مرحبا
يلا ياجماعه حضروا مريلة المطبخ والجوانتيات ( الكفوف البلاستيك ) وابتدوا معاي
اولا:
المقادير......
1- مغلف ماجي اسرار خلطة الباشميل
2- علبة 250غ مكرونة
3- 1 كلغ دجاج ( منزوع العظم والجلد ومقطع ) .... للسهولة تقدرون تاخذون صدور دجاج مجمدة مخلية من العظم والجلد .. مايلزمكم الا تقطيعها
4- 1 كوب جبنة موزاريلا مبشورة ( واللي يحب يزيد جبن حسب الرغبة مو مشكلة )
ثانيا:
طريقةالتحضير......1- غسل القدر جيدا ( امزح معاكم اكيد بتغسلونه )
2- تحضر ماجي اسرار خلطة الباشميل نفس ماهو محدد غلف الغلاف وتغطى علشان ماتجف
3- يغلي الماي علشان نسلق فيه المكرونة ونحط فوقه شوي زبدة وشوي زيت علشان المكرونة ماتلصق مع بعضها ( تقدرون تعرفون كمية الزيت لما تحطون المكرونة وتقلبونها ... لازم ماتتشابك وتكون حركتها بسهولة ) وتضيفون مكعب ماجي واللي يحب شوي ملح يقدر يحط لكن مكعب ماجي يكفي ,, وبعد ماتغلى المكرونة وتستوي تنحط في مصفى
4- تسلقون الدجاج لحد ماينضج وتحطون معاه عود دارسين علشان تروح زفرة الدجاج وكذلك مكعب ماجي ... وبعدين تقطعونه
5- في صينية بايركس ... تحطون نصف كمية المكرونة وفوقها نصف كمية الدجاج وتغطونها بصلصة الباشميل وتكررون العملية لحد ماتنتهي الكمية وطبعا لازم تكون اخر شي من فوق الصلصة
6- ترشون الجبنة على السطح وتدخلونه الفرن على نار متوسطة لمده 15 او 20 دقيقة
والفصحةوعاااااااااااافية
رد مع اقتباس
السلام عليكم ورحمة الله وبركاته 
بنت المملكة
