روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 13 من 13

الموضوع: الشباب ايام العيد

  1. #1
    مشرفة سابقة الصورة الرمزية أميرة في قلب حبيبي
    تاريخ التسجيل
    03/08/2009
    الدولة
    في قلب حبيبي
    المشاركات
    2,941

    الشباب ايام العيد

    السلام عليكم

    كيفكم بنات ان شاء الله تمام واحوالكم طيبة

    خلص علينا رمضان و هل علينا العيد كل عام وانتم بخير وبهالمناسبة حبيت

    اجيبلكم موضوع للفرفشة والضحك وتغيير الجو


    الموضوع منقول من منتدى تاني وان شاء الله يعجبكم


    يلا خلونا نستـعرض اهم الاحـداث اللي تصـير للـشباب قبل العيـد و بعـده ..





    1- عند الخـياط ..

    لازم كل شاب يستـلم ثوبـه الجـديد بليلة العيـد .. لان كل الشباب يتذكرون انهم مافصلـوا مـلابس الا بـآخر لحظة.
    .
    و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
    .
    وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا

    تسلب وراك عفطته .. والثاني ينشق حلقه وتطلع بلاعيمه ويناشق لان عزوز اخذ ثوبه بالغلط .
    .
    وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب
    ..
    و مناحي منسدح من القهر على بطنه لان ثوب ولد عمه سلوم طلع اطول من ثوبه ..

    واللي يشق راس الخياط بالمقص عشان سعر الفاتورة ...

    واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ..
    .
    وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
    واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..





    2- في الحلاق..

    تشوف الشباب صافين بالدور .. ((يذكروني بطابور مقصف الابتدائي ))..

    (((((((((((بس من جد حالتهم تقطع القلب ..)))))))))))))

    واحد يجره ابوه من كشته .. تقـول نعيمية ... ..واللي يبكي لان اخوه متعود يحلقه على الصفر ..ويقول له
    تكفى خل لي خصلتين <<<< و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة

    حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..

    و ابوبندر ..بعد حيي والله جاي يصبغ هالشعرتين اللي براسه ..
    ..
    ...واللي يبسط بالحلاق للفجر .. وهات يا صنفرة و سمكرة ...

    واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..

    واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط ..
    واللي جاي يزرع
    وما خفي اعظم ..





    3-صباح العيد..

    ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش

    وعبدالمجيد يتهاوش مع منيرة اخته .. ويبي يتروش قبلها ...

    وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..

    و حمود يسطر منقاش ... لان منقاش لبس طاقيته المشخله بالغلط ..

    واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

    واللي تحرق الشغالة شماغه..

    وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه و تسبح لربن خلقها .

    واللي يتدرب شلون يصب القهوة للرجاجيل في المجلس .
    .
    واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..

    واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم


    هاوشته ومارضت تكوي له ثوب غيره <<والله شخصيات شغالتهم تشكله..!وغيره محتار ومايعرف يختار نسفة لشماغه ..






    4-برى البيت..

    سعيدان ..قائلا : اهبببببببببب يا محمد .. شف نوير بنت عمي اللي ماتستحي ..ماهيب لابسة سروال .. ومطلعتن

    كراعينها ..وسعيدان يرد عليه ويقول له .. استح .. هي لابستن هيلاهوب بيج ...


    و فيصل قاعد يحش بخلق الله مع خويه طلال .. ويقول له ::رحمت عقال بدر اللي حاشي فيه شمآغـة..اللي يشوفه

    يقول شاريه من بسطه في الاحساء

    وطلال يرد عليه و يقول له ترى بدر يهون عن صالح اللي كاشخ بثوب ابيض ثلجي .. لاحظ سرواله الاصفر لا مد

    رجوله...
    واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
    وبعد ماتصير الساعه 8 ...


    تلاقي نص الشباب بالثمامة..هات يا تفحيط و تقحيص

    ... و الزحمة تصير عند شواية الخليج .
    ..
    واللي يطلع القنص مع الاهل في وادي الدواسر والربع الخالي..

    وياخذ معه عدة الصيد : وااللي تتكون من شوزن و بندق و خنجر..<<على بالهم رايحين حضرموت

    واللي يبسط بالنعيريه ويأجر دبابات من عند المصري..

    وبس




    الله يديم علينا الضحكة

  2. #2
    عروس مبدعة
    تاريخ التسجيل
    06/08/2010
    الدولة
    الرياض
    المشاركات
    739
    هههههههههه
    يسلمووووووووو ياقلبي

  3. #3
    عروس رائعة
    تاريخ التسجيل
    14/11/2010
    الدولة
    حيث اجد سعادتي ،،،
    المشاركات
    1,216
    ههههههههههههههههههههههههه هههههه

    يسلمووو ياعسل

  4. #4
    عروس رائعة
    تاريخ التسجيل
    18/04/2010
    الدولة
    الشرقيه
    المشاركات
    1,091
    ههههههههههههههههههههههههه


    مره حلوه


    تسلمين ياقمر

  5. #5
    عروس برونزية
    تاريخ التسجيل
    16/08/2011
    الدولة
    السعوديه
    المشاركات
    1,906
    ههههههااااي
    يسسلمو حبيبتي
    موضوعكـ رووعهـ

  6. #6
    مشرفة سابقة الصورة الرمزية أميرة في قلب حبيبي
    تاريخ التسجيل
    03/08/2009
    الدولة
    في قلب حبيبي
    المشاركات
    2,941
    الاروع مروركم حبيباتي

  7. #7
    عروس فضية
    تاريخ التسجيل
    10/01/2011
    الدولة
    البحرين
    المشاركات
    2,121
    ههههههههههه يـ عطيج العافيه حبيبتي..

  8. #8
    مشرفة سابقة الصورة الرمزية أميرة في قلب حبيبي
    تاريخ التسجيل
    03/08/2009
    الدولة
    في قلب حبيبي
    المشاركات
    2,941
    تسلمو على الردود الحلوة

  9. #9
    عروس مشرقة الصورة الرمزية فجور الكيوت
    تاريخ التسجيل
    15/05/2011
    الدولة
    مدينة حمد
    المشاركات
    300
    يسلمووو ع الموضوووووع الرووعة ..

  10. #10
    عروس مشاركة
    تاريخ التسجيل
    02/08/2011
    الدولة
    سلطنة عمان
    المشاركات
    78
    خخخخخخخخخ وانتي صادقة

  11. #11
    عروس مشرقة
    تاريخ التسجيل
    29/03/2011
    الدولة
    المدينــــه
    المشاركات
    479
    ههههههههههههههههه
    يسلمووو

  12. #12
    عروس ماسية الصورة الرمزية درب البراءه
    تاريخ التسجيل
    08/02/2008
    الدولة
    قلب القدس
    المشاركات
    4,382
    هههههههههه روعة

  13. #13
    عروس مشاركة الصورة الرمزية مآأقوى الفراق
    تاريخ التسجيل
    03/09/2011
    الدولة
    السعوديه
    المشاركات
    85
    ههههههههههههههههههههههههه ههههههههههههههههههههههههه هههههههههههههه
    تسللللللللللللللمين ع الموضوع الحلو

المواضيع المتشابهه

  1. ابيء هديه زواجي ايام العيد ساعدوني
    بواسطة حبي انت في المنتدى أفكار و خبرات
    مشاركات: 1
    آخر مشاركة: 03/08/2013, 05:00 AM
  2. شوفوا حركات الشباب ايام الامتحانات <<هههه
    بواسطة Rano0o في المنتدى مجلس بنات عروس الثقافي
    مشاركات: 5
    آخر مشاركة: 19/12/2010, 11:30 PM
  3. زوجي ضربني اول ايام العيد
    بواسطة ^وحده من الناس^ في المنتدى قضايا وحلول
    مشاركات: 80
    آخر مشاركة: 19/12/2009, 08:58 AM
  4. شنو برنامج اول ايام العيد؟؟؟
    بواسطة غداري في المنتدى مجلس بنات عروس الثقافي
    مشاركات: 7
    آخر مشاركة: 23/10/2006, 12:41 AM