السـلام عليكم اخواتي الغاليات بمنتداي الغالي عروس :adore:
من زمان عن هالقسم ومن زمان ماحطيت لكم من اعمالي لانشغالي بالحمل ادعولي ان الله يسهل علي ولادتي وكل اموري ...
الشغل الي بعرضه عليكم اليوم اهو مهاد للبيبي الشغل اخذ مني خمس ساعات متفاوته وغير متواصله ..:clock:
وتعديل وتحميل الصور اخذ مني وقت بعد
استخدمت مهاد عندي لبنتي وسويت عليه المهاد توفيرا للوقت والجهد وبعد مالي خلق اروح اشتري القطن والسحاب واركب قلت اجدده واستخدمه واستغله بدال ماهو مركون وبعد لان ماعندي وقت وموعد ولادتي بحيل الله مابقى له شي يعني بد العد التنازلي وانا توه طقت بالي الفكره وقلت لزم اسويه يعني لزم اسويه ههههه
بخليكم مع الصور لخطوات العمل ....بس قبلها بقولكم شغله الي اوله شرط اخره نور الي تدخل الموضوع وتشوف شغلي عندها ثلاث خيارات ياانها ترد علي يا انها تقيمني او انها تدعيلي من غير الخياريين الاوليين هااا شرايكم بالعرض هههههه
نبتدي بسم الله الرحمن الرحيم
وانا ارحب باي تعليق او انتقاد او اي ملاحظه مع كل حبي:L: لكم يابنات المنتدى الغالي
وطبعا عذروني ماحطيت لكم ورود وحركات ولميع ومفرقعااات ......:cool:
هاذا مهااد كان لبنتي والي راح اسوي عليه المهاد الجديد
هاذا القماش الي اخترته لونه بني والكلفه نحاسيه على بني على ذهبي
هني قصيت القماش المستطيلات بيكونون الكشكش على الجوانب والمربعه الي تكون بالنص
القطع المستطيله نكوي اطرافها الطرف الخارجي كفستين والطرف الداخلي كفسه وحده تكفي
الطرف الدخلي نعمله خياطه برقم كبير رقم 4 علشان بعدين نسحب خيط الي بوجه المكوك ويصير عندنا شكل الكشكشه او الزم
وبعدها ركبته على المهاد ...
هني لما ركبت القطع المستطيله على الجوانب
بعد تركيب القطعه المستطيله وتثبيتها بالدبابيس حتى يسهل خياطتها ...
هني خيطة مكان الابر
الحين باقي القسم العلوي والي سويته اني قصيت القماش المزموم واخذت باترون او شكل الدائره باستخدام ورق جريده
بعدين ركبت القماش بعد ماقصيته على القياسات المطلوبه
الحين بعد ماخلصت كل الخطوات والعمل ناتي للصور النهائيه للعمل
والحين الصوره الكامله للعمل هههه لزم بعد شوي نسوي حركات علشان نشوووق المشاااهدين خخخ
وهاذا اهو المهاد الحمدالله خلص وبنتظار البيبي ربي يجيبه بسلامه
لاتنسوني من الدعوات والي يعجبها موضوعي لاتتردد بكتابه رد او تكبس على الميزان او تمر وتقول دعوه بقلبها ان الله يسهل علي ....
اختكم
أم زهراء
ملاحظه : الي يعجبها الموضوع وتحب تنقله امانه عليها تذكر المصدر وماتنسبه لروحها وكل الشكر ...