باستخدام اصبع الخنصر بطريقه الطبطبه
ماسك امن للبشره وهو كالتالي
ملعقه طعام من النشا
ملعقه طعام من ماي الورد
ملعقه طعام من الخميره الفوريه
ملعقه طعام من الحليب الفاتر
ربع ملعقه صغيره من زيت اللوز المر
ملعقه طعام من عصير الخيار تاخذين خياره وتحطينه بالعصاره ولا ترمين اللب
نخلط النشا وماي الورد ونضيف عليه الخميره ونخلط ونضيف الحليب ونخلط ونضيف زيت اللوز ونخلط واخرتها عصير الخيار
الحين تجيبي قطعه شاش وتقصينها مربع وتغمسينها في الماسك وتحطينه على عيونج وتسترخين وتركين مده 7 دقائق وعقب غسلي تحت عيونج باستخدام اسفنجه ناعمه مبلله بالماي يستخدم مرتين بالاسبوع
وايضا هذا الماسك لتنعيم المنطقه تحت العين
2 ملعقتين خيار مبشور بدون القشر
ملعقه كبيره حليب بودره
ملعقه صغيره عسل خلطيهم زين وحطينهم بالشاش على عينج وعقب شيلي نفس طريقه الماسك اللي قبله

نجي لطريقه حف الويه اعتقد الغلط بطريقه نزعج للشعر
قشري ويهج بالمقشر وعقب هاتي شريحه الشمع ودفيها وامسحي ويهج بطبقه خفيفه من النشا وشيلي الشعر بالعكس ولا تخلينه يطول وعقب عندج شرائح تجي بالكرتون امسحي ويهج فيهم وعلى طول غسلي ويهج بالغسول وبعدي ماي بارد وسوي ماسك النشا وماي الورد لين يجف وغسليه وعقب حطي كريم طبي اسمه بيبناثنين لمده 3 ايام على وجه نظيف او كريم كينا كومب

راح اكمل مع باقي الجدول بوقت لاحق تعبت ايدني من الكتابه السموحه منج بس انبهه مابي احد ينسب هالبرنامج لنفسه ماحلل ولا اسامحه وفيه وايد اشياء ماذكرتها لج لانه بعض الاشياء غاليه

[{Й حبَيبيـﮯْ «~♥]

حبييبتيْ ^^

فديتجّ كم مرهِـ ييتْ آكتبلج،واتعلق الصففحه

يارب ماتعلق الحين

لي عوده

[{Й حبَيبيـﮯْ «~♥]

وعليَجْ ـآلسلـِآمْ وـآلرحمَـهـِ

يسسَرجْ ـآلحأإلْ . .

منّ صُوبجْ ـآلغـآليهـِ

^ ^

. .

بسَمْ ـآلله ـآلرحمِنْ الرحيَمْ

والصلـِآةْ وـآلسلـِآمْ علـِ آشَرفْ ـآلمُرسلينْ سيَدنأإ محمَدْ وعلى آله وصحبَهْ ـآجمعيَنْ

يَ ربْ آنَيْ آفيدج حبيبتيْ ع ـآلأقلْ لو بنسبة 50%

. .

أُولْ شَيْ

تكبيَرْ ـآلصَدر:

تمـَآرينْ ـآلأختْ بنتْ عذأإريْ لشَدْ وتكبير ـآلصدرر

http://forums.3roos.com/3roos336789/

ثآنَيْ شَيْ :

زيآدةْ ـآلوزنْ <~ شٌوفَيْ حبيبتَيْ ولله آنصصحجّ مآتزيدينْ وزنجْ

انا بالنسبَهْ ليْ آجوف آحسنْ اني اكون ضعيفه ولآ دبه ومنتفخهْ

لآنْ تقدرين تسمنين بسرعهْ بس اذا سمنتيْ ماتقدرين تضعفين بسرعه

بس هذيْ رغبتَجْ ي قـلبيْ وانتي سُويْ الليْ يريحَجْ

^^

وآشَربيْ ـآلحلبهـِ آذآ تبينْ تزيدينْ وزنجّ

http://forums.3roos.com/3roos617443/

وآيـَضـِآ هذيْ تجربَةْ ـآلخت [ نونو مآلي آني ]

حبوب سبروفيتا [ لزيادة الوزن ]
. .

ـآلعنأإيهِـ بـآلويهـِ :

آولـِآ :المـِآسكآتْ (سُويْ 3 مرات فيْ ـآلأسبوع أو مرتينْ )


^^ شُوفي حبيبتَيْ

أولْ مـِآسكّ : قطعَيْ ـآلخيأإر شرآئحْ وخذَيْ ملعقتين حليبْ نيدو

وملعقتَينْ نشـآ الذره ومقدأإرْ مـآيْ ورد <~ وآخلطيهـِ بـآلخلآطْ

صبيهْ بطـآسهْ وييبيْ قطنْ وغمسَيْ ووزعيْ على ويهَجْ ورقبتَجْ

وخليهِـ فتَرهْ عشآن يآخذ مفعُولهْ بعدين غسليه بمآيْ دافي وعقبْ مايْ بأإرد

والبآقيْ صبَيهْ بـقألب ثلجْ واتريْ يستويْ مكعبآتْ ولفي المكعب بشآشْ آو كلينكسْ

ومرريهْ علَىْ ويهـَجْ . .

ِـآلخيأإرْ وآيدْ مفيَدْ حبيبتَيْ ويعطَيْ نظآرهْ ويخوز البقَعْ

ـآلحليييبْ غنَيْ عن التعرييفْ

والنشـِآ يفتحّ ويشدْ ومآيْ الورد يعطَيْ لمعه جلووهِ وينعشْ الويهِـ

. .

ـآلمـِآسكْ ـآلثأإنيْ:ملعقَةْ عسِلْ ملعقَةْ نشآ ملعقَةْ حليبْ نيدُو وبيآضْ بيضهْ وحده

ومـِآيْ وردْ آخلطييهْ ونفسْ ـآلطريقهـِ حبيبتَيْ

وآيضـَآً نفسْ المـٍآسكْ بسْ بدُونْ ـآلعسسلّ

تحطينهْ على ويهَجْ فديتجْ وتترييينهْ لينْ مآينشفْ

وتقشيرنهْ بحركاتْ دآئريةْ + تغسلينهْ بمايْ دافي يتبعه بأإرد

وجُوفيْ كيفَ ويهَجْ بينُورْ

. .

ـآلمـِآسكْ الثآلثْ :عصيَرْ برتقأله حآمضهْ + زبـِآديْ محمضْ يعنيْ قدَيمْ

<~ مآذكر اذا قالتْ تتجنبينْ منطقة العينينْ

<~ وهذآ من ـآلأختْ بنت عذآريْ الله يجزيها خير

وتقَدرينْ تخلطيِنْ بعدّ زبـٍآديْ + عسَلْ =تجنبْ منطقةْ آلعينينْ

خليهـِ لينْ مآينشَفْ آوكَيْ حياااتيْ


2/الجزر
يمكنك ايضااستعمال قناع مكون من نصف جزرة واحدة متوسطة الحجم مع ربع معلقة عسل
يعصر الجزر ويصفى ويضاف اليه العسل ثم يدهن الوجه بالخليط ويترك لمدة 10الى15 دقيقة <~ وهذآ منقُول

وبسْ حبيبتَيْ آذآ آذكَرتْ شَيْ برجعّ وبكتبِلجْ ّ

^^

وآنآ كتبتَلجْ مآسكاتْ جداً بسيطَهْ وسهله ونتآيجهأإ حلُوهِـ

. .

ـآلحينْ : ـآلوقأإيهِـ + ـآلعلـِآجْ . .

ـآستخَدمَيْ وأإقَيْ ـآلشمسْ حبيبتَيْ

آختَيْ تستخًدمْ هذآ وفيَ مثله +30


. .

حـآفظَيْ علَىْ بشرتَجْ حيأإتيْ وآبتعَديْ عنّ الزيُوتْ

لآنْ بشرتجْ دهنيهِـ <~

وأبتعَديْ آيضاً عنْ ـآلكلْ الخلطآتْ الليْ فيهأإ ليمونْ لأنه ممكنْ يسبْب تهيَجْ لبشرتجْ

وانتيْ تقولينْ بشرتَجْ حسـِآسهْ بعَد . .

آتسخدمَيْ غسُولْ آولآي المنعشْ الليْ ينآسبْ بشرتج ي عمري

^^

آعتقَدْ هذآ للدهنيَهْـِ


وغسليْ فيهِـ الصبَحْ وـآلمسـِآء . .

وكلْ مآتنشينْ ـآلصبحْ مرريْ قطعة ثلَجْ لفيها بكلنكس ومرريها علىْ ويهَجْ





ورشَيْ مآيْ وردّ علييهِـ . .

^^

وآستخدمَيْ مناديلْ بيبيْ جونسُونْ ـآلمنعيشهْ

فيْ آنواع للبشَرهِـ



ودآيمِـآ رطبَيْ بشرتجْ قبلْ ـآلميكبْ ب 10 دقأيقْ بأيْ كريم مرطبْ للويهْ

ومَرريْ قطعة ثلج عشـِآنْ تتسكر المسامات ومأيأثر الميكبْ على ويهَجْ

^^

وأتأكديْ آنجْ ازلتيهـِ ونظفتيهْ عدل

. .

وـآلحيَنْ بـآلنسبَهِـ للهآلآتْ السُودآءْ

للقضاء على الهالات السوداء والنتيجة من أول مرة بس إدعى لى

http://forums.3roos.com/3roos375597/

هـَذآ ـآلمُوضوعْ بيفيَدجّ حبيبتَيْ ^^

ومنْ تجربة ـآلأختْ sherrykittyـآلله يسهل عليها

وبـآلنسبَهِـ لليُمون أسأليها عنهِـ فديت قـلبجْ

آذآ تقدرين تحطينه لآن بشرتَجْ حسـِآسهِـ

وسُويْ كمآداتْ بعصيرْ الخيأإرْ حبيبتَيْ وحطيهنْ على عيُونجْ

وآستمَريْ لينْ مآيختفَيْ ـآلسُوآد ـآنْ شـِآء آلله . .

^^

حبيبتَيْ بخصًوص شعَرجْ وللهِـ أإخآفْ آقُولجْ سُويْ شيْ

بسْ نصيحَهْ لـآتستخدمينْ آيْ شيْ لآ بأستشآرةْ طبيبهْ أول

<~ آمَيْ كآنتْ تدُور شيْ لشعرها فيْ ـآلنت وسمعت عن زيت الخروع

وجربتهـِ لكنْ ماكانت تدري اي نوع وحرق لها فرٌوةْ الرآسْ وـآلحينْ شعرها وايد خفيف

وكله قششره

ربَيْ يشافيها ويعافيها،

حتَىْ ـآلدكتُور قاللها مآتقدَرينْ تسُوينْ حمأإمْ زيتْ

ومبْ آيْ حدّ يقَدرْ يسُويْ . .

بسْ آلليْ أإقَدرْ آقُولجْ آيآهْ آهتمَيْ بغذآئجْ وكلي ـآلجرجيرْ سمعَتْ آنه مفيدّ . .

^^
. .

وـآلنقأإطْ السُودآءْ حبيبتَيْ هذيْ شعرهْ وتحتْ ـآلجلدْ ـآلميتْ ومحتكرهْ

لآزمْ تقشَرينْ عشآنْ تطلعينهاا، ،

لآتقُولينْ مآنفَعْ حبيبتَيْ جربَيْ مره ومرتين و3 وهالمره جرب

مقشَر البيكنجْ صُودآ بطريقةْ بنت عذأإريْ

http://forums.3roos.com/3roos149934/

يـِآربْ تستفيدينْ منهـِ<~ . .

آهَمْ شيْ ـآلنظأإفهْ وـآلترطيبْ حبيبتَيْ

. .

وللخطُوطْ ـآلبيضأإء يآعمـَريْ انا مِـآعرفلهِـ وآيدْ ولله

بسْ رطبَيْ دايمـِآ بلُوشنْ فـآزلينْ بزبدةْ ـآلككاوْ

وربيْ آكثررر لُوشنْ حبييته


. .

ولتخفَيفْ نمُو ـآلشعَر حبيبتَيْ

ـآلليْ اعرفَهِـ :

زيتْ ـآلزيتُونْ

تدهنينْ فيهِـ بعَدْ ـآلحفْ مباشرهْ ولآ يجيسهْ مأإيْ



ـآيضـِآً:زيتْ ـآلتَرمسْ <~ بتحصلينهِـ عنَدْ ـآلعطـِآرْ



ونِـآويهِـ آجربَهِـ آن شـِآء آلله ^^

وعلَىْ فكررهْ ـآلأختْ sherrykitty

كـِآتبهْ طريقتهاْ وتجربتهأ+النتـآيجْ . .شُوفيْ ـآلموضوعْ حبيبتَيْ

. .

ووليدينْ آنآ آستخدَمْ كريمْ بيبيْ جونسونْ لليدينْ

وآيدْ حلوو دُورتْ صورته ومآحصللتهِـ ^^

بسْ قشيرهِـآ حبيبتَيْ

اذا تبينْ شيْ طبيعَيْ آمممم
اول شيْ جربي على جزء بسيط من جسمج واذا اتحسستي لآتسوينها

ملح طعأم وييبيْ ليمونه<~ مادري زين لح الليمون ولا وغمسيْ فيه وفركيْ اييدج بس برقه ها ههههه

لمَدةْ 5 دقايقْ،بعدينْ غسليها بمايْ دافيْ

ورطبيها بزيتْ زيتون والبسيْ كيسْ نايلون قفاز بأييدج وفوقه قفاز قطنيْ وخليه فتره

عشان تعرق ايييدجّ وتستفادينْ

<~ آنآ ناسيه الطريقة اصرأإحه بسْ دُوريْ وتلقينْ آن شاء الله

وبنت عذاري كتبت وصفه حلوه لليدينْ وجربيها موجوده بقسمها

^^

لآتنسينْ أهمْ شيْ ـآلترطيبْ آلدأإئمّ . .

F:

وآتمنـــــَىْ آنيْ آكُونْ آفَدتجّ حبيبتَيْ <~ مآبيْ منَجْ غير الدعُوه الصـِآدقه لي

ولجميِعْ ـآلمسلمينْ

وآدعيَليْ بحسَنْ ـآلخأإتمِةْ ومنزلة الشهُدآْء والصدقييينْ

ولله يرضا عني و يرضيْ والدي عني

وانتيْ آتزوجْ ـآلأنسآنْ ـآلليْ آحبهْ وآنعيشْ سعدآء يآربْ

ولله يوفقَجْ ويسعدج دنيآ واخررهْ


. .

[عاشقة الــ]

Sweet & Sour

مشكوووره اختي يعطيييك العافيه
وشكرا على النصايح القيييمه بإذن الله بطبقها

[عاشقة الــ]

أنفاسسسسك دخووون

مشكوووووره كثيييير حبيبتي
سامحيني تعبتك معي وبانتظارك لما ترتاحي ودي استفيد من خبراتك
كفييييتي ووفيتي .. عاااجزه عن الشكر صراحه
ان شاء الله راح استمر وابشركم

الله يوووفقك ويسهل امووورك يااارب
وبانتظارك

[عاشقة الــ]

اختي {Й حبَيبيـﮯْ «~♥

الله يوووفقج ويسعدج ويرزقج الزوج الصالح اللي تتمنينه ويسعدج وياه
ويحسن خاتمتج ويرضى عنج ويرزقج رضى والدينج عنج
ويعطيج كل خيييير

مشكوووره غلاتي على كل هالوصفات
يعطيج الف الف عااااافيه
مجهودج واااايد حلووو وكلها اشياء حلوه وسهله حتى بالصووور << مشكووووره فديتج

والله يشششفي الوالده ويطول بعمرها ياااارب

[{Й حبَيبيـﮯْ «~♥]

ـآلله يع"ـآفيج حبيبتَي ^^

وانتي تستآهلين يـآالغآليهـ . .

وان شـآء الله تطلعين بأحلا طلهـ في هالصييف

[انفاسـﮱگ دخـﮱون]

