روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 35

الموضوع: أكشن ولادتي ~ بحبيب قلبي حسين ~

  1. #1
    عروس متألقة
    تاريخ التسجيل
    18/02/2010
    الدولة
    البحرين
    المشاركات
    208

    أكشن ولادتي ~ بحبيب قلبي حسين ~

    السلام عليكم ورحمة الله وبركاتة

    مثل ما وعدت الكل وخاصة مامات تجمع شهر 6 إني راح اكتب اكشن ولادتي طبعا القصة شوي طويلة بس احسن عشان تعيشو الجو F:

    بدا الأكشن يوم الخميس تاريخ 26-5-2011
    كان عندي موعد وزن عادي في المركز الصحي وليلتها كنت مو نايمة اتصفح النت واحاتي الولادة ( ع فكرة يابنات نصييييحة والله العظيم لا تستعجلون وتحنون على الولادة مثلي كانو يقولو لي لا تحنين بس ماكنت اسمع الكلام )
    المووووهم ~
    كنت قاعدة ع المنتدى واسوي سيرج في النت شلون اسرع الولادة ليما صارت الساعه اربع الفجر نمت وقعدت ع الساعه ست الصبح يعني ساعتين كان النوم مخاصمني قلت ردتي من الموعد بسمتها نومة :-#
    نزلت اتريق واخواني الصغار كانو بيروحون المدرسة واختي الجامعه وكل من يجوفني هاااا فيج الم ؟ ههه ع بالهم بولد قاعدة من الصبح < للعلم اخر الايام رحت بيت ابويي انام لأن شقتي في الطابق الثالث ماقدر ع الدرج
    أخوي الصغير عنده فوبيا الامتحانات فكان يصيح ومنرفزنييي مادري ليش قعدت اصارخ وماكان لي خلق دلاعة واختي المحروسة طلعت للجامعه وبعد نص ساعه اتصلت نسيت بطاقتي الجامعية والسيكيورتي مو راضي يدخلني الجامعه قولي الى امي تجيب البطاقة :confused: وانا تعبانة ومو نايمة قالت امي عجل نطلع من الحين نودي البطاقة لها وعقب نروح المركز وقعدت اتحلطم يعني طلعنا قبل بساعه تقريبا من الوقت عشان نودي البطاقة ووصلنا المركز
    اكشن رقم (1)
    اول ماوصلنا لازم يقيسو الضغط والوزن قاست الضغط وتقول شفيه مخرف الجهاز واجد يعطي ان الضغط مرتفع وقاست مرة ثانية ومثل الشي:hysterical: قالت ارتاحي وردي بعد ربع ساعه وحديتنرفزت ماحب الانتظار في المستشفى ورحت لها بعد ربع ساعة ومثل الشي :| قلت لها والحل قالت تدخلين ع الدكتورة وتجوف الحل :thumbs_up: دخلت ع الدكتورة وفحصت وجافت كل شي تمام وقالت اوكي كل شي تمام وتوني بطلع انتبهت للفايل قالت تعالي ياماما ضغطج مرتفع :confused: ارتاحي وخلي الممرضة تقيس الضغط قلت لها اوكي قاست الضغط ومثل الشي اقول للدكتورة يمكن لاني مو نايمة امس قالت ماله دخل ضغطج واجد مرتفع لازم تتحولين السلمانية الحين بالاسعاف :confused: وهي تقول هالكلام انا للحين مو مستوعبه خطورة الموقف وضحكت ع كلمة اسعاف لاني ماحس بشي اقول لها لا دكتورة مايحتاج اكيد لاني مو نايمة تقول لو نايمة 24 ساعه بتطلع مثل النتيجة بديت احس بالخطر :clock: قلت لها انزين امي معاي بروح معاها قالت لازم اسعاف مانتحمل مسئولية ضغطج جدا جدا مرتفع قالت اتصلي برجلج واستشيرية تطلعين على مسؤليتج وتوقعين اتصلت في ابو الشباب نصعق يقول شالي رافع ضغطج قلت له ماعلييك شل حل قال روحيوانا بروح لكم السلمانية
    قلت لدكتورة. وقالت خلاص نعطيج ابرتين الحين وسيلان ونتصل بالاسعاف يجي في هالنص ساعهتحول حالي 180 درجة من اضحك ومومستوعبه الى وجهي اصفر وشاحب وكل علامات الخوف فيه :confused:

    اكشن رقم (2)
    جا الاسعاف وقالو ياله ننقلج من سرير لي سرير هههههه وانا ذيك الحزة افكر في نعالي اقول الى امي شيلي نعالي والمسعف يقول بنشيلة ورديت عدت الجمله ههه يقول شفيج لهالدرجة غالي بنشيلة ههه هنيحسيت بسخافة موقفي قلت لا بس بعدين شلون بمشي :o

    اكشن رقم (3)
    هه تحسبا لضروف البحرين والسلامة الوطنية :cool: لازم ورا كل اسعاف جيب شرطة فالدور بالنسبة لي حده انعاش والخوف ودقات القلب تتزايد وصلنا السلمانية وعملو لي الفحوصات وسوت الدكتورة لي اتراساوند وكان كل شي طبيعي ماعدا الضغط فقالت الدكتورة لازم تترقطين ونحاول ننزلة في هاليومين بالحبوب واذا مانزل طلق صناعي : فرحت قلت قربت جوفت حبيب القلب مادري شنو ناطرني

    ~.
    بما ان كان يوم خميس فالجمعه والسبت دكتورتي ماتداوم فكل يوم تجيني دكتورة تقول ضغكج نزل بس مانقدر نقرر نطلعج ولا نسوي طلق لازم تنطري للأحد يعني ثلاث ايام انتظر قرارهم بس :confused: والضغط صار اوكي وليبة الاحد مانمت ابي يجي الصبح وتجي الدكتورة تقول شنو جت دكتورة قالت بما انج 37 اسبوع احتمال نحط لج طلق صناعي وانا مستانسة برتاح من معاناة المستشفى حدها كريهه وتتعب النفسية وردت قالت بس بسئل دكتوراج الحين وبرد خبر :'بعد انتظااااار(

    اتصلت في رجلي وامي تعالوو احتمال يحطو طلق صناعي :biggrin: وجو بسرعه بس الحبيبة الدكتورة اختفت وكل مانسئل وينهي محد يدري فيها ودكتورتي ماتداوم الاحد فتخيلو موقفي يأست من الحياة

    وبدا اكشن الصياح والنياح بس ماااابي اولد بس ودوني بيتنا اعتقوني معلقيني بين السما والارض

    ونطرت نطرت لما جت دكتورة غييير لان النرسات اتصلو وقالو لهمان نفسيتي زفت وقاعدة اصيح جت دكتورة ع 12 الظهر وقالت رخصة :biggrin. بس لازم يوميا تروحي المركز تفحصي ضغطج قلت مو مشكلة اروووح بس افراااج


    قالت عجل خليني اسوي لج فحص من تحت ;)قلت اوكي وكانت ايدها خفيفة والظاهر سوت تحريض مو فحص بتعرفو السبب بعد قليل
    الموهم طلعت مع رجلي الظهر من المستشفى ومن فرحت رجلي لان كان معااااارض وخايف ع الطلق الصناعي راح اشترى كيك وبيتنا مايدرون رخصوني

    ودخلت عليهم وهم يتغدون والكل فرررح

    وتميت ليوم ثاني الاهو الاثنين طبيعية بس في الليل طاحت سدادة الرحم بس بدون الم يذكر وسويت سيرج في النت وناس قالو ان عادي تطيح قبل موعد الولادة بسبوعين فقلت يعني الوضع مايحتاج لمستشفى بعد معاناتي في الترقيد قلت نابي اوولد

    يوم الثلاثة كانت الافرازات مستمرة والفضول بياكلني قلت الى امي شرايج نروح مستشفى جدحفص نكشف اذا ولادة واكيد لا بيولدونيىواذا مو ولادة بيعتقوني بس اهم شي نطمن هذا العصر ع الساعه ثلاث

    قالت خلاص قومي سبحي وخل نروح امي تحب المغامرات مثلي وطبعا زوجي مايدري

    رحنا واحنا ننزل نجوف الناس حاملة باقات ورود وجاية لناس والدين واقول الااي لوزين بكرة تكونو مكانهم وامي تضحك

    ودخلنا موقف الطوارئ


    اكشن رقم (3)
    وامي تعلق تقول بيقولو من هذي الا جاية تولد تمشي على رجولها وتضحك ههه وقعدنا نضحك جافتنا النرس وسئلت شنو في؟ وامي تقول هذي امس نزل دم شوي جاين نكشف قالت في الم قلت لها لااا قالت لاعادي هذا وامي مصرة تقول جيكي احنا بنرجع البيت بس بنطمن

    قالت اوكي نطرو ونادتني وفحصت وانا اسمعها تقول لي صوبها ثنين ونص ثلاثة :confused: تقول لي ولاااادة :biggrin: وقالت الى امي وامي خافت تقول رجلها مو ويانا والنرس تتضيرف ليش رجلها الي بيولد ؟ ههههههه وانا حدي مستانسة ولادة وثلاثة سانتي ومافي الم


    ههه سهلة يا ولادة
    دخلوني غرفة العمليات الساعه اربع العصر وكل شوي تجيني نرس في الم اقول لااا تقول غريبة
    وانا اقول شكلي ع السبع بولد < اي هين

    امي اتصلت في رجلي وجا وقال بيدخل يجوفني اول شي مارضو

    عقب قالو اوكي خلوة يجي ودخل وانا شاقة الحلج يقول ها خلااص وباسني وطلع :o

    ومن 4الى 9 مافي الم وصلت بس اربعه سانتي

    جت الدكتورة وبطت جيس الماي الساعه تسع عشان يجي الالم وياريييييييت مابطته


    بريييك لحسون برجع اكمل الموضوع

  2. #2
    عروس مشرقة
    تاريخ التسجيل
    30/11/2006
    الدولة
    البحرين
    المشاركات
    350
    تيت في انتظار باقي الاكشن هههههههههههه

  3. #3
    عروس متألقة
    تاريخ التسجيل
    18/02/2010
    الدولة
    البحرين
    المشاركات
    208
    بطت الدكتورة جيس الماي ع الساعه 9
    وتسع ونص بدا الالم وكان يتزايد واقدر اتحملة واقول للنرسات متى بولد احس بألم يقولو بعدج توج انتي بجر
    وكانو بنات واجد جاين يولدون والناس تولد وتطلع وانا مكاني اصيح

    واصارخ واقول كلام مو مستةعبتنه الحين وهم يقولو لي تنفسي واتنفس واهدا شوي واحط الاكسجين واروح في عالم ثانييي احس مافيني طاقة ابي اصارخ بس مايطلع مني صوت وبديت الساعه 12 اصارخ صراخ مو طبيعيي والي في الغرفة الي صوبي تصارخ وانا اتحمس واصارخ هههه

    وتجي الدكتورة معصبة لاتصارخين كانت حدها مو خوووش

    وكنت اصيح والله اكسر الخاطر وحالنا ينرحم بس مافي قلبهم رحمة وكل ماقول لهم فحصوني يقولون بعدج وجت وحدة وثنتين وثلاث الا ربع وانا خلاااااااااص كلام موطبيعي اقولة وصراااخ احس من الصرخة تطلع صدى اقول لهم حموني حرام عليكم بس قولو لي جم صرت وهم يقولو بعدج 4 تخيلو الاحساس من 4 العصر الا ثلاث الا ربع الفجر 4 بس معقووولة؟ واسمع النرس تتكلم في التلفون تقول اسمي وتقول للحين ماولدت عرفت ان زوجي وقعدت اصارخ ههه فااااااااضل ما ولدت واصيح هههههه ما مستوعبة الي سويته

    واقول لهم والله احس شي بيطلع جت الدكتورة وسوت فحص الا تقول 8 سانتي يالله بتولد تخيلو وطلعت والهندية الي صوبي تقول بعد وقت وقهرتني قعدت اصفع وجهي لا لا موبعد

    والي صوبي اسمعهم يقولو لها بوووووش بووووش وزدت في الصياح غلبتني واصارخ اقول وانييي متىىىى

    الموقف الاعظم جت النرس وقالت لي فتحي رجولج وسوي بوش ولاتصارخين تخيلووو

    المعاملة الزفت

    وطلعت من عندي وقعدت اسوي يعني لوكان غلط وصار شي في البيبي

    وعقب جت ونادتهم يالله اكي بتولد ورفعي رجولي

    يالله بووووش بووووش وانا اسوي واسوي بقوا ماعندي

    وطلع الراس وطلع حسوووووون

    وهو يصيح وصرت كاني جذابة اختفى الام وحملتة بيدي شلون ماستكرهت مادري وانا اقول لااا تصيح ماما :adore:

    بكمل الشعور بعد قليل

    بنات طلبتكم حسون تعبان ومتعبني ومايشرب شي ومادري شفيه

    ادعوووه له من قلبكم الله يسهل عليكم
    ارجووووكم محتاجة الدعاء

  4. #4
    عروس مشرقة
    تاريخ التسجيل
    30/11/2006
    الدولة
    البحرين
    المشاركات
    350
    الحمدالله على سلامتكم وماعلية شر يمكن عطشان يبغي ماي مو شرط حليب او مضايق من الحفاظ

  5. #5
    عروس رائعة الصورة الرمزية ام لنوني
    تاريخ التسجيل
    29/11/2010
    الدولة
    قلب حبيبي وحياااتي ملك الدنيا
    المشاركات
    1,173
    حلوووووووووووووةه الاكشن والحمدالله على سلامتك
    والله يخليك حسووووووون يارب

  6. #6
    عروس متألقة
    تاريخ التسجيل
    29/10/2008
    الدولة
    في قلبهم
    المشاركات
    200
    يااااااااااي ويلااااااه .. هههههههههه عشت الجوو عدل ياااا ربي هووون

    ههههههههه كل كوم والنعال كوووم .. وعفيه عليش شكلش حبوبه هههه من يقولون بنفحص تخلينهم يعني بالسلمانيه ما في الم خليتينها تفحص يااااي واهي نيتها تحريض يا ربي يآلم التحريض

    ياا ربي حزبت زووود من جدحفص ما اتخيل آلم ووجع ومعامله زفته ..

    يالله هااانت الحمدلله على سلامتش وسلامه الكتكوووت ويا ربي يهديه ويرضع طبيعي .. وونتظر اكشن الاخير ..

  7. #7
    عروس نشيطة الصورة الرمزية ToOoma ToOomy
    تاريخ التسجيل
    15/11/2010
    الدولة
    مملكة الغالية
    المشاركات
    164
    يحليلج والله قمر فاضل........حمدالله على سلامه حسوني... ويتربى بعزكم............ عقبال ما نقره قصص البنات...... انتو السابقون وننحن لاحقون .... بس اكشنج عجيب ماندري ويش بصير فينا في الولادة هههههههههه

  8. #8
    عروس جديدة
    تاريخ التسجيل
    04/01/2011
    الدولة
    البحرين
    المشاركات
    25
    واااي حدي اندمجت

    والله خاطري اجرب الطبيعي

    جربت القيصريه وقلت توبه

    الحمدلله عندي ولد بكمل سنة ونص نعطيه سنه ونص زياده ونييب له اخت

    الحمدلله ع السلامه

    ويتربى بعزج وعز ابووه

  9. #9
    عروس مشرقة
    تاريخ التسجيل
    28/06/2008
    الدولة
    أإأإلششرق’يه ..
    المشاركات
    470
    الحمد الله ع السسلـآمه ويتربى بعزكم يارب ..
    ربي يجعله قدم خير عليكم ..
    مافيه الا كل خير يارب ..

  10. #10
    عروس ماسية الصورة الرمزية ريم81
    تاريخ التسجيل
    14/04/2004
    الدولة
    الإمارات
    المشاركات
    5,568
    سلامة حسون و الحمد لله على السلامه

  11. #11
    عروس نشيطة الصورة الرمزية جمرية والنعم
    تاريخ التسجيل
    08/02/2010
    الدولة
    البحرين
    المشاركات
    142
    صدق أكشن الحمدلله على سلامتش وسلامة الكتكوت
    والله يبلغنا ويرزقنه الذرية الصالحة ونمر بهالاكشنااااات

  12. #12
    عروس نشيطة
    تاريخ التسجيل
    26/03/2010
    الدولة
    بحرينية
    المشاركات
    186
    قمر فاضل مواقفج عجيبة وضحكت على قصة لنعال وعلى الي تصارخ صوبش اونتين تتحمسين وتصارخين معاها ههههههه
    كنت ناوية اروح جدحفص بس الحمدلله ولدت في سترة يقولون لي لاتصيحين ويشجعوني جنه قاعدين في ملعب يقولون لي حيو فلانة حيو فلانة هههه
    الحمدلله على سلامتش وسلامة حسون
    يتربى في عزكم ان شاء الله
    بس شنو قصدش انه مايشرب شي يعني مايمسك من المرضعه او من صدرش ؟
    انشاء الله مافيه الا الخير

  13. #13
    عروس مشاركة
    تاريخ التسجيل
    21/03/2011
    الدولة
    البحرين
    المشاركات
    96
    الحمد لله على سلامتش وسلامه حسون

  14. #14
    عروس مبدعة
    تاريخ التسجيل
    29/01/2007
    الدولة
    بيت امي وابوي
    المشاركات
    906
    الف الحممد لله على السلاامه

    ويتربى في عزكم

    واسمه حلوو على اسم زوووجي اهم شي هههههه

  15. #15
    عروس ركن الأزياء الصورة الرمزية لوليكي
    تاريخ التسجيل
    18/04/2008
    الدولة
    بين عائلتي الصغيرة
    المشاركات
    7,647
    الحمد لله على سلامتكم حبيبتي ويتربى بعزكم حسون
    الله يحفظه ويخليلك اياه يااااااااااارب
    عجبتني المنافسة بينك وبين التانية الي بتولد هههههههههههههههه

صفحة 1 من 3 123 الأخيرةالأخيرة

المواضيع المتشابهه

  1. قصه ولادتي بحبيب قلبي (زيااااد)
    بواسطة @نوووسه@ في المنتدى النساء و الحمل و الولادة
    مشاركات: 54
    آخر مشاركة: 17/06/2011, 02:49 PM
  2. ولادتي بحبيب قلبي "محمد"
    بواسطة بنت الاصايل في المنتدى النساء و الحمل و الولادة
    مشاركات: 108
    آخر مشاركة: 28/06/2010, 02:46 PM
  3. قصه ولادتي بحبيب قلبي وروحي (فيصل)
    بواسطة bent.aldossary في المنتدى النساء و الحمل و الولادة
    مشاركات: 56
    آخر مشاركة: 22/11/2009, 11:49 PM
  4. قصه ولادتي بــ ( نجد ) قلبي
    بواسطة نجــــد في المنتدى النساء و الحمل و الولادة
    مشاركات: 71
    آخر مشاركة: 21/10/2008, 03:24 AM
  5. قصة ولادتي بالقمر حسين نور عيوني
    بواسطة أم حسين في المنتدى النساء و الحمل و الولادة
    مشاركات: 118
    آخر مشاركة: 14/02/2008, 07:39 PM