روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 10 12345678910 الأخيرةالأخيرة
النتائج 1 إلى 15 من 146

الموضوع: ياعطر الورد وانفاسه..(هدايا)

  1. #1
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728

    ياعطر الورد وانفاسه..(هدايا)



    بسم الله الرحمن الرحيم..

    اخباركم عسولات.. بما اني من عشاق العطور.. فحبيت انزل موضوع عن العطور بس كسلانه انزل الصور...:o عموما اليوم موضوعي شوي غير عن باقي المواضيع:p
    بما اني ساكنه بالغربة .. وعندي اصدقاء من مختلف الجنسيات ب لندن... وكثير يكون بينا عزومات وزيارات.. فدايما اتردد ايش اخذ لهم ... ادور على شي مش تقليدي.. هنا اكثر الهدايا عباره عن ورد وشوكليت.. بس انا ابي هديتي تكون مميزه :cool::adore:
    فحسيت انه اجيب عطور عربيه وبخور افضل هديه..

    اولا لان ب لندن غالي جدا.. يعني يكون السعر 4 مرات دبل... ومو اي شي تلقين يعني ممكن بس تحصلين عطور الحرمين والعربيه بس غالي واااااااااااايد...

    وثانيا معظهم يحبون العطور العربيه.. فحسيت هذي احسن هديه تكون لذكرى...:L::adore:

    فالحين كل ما ارجع الامارات اعرف ايش اجيب هدايا... وهم يكون ارخص لي ...







    اولا مخلط من الشايع روعه بمعنى الكلمه.. سعره ما يتعدى ال15 ريال.. وانا من عشاق هالمخلط.. ودايما اروح محل الشايع وما ألقى من كثر الطلب عليه... ولما جبته لندن معاي للهدايا.. الكل انجن عليه وصاروا يطلبون مني دايما.. فكل ما ارجع الامارات يقولون ممكن تجيبين لنا هالمخلط ...







    الصوره الثانيه لمخلط الفراش.. وجبت معاي كميه بعد .. وسعر مخلط الفراش اظن 27 ريال..








    مخلط الفراش من الرصاصي.. ريحته بارده.. اظن ب30 ريال







    طبعا البخور اهم شي.. لان يحبون البخور وايد.. وخاصه يستخدمونه بيوم الجمعه.. فجيراني وصديقاتي يقولون بليز جيبي لنا بخور:p:p وحتى صديقاتي اللي بصفي .. يتخبلون على البخور.. ويقولون يا سلام ذكرتينا بريحه دول الخليج:oF:







    بخور جبل علي من الرصاصي.. اللي صار لنا فتره طويله ما نستغنى عن هالبخور.. لان روعه وهم سعره 30 ريال..ويظل معاج فتره طويله... وانا وجيراني كل يوم نتحدى من يحط بخور بما انه ساكنين بشقة .. فروايح توصل بسرعه.. فلما اكون خارجه وارجع البيت اقول هي اليوم جارتي بخرت البيت ببخوري







    وهاي الصوره لعود مع العطر.. الريحة تثبت لما نبخر وخاصه لما ترشي معطر الفراش ... وسعره اظن 45 ريال...







    بخور الامارات روعه.. والسعر بلاش .. شريت ب15 ريال.. ويظل معاج فتره..







    بخور الجوهره ما اذكر بكم شريت.. بس انا خذت لي نفسي ولصديقتي المقربة ب لندن...







    بدي لوشن... عطيت حق صديقاتي الانجليزيات.. وعجبهم وااايد...







    وهذا من سيد جنيد عبارة عن لوشن جامد.. خذت لصديقتي الانجليزيه..وحبت شكل وقالت شكله نفس استايل الفكتوري:adore:






    هنا صوره لمخلط للعباية و الشيلة.. والسعر اظن 30 ريال.. جبت منهم كميه.. لان عجبتهم الريحه..







    دهن العود الصفوة من الرصاصي.. ما اذكر السعر.. وجبت لصديقاتي اللي كانوا عايشين بالخليج والحين انتقلوا للندن.. جبت لهم هالعود.. لان ريحته ثقيلة وتعجبهم هالروايح الخنية..








    عطر مركز زهرة.. روعه... والسعر 30 ريال.. ما اتذكر عدل بكم:worn_out:






    وهالعطر جبت لصديقتي كانت ساكنه بالامارات والحين ساكنه ب لندن.. وهي تحب الروايح الثقيلة..:thumbs_up:






    عطر من الحرمين ما اتذكر السعر:biggrin:







    عطر من الرصاصي.. وما اتذكر سعره







    عطر 4 وردات جبت هدية لمعلمتي بالكليه.. وهي انجليزيه.. وتحب العطور وايد..







    عود المسك ما اتذكر السعر:o الريحه هادية وحلوة..






    وهالعطرين جبت لصديقتي مره جابت لي ورق عنب لبيتنا.. فخذت لها هالعطرين.. وهي دايما تطلب من مخلط العرايس من سويس اربيان..







    واخيرا هنا صوره لمخلطات عباره عن تولة.. جبت للبنات اللي اصلي معاهم في الكلية .. بس للحين ما عطيتهم بعطيهم بأخر يوم







    اتمنى عجبكم موضوعي.. واتمنى تدعون لي بالذرية الصالحه.. ونرجع لبلادنا بالسلامه.. واذا استاهل التقييم :o:o

    واخيرا : انتي غير محلله في النقل وصدقوني لو لقيته منشور باي منتدى ثاني ما راح اسكت .. بأمكاني اشترك بنفس المنتدى واشتكي عليها.. الموضوع خلص لعروس8o|:mad:

  2. #2
    عروس مجلس بنات عروس الثقافي و ركن سماء الإبداع الصورة الرمزية AŢнβA
    تاريخ التسجيل
    27/12/2006
    الدولة
    قطر
    المشاركات
    3,311
    ..
    ماشاء الله
    موضوع يدل على ذوقك وكرم أصلك
    عليكم بألف عافية
    الله يرزقك الذرية الصالحة البارة
    ويرجعكم بالسلامة
    وتستاهلين التقييم

  3. #3
    عروس برونزية
    تاريخ التسجيل
    16/05/2008
    الدولة
    السعودية
    المشاركات
    1,811
    ماشاء الله ام بدر
    الله يعطيك العافيه
    ويرزقك يارب بالذرية الصالحة ..

  4. #4
    عروس ماسية الصورة الرمزية ❥ بَـحّـة قَصْيٍـِد ❥
    تاريخ التسجيل
    21/01/2010
    الدولة
    روحُ مُعلقَه بين السمَاء والأرض.❥
    المشاركات
    3,926
    موضوع رائع وخصوصا انه برائحة العطور والبخور


    الله يجعل حياتك كلها بخور بعطور


    ويرزقك الذريه الصالحه السليمه الباره

    وجاري التققيم بس لمن ادخخل من اللاب لان التاب متعب بالتقييم.

  5. #5
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728
    اقتباس المشاركة الأصلية كتبت بواسطة AŢнβA مشاهدة المشاركة
    ..
    ماشاء الله
    موضوع يدل على ذوقك وكرم أصلك
    عليكم بألف عافية
    الله يرزقك الذرية الصالحة البارة
    ويرجعكم بالسلامة
    وتستاهلين التقييم
    فديت روحج يالغاليه على الرد الحلو.. وربي يسعدج يوفج وشكرا على التقييم:o

  6. #6
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728
    اقتباس المشاركة الأصلية كتبت بواسطة شوقي للأطفال ذبحني مشاهدة المشاركة
    ماشاء الله ام بدر
    الله يعطيك العافيه
    ويرزقك يارب بالذرية الصالحة ..
    تسلمين يا ام فصولي... واللهم اميييييييييييييييين
    والله يرزقج قريب بنونو حلو وعسول

  7. #7
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728
    اقتباس المشاركة الأصلية كتبت بواسطة ♥عرو๛ بدوζ͠๏ ضرو๛♥ مشاهدة المشاركة
    موضوع رائع وخصوصا انه برائحة العطور والبخور


    الله يجعل حياتك كلها بخور بعطور


    ويرزقك الذريه الصالحه السليمه الباره

    وجاري التققيم بس لمن ادخخل من اللاب لان التاب متعب بالتقييم.
    حبيبتي قلبي يا عروسه.. ما قصرتي... نورتي الصفحه:o

  8. #8
    عروس ماسية الصورة الرمزية دانة قلبه
    تاريخ التسجيل
    30/05/2008
    الدولة
    عند من تعجبني ثقته بنفسه وشماغه وعطره وحتى سبحته ورزته وغمزته ونظره من عيونه_عند زوجي حبيبي
    المشاركات
    8,292
    ماشالله
    الله يديم المحبه في قلوبكم يارب
    وذوقك في العطور يهبل
    الله يرزقك الذريه ولايجعلك من المحرومين
    ويوفقك ويوفق زوجك في الدراسه

    دانة بقلبه كانت هنا

  9. #9
    عروس ماسية الصورة الرمزية vanilla cake
    تاريخ التسجيل
    20/12/2007
    الدولة
    البحرين
    المشاركات
    6,322
    ما شاء الله

    كل شي عرضتيه حلووو وذوووق
    وحلووو أنج تهدين صفه وااايد طيبه
    وتقرب بينج وبين معارفج
    تستاهلين التقييم مشرفتنا ...~

  10. #10
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728
    اقتباس المشاركة الأصلية كتبت بواسطة دانة قلبه مشاهدة المشاركة
    ماشالله
    الله يديم المحبه في قلوبكم يارب
    وذوقك في العطور يهبل
    الله يرزقك الذريه ولايجعلك من المحرومين
    ويوفقك ويوفق زوجك في الدراسه

    دانة بقلبه كانت هنا
    امين يارب..

    تسلمين دانه حبيبتي قلبي... والله يوفق ويرزق الجميع:o

  11. #11
    مشرفة سابقة الصورة الرمزية وصال الطائف
    تاريخ التسجيل
    05/03/2011
    الدولة
    السعوديه
    المشاركات
    10,720
    ماشاء الله لاحول ولا قوه الا بالله
    الله يعافيك ويخليك ياقمر
    كلهم مبين عليهم حلوووين
    الله يكتبك في زمره المتحابين في الله
    تم التقييم

  12. #12
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728
    اقتباس المشاركة الأصلية كتبت بواسطة vanilla cake مشاهدة المشاركة
    ما شاء الله

    كل شي عرضتيه حلووو وذوووق
    وحلووو أنج تهدين صفه وااايد طيبه
    وتقرب بينج وبين معارفج
    تستاهلين التقييم مشرفتنا ...~
    حبيبة قلبي تسلمين على ردج الحلو...
    والله نورتي الصفحه يالغلا... :adore:

  13. #13
    عروس ركن أفكار وخبرات الصورة الرمزية عروس مغتربة عن زوجها
    تاريخ التسجيل
    30/11/2006
    الدولة
    لندن
    المشاركات
    9,728
    اقتباس المشاركة الأصلية كتبت بواسطة وصال الطائف مشاهدة المشاركة
    ماشاء الله لاحول ولا قوه الا بالله
    الله يعافيك ويخليك ياقمر
    كلهم مبين عليهم حلوووين
    الله يكتبك في زمره المتحابين في الله
    تم التقييم
    اللهم اميييييييييييييييييييييين :o
    تسلمين يا عمري وما قصرتي.. وشكرا على التقييم..:thumbs_up:

  14. #14
    عروس فضية الصورة الرمزية ( الارض الطيبه )
    تاريخ التسجيل
    07/02/2011
    الدولة
    بلد الثوره الحره و التغيير
    المشاركات
    2,007
    ما شاء الله
    هدايا ررررروعه مثلك

    بس انتي احلي هديه لهم اكييييييييد

    تسلمي حبيبتي
    شكرررررررا


    F:

  15. #15
    مشرفة سابقة الصورة الرمزية sounya
    تاريخ التسجيل
    06/02/2007
    الدولة
    **سلطنة عمان **
    المشاركات
    4,480
    ماشاء الله
    عطووورات وكولكشن مميز

    اتخيلج هناك وشقتج تفوح بالريحة الغاوية


    مبدعة كالعادة
    تسلمي حبوبة
    ولج احلى تقيم
    ربي يرزقج من خيره يارب
    :adore:

صفحة 1 من 10 12345678910 الأخيرةالأخيرة

المواضيع المتشابهه

  1. مشاركات: 105
    آخر مشاركة: 10/05/2018, 12:20 AM
  2. الورد لاهل الورد ....وين اللي يحب الورد .. تعال خذ لك ورده....{ ورود من حديقه منزلي }
    بواسطة ... شذى الغربه ... في المنتدى ركن التصوير الفوتوغرافي والصور
    مشاركات: 71
    آخر مشاركة: 26/02/2011, 06:45 AM
  3. ساعات بيكون الورد الصناعى يعمل احلى هدايا تعالوا نشوف؟
    بواسطة ورده قست عليها الايادى في المنتدى أفكار و خبرات
    مشاركات: 39
    آخر مشاركة: 21/05/2009, 11:31 PM
  4. مشاركات: 9
    آخر مشاركة: 05/05/2005, 12:43 AM