تنصحوني بماكينة الضوء ؟؟؟؟؟

[clara]

السلام عليكم
شلونكم شخباركم ياعرايس ؟

بسم الله ببتدي بالموضوع على طول

الله يسلمكم ويحفظكم مشكلة الشعر مو شي يديد وخصوصاً في المنطقة الحساسة
فأنا ازالة هالمنطقه وباقي مناطق جسمي يسبب لي تعب لان ماتحمل اجوفه في جسمي لو يوم واحد.
قررت اسوي ليزر بس تراجعت نهائياً لانه بيكلفني ويبي له جلسات وانا مايحصل لي وقت لهالسوالف

عاد لقيت ماكينة الضوء ipl- light ماركة Remington
طبعا هالماكينة تشيل الشعر بالضوء ويطلع بعد جم شهر

لكن قلت بالاول رايكم وبعدين اقرر هل اشتريها او لا ..
فهل جربتوها ؟
تنصحوني فيها ؟

بليييز اللي جربها أو سمع عنها يفيدني بمعلوماته

ادري طولت عليكم بس لاتبخلون علي بنصايحكم :o

[انفاسـﮱگ دخـﮱون]

ما سمعت فيها لللاسف

[[ نونو مآلي آني ]]

[
]
[
ما انصحك اختي
لان الليزر لازم له درجات
ع حسب البشرة اولا
وحساسيتها ثانيا
والمنطقة المستخدم لها بالاخير

وهذي منطقة حساسة
واشياء المستخدمة في البيت بدون خبرة ولا رقابة
مو مثل العيادات باشخاص مختصين
وانا ماقولك اكشفي عورتك لان هذا مو سبب الزامي انما جمالي فقط
وكشف العورة بدون ضرورة محرم

ابتعدي عن هالامور
الليزر مو لعبة
لاتستهينين فيه ابدا
[
]
[

[clara]

مشكورين على ردودكم

وانا سألت شنو الفرق بينها وبين الليزر اول ماجفتها
قالولي ان ماكينة الضوء احدث من الليزر وماتحتاج جلسات مثل الليزر
تقدرين تستخدمينها في البيت وقت اللي تبين وانها ماتسبب اضرار مثل الليزر
يعني مافيها اي خطر !

والله صرت استحي من زوجي بسبب هالشي

واتمنى غيركم يقدر يفيدني بعد

[دلع أنوثه]

ماعندي فكره

[Dayoni]

^o)حبوبه اول مره اسمع عن الضوء
سمعت عن الليزر المنزلي وعمال اسوي سيرش عنها يمين شمال لانو منجددد افكر اشتريه... وكثيييير بنات في منتديات تانيه استفادو منه ...
والجهاز يجيكي حبيبتي واضح فيه التعليمات كللها سواء لون بشرتك او سمك الشعره او كللو .. وهو مخصوص للاستعمال المنزلي... وامن جدا مافيه اضرار ولا شي وتسوي لنفسك اي مكان تبغي تنظفيه براحتك وخصوصيه... و لقيت انو سعرو زي سعر جلسه ليزر وحده .... 2750 ريال سعوودي ... افكر جديا اني اشتريه واجرب وافتك نهائيا لا حلاوه ولا موس ولا قرف.... بس لسه عمال ابحث عنه اكثر واكثر الين اقرر

[clara]

هلا فيج اختي
ماكينة الليزر اللي تقصدينها مثل الموجودة بهالصورة ؟؟


ووين الاقيها واذا تعرفين احد استخدمها فيدينا حبيبتي

والله الحين من لقيت كلامج على طول سويت سيرج وطلع لي انها تزيل حتى الويه
على عكس الضوء مايصير نسخدمه للويه

حددددي اتخبلت عليها :hysterical: