[BACKGROUND="100 http://www.3roos.com/files/ups/2011/227899/01299644658.jpg"]
السلام عليكم ورحمة الله وبركاته ..
قبل سنة تقريباً من الآن .. طرحن مشرفات ركن التربية والطفل مسابقة لـ أجمل غرفة أطفال
و قدرت أشترك فيها على آخر لحظة .. والحمدلله فزت بالمركز الثاني
طبعاً أول ماطُرحت المسابقة كانت غرفة أطفالي جدران وستارة فقط !!!
ولدي كان توه صغير وبنتي ماعودتها تنام بغرفتها فكانت تنام معنا بعد بنفس غرفتنا
بداية تفكيري كان إني أفرش الغرفة ، كان عندي 3 خيارات /
باركيه - فينيل - موكيت
أول واحد استبعدته الموكيت حسيته مو عملي للأطفال لأن تمر عليهم فترات يمرضون
ويرجعون .. أو يكبون سوائل حليب أو عصير فشلته من بالي
احترت مابين الباركيه والفينيل قلت بشوفهم بعيني واقرر أي أختار
رحت وشفت الأشكال والأسعار وآخر شي رسيت على الفينيل :032:
عجبني شكله قريب لدرجه كبيرة من الباركيه وسعره حلو ومعقول
فرشناها بنفس اليوم وطبعاً للي يعرف الفينيل العيب الوحيد فيه هو ان لازم الأثاث
ماتدفينه عليه تشيلينه لأنه ينشق !!!
لما خلصوا الفرش علمت زوجي الأماكن اللي أبيها للأثاث علشان يحطونها
ويبدأ شغلي بالترتيب والتنسيق
أول شي ابتديت فيه بعد ماكنست الغرفة ترتيب أسرة أطفالي
وتعمدت إني اختار نفس الديزاين لمجمل الغرفة ( ستارة - مفارش - ستيكرات ...الخ )
جهزت قائمة بكل الأشياء الناقصة والكماليات اللي راح احتاجها علشان تكمل الغرفة
دعاسة الباب ، تعمدت أختارها بألوان زاهية قوية بما أن الأرضيه هادية نوعاً ما
بوكسات وعلب وسلال لأغراض أطفالي الصغنونه
( أغراض الشعر - العطورات - الشرابات - الجزم ...الخ )
وأخذت سجادة صغيرة للغرفة ، وبراويز صغنونه حطيت فيها صور تناسب لأعمار الأطفال
واشتغلت عليها وبديت أرتب كل غرض بعلبة تناسب حجمه ..
البوكسات الثلاثة الكبار حطيت فيهم جزم الحلوين كل واحد له بوكس ،
والثالث خليته لشنط بنتي
والملونات الصغار والسلال الخضراء والحمراء حطيت فيهم أغراض بنوتتي
( ربطات - مشابك - اكسسوارات ... الخ )
طقم السلال الكبار منهم حطيت فيهم شراباتهم ، واللي أصغر استعملتهم لكريماتهم
وفرش الشعر وأعواد الأذان ...الخ
حطيت كل شي في مكانه المناسب وفرشت السجادة ونسقت البراويز
وبكذا أكون خلصت الحمدلله من ترتيب الغرفة :060:
[/BACKGROUND]
رد مع اقتباس
: