السلام عليكم
درسنا اليوم عن مفرش بالنول المربع واعتقد انو سهل عن كل الدروس الي شفناها قبل
لكن فيه ملاحظة مهمة
الدرس هذا لا ينفذ الا بخيط صوف سميك والي ما عندها لا تحاول تعملو بخيط رفيع لان النتيجة صفر
طبعا الي ما عندهم خيط سميك محتجين علي حاليا وبكرا بنلاقيهم في ساحة المنتدى متظاهرين عليا (الطلاب تريد اسقاط الابلى ) <<<
طيب شو بيعملو يعني
انا بقولكم
الي ماعندهم خيط سميك يجيبو الخيط الرفيع الي عندهم ويقسمو البكرة لاقسام يعني يعملو بكرات صغار وياخد طرف كل بكرة ويبرمو الخيط منيح لما يعطينا حبل مبروم من الخيوط الرفاع
طبعا ما تكترو خيوط
ومن الافضل طبعا انا نجيب خيط سميك ونريح راسنا :sick:
الدرس اليوم مشروح بشكل جيد في فيديو على مرحلتين
اتمنى تتابعوه بتركيز وان شاء الله تفهموه
طبعا مالكم دخل بالصوت اقطعو الصوت وتابعو
الجزء الاول
[YOUTUBE]GuU4uvoTKKU[/YOUTUBE]
الجزء التاني
[YOUTUBE]nrgE7iLS82I[/YOUTUBE]
طبعا ملاحظين انها بتاخد خيط وتترك التاني وكمان ركزو منيح في طريقة تركيب الخيوط
كمان الاشياء الي بتستعملها السيدة الي في الفيديو ممكن نبدلها باي شي يقضي نفس الغرض
يعني الابرة ممكن ابرة كبيرة اذا عنا وممكن مشبك شعر او اي شي تلاقوه
المشط ممكن نعمل بادينا او بشوكة بلاستيك او متل ما تحبو
اتمنى يكون الدرس سهل وواضح
خدو راحتكم في التطبيق
وانا في انتظاركم
في امان الله F: