بنات ضروووووري ابي حل سريع

[ملعقة فرح]

السلام عليكم ورحمة الله وبركاته
بنات مادري يمكن انا مبالغة في المشكلة بس انتو حكمو

انا الحين في الشهر الثامن من الحمل وعلى طول مزاجي ونفسيتي على اقل شي تتعب المهم بختصر المشكلة
امس كان عندي مناسبه خاصة مع زوجي يعني بالاحرى هي اليوم بس انا قدمت الهديا والمفاجاة مافيني صبر
:cool: قلت خل اكسر الروتين ردت زوجي من الشغل تعدلت ولبست فستان وحطيت ميك اب وبرزت غرفة النوم والبجامة والهديا والكيكة ونطرت ، جا ابو الشباب ويازعم تفاجأ ليش هالكشخة وجذي قلت له بس حبيت اغير وقال ادري بهالمناسبة وبتسمت قعد في الصالة قال كلمتين مدح وقال انا بنام :confused: قلت يابنت قومي طلعي الكيكة طلعت الكيك واكل شوي وشكرني وقال بنام :confused: قلت خل اطلع الهديا طلعتها وجافهه وعجبته بس كانت الساعه مو ماركة راقيه هو بين انه فرح بس قال لي جملة احبطتني قال انجان قلتي لي بعطيج فلوس تزيدين عليها تجيبي ماركة اكشخ تحطمت انا ما اشتغل وفلوس الهديا متسلفتنها من امي وبعد مو رخيصة وشكرني على الهديا وبين انه فرحان وقال بنام :confused: وانا قاعدة بكشختي بفستاني وكان نايم على الكنفة في الصالة قلت له انزين تعال الغرفة اريح لك قال لا بنام هني تخيلو يابنات موقفي كل هذا صار في ربع ساعه وانا متعدلة ومتزينه قمت قال لي وين طالعي التلفزيون من القهر سويت عمري عادي ودخل بدلت لبست ثياب بيت ومسحت الميك اب وقلت بنام في الغرفة هو حس شوي اني زعلت وجا سدح روحة وعلى طول نام قلت يمكن تعبان من الشغل يمكن ويمكن بس ماقدرت اقنع روحي قعدنا المغرب وفيني غصه بس كلمته عادي والليل طول الليل في المباراة ونمت بروحي ع الرغم انه يحبني وحسيت اكسر خاطرة بس هل انا مبالغه ومو قادرة اسكت واحط في قلبي لان احس اني انجرحت امس كاني مو مسويه شي صدق هو يعتز بالشي الا اجيبه بس ماكان جذي ومستحيل الي صار يشككني في جمالي لان لاهو ولا احد ينكر جمالي بس قلت يمكن يمكن اليوم يجيب ليي هديا او شي بس قلبي مو راضي عنه احس روحي مجروحة لاتقولون كلميه وصارحيه تعبت وانا اصارح يكون رده السكوت ع طول مايعطيني رد تتخيلون؟ تزيد حرتي تعبانة ومو عارفه شسوي ساعدوني قبل لا يرد من الشغل الله يخليكم

[الفتاه الذهبيه]

اممم حبيبتي صبري عليه وخلي المفاجات بعد الولاده يمكن يحسك تعبانه والمهم انو يحبك ياقلبي
مادام انك تعرفين انو يحبك خلاص ارتاحي وهوو له اسبابه يمكن تعباان من العمل
انت اعذريه ولاتتمشكلين معه والله يوفقك ياقلبي

[ملعقة فرح]

شكرا على الرد بس اذا سكت بنفجر انا صدق ساكته بس احس ظلم لو اطوفها له جذي وايد انكسرت امس تتخيلي انك متكشخة ومنظمة ومشترية وعقب في عشر دقايق شكرا وبس على الاقل يقعد معاي مجاملة مو شرط نقيم علاقة ولا شي لو قعد معاي وجاملني وعطاني وقت واهتمام اكثر

[فهدونه]

بس فعلاً الحامل شعورها بالضيق و التعب

يخليها متنرفزة و متضايقة و تحس أنها مش مرغوب فيها

هذا الشعور كلنا مرينا فيه !!!!

بس سبحان الله شعور الرجل غير هو تلاقينه أ نكسر خاطره

و مش قادر يساعدج ألحين مرري له السالفة و خلج طبيعية و لا تزيدين اللي فيج

بس هالشهرين و صدقيني كل حاجة بتروح و بتعدي على خير .....

حاولي تطلعين تروحين البحر أو أماكن مفتوحة مثل الحدائق بتحسين براحة

نفسية عجيبة و خاصة أذا أحد من صديقاتج أو أخواتج معاج علشان تغيرين الروتين!!!!

الله يعدي هالأيام عليج و أنتي بصحة و خيرF:

[@طفلة زوجي@]

لا تزعلين يا قلبي خليج عادي انا ماالومج لانج حامل
والحوامل دوم يحسون بالضيق والتعب والارهاق
دام هو فرح بالهدية والتغيير خليج عادي
حاولي متتضايقين وايد لا ياثر عليج
وتتنرفزين اكثر وديري بالج ع نفسج

[انفاسـﮱگ دخـﮱون]

يا قلبي انتي صج الوحده ينكسر خاطرها خصوصا لاكانت حساسه ومرهفه الاحساس بس انتي لا تفكري بها الشي وطنشي ولا كنه صار يمكن تعبان ولا شي اخلقي له الاعذار وان شاء الله يجي ويتعذرج بس اهم شي ما تحطي بخاطرج هذا هم الريايل انانين

[ملڪَٺڪَ آلآبدية]

حبيبتي لا تضايقيين نفسسشش خلش عادية
حتى تجامليين نفسش عشان الي ف بطنش
استحملي كلشي وخلي العتب والزعل ورى ظهرش
وخلش عادية وياه بس لين حسيتينه رايق وانتوا فوق السريير
وجا لش ومبين انه يبي شي حاولي انشش تتغلين عليه
وانش مو مبالية ليه ولين كلش كلش حسيتيه كلشش فتحي الموضوع
له وتعاتبوا وقولي له بكل شي في صدرش صدقيني بتلقيين حل
والله يسسهل عليييش ويوفقشش ياارب .~ٍ

[أشواك ورد]

مرحبا عزيزتي , عزيزتي , ليش انتي ما بادرتي , ليش ما حضنتيه ما عطيتيه قبلات ! يعني

كأنج تقولين يا فهيم افهم , هو فاهم أنتي اشتبين هو ذكي , هالحركات بالنسباله ولا شئ

هالأشيا الي سويتيها من ترتيب وهدايا اشيا حلوه ما قولج , بس أنج انتي تبادرين هو الأحلى

يعني يوم انسدح كان عطيتيه قبله عل الجبين , وشكله من النوع الي يحب يغيظ , كان

يتغشمر يوم قالج عن الساعه ولمح انها رخيصه هذي مزحة رجاجيل , ريلج لازم تفهمينه

وتدرسينه عدل ترى هو مب شين , الموقف هذي عادي , انسيه , بس جوفي ملابس النوم

لازم كل ليلة تنامين فيها تلبسين فيها قميص نوم حلو مب بس في المناسبات , والمكياج

ماقولج حطي فل ميكب بس حطي روج بودره كحله تحممي تعطري بشكل يومي , ابي منج

الحين تمارسين حياتج اليومية وتنسين الموضوع .

[كياآن إآنســـاآنـــة]

حبيبتي انتي اخترتي وقت غير منااسب الافضل تختارين وقت فراغ زوجك

موفقة ياقلبي والله يفرج همج

[بياض الثلج2]

حبيبتي انتي تقولين هو ياي من الشغل وانتي ماتشتغلين يعني ماتعرفين شو صار بالشغل من ضغط ونفسيه وتعب وارهاق اليلسه والمشي وكفايه انه رغم هذا يلس معاج وكل ومدحج لو بكلمه معناها انه يحبج بس يمكن كان متضايج من شي بداخله وما حب يحسسج او يفكر بشي ووقت رجعته من الشغل الظهر والله تعب انا احس فيه لني اداوم يعني وقت غير مناسب للأحتفال حبيبتي انا بالعاده احتفل بالليل المغرب اللعشى هب الظهر بس بالنسبه لللهديه صح اسلوبه مب شب بس شكله اللي بقلبه ع اللسانه يعني ملقوف شوي بس يمكن مب قصده شي والهديه بمعناها مب بقيمتها لاتزعلين بس الحساسيه الزايده من الحمل ويمكن يفاجأج بعد الولاده .

[saralina]

ربي يوفقك أختي وييسر ولادتك
لا تزعلي أبداااا زوجك واضح تعبان من الشغل لأنه يقلك عاوز ينام....لا تزعلي ....المرأة اللي قاعدة كل النهار في البيت ما يخطر ببالها قد ايه الراجل بيتعب....وممكن مر بظروف وأموووور متعبة و محبطة....
طولي بالك عليه ..........

[mrs.7la]

انتي يمكن تكوني اخترتي التوقيت الغلط ما ادري ويمكن حساسه زياده مع الحمل ماادري بس شوفي الرجال غييييييييييرنا انتي صارحيه لو حسيتي انك متضايقه لسه مافيها شي المصارحه وقوليله خلاص الساعه ماعجبتك برجعها لانك اكيد ماراح تلبسها مو لازم كل شي يشتريه لك زوجك ولا تشتريه له يعجبك او يعجبه الله يسعدكم سوا