السلام عليكم
اليوم راح نتعلم كيف نعمل مفرش بالنول المربع وراح نعمل مع بعضنا مفرش بسيط كبداية , متل ما
شفنا في الدرس الاول ان النول المربع ممكن نعمله من اطار خشبي و نثبت فيه عدد من المسامير
بمسافات متساوية .
الان راح نتعلم كيف نعمل مفرش بالنول
اول شي راح احاول اشرح طريقة اللف
بنشوف في هالصورة رسمت مربع باللون الاسود وعملت المسامير باللون الاحمر
اول خطوة باللون الرمادي
نربط الخيط على المسمار الجانبي ونمررو للمسمار الي جنبه ونلفه ونمده للمسمار الي مقابل له ونلف من عليه
الخطوة التانية باللون الازرق انا بنرجع للمسمار الاول ونلف الخيط عليه
هنا بتختلف الخطوة الجاية حسب نوع الخيط
اذا كان الخيط سميك وهذا هو الافضل بنمر على طول على المسمار الي جنبه
واذا كان الخيط رفيع بنلف كمان مرة وهالخطوة هي الي مثلتها باللون الاحمر
وهيك بنستمر بنفس الخطوات وراح نشوف تفاصيل اكتر في الصور الجاية
هون ما صورت الخطوات من البداية بس بحاول اشرحها
احب اذكر ان من الافضل ان يكون الخيط الي بنشتغل بيه صوف سميك
هون بنشوف الخيط مربوط على المسمار الجانبي وعملت نفس الخطوات على المسامير الي جنبه
بحب انبه اني استعملت خيط مزدوج فما احتاجت اني الفه كذا مرة على المسمار
في الصور هادي بنشوف الخطوات الي كنت بشرحها في الرسم
مديت الخيط من المسمار للمسمار المقابل
بعدين لفيته وراح ارجع للمسمار الاول
الان راح الف الخيط من على المسمار واروح للمسمار الي جنبه
وبكرر نفس الخطوات الى ان اخلص المسامير
الان وصلت لاخر مسمار
راح الف الخيط من تحت المسمار الجانبي واروح للمسمار الي جنبه مشان ابدأ في الصف التاني , نشوف الصورة
وبكمل بنفس الطريقة
امد الخيط للمسمار المقابل
والف وارجع لنفس المسمار واروح للي جنبه
وهيك بستمر الى ان اخلص الصف كله
فكرة تانية ممكن نعمله
بعد ما بنخلص الصف الاول في هاي الخطوة
ممكن نغير الخيط ونعمل لون تاني , بنشوف كيف
نربط الخيط على المسمار الجانبي الي وصلنا اله
بعدين بنجيب خيط تاني بلون تاني
وبنربطه في المسمار الجانبي الي انتهينا عنده
وبنكمل بنفس الطريقة
وهيك وصلنا للاخر بنربط الخيط على المسمار الجانبي ونقطع الخيط
وبنلاقي هاي النتيجة
وهذا من الظهر
وهيك بننتهي من مرحلة اللف وبنيجي لمرحلة التثبيت
يتبع في الدرس القادم
المشاركة الأصلية كتبت بواسطة الشيخه لولوه
