السلام عليكم ورحمة الله وبركاتة
مثل ما وعدت الكل وخاصة مامات تجمع شهر 6 إني راح اكتب اكشن ولادتي طبعا القصة شوي طويلة بس احسن عشان تعيشو الجو F:
بدا الأكشن يوم الخميس تاريخ 26-5-2011
كان عندي موعد وزن عادي في المركز الصحي وليلتها كنت مو نايمة اتصفح النت واحاتي الولادة ( ع فكرة يابنات نصييييحة والله العظيم لا تستعجلون وتحنون على الولادة مثلي كانو يقولو لي لا تحنين بس ماكنت اسمع الكلام )
المووووهم ~
كنت قاعدة ع المنتدى واسوي سيرج في النت شلون اسرع الولادة ليما صارت الساعه اربع الفجر نمت وقعدت ع الساعه ست الصبح يعني ساعتين كان النوم مخاصمني قلت ردتي من الموعد بسمتها نومة :-#
نزلت اتريق واخواني الصغار كانو بيروحون المدرسة واختي الجامعه وكل من يجوفني هاااا فيج الم ؟ ههه ع بالهم بولد قاعدة من الصبح < للعلم اخر الايام رحت بيت ابويي انام لأن شقتي في الطابق الثالث ماقدر ع الدرج
أخوي الصغير عنده فوبيا الامتحانات فكان يصيح ومنرفزنييي مادري ليش قعدت اصارخ وماكان لي خلق دلاعة واختي المحروسة طلعت للجامعه وبعد نص ساعه اتصلت نسيت بطاقتي الجامعية والسيكيورتي مو راضي يدخلني الجامعه قولي الى امي تجيب البطاقة :confused: وانا تعبانة ومو نايمة قالت امي عجل نطلع من الحين نودي البطاقة لها وعقب نروح المركز وقعدت اتحلطم يعني طلعنا قبل بساعه تقريبا من الوقت عشان نودي البطاقة ووصلنا المركز
اكشن رقم (1)
اول ماوصلنا لازم يقيسو الضغط والوزن قاست الضغط وتقول شفيه مخرف الجهاز واجد يعطي ان الضغط مرتفع وقاست مرة ثانية ومثل الشي:hysterical: قالت ارتاحي وردي بعد ربع ساعه وحديتنرفزت ماحب الانتظار في المستشفى ورحت لها بعد ربع ساعة ومثل الشي :| قلت لها والحل قالت تدخلين ع الدكتورة وتجوف الحل :thumbs_up: دخلت ع الدكتورة وفحصت وجافت كل شي تمام وقالت اوكي كل شي تمام وتوني بطلع انتبهت للفايل قالت تعالي ياماما ضغطج مرتفع :confused: ارتاحي وخلي الممرضة تقيس الضغط قلت لها اوكي قاست الضغط ومثل الشي اقول للدكتورة يمكن لاني مو نايمة امس قالت ماله دخل ضغطج واجد مرتفع لازم تتحولين السلمانية الحين بالاسعاف :confused: وهي تقول هالكلام انا للحين مو مستوعبه خطورة الموقف وضحكت ع كلمة اسعاف لاني ماحس بشي اقول لها لا دكتورة مايحتاج اكيد لاني مو نايمة تقول لو نايمة 24 ساعه بتطلع مثل النتيجة بديت احس بالخطر :clock: قلت لها انزين امي معاي بروح معاها قالت لازم اسعاف مانتحمل مسئولية ضغطج جدا جدا مرتفع قالت اتصلي برجلج واستشيرية تطلعين على مسؤليتج وتوقعين اتصلت في ابو الشباب نصعق يقول شالي رافع ضغطج قلت له ماعلييك شل حل قال روحيوانا بروح لكم السلمانية
قلت لدكتورة. وقالت خلاص نعطيج ابرتين الحين وسيلان ونتصل بالاسعاف يجي في هالنص ساعهتحول حالي 180 درجة من اضحك ومومستوعبه الى وجهي اصفر وشاحب وكل علامات الخوف فيه :confused:
اكشن رقم (2)
جا الاسعاف وقالو ياله ننقلج من سرير لي سرير هههههه وانا ذيك الحزة افكر في نعالي اقول الى امي شيلي نعالي والمسعف يقول بنشيلة ورديت عدت الجمله ههه يقول شفيج لهالدرجة غالي بنشيلة ههه هنيحسيت بسخافة موقفي قلت لا بس بعدين شلون بمشي :o
اكشن رقم (3)
هه تحسبا لضروف البحرين والسلامة الوطنية :cool: لازم ورا كل اسعاف جيب شرطة فالدور بالنسبة لي حده انعاش والخوف ودقات القلب تتزايد وصلنا السلمانية وعملو لي الفحوصات وسوت الدكتورة لي اتراساوند وكان كل شي طبيعي ماعدا الضغط فقالت الدكتورة لازم تترقطين ونحاول ننزلة في هاليومين بالحبوب واذا مانزل طلق صناعي : فرحت قلت قربت جوفت حبيب القلب مادري شنو ناطرني
~.
بما ان كان يوم خميس فالجمعه والسبت دكتورتي ماتداوم فكل يوم تجيني دكتورة تقول ضغكج نزل بس مانقدر نقرر نطلعج ولا نسوي طلق لازم تنطري للأحد يعني ثلاث ايام انتظر قرارهم بس :confused: والضغط صار اوكي وليبة الاحد مانمت ابي يجي الصبح وتجي الدكتورة تقول شنو جت دكتورة قالت بما انج 37 اسبوع احتمال نحط لج طلق صناعي وانا مستانسة برتاح من معاناة المستشفى حدها كريهه وتتعب النفسية وردت قالت بس بسئل دكتوراج الحين وبرد خبر :'بعد انتظااااار(
اتصلت في رجلي وامي تعالوو احتمال يحطو طلق صناعي :biggrin: وجو بسرعه بس الحبيبة الدكتورة اختفت وكل مانسئل وينهي محد يدري فيها ودكتورتي ماتداوم الاحد فتخيلو موقفي يأست من الحياة
وبدا اكشن الصياح والنياح بس ماااابي اولد بس ودوني بيتنا اعتقوني معلقيني بين السما والارض
ونطرت نطرت لما جت دكتورة غييير لان النرسات اتصلو وقالو لهمان نفسيتي زفت وقاعدة اصيح جت دكتورة ع 12 الظهر وقالت رخصة :biggrin. بس لازم يوميا تروحي المركز تفحصي ضغطج قلت مو مشكلة اروووح بس افراااج
قالت عجل خليني اسوي لج فحص من تحت ;)قلت اوكي وكانت ايدها خفيفة والظاهر سوت تحريض مو فحص بتعرفو السبب بعد قليل
الموهم طلعت مع رجلي الظهر من المستشفى ومن فرحت رجلي لان كان معااااارض وخايف ع الطلق الصناعي راح اشترى كيك وبيتنا مايدرون رخصوني
ودخلت عليهم وهم يتغدون والكل فرررح
وتميت ليوم ثاني الاهو الاثنين طبيعية بس في الليل طاحت سدادة الرحم بس بدون الم يذكر وسويت سيرج في النت وناس قالو ان عادي تطيح قبل موعد الولادة بسبوعين فقلت يعني الوضع مايحتاج لمستشفى بعد معاناتي في الترقيد قلت نابي اوولد
يوم الثلاثة كانت الافرازات مستمرة والفضول بياكلني قلت الى امي شرايج نروح مستشفى جدحفص نكشف اذا ولادة واكيد لا بيولدونيىواذا مو ولادة بيعتقوني بس اهم شي نطمن هذا العصر ع الساعه ثلاث
قالت خلاص قومي سبحي وخل نروح امي تحب المغامرات مثلي وطبعا زوجي مايدري
رحنا واحنا ننزل نجوف الناس حاملة باقات ورود وجاية لناس والدين واقول الااي لوزين بكرة تكونو مكانهم وامي تضحك
ودخلنا موقف الطوارئ
اكشن رقم (3)
وامي تعلق تقول بيقولو من هذي الا جاية تولد تمشي على رجولها وتضحك ههه وقعدنا نضحك جافتنا النرس وسئلت شنو في؟ وامي تقول هذي امس نزل دم شوي جاين نكشف قالت في الم قلت لها لااا قالت لاعادي هذا وامي مصرة تقول جيكي احنا بنرجع البيت بس بنطمن
قالت اوكي نطرو ونادتني وفحصت وانا اسمعها تقول لي صوبها ثنين ونص ثلاثة :confused: تقول لي ولاااادة :biggrin: وقالت الى امي وامي خافت تقول رجلها مو ويانا والنرس تتضيرف ليش رجلها الي بيولد ؟ ههههههه وانا حدي مستانسة ولادة وثلاثة سانتي ومافي الم
ههه سهلة يا ولادة
دخلوني غرفة العمليات الساعه اربع العصر وكل شوي تجيني نرس في الم اقول لااا تقول غريبة
وانا اقول شكلي ع السبع بولد < اي هين
امي اتصلت في رجلي وجا وقال بيدخل يجوفني اول شي مارضو
عقب قالو اوكي خلوة يجي ودخل وانا شاقة الحلج يقول ها خلااص وباسني وطلع :o
ومن 4الى 9 مافي الم وصلت بس اربعه سانتي
جت الدكتورة وبطت جيس الماي الساعه تسع عشان يجي الالم وياريييييييت مابطته
بريييك لحسون برجع اكمل الموضوع