السموحه على التاخير نكمل مع المتبقي من المشاكل اللي تعانين منها بالنسبه للنقط السوداء هذا شعر تحت الجلد محتاج انه يظهر انتي تقولين قشرتي ومافاد وسويتي مافاد حبيبتي مافيه شي يحي بالساهل الجسم الحلو والخالي من العيوب لازم له عنايه مستمره الاهمال ماينفع يزيد الوضع سوء ومو مشاكل وعدم اهتمام من سنين نبي نتغيير 360 بشهر ونص لا ماتطلع النتايج الا بعد شهرين عالاقل البنات اللي تشوفينهم اجسامهم تلق لق وصافيه هذيلا من سنوات يهتمون بانفسهم وش المانع ماتهتمين بنفسج انتي وغيرج مو عشان احد عشان نفسج لما تشوفي نفسج بها الشكل تزداد ثقتج بنفسج طولت حجي بس ماقلت هالشي الا لمصلحتج
نجي الغلط اعتقد بطريقه شيل الشعر لا تستخدمين الموس ولا اله البروان استخدامي الحلاوه وخلي الشعر يكون طويل لانه لو كان صغير وجيتي تشيلينه ماراح ينشال معاج قبل ماتيلين الشعر لازم يكون جسمج نظيف على نظافه ومقشره الجسم التقشير يزيل خلايا الجلد الميته وينعم البشره مع الاستمرار وجيبي ثلج ومرريها على المكان اللي بتشيلينه ونشفيه زين وعقب امسحي بطبقه من النشا ودفي الحلاوه وشيلي باتجاه نمو الشعر وعقبها اغسلي المكان وجففيها وحطي ماسك النشا وماي الورد وادهني بكريم كينا كومب او بينثانين مافي شي خيالي ولا بسرعه الصاروخ لازم تستخدمينه المره والاربع
لازاله النقط السوداء نرجع ونقول للتقشير مرتين بالاسبوع وعندج بيكربونات الصوديوم او بيكنج صودا ببلي جسمج بماي دافي وهاتي فوطه لونها ابيض وبلليها بالماي وحطي عليها من البيكنج صودا وافركي جسمج زين مازين وعقب غسلي بماي فاتر بعدها ماي بارد ورطبي جسمج بزيت اللوز المر
وسوي لج مغلي قشور البرتقال والليمون خذي قشور برتقال وليمون واغليهم بماي ولما يبرد صفيهم وحطيهم ببخاخ حطيهم بالثلاجه وببخي على ايدينج وسيقانج من البخاخ كل يوم وخليه لين ينشف وعقب رطبي جسمج باي مرطب ترتاحين له او زيت جنين القمح او زيت اللوز المر او زبده الكاكو لازم ترطبين جسمج
وللجسم كامل سوي الحمام المغربي اكثر البنات يسوونه بطريقه خاطئه الطريقه هي اغلقي منافد الهواء زين وافتحي الماي الحار وادخلي بالماي للدرجه اللي تتحملينها حتى يتفتح جسمج وهو رطب خذي من الحمام المغربي وزعيه على جسمج وبحركات دائريه سوي مساج وخليه ربع ساعه وعقب حطي الليفه المغربيه بطاسه فيها ماي حار الحين اغسلي جسمج بماي حار وبيدج حركي وتاكدي ان الصابون نزل وجيبي اللفه وافكري جسمج بتلاقين اشياء سودا طلعت والمره والمرتين بتحصلين نتيجه
عندج مقشر شهر العسل من قسم بنت عذراي سويه لجسمج مره حلوه من تجربه شخصيه لا استغني عنه مع الاستمرار تطلع النتايج ولازم تصبرين وانتي تستخدمين الشي هذا الرابط

http://forums.3roos.com/3roos259667/

ايضا من قسمها خلطه مبروك هم عجيبه

http://forums.3roos.com/3roos176542/

واهم شي الترطيب والترطيب وشرب الماي يوميا

للشعر انا ماعرف نوعيه شعرج بالضبط بس لازم تروحين الدكتوره وتسوين فحص وتحليل دم يمكن عندج نقص فيتامينات او فقر دم والغذاء الغير صحي والصبغ والسمنه والنحافه والصبغات وكثره الاستشوار تضر بالشعر بما انه شعرج جاف وباهت فهو محتاج لترطيب من الداخل قبل الخارج يعني ارجع اعيد وازيد غيري اكلج يتغير كل شي بجسمج والشعر يحتاج وقت طويييل حتى يطوول يبي له عنايه الشعر الطويل يجي من سنوات بالاهتمام

غيري نوعيه الشامبو عندج فيشي بس لازم تستخدمين النوع المناسب لشعرج ولازم تخخفي الشامبو بشوي ماي وتغسلين شعرج من تحت لفوق يعني تجيبي شعرج لويهج وتفركينه وتسوين مساج خفيف وغسلي شعرج بس الماي تكون فاتره مو ساخنه حتى لا يتساقط ويصير فيه قشره زين وشطفي شعرج بماي الشرب وجففيفه بالفوطه بطريقه الطبطبه ولا تمشطيه وهو مبلول لما ينشف مشطيه بمشط خشبي اسنانه واسعه من بودي شوب والفرشاه بعد ماتكون اسنانها معدنيه ابد ابد مو زينه للشعر وقسميه الى قسمين ومشطيه من تحت لفوق وعقب جيبي الشعر كله لويهج ومشطيه من تحت لفوق حتى تتحرك الدوره الدمويه وخذي مسحه من تونر الفازلين مسحه بسيطه وامسحي شعرج ولفيه كعكيه وعند النوم ارجعي مشطيه وخليه مفتوح وغيري غطا المخده لازم يكون نظيف وكل اسبوع سوي حمام زيت عندج فاشكول بالثوم او فاتيكا او باناويل بالمشمش

الزيوت ياكثرها مادري وش اقولج استخدمي اي نوع اخاف مايتناسب مع طبيعه شعرج بس عندج زيت الجدايل من عبد الصمد القرشي وعندج زيت الحيه او زيت ذيل الحصان استخدمي واحد منها مرتين بالاسبوع وعقب غسلي شعرج حاولي هالفتره تتستغنين عن الاستشوار
عندج حبوب جي ان سي للشعر مره حلوه كل يوم تاخذين حبه او ميلتي فيتامين بعد ماتتاكدي من الفيتامينات الناقصه عندح

لترطيب الشعر عندج هالماسك مره بالاسبوع

2 ملعقه كبار مايونيز
ملعقه كبيره زبادي
ملعقه عسل
ملعقه زيت السمسم او زيت اللوز الحلو اخلطيهم وحطيهم على شعرج وحطي فوقه فوطه دافيه لمده ربع ساعه وعقب غسلي شعرج

هم برجع لموضوعج مره تانيه :worn_out:

[عاشقة الــ]

ـآلله يع"ـآفيج حبيبتَي ^^

وانتي تستآهلين يـآالغآليهـ . .

وان شـآء الله تطلعين بأحلا طلهـ في هالصييف

اللهم آمييين
ومشكوره غلاي

وان شاء الله ابشركم بالاخبار الطيبه

[عاشقة الــ]

حبيبتي أنفاسسسسك دخون
اعجز وانا اشكرررررك على هالنصااايح الرووووعه والطريقه المفصله
وربي استفدت كثييييييييييييير

وابد لا تعتذرين بالعكس والله افدتيني
الله يوفقك ويسهل امورك ويرزقك كل ماتتمنين

بحفظهم عندي وبطبقهم وبدعي لك بكلل مره والله لا يضيع تعبك وجهدك
وبانتظار الباقي حسب ما يسمح وقتك .. ما ودي اتعبك

[عاشقة الــ]

بس عندي استفسار وتوضيح حسب اللي قريته من الاخوات

الاستفسار ... تنصحوني بأي كريم مرطب لوجهي ؟؟
خصوصا ان بشرتي دهنيه وحساااااسه جدا جدا جدا

وعندي استفسار ثاني .. انا بطببببق كل اللي قلتوه لي عن سيقاني والحبوب السوده اللي فيه
بس انا قالوا لي هذي الاشياء ما تطلع الا بالليزر وغيرها مافي حل ثاني !! وانا صراحه ماقدر اسوي ليزر
تتوقعون لو استمر على الاشياء اللي قلتوا عنها تغنيني عن الليزر ولا بضطر احتاجه ؟؟
وقالوا لي بشرتي جافه حييييييل اقصد جسمي مو وجهي تحتاج ترطيب ومن هالكلام

توضيح انا ولا مره شلت شعر يدي بالماكينه او الموس دايما استخدم الحلاوه او الشمع بس بعد تطلع لي حبوب
ولرجلي كنت قبل استخدم الماكينه بس وقفتها من سنه يمكن
وحتى بالنسبه لشعري ولا مره صبغته .. بس قبل سنه ونص حطيت فيه حنه قالوا لي مفيده للشعر
بس حسيتها خشنته

انتظر تعليقاتكم .. ومشكوووورين

[انفاسـﮱگ دخـﮱون]

حبيبتي أنفاسسسسك دخون
اعجز وانا اشكرررررك على هالنصااايح الرووووعه والطريقه المفصله
وربي استفدت كثييييييييييييير

وابد لا تعتذرين بالعكس والله افدتيني
الله يوفقك ويسهل امورك ويرزقك كل ماتتمنين

بحفظهم عندي وبطبقهم وبدعي لك بكلل مره والله لا يضيع تعبك وجهدك
وبانتظار الباقي حسب ما يسمح وقتك .. ما ودي اتعبك

امين يارب ربي يسمع منج ويحقق اللي ببالي وان شاء الله تستفيدين وتطلعين باحلى صوره والله يزاج خير على الدعوه